رواية عشق ابيض واسود الفصل الرابع عشر 14 الجزء الثالث بقلم عائشة الكيلاني

رواية عشق ابيض واسود الفصل الرابع عشر 14 الجزء الثالث بقلم عائشة الكيلاني

سمعوا صوت تكسير لفو وشهم كانت منى واقفة مصدومة و المج مكسور على الارض لان من صدمتها وقع الى في ايديها من غير ما تحس بصت لاخواتها حطت الطرحة على راسها و اتجهت ليهم:- مين دا الى اتقتل ، اانت بتقول اي و مين دول الى ها يتقبض عليهم البنات نزلو على الصوت بصو لبعض بعدم فهم و خوف نزلوا 

ليل بتوتر و استغراب وقفت جانب يونس و مسكت ايديه:- انتوا بتقولو اي لا مستحيل يوونس انت عملت اي اتكلم قول حاجة 

نوح:- احنا جاهزين بس بعد اذنكم بلاش كلبشات لان بتوجع ايدي 

نسمة بجنون:- ااانت بتقوول اي يا نوح انت معملتش حاجة يوونس انت هببت اي 

شروق كانت هادية رغم الرعب الى في قلبها 

الظابط اول مرة يحس انه عايز يضحك:- هاتوهم 

ليل مسكت في يونس اكتر قالت برفض:- يجيبو مين اكيد في حاجة غلط لاااا 

نوح رفع ايديه و قال بهدوء و مزح:- ااي يا بنتي مفيش حاجة احنا رايحين نشرب القهوة مع حضرت الظابط و راجعين و لو غبت اعرفي ان الكلام خدنا ابعدي بقاا يا لزقة انا خارج على البوكس بكرامتي 

ليل برجاء و دموع:- علشان خاطري دافع عن نفسك و قول قتلت مين عملللت اي 

يونس ساب ايديها و قال بندم و ابتسامة:- سامحيني يا ليل حقك عليا 

قبل راسها و خرج وراء نوح سامر:- مهما غبت و اتاخرت اعرفي انكي معايا في كل مكان شايفك بقلبي قبل عيني خدي بالك من نفسك و بلاش تشغلي التكييف في الشتاء 

شروق:: ها ستناك يا سامر ، انا واثقة فيك 

سامر قبل ايديها و راسها و خرج نور مذل مصدومة الشرطة خرجت و ياسين وراهم ركب عربيته و اتحركو على القسم خديجة و نور و البنات ركبوا العربية نسمة الى ساقت العربية

منى نزلت على الأرض ببطء و هى بتبص حواليها بعدم تصديق و فهم قالت بصوت مرتعش:- اتقتل قتلوه اخواتي قتلوا جوزي ، ط ا اعمل اي ، اعمل اي 

منى من الصدمة مكنتش قادرة تقف على رجليها:- ز زينب زينبب 

الشغالة خرجت بسرعة جريت عليها:- مالك يا مونى يا حبيبتي 

منى بصت ليها بوجع و قهرة:- هاتيلي تليفوني من فوق بعد اذنك 

الشغالة ساعدتها تقوم و قعدتها على الكرسي و جريت على فوق دخلت اوضة منى جبت ليها الفون و نزلت:- اتفضلي يا حبيبتي ايدك بتترعش ليه اهدي استهدي يا بنتي 

منى دموعها تنزل بقت بتعيط بانهيار:- اخواتي اتقبض عليهم بسببي ا انا السبب انا السبب في الى حصلهم 

زينب حضنتها و منى بتعيط بحزن و خوف على اخواتها و يحيى :- ا انا مش عارفه اعمل حاجة انا وجودى زى عدمي اخواتي اتسجننو يا دادة حياتهم ادمرت 

زينب طبطبت عليها بحنان:- اهدى يا حبيبتي والله هما مش هيحصلهم حاجة و يحيى ان شاء الله هيكون كويس و زى الفل اهدى روقي يا حبيبتي 

منى اخدت الفون منها و ايديها بتترعش و اتصلت باسر:- جدو الحقنا الشرطة جت اخدت يونس و سامر و نوح 

