رواية عشق ابيض واسود الفصل السادس والعشرون 26 الجزء الثاني بقلم عائشة الكيلاني

رواية عشق ابيض واسود الفصل السادس والعشرون 26 الجزء الثاني بقلم عائشة الكيلاني

جنة بصوت مرتعش:- اضغط يا سليم لو دا هيريحك ف انا ادفع عمري علشانك موتني و طفي النار الى في قلبك نورا مش هتتوجع غير بموت حد من عيالها 

نزلت دموعها بوجع و خوف:- ياسر لازم يعيش علشان ياما شاف ا انا مش عايزة الدنيا ولا الى فيها انا بطلب منك الرحمة عايزة اموت و اترحم من كل دا 

سليم بصلها بحزن غمضت عيونها و هى واثقة و متأكدة ان سليم هيقتلها كانت بترتجف فضل يبصلها دقايق نزل المسدس و رماه بغضب على الارض جنة فتحت عيونها قال بغضب مكتوم و قهرة:- مش عيال شاهين الى ينتقمو من ناس ملهاش ذنب 

سكت شوية و بعدين بصلها و قال:- انا نور للاسف معلمتنيش كدا ولا اسر رباني على الانتقام ولا ابويا الى ضاع عمره علينا ربا في قلبي الانتقام و كسرت ناس ملهاش ذنب 

جنة دموعها نزلت بوجع لخبطة فرح انه منتقمش ولا قتلها قهرة عليه مشاعر كتير اوى جواهم كل واحد منهم جواه حزن السنين فاقو من سرحانهم و نظراتهم لبعض على صوت اسر الى كان بيبصلهم بتراقب و عدم فهم:- انتوا بتعملوا اي عندكم 

سليم:- كنت يسألها عن ياسر لانى بقلي فترة مش بشوفه 

جنة هزت راسها بهدوء رغم التوتر الى جواها:- اه يا عمي كان بيسالني عن ياسر بقله اسبوع مسافر معرفش عنه حاجة اكل العيش بقا 

اسر بشك:- لا ربنا يكون في عونه يلا روحي مكانك و انت هتمشي ولا هتقعد اصلا انت كنت فين من الصبح 

سليم :- كنت مع اصحابي 

اسر بصلهم و قال بغموض:- تمام 

اسر بص على المسدس الى على الارض قال بهدوء و ثبات ممزوجين بتوعد:- حد يشيل البتاع دا مش عايزين مشاكل و لم اطمن ان نور كويس لينا قعدة احنا التلاتة 

جنة جريت على قسم الطوارئ و قعدت جانب لبنى سليم و اسر جوم اسر قعد جانب لبنى و سليم واقف و سند راسه على الحيط على اد ما متعصب و زعلان من نور و تصرفها على اد ما هو خايف عليها هى كل حاجة ليه أما تحت برا المستشفى 

قاسم رمش عينيه بصدمة بيحاول يستوعب كلامها سكت فجأة انفجار ضحك :- انتي بتهزري ، اتوقع اي بعد كل دا انتي بتنتقمي مني بس مش عارفه هههه اتخطبتي و العدة لسه شغالة 

جميلة ربعت ايديها ببرود :- فضل شهر و اخلص و بعدين انت مال اهلك هاا مالك بيا اتجوز ولا اتهبب 

قاسم:- انتي حالي يا جميلة انتي حالى و حياتي الى مكمل في الحياة علشانها 

جميلة ابتسمت بمرارة :- تعرف لم اتقدمت و حتي بعد ما اتخطبنا كام واحد قال عليك لا يا راجل دا انا كنت هقطع اخويا علشانك اتخنقت مع نور و قطعتها علشان بس قالت انك مش مناسب و متنفعش ليا لا يا قاسم انت اذيتني كتير اوى فاكر وعدك ليا ها خليكي اسعد واحده في الدنيا هخليكي تضحكي ها خليكي مبسوطة 

