رواية خفايا القلوب الفصل التاسع 9 الجزء الثاني بقلم نور محمد
#البارت_التاسع
#خفايا_القلوب2
كريم بصراخ ووجع: عمر.. عمر الحقني دول ضربوني كتير اوي و عاوزين يموتوني ارجوك تعال خدني منهم و
سكت لما شخص تاني شد منه الفون وكمل: ابن مراتك بقى تحت ايدي لو عاوزه يرجع لامه حته وحده لازم تنفذ كلامي.. وتقـ*ـتل ايوب وانت بتهربه قبل وصوله للمحكمه
عمر سمعه وعينه وسعت بصدمه وزهول كبير وقال: اييه انت مين.. وعرفت ازاي اني ناوي اهرب ايوب قبل وصوله للمحكمه دنا لسه قايله الخطه دي من دقايق بس؟!
رد عليه الشخص الغريب وقال:انا الشخص صاحب اللعبه دي كلها وعرفت ازاي لاني فاهم تفكيرك وتفكير ايوب ماشي ازاي ياحضرت المقدم
عمر سمعه وفجأه وقع منه الفون على الارض من شده الصدمه الكبيره اللي اصابته
ملك بقلق وخوف: عمر فيه ايه مين كلمك وعاوز ايه.. انا سمعت صوت ابني كريم وهو بيصرخ مش كده رد عليا ابوس ايدك
عمر بصدمه وتوهان: اهدي ياملك ارجوكي علشان اقدر افكر كويس.. هو كريم لسه لابس الساعه اللي انا عطيتها لك هديه في عيد ميلاده من اسبوع؟!
ملك بتذكر: ايوه لسه لابسها ده مش بيشيلها من ايده ابدا علشان انت اللي عطتها له بكل حب
عمر بسعاده وتفائل: يبقى كده اتحلت انا همشي دلوقتي وبكره الصبح بأذن الله.. كريم هيبقى في حضنك
ملك بفرحه: بجد ياعمر.. ربنا يديمك ليا وميحرمنيش منك
عمر ببسمه: ويديمك ليا انتي كمان ياله انا همشي بقى وهسيبك خلي بالك من نفسك.. روايه خفايا القلوب الجزء الثاني بقلم نور محمد
خرج عمر من الشقه ومعالم وجهه كلها قلبت 180درجه وطلع فونه ورن على شخص تاني بسرعه
عمر ببرود: الوو ايوه ياعمار بقولك هبعت لك عنوان بيت قديم وصوره لولد عمر 20سنه عاوزه خلال ساعتين بس يكون عندي
قال كده وقفل معاه وبعدها تهند بعمق: وكده خلصنا من حوار كريم فاضل الاقي طريقه انقذ بيها ايوب واعرف دول مين وعاوزين منه ايه؟!
وعلى الناحيه الاخري في المستشفى **
كانت حياه جالسه في عرفه بنتها ياسمين بعد ماحالتها استقرت وبقت احسن
ياسمين بتعب: ااه انا فين.. هو حصل ايه معايا؟!
حياه بقلق وخوف عليها: ياسمين انتي كويسه رد عليا يابنتي طمنيني عليكي ياقلبي
ياسمين بألم: الحمد لله بقت احسن ياماما و
قاطعتها حياه بكف قوي على وجهها فجأه
حياه بغضب وعتاب: الكف ده علشان تفوقي لنفسك.. ازاي تسمحي لشيطان يستغل لحظه ضعفك كده وتحاولي تمو*تي نفسك كا*فره ياياسمين.. دي اخر ربايتي وتعبي فيكي يابت بطني
ياسمين بدموع وندم: انا اسفه اوي.. بس انا تعبت ياماما والله تعبت اوي من اللي بيحصل معايا ده كله مبقتش قادره استحمل
قربت حضنتها حياه بقوه وشفقه:متقوليش كده ياحبيبتي ده اختبار من ربنا ولازم نصبر ونتحمله ربنا مش بيظلم عبد من عباده ابدا ومتنسيش قوله تعالى (فإن مع العسر يسرا إن مع العسر يسرا)يابنتي
ياسمين دفنت نفسها في حضن امها بقوه وقالت:ونعم بالله انا مش عارفه ازاي عملت في نفسي كده.. بس انا كنت خايفه اوي ازاي هقدر اوجه حد بعد الفضيحه الكبيره اللي حصلت ليا دي
حياه بدعم وتحدي:وهتتخبي من الناس ليه وانتي الضحيه.. مدام مكنتش بكيفك وبأيدك يبقى هتخافي من كلام الناس ليه.. بصي يابنتي هقولك نصيحه صاحب الحق عينه قويه وانتي صاحبه الحق هنا يبقى اللي يبصلك بعين افقعي له عنيه الاتنين فاهمه
ياسمين ببسمه وحب: فاهمه ياماما ربنا يديمك ليا العمر كله.. انا منغيرك مش عارفه كنت هعمل ايه
ضحكت حياه براحه وبعدها قالت:انا مش عارفه ده وقته او لا بس لازم اقول الحق واللي حسيته برضو رغم اللي حصل ده كله.. انا بصراحه حسيت بحاجه غريبه وقت ما البوليس قبضوا على ايوب كانت بيقولك انه مظلوم ومش عارف عمل فيكي كده ازاي.. طيب لو هو فعلا اللي عمل كده ازاي يبقى ميعرفش انك لسه سليمه ومقلش ده في القسم وقت التحقيق معاه ليه؟!