اسر قام بصدمة و حادة:- اي قسم اي و اي الى حصل قتلوا مين 

منى من بصوت متقطع :- بيقولوا انهم قتلوا يحيى جدو ارجوك اتصرف و حل الموضوع 

اسر:- و فين ابوكي و امك 

منى بدموع:- راحوا وراهم جدو ارجوك انا مش عايزة حد منهم يتحبس هما ملهمش ذنب 

اسر:- طب اقفلي انا جايلك سلام 

اسر قفل مع منى و قام جهز نفسه هو و لبنى و في ثانية كانوا في بيت ياسين زينب فتحت الباب منى اول ما شافت لبنى جريت عليها حضنتها و عيطت بخوف و انهيار قالت بشهقات:- انا السبب يا تيته. لو جرلهم حاجة انا مش هسامح نفسي انا السبب 

لبنى بحنان:- اهدى يا حبيبتي كله هيتحل بس اهدي اقولك روحي اغسلي وشك و غيري هدومك و علشان نروح نطمن على يحيى 

منى بعدت عنها قالت بوجع و دموع:- لا يا تيته مش بعد ما اتهمني و خطب و انا على ذمته و اخواتي في القسم بسببه و اروح اشوفو 

اسر من رغم ان منى مش مجمعة لكن فهم كل حاجة قال بهدوء:- مينفعش يا منى لا اخلاق ولا اصول بيقولوا كدا لازم تكوني جانبه يلا و مفيش بس و اصل 

منى بصت ليهم اتنهدت بمرارة و طالعت غيرت هدومها و لفت الطرحة و نزلت 

اسر:- زينب خلي بالك من البنات 

زينب:- امرك يا بيه 

لبنى طبطبت على منى:- يلا يا حبيبتي 

منى بصتلها بهدوء و خرجت معاهم ركبوا العربية و اتحركو على المستشفى اسر طبعا اتصل بى ياسين و كلهم بيحاولو يفهموا السبب و دا حقيقي ولا مظلومين فعلا بعد وقت وصلوا المستشفى نزلوا من العربية و طلعوا المستشفى ركبوا الاسانسير و طلعوا الدور الى فيه يحيى قدام غرفة العمليات كانوا اهل يحيى واقفين 

منى حست بغصة بقلبها لم شافت مامت يحيى حضنة خطيبته و بيعيطو حست انها ملهاش مكان وسطيهم كانوا واقفين بعيد عنهم بى مسافة مش صغيرة لفت وشها :- ا انا حاسه انى دايخة و حرانة ا انا هنزل تحت و لم يفوقو ابقا اطلع 

اسر بهدوء:- انزلي معاها يا لبنى و متنزلوش من العربية 

لبنى بهدوء:- تمام 

لبنى نزلت تحت و ركبت العربية هى و منى ركبوا وراء لبنى حضنتها و منى بتعيط بانهيار و وجع المفروض هى الى تبقا مكانها هى الى تبقا معاه مش واحدة غريبة لكن النصيب 

بعد وقت في القسم 

نور بتبص يونس بانهيار:- عملللت اي يا يوونس انطق قولل حاجة حرام عليكم الى بتعملوا فيا دا 

يونس :- عملت الصح خلصت العيلة من الواطي الى متجوزاه منى و لو رجع الزمن هعملها تاني 

ياسين:- اسكوتي و خلينا نفهم انتوا اي علاقتكم بى الى حصل ليحيى 

نوح بغضب:- الواطي خطب و ها يتجوز على اختي كنت عايزينا نعمل اي انا الى قتلته 

يونس بص له و زقه:- انت كداب يالا بطل كدب انا الى قتلته لانى انا اخر واحد خرج من الفيلا 

سامر:- قتلناه احنا التلاتة مع بعض جريمة جماعية يعني اهدي يا امي الموضوع مش مستاهل كل دا 

خديجة:- اهدي يا نور طبعا يا ياسين انا هدخل معاهم 

ياسين:- ابوس ايدك اسكوتي خالص المحامي اهو 

خديجة:- طب اقول لجميلة تدافع عنهم 

ملك و مليكة انفجرو في الضحك:- ربنا معاكم يا شباب 

دخلوا مكتب الظابط و طبعا  جميلة جت لانها محامية و اولاد اخوها بعد وقت من التحقيقات المحامي خرج:- ها يقعدوا على ذمه التحقيق 