بصت له بعيون لمعة بوجع:- بقيت تعيسة بضحك على خبتي و غبي و غباء قلبي انه حبك و صدقك بقيت بمثل انى مبسوطة و طبيعية علشان محدش بشفقة عليا و على كسرتي انت موتني بالحية امشي يا قاسم لو فعلا لسه ليا معزة عندك امشي و متخلنيش اشوفك تاني 

جميلة طالعت على فوق جري دخلت التواليت فتحت صنبور الماية سندت ايديها على الحوض صنبور الماية  بتبص على انعكاسا في المرايا و هى بتفتكر لحظاتها مع قاسم و اد اي وعدها وعود كدابة 

فلاش 

قاسم:- انا بحبك و هتجوزك بس اصبري شوية و بعدين انتي بنت عمي و محدش يقدر يجيب سيرتك بحرف مش بكلمة 

جميلة :- قاسم طالما بتحبني يبقا لازم نتجوز انا مش هخون اهلي تاني 

قاسم بحادة:- انتي مش واثقة فيااا لدرجة دى شايفني كداب انزلي يا جميلة 

جميلة:- قاسم انا مش قصدي 

قاسم:- لا ما هو لو مش واثقه فيا يبقا بلاها انا مش هموتك يعني انتي مكبرة الموضوع بصراحة 

مشهد تاني 

قاسم:- بس انا سبق و قولت انى مشغول يعني مش هينفع نسافر حاولي تقنعي امك بكدا دا لو بتحبني 

جميلة :- خلاص يا حبيبي ولا يهمك بلاها سفر سيب الموضوع دا عليا اصلا سافرت كتير مش مهم السفر المهم ان ابقي معاك 

قاسم:- و السكن 

جميلة بهدوء:- مالو اظن دادي متكلمش 

قاسم:- اه طبعا بس انا للاسف مش هقدر اسكنك في فيلا او اعيشك بالنفس المستوى الى انتي فيه لا الحالة مدمرة معايا يدوبك الشبكة و الفرح دى غير المشروع الى عملو لشركة 

جميلة اتنهدت بهدوء:- ولا يهمك يا قاسم طالما مش معاك انا موافقة اروح معاك اى مكان المهم انك تكون بخير يا حبيبي 

قاسم قبل ايديها:- ربنا ما يحرمني منك يا حبيبتي 

باك 

بصت لى انعكاسها في المرايا بقوة و ثبات هزت راسها بنفي:- لا يا قاسم انت مش هتكسرني ولا ها سمحلك تدخل حياتي تاني انت دمرتني بعد كل الى عملتوا علشانك لكن لحد هنا و كفاية جميلة بتاعت زمان ماتت الى دلوقتي متعرفش ضعف ولا تعاطف ولا حزن 

كملت بثقة:ـ انا هعيش مبسوطة و بسس الماضي ورايا و مش هيتكرر تاني هو كدا 

جميلة خرجت اتجهت ليهم بابتسامة:- هاي يا جماعة كيف الحال 

ملك:- يارب ربع روقانها و برودها انتي يا بنتي على طول رايقة 

جو في اوضة نور 

في شقة نورا 

منى كانت حضنة نور و دموعها في عينيها 

نورا:- يا منى ارجوكي امشي دلوقتي قبل ما ييجو 

نور مسكت فيها اكتر و هزت راسها برفض:- لا انتي مش هتامشي 

منى بدموع:- هجي تاني يا حبيبتي 

نور بعدت عنها و قالت بدموع:- انتي بتقولي كدا و مش هتيجي طب خدني معاكي يا ماما انا مش عارفه اعيش هنا من غيرك خدني معاكي يا امى ارجوكي 

منى قبلت راسها و قامت:- خلي بالك من ابوكي يا نور انا هرجع تاني 

نور:- وعد 

منى سكتت مش عارفه تقول ليها انها مش هترجع تاني لكن قالت بابتسامة:- وعد يا حبيبتي 

منى خرجت من الاوضة و لسه هتمشي خطوة علشان تفتح الباب نور بصوت عالي:- ااامى 

منى لفت وشها نور نزلت جري من على السرير جريت عليها لدرجة بسرعة لدرجة انها وقعت:-  ماما استني ارجوكي 