ياسمين بتفكير:تصدقي ياماما عندك حق وقتها كانت بيتكلم بثقه وندم غريب كأنه فاكر اني تم الاعتد*اء عليا فعلا وحتي في التحقيق كان يقدر يقول كده ويبرأ نفسه لاني سليمه بس مقلش تفكري ليه؟!
حياه بدعم وتأكيد:امم الموضوع ده اكيد في شئ غلط ومفيش غير شخص واحد نقدر نعرف منه الحقيقه دي
ياسمين بتوهان:ومين الشخص ده ياماما؟!
حياه بثقه وغموض:
الروايه بقلم نور محمد
وفي نفس الوقت في مكان اخر **
معتز كان مرمي على الارض وهو بينز*ف بشده من وجهه
معتز بوجع:صدقيني انا عملت كده لمصلحتنا كلنا ايوب لازم يمو*ت علشان سرنا محدش يكشفه
صرخت فيه بقوه:اخرس خالص انت ازاي تعمل كده بدون عملي.. انت نسيت نفسك والا ايه انت مجرد كلب ليا انا وجوزي تخلص لنا الشغل وبس مش من حقك تنفذ حاجه تاني
معتز وقف بألم:بس ايوب كشفني وكان بيدور ورايا ولو وصل لمكان الشغل كلنا هننتهي بعدها
قربت منه بغضب وضربته كف قوي:ايوب خط احمر يامعتز انا عملت الخطه دي كلها علشان يرجع ليا تاني ويشتغل معايا كمان وصدقني لو ايوب جرى له حاجه هتبقى نهايتك انت اللي على ايدي مفهوم
معتز بخوف:حاضر مفهوم انا اسف هروح اتصرف فورا
تجاهلته ودخلت غرفه تاني **
قربت من السرير الموجود عليه شخص تاني نايم بهدووء
وقالت بحب:حبيبي اصحى في مصيبه حصلت.. الزفت معتز عاوز يخرب كل حاجه احنا عملناها وحتي خطط لقتل ايوب و
سكتت بصدمه ووجع على ايده اللي لفها على رقبتها وقال:خطط لقتل مين..ايوب دنا هروح اشرب من د*مه
صرخت بألم فسابها وهي قالت بدموع:انا تعبت ياحسن هنفضل لامتي كده 15سنه متخبين زي الفيران.. وانا بطلع من هنا باقناع المقرف ده اللي هو نفس ملامح وجه مرات معتز حياه.. علشان محدش يعرفني واتحرمت كمان من ابني الوحيد العمر ده كله وبعمل ده كله علشان ارجعه ليا تاني بس انا بجد تعب اوي
قرب منها حسن وضمها بحنان وحب وقال:هانت يافواكه كلها كام يوم وابننا ايوب هيرجع لحضننا هنا تاني.. بس لازم نكمل الخطه دي للاخر ايوب مكنش هيوصل للمحكمه علشان عمر كان هيهربه قبلها..وده كان من ضمن خطتنا
بس اللي عمله معتز ده كمان ممكن نستفاد منه نقدر دلوقتي اننا نمثل قدام الشرطه ان ايوب مات.. علشان ملفه يتقفل عندهم ويبقى كده ايوب حسن النجار مات زي مااحنا كمان ماتت اسمائنا القديمه قدامهم في السجل عندهم.. ونجيبه عندنا هنا علشان يكمل شغالنا ونرجع عيله كامله تاني ايه رأيك؟!