جميلة:- يحيى لو فاق هيبقا كل حاجة اتحلت 

خديجة:- اي الثقة دى على اساس هيقول الحقيقة 

جميلة:- والله اتمني ينكرها يحيى لازم يفوق و يتنازل عن البلاغ دا المصيبة لبسهم لبسهم و يونس بى الاخاص 

نور بعصبية لمحامي:- ااانت قولت انهم هيخرجو في ايدكك ازاى معرفتش تخرجهم انا ولادي معملوش حاجة ولادى مظلومين 

نور بصت لياسين قالت برجاء و دموع:- هو قال انه هيخرجهم ازاى مش عارف يعمل حاجة اتصرف يا ياسين ولادي بيروحو مني خرجهم و مش ها طلب منك حاجة تانى بس حرام يتحبسو و هما مظلومين 

مليكة مسكت نور بدموع:- ماما ارجوكي اهدي صدقيني كله هيتحل بس بليز اهدي 

نور:- انتي تخرسي خااالص اخروس مش عايزة اسمع صوت حد منكم 

المحامي:- للاسف محدش فيهم انكر بالعكس هما التلاتة ثبتوا التهمة على نفسهم كل واحد بيقول انا احنا هنراجع الكاميرات المراقبة و باذن الله هيكون عايش يحيي لو عاش و نف كل دا سعاتها يقدور يخرجوا و مينفعش يخرجو بكفالة لان دى فيها روح 

نسمة:- لا و الواد حاسس اوى الصراحة يحيى الواطي 

شروق داست على رجليها 

نسمة:- انتي اتجننتي بدوسي على رجلي يا حيوانية 

شروق:- الحيوانية الى متقدرش ولا تفهم المصيبة الى هى فيها جوزك هيتحبس و فيكي روح تشتمي الواطي 

نسمة:- يعني حلوة ليكي و وحشة ليا 

شروق:- بقولك انا مش ناقصكي حلي عني 

نسمة:- انتي الى حلى عني 

ليل:- ابوس ايديكم مش هيبقا هناك و هنا راعو الى بيحصل 

خرجوا العساكر من المكتب و كل واحد في ايديه متهم طبعا حطو الاساور في ايديهم ياسين حاسس انه في كابوس مش قادر يصدق الى شايفو نور حست ان قلبها انخلغ من مكانه رجليها مش شيلها بتبصلهم بقهرة على عيالها يونس بص لى ليل الى بقت بتعيط بوجع صحيح زعلانه و مقهورة منه لكن متتمنش له الكسارة ولا الحبس رغم اتهامه ليها الا انها الوحيدة الى حبيته من غير مقابل نظراتهم لبعض كانت لوم و عتاب حزن اشتياق نسمة سابتهم و جريت على نوح عينيها بقت عليه و على الاساور الى في ايديه دموعها نزلت حضنته و هى بقت بتعيط بانهيار ابوها وامها و دلوقتي جوزها الى مش بعيد يتعدم خديجة بعدته عنها و هى مسكة نفسها علشان متعيطش :- انا عارفه انكم معملتوش حاجة انتوا رجالة ميتخافش عليكم ، انا قلقانة على المساجين الى في الزنزانة منكم 

قالتها و هى بابتسامة بتحاول تطمنهم لكن هى من جواها مرعوبة 

نوح:- خلي بالك من منهم يا ديجة لحد ما اطلع لو طالعت 

خديجة:- هتطلعو و ها تقرفوني مانا مش ورايا غيركم 

شروق اقتربت من سامر حطت ايديها على ايديه:- انا عارفه انك معملتهاش خلي بالك من نفسك 

سامر:- سامحني لو عملت اى غلطة من غير ما اقصد و لو غلطت قصد ارجوكي سامحيني 

شروق اتجهت و حضنت نسمة و ليل طبعا كلهم روحوا معادة ياسين الى روحهم و رجع تاني 

بعد ساعات في المستشفى 

معتصم بغضب:- اما ما ودتهم على حبل المشنقة ميبقش اسمي معتصم هما فاكرين البلد مافيهاش قانون 

