رواية عشق ابيض واسود الفصل الخامس والعشرون 25 الجزء الثاني بقلم عائشة الكيلاني

رواية عشق ابيض واسود الفصل الخامس والعشرون 25 الجزء الثاني بقلم عائشة الكيلاني

نورا بدموع :- غيرتي كانت عميني كنت بوقع بينها وبين حماتي بس مكنش في فايدة لحد ما دخلت لبنى حياتنا من رغم ان امك مش بتحبها لكن بدافع عنها دائما لدرجة ان اسر عطها مفتاح شقته علشان تشوف لبنى و ترعيها في غيابه لانها كانت حامل ، شهد ولعت في الشقة و لبنى فيها و محصلش حاجه فيها منى لم فاقت قعدت تحقق و كان كلامها في تهديد و احتقار ف خطط لقيت انها فرصة علشان حماتي تكره قعدت اسخن حماتي عليها و فعلا سمر طالعت هى و شهد حطو دهابنا و فلوسنا في دولاب امك الى من غير دهب. ابوك كان بيمر بازمة ف باعته كان انسيال و خاتمين و سلسلة بقت اقل واحدة فينا 

سليم بص له بهدوء:- طبعا قولتو بتغير مننا و طبيعي تسرق ما هى واحدة مقطوعة ملهاش اهل ولا مكان غير شاهين ف نخرب حياتها و نطلعها من بيتها بفضيحة طبعا مفعول العمل كان اشتغل 

نورا بدموع هزت راسها بنفي و انهيار:- لا لا والله العظيم ان انا ما عملتش اعمال ساعتها ا انا مكنش قصدى تطلع من البيت انا كنت عايزاها تسكوت مش اكتر 

سليم بسخرية و كره:- قصدك تحت راحمتكم تشتغل شغالة ليكم مش كدا انتي بتقولي الكلام دا دلوقتي ليه هااا 

نورا بدموع:- علشان جنة ملهاش ذنب اطمن حق امك جه تالت و متالت ربنا ردهالي في بيتي بنتي الى كنت هتتفضح لولا ستر ربنا انك لحقتها في اخر ثانية من منى دى اختي 

سليم بعصبية:- اخرسي بقا كفاااية كدب انتي كدابة مفيش اخت تعمل كدا في اختها الا اذا كنتي مش 

جنة قطعت كلامها:- سليم كفاية 

سليم بصلها بهدوء ممزوج بوجع و حسره:- هو فعلا كفاية الى بينا انتهي من قبل ما يبدا امك حرمتني من امى كله بسببها امى اطردت من بيتها بسبب امك 

جنة بتترجاه بدموع:- حقك عليا انا اسفة ا

سليم تجاهل كلامها في ثانية كان اختفه جنة بصت لنورا بكره:- انا بكرهك يا امي بكرهك 

نورا بدموع:- لا لا انا مكنش قصدى والله العظيم 

جنة بصرخ و تدبدب على الارض و تمسك في شعرها بجنون:- كفاااية كفااية انتي اي انتي لسه مستمرة في الكدب الست اتفضحت بسببك و بسبب خططك القذرة و حقدك عليها و كل دا مش قصدك ليه يا امي ليه 

نورا بدموع :- ك كان نفسي يبقا ليا مكان زيها في قلب حماتي ك كان نفسي ابوكي يحبني و لو حتي ربع الحب الى شاهين بيحبو لمنى شيطاني غواني فيها اي احسن منى واحدة ملهاش اهل متعرفيش إذا كانت بنت عيلة ولا بنت شوارع حتي في الشغل الكل طالب منى منى هى الى تسوق منى هى الى تعمل ميك اب العرايس منى الى تعمل الشعر منى منى و اكن متخلقش غيرها الكوافير شغال بس على حسها حتي لم اتجوزت كانوا البنات و العرايس بيجو ليها مع ان شاطرة زيها و يمكن احسن منها من رغم كدا و انها مقطوعة الكل بيحبها حتي حماتي 

جنة بصت ليها بصدمة قولت بزعيق و انهيار:- ااانتي بتبرري اااي بتبرري مصيبة بعد كل دا و لسه مصممة انكي صح ليييه يا امي حرام عليكي انا حياتي ادمرت لمرة المليون بسببكم ليه كدا ليه كدا 