فواكه ببسمه قلقه:انا موافقه بس ابني يرجع ليا كويس بدون ضرر او اصابه حتي فيه
حسن بحب وثقه:هو جر*ح صغير بس كده في زراعه قدام الشرطه علشان تصدق وبعدها هيبقى معانا هنا للابدا
فواكه ضمته بقوه وحب كبير:انا بحبك اوي اوي ياحسن
حسن بحب متبادل:وانا كمان بحبك ياعيون حسن
وبعد دقايق في مكان اخر عند معتز **
دخل معتز لبيت قديم ومهجور وهنا كانت الصدمه
لقى رجالته على الارض كله متصابين وبينزفوا بقوه فجرى على واحد منه بقلق وخوف
معتز بقلق وخوف: محمد رد عليا ايه اللي حصل هنا مين عمل فيكم كده وازاي عرفوا المكان ده؟!
محمد يوجع كبير: معرفش يامعلم احنا كنا قاعدين في امان الله وفجأه دخل علينا رجاله لابسين لبس اسود وعلى وجههم قناع اسود كمان وضربونا كلنا واخد الولد كريم مننا وكمان اخدوا مرزوق معاهم
معتز بصدمه وخوف: واخدوا مرزوق معاهم ليه وهو باذات منكم ومين دول اصلا؟!
محمد بتعب: معرفش والله يامعلم بس كلهم كانوا متدربين كويس اوي على التصويب والضرب زي الشرطه كده والمخابرات
معتز بصدمه وزهول كبير: ايه شرطه ومخابرات؟!!
الروايه حصريه بقلم نور محمد على الصفحه بدون لينكات او اعلانات
وفي اليوم التالي في القسم عند ايوب**
حضر الظابط علشان هياخده النهاردا لعرضه على المحكمه
الظابط بغضب: امشي يالا معايا بهدووء وأي حركه منك حسابها هيكون صعب معايا مفهوم
ايوب بصله ببرود ومشى معاه بلامبالاه ولسه هيخرجوا من القسم لقى فجأه شخص تاني دخل في وجهه وخبط فيه بقوه وعن قصد وقرب من اذنه وهمس له
مرزوق بهمس وخبث: دليل برائتك معايا ياايوب عندي فديو صوت وصوره لمعتز وهو بيعترف بالي عمله فيك انت وياسمين مراتك ليلتها
ايوب سمعه وعنيه وسعت بصدمه وزهول والعسكري دفع مرزوق بقوه علشان يكمل طريقه وايوب وقف مكانه متسمر بشده وصدمه كبيره
الظابط بغضب وضيق: واقف كده ليه ياروح امك اتحرك قدامي ياله
ايوب وقتها كان في عالم تاني فسحبه الظابط بعنف ودفعه قدامه بغضب علشان بتحرك بس للاسف ايوب خبط في ظابط تاني قدامه كان واقف وفي ايده ملف قديم وفجأه وقع منه الملف على الارض وايوب بص عليه بزهول لما لقى اسم امه فواكه مكتوب عليه فنزل حمله بسرعه وصدمه وفتحه هنا كانت الصدمه الحقيقه له بجد....
يتبع.. بقلم نور محمد
#البارت_التاسع
#خفايا_القلوب2
مساء الخير مش عارفه اقولكم ايه المسكين ايوب مش عارف يجبها منين والا منين دليل برائته بقى موجود بس المشكله بعيد عنه والملف ده لقى فيه صدمه عمره بجد ياترى لقى فيه ايه وعمر هيقدر ينقذه زي مامخطط معاه او لا وعرفنا مين الاشرار في القصه بس ياترى ايوب هيقدر يواجهم ازاي ومحدش يقولي عمر مقدم ازاي ومحدش عارف لانه في المخابرات وملفه سري عن الكل وياسمين وحياه هيروحوا لمين بعرفوا منه الحقيقه اللي جااي بعون الله ضرب ناار واكشن وحركات مين متحمس بجد للباقي 🫱🏽🫲🏻🔥🔥😎