جريت على حضنها و بقت بتعيط و تترجاها تفضل نورا كانت بتعيط معاهم 

منى:- خدي بالك من ابوكي و اخوكي يا نور اوعي تسبيهم اوعي تسيبي اخوكي لوحده هو ملوش غيرك يا نور اوعي تزعلي بابا و تخليه يشتكي منك انتي ملكيش غيرهم يا حبيبتي سامعني يا نور 

كملت بوجع و اكنها بتوصيها:- اوعي تعملي حاجة تزعل ربنا منك فاهمني يا حبيبتي لو عايزني اجيلك اسمعي كلامي 

نور مكنتش فاهمة كلام امها يعني اي خلي بالك من اخوكي و ابوكي كانت بتسمع و هى مسكة في امها بقوة و رفض انها تسيبها نورا خدتها من حضن منى و منى خرجت و قفلت الباب بسرعة نور صرخت بأعلى صوتها:- مامااا 

مشهد تاني في المدرسة 

نور :- هاتي بقا 

منى صاحبتها:- تو اجري ورايا 

نور :- منى بجد هاديكي على وشك 

منى بضحك:- استني بس اقرا الكلمة دى يا نهار اسود انتي مصيبة اه والله و بعدين في واحدة تزعل ان ابن عمها بيقولها يا ابلة نونو والله انتوا مسخرة الفرح امتي بقا صحيح يل نور خليكم شاهدين انتي قولتي لم تتجوزي 

نور:- مش هتجوز 

منى:- هتتجوزي و هتجيبي بنت هتسميها منى على اسمي بليز يا نور سمي بنتك على اسمي 

حياة :- هو مش المفروض نخلص كلية و نتخرج و بعدين نتجوز 

منى:- انتي تسكوتي خالص لاننا كلنا واثقين انكي هتتجوزي انتي و عنتر دلوقتي مانتو مجانين و تعملوها ولا اي يا بنات 

كلهم رفعوا ايديهم:- نوفقك الراي 

نور:- هاتي الدفتر بقا 

حياة بضحك :- اموت و اعرف الحكاية اي 

عائشة:- يا بنتي اديها ام الدفتر 

منى حدفت الدفتر ليها بمرح:- امسكي يا كبيرة على الحب

نور مسكت الدفتر:- سخيفة 

منى و هى بترجع شعرها لوراء:- طب مانا عارفة ياااه الواحد اخيرا هينام براحته ودعااا الثانويه العامة 

منة:- لوووووووووووولي  عائشة تعالي معايا الفصل لان نسيت حاجه 

حياة:- خدوني معاكم نور 

نور:- والله ما حاسه بضهري ولا بنفسي عايزة انام 

منى جريت برا الحوش و نور وراها 

منى شورت لنور بفرح فجأة عربية خبطها و هى بتجري  لكن صرخت بأعلى صوتها :- منىىى 

باك 

فتحت عيونها بفزع و اكن لسه شايفة اخر لقا و مشهد موت اعز صاحبة ليها من دقايق بتحاول تنسي الى شافته لا منى الى ماتت قصاد عينيها ولا ابوها الى برضو مات و هو بيتكلم معاها ولا اخر لقا بينها وبين امها 

ياسين قفل الباب بابتسامة:- اي يا ست نور انتي حبة المستشفى ولا اي ولا عايزة تعرفي غلاوتك عندي ف بتتعبي 

نور بتبص لفراغ و مش بتتكلم ياسين قرب منها وقف جانبها حط ايديه على شعرها:- انتي كويسة يا حبيبتي 

نور هزت راسها بهدوء :- كويسة 

قالت بتردد:- ياسين ممكن تحضني 

ياسين حس انها متغيرة لكن محبش يضغط عليها حضنها و بيمسح على شعرها:- نور مالك متقوليش كويسة لانى مش عارفك امبارح 

نور غمضت عيونها:- كويسة بس شوفت كابوس 

ياسين قبل راسها فضلوا دقايق على نفس الوضع الباب اتفتح و كانوا اهلهم نور بعدت عن ياسين 