قالتها و هى بتضرب على وشها و منهارة ازاى واحدة تعمل كدا في صاحبتها و سلفتها دخلت اوضتها و لمت كل حاجاتها 

نورا دخلت وراها:- يا حبيبتي ابوس ايدك بلاش تعملي كدا انا اسفة 

جنة بتلم حاجاتها في صمت و متجاهلة كلام امها لمت حاجاتها و خرجت من البيت كله نورا قعدت تنادي عليها لكن جنة كانت اختفت اما في بيت ياسين 

لبنى بصت له بذهول:- دا انت مش بتشيل كوبية مطرح ما بتشرب لا ماشاء الله نور عرفت تربي 

ياسين بهدوء:- يا امى بلاش كلام غريب انا معملتش حاجة غلط 

لبنى بحادة:: معملتش حاجة انت كل دا معتبر نفسك معملتش ماهمل في شغلك علشان واحدة 

ياسين:- الواحدة الى بتقولي عنها تبقا مراتي و قبليها تبقا بنت عمي و بعدين مانتي بابا بيساعدك و محدش اتكلم 

لبنى::- فعلا قليل الادب و عايز تربية سلام 

رزعت الباب بغضب ياسين حط ايديه في شعره بغيظ:- طب اعمل اي انا بحاول ارضي الكل بس فعلا البت تعبانة فعلا سمر طفحت على الكل قبل ما تموت خلص تنضيف الشقة و رجع كل حاجة مكانها راح التواليت اخد شور و غير هدومه :- نور يلا اصحي 

نور فتحت عينيها:- رايح فين كدا اوع يكون في مصيبة جديدة حصلت في العيلة أو تكون رايحة لمراتك التانية 

ياسين اتجه ليها قبل راسها:- يااه لو تفضلي كدا رايقة طول الوقت و عاقلة 

نور كشرت وشها:- قصدك ان قبل كدا كنت مجنونة 

ياسين:- انا بقول امشي قبل ما تحصل خناقة احنا في غيني عنها ، رايح لامي هحاول متاخرش خدي بالك من نفسك و متفتحيش الباب لاى حد 

نور حطت ايديها على خدها:- ناقص تقولي متلعبيش في الكهرباء و متسمعيش كلام حد يقولك تعالي اوديك لدادي 

ياسين بصلها:- اتمني 

نور اخدت مخدة من وراها و حدفتها عليه:- فعلا مستفز 

ياسين:- يا بت المجانين اعقلي 

نور وقفت على السرير و هى بتحدف المخدات عليه:- انت لسه شوفت جنان يا ابن العاقلين بتغلط فيا و عايزني اسكوتلك 

نور نزلت على الأرض و اتجهت له رفعت صابعة 

ياسين:- برضو نفس الصباع يا روحي 

نور:- ااه هتعمل اي هتضربني مثلا طب انا عايزك تعملها 

ياسين:- لا كدا كتير انا ماشي 

نور مسكت ايديه:- طب مش جاي على بالك خناق او مش فاكر خناقة كدا ولا كدا 

ياسين اندهش:- عايزة تتخنقي يا روحي بس للاسف انا لازم اروح لامى دلوقتي اوعدك اول ما ارجع هنكد على بعض زي ما انتي عايزة 

قبل ايديها و حط ايديه على كتفها و خرجوا من الاوضة و هما بيتكلمو و بيهزرو طول ما هما مشين في الممر خرجوا الصالة واقفين قدام باب الشقة 

نور:- مش هتتاخر صح 

ياسين:- والله العظيم ما هتاخر 

نور:- طب استني اغير و اجي معاك 

ياسين:- يا حبيبتي مينفعش و بعدين تجي معايا ازاي و انتي تعبانة نور انا مش عايز الى حصل قبل كدا يحصل دلوقتي ربنا أراد ان يدينا فرصة يبقا نحافظ عليها ولا اي والله العظيم مش هتاخر اقولك استغلي تاخيري و اتصلي بى اصحابك ييجو يقعدوا معاكي بقلك فترة مش بتشوفيهم 

ياسين فتح الباب و خرج نور راحت جابت البوم صورهم يوم الفرح مررت ايديها على ياسين بابتسامة ملي بالحب:- يا تري هتفضل بتحبني يا ياسين ولا الايام هتغيرك يا تري الطفل هيكون شبه مين فينا 