اسر اتجه ليه مسكه من هدومه:- دا انا الى هاخد روحك و مش ها دخل سجن فيك ثانية يا بجاحتكم يا*** 

الام بخوف و توتر طبعا جابت وراء:- اسر بيه روق ه هو مش يقصد و بعدين ابني يا حبيبي مدغدغ و اخد رصاصة في كتفه ف 

لبنى قربت منها ببرود بصتلها من فوق لتحت باحتقار قالت بصوت جحيمي:- ف اااي تحبسو احفادي و اكنهم ولاد كلب شياطين و ابنك الملاك صحيح عيلة واطية اااسمعو احفادي لو جرلهم حاجة هتندمو و بعدين يا زبالة يا ***"*تخلي ابنكم يخطب و حفيدتنا على ذمته و كمان بتغيظيها و كل دا من غير ما تقولنا ولا نعرف لييييه مقطوعة ملهاش اهل 

لبنى بصت لمنى اتجهت ليها مسكت ايديها:- محدش يقدر يمنعك انكي تطمني على جوزك 

منى بصت لحماتها و خطيبة يحيى كانت هتقول مش عايزة لكن هزت راسها و اتجهت لغرفته دخلت و قفلت الباب هى اه بتحبه بس بالنسبة ليها مش قادرة تسامحو ذات انها راحت له علشان اخواتها كل وشه مش باين من الكدمات و الضرب طبعا دا بعد ساعات دموعها نزلت بحسرة قعدت جانبه على الكرسي و هى بتبص لكتفه المصاب بقت بتعيط بشهقات حطت ايديها على بؤها بتكتم دموعها بقت بتهدي حالها مسحت دموعها قالت لنفسها:- ياااه يا منى اد اي انتي غبية و مغفلة شوفتي انها صعبة صعبة اوى اخواتك في الحبس بسبب جوزك اااه جوزك الى انتي بالنسبة له هوى ولا حاجة واحدة تافهة وجودها زى عدمها بس انا حبيتك من كل قلبي خليتني اتمني لنفسي التعب و الوجع بس انت تكون بخير كل مرة لازم تكسرني بكرهك يا يحيى يارب طلعوا من قلبي ا انا مش قادرة استحمل مش قادرة 

يحيى رمش بعينيه صوابعه بقت بتتحرك فتح عيونه ببطء كانت الرؤية منغنشة غمض عيونه قال بهمس:- بحبك يا منى 

منى فاقت من سرحانها ابتسمت بمرارة:- علشان مش في وعيك ف طبيعي تخرف 

يحيى فتح عيونه مكنش مصدق نفسه لم لقها كان بيفتكر نفسه انه بيحلم قال بتعب و صوت مرهق:- اخواتك مخلوش في وشي حته سليمة نزلو فيا ضرب 

منى بابتسامة سخرية:- اطمن ها ياخدو اعدام علشان سعدك يارب تكون ارتاحت انت و امك 

يحيى رفع ايديه مسح دموعها :- و انا مستحيل اكون سبب زعلك بعد النهاردة 

منى بصتله برجاء و همس:- هطلع اخواتي من الحبس صح 

يحيى هز راسه بحب و ابتسامة رغم تعبه:- و مفيش جواز تاني انا عندى زوجة واحدة و هى انتي 

منى بهدوء و ثبات ممزوجين بوجع:- خرج اخواتي و نشوف الموضوع دا بعدين ، ارجوك يا يحيى 

الدكتور دخل فحصه 

منى بتسال و قلق:- في حاجة يا دكتور اصابة تانية حاجات من دى 

الدكتور:- مفيش داعي للقلق يا مدام زوج حضرتك كويس هى اصابة بسيطة في الكتف و خلاص مفيش داعي لكل القلق دا بس انا عايز اعرف مين الى عمل فيك كدا 

منى وشها اصفر و ملامحها اتغيرت عينيها بتروح يمين و يسار يحيى اخد باله بص لدكتور و قال بهدوء:- رصاصة طايشة و الى في وشي عملت حادثة 