جميلة :- احنا هنموت من القلق عليكي و ام العيال عايشة في الرومانسية 

ملك  دست على رجليها:- بس بقا 

جميلة:- ااي هو انا اتكلمت ما تشوفيها يا تيته الرخمة دى 

ابتهال:- والله مفيش ارخم منك افصلي يا زفت 

لبنى:- حمدالله على يا حبيبتي 

نور:- الله يسلمك يا طنط 

نور كانت بتبص بتراقب ايوة بدور على اخوها حست بحزن و خذلان لم ملقتوش سليم فتح الباب و دخل و معاه جنة 

سليم:- انا بقول ناخد المستشفى لحسابنا بيم ان نور بتحبها لدرجة ان من اقل حاجة بتجيها 

جنة:- بس بقا انت بتقول اي 

سليم اتجه لسرير و قعد قصادها و ربع رجله 

نور:- قعد بالجزمة 

ياسين:- ولا هنخلص في دا يوم 

جميلة:- طب مين الى هيقول الخبر 

سليم :- انتي واحدة مومنة صح 

نور:- بعد الكلمة دى فى مصيبة 

اتسعت عينيها بصدمة و قامت بفزع:- اوع تكون اتجوزت و خلفت من غير ما اعرف 

سليم بصوت واطي لجنة:- هو انا سمعتي زفت اوى كدا عند اختي 

جنة ؛- ما بصراحة هى معاها حق انت لا تطق و دائما بتصدمها بمصيبة شكل صحيح انت اتجوزت من غير ما نعرف 

سليم:- طب اسكوتي لخليكى تباتي في المستشفى لمدا الحياة 

سليم:- احم انتي واحدة مومنة 

نور بنفذ صبر:- لا اله الا الله محمد رسول الله خير يا سليم 

سليم:- انا هبقا خال لى اربع عيال 

نور:- هو انت عندك اخت غيري اوع تقول ان ابويا كان متجوز تاني طول السنين دى 

اسر:- يااا بنتي 

جميلة:- اركن على جانب يا اخ شوفي يا ضرتي انتي حامل في اربع توائم 

نور غمضت عيونها و فتحتهم تاني قالت بعدم فهم:- قصدك حماتي صح 

لبنى:- يارب هو الحمل جاي معاكي بغباء ولا اي ما تشوف مراتك الى بدافع عنها بصي لان على اخري انتي حامل في اربع توائم تمام 

جميلة:- و انا بقا فكرت في شوية اسماء انما اي 

سيف:- سدو النفس 

جميلة:- بس بقا 

جميلة بابتسامة:- لبنى و هنا و سمر و ابتهال لو طالعو بنات و لو ولاد ميران و بحر و صقر و منهد 

جنة:: اي رايك في قضاء و قدر 

سليم:- أو عاطف و عواطف 

ملك:- سميها ست ابوها احسن 

نور لياسين بين سنانها:- عجبك كدا خليتني مسخرة الجزم 

ياسين:: تعالي يا جميلة تعالي يا حبيبت اخوكي 

جميلة اتجهت لياسين بابتسامة لكن صوت:- لهوووي اعقل يا ياسين 

ياسين ضغط على شعرها:- مين دول هااا بحر و صقر بتتريقي على ولادي 

جميلة:- ان شاء الله اعدم ماڤيا لو كنت اقصد و بعدين دى اسامي لنج حد يطول يبقا ابنه اسمه ميران ولا مهند ولا صقر الحقني يا دادي 

ياسين:- عايزها يا حاج 

اسر بص ليهم بياس و غيظ ياسين:- احنا اصلا لقينك على باب جامع انتي مش بنتنا ولا نعرفك 

لبنى بصت لنور:- عجبك كدا ارتاحتي لم قومتي الاخوات على بعض يارب تكوني ارتاحتي 

ابتهال:- ما تتهدي بقا بنتك محتاجة نقص من لسانها مترين اعمل الى عايزاه يا حبيبي ولا يهمك 