فاقت من سرحانها على صوت الفون اخدته من على التربيزة:- الو يا جوجو ازيك 

جنة:- انتي في البيت ولا برا 

نور:- لا في البيت انتي كويسة 

جنة:- كويسة بس محتاجة اتكلم معاكي 

نور:- تمام يا حب تعالي انا مستنكي متتاخريش 

جنة اتنهدت باختناق:- تمام باى 

نور قفلت مع جنة و قامت غيرت هدومها و عملت العصير الى جنة بتحبه و رجعت مكانها مسكت الريموت و فتحت التلفزيون 

اما عند ياسين كان وصل الفيلا 

لبنى:- اهلا 

ياسين:- يا امى لو سمحتي بلاش الطريقة دى 

اسر:- في اي يا لبنى 

لبنى:- اسال ابنك البيه اروح أزوره القيه مكركب بيته و بيمسح و البرنسيسة نايمة ولا على بالها 

اسر بصلها:- والله انا اعرف واحدة جوزها كان بيساعدها و هى حطه رجل على رجل و تبهدل الدنيا تاني فاكرة ولا نسيتي 

لبنى سكتت و ودت وشها الناحية التانية ياسين اتنهد:- امى نور فعلا مش بتدلع ولا قصادة انها تهيني مع ان شايف غير كدا 

لبنى ربعت ايديها:- مرايا الحب عامية 

ياسين:- امى نور في خطر على الطفل و هى و بعدين ما بابا كان بيساعدك و محدش اتكلم ذات انى بحب طبع مراتي و راضي بيه طالما مش متخطيش حدودها 

لبنى اتسعت عينيها:- انت حقيقي متربتش روحلها يا حبيبي اشبع بيها بس لم تديك على دماغك مرجعتش تعيط 

اسر بملل:- مش هنخلص انا عارف 

اسر قام 

ياسين:ـ رايح فين و سيبني معاها 

اسر:- صدعت و بسببك 

ياسين:- انا عملت اي حد قالكم اتجوزو 

لبنى:- جوازة مهببة انا من يوم متجوزك مشوفتش يوم حلو 

اسر راح الجنينة بكل هدوء و هو بيسمع جنان لبنى الى بيجي غفلة كدا اما سليم في كان بيلف بالعربية و هو حقيقي هيموت من الحزن على امه راح المقابر علشان يزور ابوه و امه بعد وقت 

نور قعدت ساكت جنة بدموع:- طب قولي حاجة يا نور علشان خاطري 

نور بهدوء و ابتسامة مريرة:: و بعد ما اقول اي الى هيحصل الزمن هيرجع لا امى هترجع لا شاهين هيرجع و يعتذر ليها برضو لا الكلام مش بيحل حاجة يا جنة بالعكس الكلام اوقات بيقتل قومي روحي 

جنة هزت راسها بنفي:- لا لا مش هرجع بيتها تاني مش عايزة اشوفها 

نور:- دى امك و واجب عليكي تكوني تحت رجليها انا صدقيني مش زعلانه امى ارتاحت و ابويا كمان ارتاح سنين و هو عايش في دايرة لوحده مع المرض لحد ما خلص عليه انا مش زعلانه منك انتي ملكيش ذنب ، بس سليم ميعرفش 

جنة:- سليم اول حد يعرف الحكاية انا حاولت اتصل بيه بس مش بيرد عليا انا خايفه عليه ليحصلو حاجة 

بعد شوية الباب خبط جنة دخلت جو لم عرفت انه سليم نور قامت فتحت الباب:- انت فين و مش بترد على اتصالاتي ليه 

سليم قفل الباب و واقف مكانه عينيه حمراء وشه حزين 

نور بوجع و ابتسامة:- انت كويس يا سليم 

سليم بصلها بهدوء ممزوج بوجع الدموع في عينيه سليم:- انا عارف انكي بتسمعي و تحلي مشاكل الناس كلها و عارف ان مفيش احن من قلبك مانتي مهما تعملي انتي زيها في كل حاجة صحيح ماتت و انا سنتين لكن بشوفها فيكي يا نور كل ما بشوفك بحس انها عايشة انا تعبان اوي يا نور عارف انى كبير بس انا تعبت 