الدكتور بص له بشك لكن قال بهدوء:- زى ما تحب حمدالله على سلامتك 

الدكتور خرج منى قامت من مكانها راحت البلكونة سندت ايديها على السور بصت لسما بألم لكن قالت:- الحمدلله يارب الحمدلله يارب 

يحيى كان مغمض عيونه و قال لنفسه :- و انا معنديش استعد اعيش من غيرك يا منى انا راضي بكل الى ترزقني بيه يارب طالما رزق العيال مش نصيب ف انا راضي حاجة طالما منى معايا 

منى خرجت و قعدت جانبه على الكرسي سندت راسها على الكرسي و غمضت عيونها و هى حاسه انها تايهة اما في السجن نوح رايح جاي قال بعصبية:- عجبك كدا اديني روحنا في داهية بسبب كلب ميسواش يارب تكون مبسوطة 

يونس ببرود:- بردت ناري انا مكنتش هرتاح غير لم اضربه رصاصة ياريتها كانت جت في قلبه 

نوح رفع ايديه:- ادعي عليك باي و انت فيك كل العبر دا انت ضربت الواد في بيته 

يونس قام وقف قدام نوح:- على اساس انك رايح تشرب معاه شربات مانت كمان ضربته مجتش عليا يعني 

نوح مسك في يونس:- لااا انت شكلك اتجننت و محتاج حد يوقفلك 

يونس مسكه و قال بسخرية:- و الحد دا يكون انت 

سامر اول ما لقهم رايحين يمسكوا في بعض قلع فردة الجزمة و حدفها على يونس و قلع فردة تانية و حدفها على نوح قال ببرود:- هاتوا الفرادي و تعالوا و ياريت تقعدو زى الجزم الواحد مش عارف يتخمد 

نوح قعد جانبه:- و نهون عليك تنام و تسبنا مع العالم دول 

سامر:- اه و ابعد شوية 

سامر رفع قداميه و نام رفع ايديه الى فيها الدبلة بصلها بابتسامة غمض عيونه و نام 

يونس:- دائما كدا نفسي مرة تسهر في فرح بتنام في مصيبة بتنام 

سامر و هو مغمض عيونه:- بقولك يا زميلي انا معرفش الاتنين دول اعملو فيهم ما بدلكم تصبحوا على خير 

سامر نام يونس ربع قدامية:- طب انا زهقان دلوقتي 

نوح:- و مين سمعك عارف نفسي في اي 

يونس:- مش عارف 

نوح:- نفسي امسك يحيى دا اديه علقة محترمة بقولك اي ما تجي نهرب و نخلص عليه و نرتاح 

يونس:- نفسي امسك جاسمين اقتلها و اريح البشرية منها بنت****

نوح:- بس بقا هنروح في داهية اكتر من الى احنا فيها و بعدين محدش قالك من ضمن البنات تتجوز دى 

نوح قعد جانبه و بقوا بيتكلمو في اى حاجة و يهزرو سامر طبعا في سابعة نومة 

تاني يوم الشباب خرجوا بعد ما يحيى نفد كل الى حصل و اجبر اهلو يتنازلو عن البلاغ الى مقدمينه عن الشباب في الفيلا نور قعدة حطه ايديها على راسها 

حياة قعدت جانبها على السرير:- مينفعش كدا يا نونو طب اخرت انكي متناميش ولا تاكلي ولا تشربي هيحصل اي 

منة قعدت الناحية التانية:- و بعدين افرد خرجوا دلوقتي و شفوكي بالحالة دى هيزعلو و بعدين حرام عليكي انتي بتعقبي نفسك ولا مين 

عائشة:- اقولكم اي ما تيجو نلعب كوتشينا زى زمان فاكرة يا حياة 

حياة بابتسامة:- فاكرة و فاكرة تعليمات المثقف الى لازم يلبس نضارة و هو بيذاكر و هو بيقرا عن حالة الدنيا كلها كانت بتحسدني عليه مع ان الى يشوفوا يقول انه هيتجوز منة 

منة:- دا انتي قلبك اسود اوى و بعدين الواد اقصد الدكتور عمار عمره ما لمح بحاجة زى كدا و بعدين من زمان اوى الدنيا كلها عارفة ان عمار لحياة و حياة لعمار من ايام اعدادي 