جميلة:- حتي انتي يا ابتهال طب والله 

ابتهال ربعت ايديها 

جميلة:- والله لعيط اهي اهي اهي 

جنة:- متحاوليش طب اي رايكم في اسم فراولة 

نور:- عندي حساسية 

سيف:- ليل 

نور:- حتي انت بتتريق هى عديتك عديتي العيال يا بعيدة 

جميلة:- بعيدة ولا قريبا هيهي مالك يا نور خليكي فرش دا انتي حتي ام اربعة 

نور بتفكير بصوت عالي:- هو مينفعش اخد واحد و ارجعلهم الاربعة 

ياسين:- مش عارف 

سليم:- مفيش ترجيع 

جنة:- ليه بس ما تسيبها يحاولوا 

سليم:- البضاعة لا تسترد و تبدل مفيش ترجيع اربعة يعني أربعة 

جنة:- طب خليهم تلاتة ولا اتنين 

سليم بنفذ صبر:- انتواا بتفصلو في اي و بتقولو اي هما لحقو يعدوكي يخربيتكم خالص مفيش ترجيع اربعة يعني اربعة خلاص الكلام 

بعد شوية الكل مشي و نور نامت و ياسين طبعا قعد جانبها تاني يوم 

نور:- انا معرفتش اتكلم لان الكل كان قعد 

سليم:- انا مكنش قصدى ازعلك بس انتي الى بداتي 

نور:- لانك كنت هتعك سليم جنة بتحبك 

سليم:- اي الجديد في كلامك 

نور:- الجديد انها ملهاش ذنب و بعدين انا مش مستعدة اشوف اخويا الى مليش غيره في الدنيا ان يبقا مجرم و منتظر الإعدام نورا مجرمة اه مجرمة بس خلاص الى حصل حصل انت لم تعمل حاجة لا امى هترجع ولا ولا شاهين هيرجع بلاش الغضب يعميك فكر بعقلك 

سكتت شوية بصت لسقف اتنهدت:- كنت تعبان اوي و بترجع نورا لم شافتك كدا اتصلت بى امى و فعلا جت قعدت معاك لحد ما نامت و مشيت انا مش ناسية امى مفيش حد بينسي روحه يا سليم كانت كل حاجة امى و اختي و صاحبتي في ثانية مبقتش موجودة في حياتي ولا لم احتاج ليها هلقيها ، مكنتش فاهمة ليه كانت بتقولي خلي بالك من اخوكي قالت كتير الكلمة دى ، حافظى على نفسك يا نور اوعي تظلمي حد مكنتش فاهمة كلامها ولا اعرف معناه بس لم كبرت فهمت جنة بتحبك بلاش تكسرها انت كمان كفاية الى شافته انت مش اخويا انت ابنى يا سليم و لم ضربتك ف ضربتك علشان الحقك 

سليم حضنها و بحب دموعه نزلت نور بقت بطبطب على ضهره بحنان و قولك 

اما في الفيلا في الجنينة 

الشغالة:- جميلة هانم في واحدة عايزة حضرتك 

جميلة لنفسها:- واحدة مين دى 

جميلة بصت الشغالة:- خليها تفضل 

الشغالة خرجت و دخلت الست الى عايزة جميلة 

جميلة كانت نايمة على المرجحة و مسكة مجلة و بتصفر 

لا فعلا جميلة 

جميلة قامت:- اهلا وسهلا اتفضلي ، مين حضرتك 

سيف حكلي عنك كتير بس بصراحة ذوقه حلو 

جميلة:- سيف مين 

الست قلعت نظارتها ، شكلي هتعب معاكي عموما انا ابقا 

يتبع 

يا تري مين دى و عايزة اي من جميلة و هل سليم ممكن يكمل مع جنة ولا لا رايكم في ركشانات نور 

شكله سيف متجوز من وراء جميلة ولا اي 

عشق ابيض واسود 🤍 🖤 

عائشة الكيلاني

   الفصل السابع والعشرون الجزء الثاني من هنا 

لمتابعة باقي الرواية زوروا قناتنا على التليجرام من هنا   

تعديل المقال