نور فتحت ايديها بابتسامة :- تعال يا سليم 

سليم جري عليها حضنها دموعه نزلت بوجع اتنهد:- غدور بيها يا نور عملوا ليها مكيدة امى اطردت من بيتها بسببها بسبب نورا الى المفروض اقرب واحدة ليها اختها مش هى بتقول كدا ل ازاى دا يحصل 

نور اتنهدت بوجع و بتمسح دموعها الى في عينيها:- إرادة ربنا يا سليم كانت هتموت في الاول و الاخر لانه عمرها نورا ملهاش علاقه بموت امى 

سليم بعدا عنها بعصبية و جنون:- لااا قتلتها ايوة يا نور زى ما بقولك قتلتها لم غدرت بيها قتلتها لم خطط و فكرت تذلها ازاى قتلتها لم اتهمتها بالسرقة و هو صدق هو ازاي كدااا ازاى يصدق حاجة على امى و هو عارفها و عارف اخلاقها بصلي و ررردى عليا 

نور بهدوء:- اهد علشان نعرف نتكلم عصبيتك مس هتعمل حاجة لا هترجع شاهين ولا هترجع امى الى حصل حصل 

سليم مسك دراعها:- انتي كنتي صاحية و شوفتي و سمعتي كللل حاجة في اليوم دا قوليلي ان بابا معملش حاجة قولي انه مش هو قولي ان دا كدب 

نور:- سليم بابا عمل كدا لم امى غلطت في سمر و كل دا في لحظة غضب مكنش قصده و بالدليل انه 

اتنهدت بوجع بصت لسقف:- كفاية علشان خاطري كفاية انا والله مبقتش مستحملة انا تعبت حرام عليكم 

حررت نفسها و قعدت على الكرسي حطت ايديها على وشها و بتعيط كل ما تفتكر الليلة دى 

جنة خرجت من الاوضة و هى بتفرك في ايديها بخجل و توتر:- ا انا عارفه ان لا اعتذاري ولا كلام هيرجع امكم أو هيوقف الى حصل بس 

سليم بشر و احتقار:- انتي تخرسي انتي جاية ليه جاية تخربي بيت اختي عجبتك اللعبة قولتي اجربها 

نور قامت بعصبية:- سللليم فوق لنفسك و اعرف بتقول اي جنة 

سليم:- نسخة من امها هى مش البت بتطلع لامها برضو انا ولا انا غلطان 

نور بصت له بصدمة ضربته كف على وشه صوته كان قوي جدا:- اخررس 

سليم بص ليها بصدمة:- انتي ب تضربني علشان دى يا نور دى دى واحدة زبالة 

نور:- و اكسر دماغك لو مرجعتش لعقلك ما تفوق بقا من الجنان دا و بطل انانية 

سليم زق نور بغضب:- من هنا و رايح اختي ماتت ايوة انتي من دلوقتي ميته طالما واقفة مع بت عدوتنا كان عندي اهل و راحوا اخر حاجه كانت اختي 

جنة بصت له بغضب و قعدت تزقه و تضرب فيه بجنون:- ليه كدا ليه كدا حراام عليك انت شيطان 

سليم زقها و وقعت على الارض:- انتي اخر واحدة تتكلم يا بت الخاينة 

اتجه لباب فتحه و خرج و رزع الباب وراه جنة قامت مسكت ايد نور الى بتترعش:- نور انتي كويسة 

نور كانت حاسه بدوران قعدت على الكنبة:- كويسة 

جنة قعدت على الارض قصادها بدموع:- ا انا اسفة والله ما كان قصدي اجي بس انا كان لازم اقولك 

نور وشها بقا شاحب:- مفيش حاجة لكل دا اهدى 

نور رجعت راسها لوراء حطت ايديها على معدتها و غابت عن الوعي 

جنة قامت:- نور مالك 

جنة بصت لى ايديها قالت بصرخ:- نورررر 

قربت منها بتحاول تفوقها:- نور ردي عليا ارجوكي ، ا اعمل اي اعمل اي 

جنة مسكت الفون بتاعها و اتصلت بى ياسين الى جاه جري بعد وقت وقت في المستشفى 

ياسين رايح جاي لبنى قعدة على اعصابها محدش يعرف حاجة ولا فاهم حاجة 

ياسين:- كانت كويسة يا امى والله كنت سيبها كويسة و بتهزر  كانت فرحانة 

ياسين بص لجنة بحادة:- اي الى حصل بيم ان اتصلتي بيا و انكي معاها 

جنة بتهرب:- مش عارفه 

ياسين بحادة:- هتستهلبي هعمل فيها مجنون و هخلص عليكي ارجوكي قوليلي اي الى حصل 

سيف مسكه:- اهد يا ياسين 

ياسين بعصبية:- ااهد ازاى و مراتي بتموت يا عالم اهد ازاي و فهموني 

جميلة حضنت جنة و قالت:- هو دا كل الى همك يعني لم تعرف هيفرق في اي 

ياسين:- انتي مسمعش صوتك 

جميلة:- هو علشان بقول الحق و بفوقك مش عايز تسمع صوتي على فكرة كلنا هنا علشان خايفين على نور مش لوحدك الى بتخاف عليها لو تهمك اوى مكنتش سبتها و انت عارف انها تعبانة و حالاتها صعبة 

اسر قام بحادة:- جميلة اسكوتي و انت اهد نطمن على نور الاول و بعدين نبقا نعرف حصل اي سيب اختك و بت عمك في حالهم متزودش عليهم 

جنة بعدت عن جميلة و جريت برا بتتنفس باختناق جميلة جريت وراها:- جميلة اهدي مفيش حاجة حصلت كله هيتحل 

جنة بدموع:- مفيش حاجة هتتحل نور اجهضت بسببي ياريتني ما روحتلها ولا قولت ليها حاجة بس والله كان نيتي انها تنقذ اخوها من جنانه سليم لم ببغضب بيبقا مش شايف قدامه 

جنة حكت كل حاجة لجميلة الى بتسمع بصدمة و عصبية:- تولعي انتي و هو و امك في ساعة واحدة يا بعيدة لييه كدا ليه ملقتيش غير نور طب كنتي اتصلتي بيا بى ياسين بابا ازاى تواجهيه 

جنة بدموع:- مكنتش اعرف انه هيكون كدا ولا انه هيقول اختي ماتت نور الكلمة وجعتها انا نور لو جرلها حاجة مش هسامح نفسي 

جميلة حضنتها و قعدو يعيطو جميلة كانت بتعيط على نور الى مش بتلحق تفرح و على جنة الى ملحقتش تفرح بحب سليم ليها و على ياسين الى ملحقش يفرح بحاجة بعد شوية رجعوا يقعدوا مكانهم 

الدكتورة خرجت من غرفة الطوارئ :- ليه الخوف دا 

ابتهال قامت:- نور عاملة اي دلوقتي 

الدكتورة بهدوء و مزح:- زي القطة بسابع ارواح روقو يا جماعه صدعتنو بصوتكم 

ياسين:- يعني نور كويسة 

الدكتورة:- والله العظيم كويسة بس شويه عصيبة 

لبنى:- طب و الجنين حصلوا حاجة 

الدكتورة:- زى الفل ماشاء الله عليهم متمسكين بالدنيا 

اسر:- هما مين دول 

الدكتورة:- نور حامل في توام انا اول ما شوفتها قولت انها حامل في توام و دلوقتي انا بقولكم انها حامل في اربعة 

ياسمين:- اربع شهور 

الدكتورة بعفوية:- شهور اي يا مدام نور حامل في اربع عيال 

ياسين بصدمة:- هى مين دى اكيد فاهمة غلط او أخطأ طبية 

الدكتورة بعصبية:- قصدك انى جاهلة يعني اي اخطأ طبية لااا عندك انا دكتورة اكبر عن جدآ و اقدر اميز الشك و الأخطاء الطبية انت بتشكك في كلامي انت عارف انت بتكلم مين يارب العيال ميورثوش حاجة منك تقدرو تشوفها لو عايزين شوية و هتفوق 

الدكتورة راحت مكتبها الكل كان مذهول ياسين راح مكتب الدكتورة :- اتفضل 

ياسين دخل و قعد:- لو سمحتي يا دكتورة انا عايز تفسير لى الى حصل يعني اي حامل في اربعة و يعني اي محصلش حاجة ليها 

الدكتورة قلعت نظارتها:- لان ربنا سبحانه وتعال أراد كدا اربعة و من رغم كدا محصلش حاجة نقول الحمد لله ولا ليك كلام تاني ليك حق تتلخبط خصوصا وضعها بس الحقيقة وضعهم مش مستقر و اى حاجة ممكن نخسر العيال و امهم ف ياريت حاولوا بتعدوها عن اى ضغوطات و زعل هى الى حصل تاثير صدمة و زعل مراتك الى عمل فيها كدا الزعل و الحمد لله انها بخير و الاطفال بخير بس هنخليها يومين تحت الملاحظه و الافضل محدش يدخلها مش عايزة اى كلام ولا عصبية ف محدش ها يدخلها 

ياسين هز راسه بهدوء:- تمام شكرا لحضرتك 

الدكتورة:- دا وجبي يا ابني 

ياسين خرج متلخبط مش عارف يفرح ولا يزعل بس بيقول في قلبه الحمد لله انها بخير 

برا المستشفى جميلة واقفة مع سيف بتتكلم بحماس 

جميلة بفرح:- يااه اربعة توام مع بعض انا مش مصدقة نفسي لو ولاد هسميهم ميران منهد صقر و بحر 

سيف بص ليها:- اي الاسماء دى و بعدين انتي مالك بيهم انتي بتسميهم ولا بتعقبيهم نور تعرف بى الاسماء دى 

جميلة:- حلوين صح و لو بنات هسميهم لبنى ابتهال سمر و هنا ياااه اسماء حلوة اوى تجنن 

سيف بص ليها بغيظ:- لا انا رايى سمي فوزية و ست ابوها أو ام محمد اي رايك 

جميلة:- تصدق فكرة نور اول ما تفوق هتقترح عليها الاسامي دى 

سيف:- هديكي على وشك افصلي بقا اي الرغي دا يا وليه مرات اخوكي لو سمعتك هتقتلك و تستاهلي و بعدين اخوكي كدا هيربيهم ازاى ولا هيعرفوهم من بعض ازاى 

جميلة:-: اه صحيح تصدق مجتش في بالي صح هنعرفهم من بعض ازاى يا تري هيبقو شبه مين 

سيف ،:- انتي ليه بتجمعي دا انتي حشرية يا شيخة بس بقا 

سليم كان جاي بيجري و قاسم وراه 

سليم:- نور فين يا جميلة 

جميلة بسخرية:- راحت تجيب حاجات و جاية يعني هتكون فين واحدة اخوها موتها و سم روحها عايزة تكون فين فوق 

قالتها باندفاع سليم جري على فوق جري 

قاسم:- جميلة انا اسف 

جميلة بابتسامة:- اي دا قاسم تصدق مخدش بالي انك هنا 

جميلة بصت لقاسم و حطت ايديها في ايد سيف الى اتصدم بصت لسيف بابتسامة و بصت لقاسم:- اقدم ليك سيف خطيبي و قريبا اوى هنتجوز 

قاسم بص ليهم بصدمة اما فوق سليم قعد على الكرسي حطت ايديه على راسه بحزن و خوف ان يفقد اخر حاجة باقية له من اهلو 

جنة بصت له شالت ايديه من على وشه:- اطمن هى كويسة حامل في توام الدكتورة لسه قايلة كدا 

سليم:- ابعدي عني 

جنة:- لا 

جنة طالعت المسدس كانت دائما بتشيلو معاها من وراء ضهرها:- كنت بشيله علشان لو عوزتها ، امى اذيتكم امسك 

سليم بص لمسدس الى في ايديه بعدم فهم:- اي دا 

جنة:- خد تار امك لو دا هيريحك معنديش مانع 

رفعت ايديه الى فيها المسدس و حطيته على جبينه:- اضغط يا سليم طفي النار و الوجع الى جواك انا مش زعلانه منك بالعكس أنا زعلانه من الى حصلك بس دلوقتي بقولك اعملها والله العظيم انا راضية 

ضغطت على ايديه :- اضغط يا سليم 

سليم بصلها وووو 

يتبع 

رايكم في الحلقة بقا بأمانة يا تري سليم هيقتل جنة ولا اي و يا تري رد فعل قاسم و سيف اي و رد فعل نور لم تعرف رايكم في اسماء الى جميلة مخترها لعيال ياسين 😂🙆

عشق ابيض واسود 🤍 🖤 

عائشة الكيلاني

 الفصل السادس والعشرون الجزء الثاني من هنا 

لمتابعة باقي الرواية زوروا قناتنا على التليجرام من هنا  

تعديل المقال