نور:- اااه حضانة يا منة حضااانة دماغي هتنفجررر ولادي اول فرحتي راحوا مني يا نااااس 

عائشة:- مكنش يومك يا نورر ياختييي اااااع 

حياة:- علشان تلمي نفسك 

عائشة:- بساعدها 

منة:- يلهوي عليكم اموات و اعرف جوزتكم حبوكم ازاى حبهم برص ياختي 

حياة:- جدعة يا نور اديها كمان 

نور ضحكت غصب عنها:- والله ما عايزة اضحك 

منة بتوتر:- بقولك اي يا نونو 

نور:- قولي 

منة:- شوفي بقا يا ستي احنا بقلنا اد اي نعرف بعض 

نور:- من حضانة تقريبا احلي معرفة 

عائشة:- اهو دا العشم برضو يا نونو 

منة:- بصي احنا جايين نخفف عنك 

نور بصت لحياة بعدم فهم:- هو في اي 

حياة هى كمان مش فاهمة حاجة:- علمي علمك ياختي ما تخلصونا بقا من الالغاز دى 

عائشة:- تمام بصي يا نور منة ليها أمانة عندك و عايزاها 

نور:- هو مش انا خلصت الفلوس الى كنت مستلفها منك من زمان

حياة:- حصل دى من ايام ثانوي عملتي اي يا نور 

نور:- معرفش 

منة ربعت رجليها:- المثل بيقولوا قبل ما تحاسب حاسب 

عائشة:- عندك خلصت القول منة ابنها مراد عايز يتجوز جميلة بنتك قولتي اي 

نور:- بلاش هزار والله الى فيا مكفيني 

حياة:- منة بلاش هزار البت على اخرها 

منة:- و انا ها هزر معاكم بتاع اي و طبعا مش ها لقي بنت محترمه و عاقلة زى مليكة أو جميلة بنت اختي و صاحبتي 

نور بصتلها بصدمة :- جميلة بنتي انا 

حياة بتوتر ؛- مع ان الوقت يمكن مش مناسب بس انتي مش هتلقي زى مراد لا في ادبه ولا اخلاقه كلنا عارفين منة و تربيتها الوحيدة الى عرفت تربي 

عائشة:- الحاجة الوحيدة الى فالحتي فيها يا منة 

منة:- ياربي على قركم لدرجة دى طلبي صعب يا نور انتي مش عارفه تردي 

جميلة واقفة على الباب:- لان مش محتاجة سؤال يا خالتو ، انا مش هلقي احسن من مراد انا اكيد موافقة 

نور اتسعت عينيها بصدمة اكبر هى بتقول اي كانت هتتكلم لكن سمعت صوت سامر و نوح و يونس و هما بينادو عليها باعلي صوتهم 

يونس من تحت:- امىى احنا رجعناا 

سامر:- بس بقا انتوا تفزعو بلاد انا طالع ليها 

نوح:- هى يعني جت عليا 

في ثانية كانت نور نطت من على السرير نوح باس ايديها نور و يونس باس ايديها و راسها و سامر كمان نور حضنتهم هما التلاتة كل واحد منهم بيحمد ربنا انه عدت على خير و رجعوا لحضن امهم تاني الى برضو ثانيه كمان و كانت ماتت من قهرتها و حسرتها عليهم حياة عيونها دمعت عائشة و منة عيطو من الفرح نور طبعا مش مصدقه ان ولادها معاها بعدت عنهم:- انتوا كويسين حصلكم حاجة اي الى حصل عملت ليه كدا يا يونس 

سامر:- انا الى قتلته 

نوح:- الى قتله هو انا حتي اسالوه 

يونس:- يعني هتكدبه و هتكدبو الكاميرات انا الى عملتها ياما لان الواطي خطب و منى لسه على ذمته حتي مقالش ليها ولا لينا و امه اخدت خطيبته النادي الى منى فيه و فعلا نجحت في ان تخلي البت تتقهر 

نور اتصدمت حياة و اصحابها بصوا لبعض بصدمة 

نسمة و شروق اول ما سمعوا الصوت خرجوا طبعا ليل كانت نايمة من التعب لانها منامتش 

نسمة جريت على نوح و حضنتها بفرح شروق مسكت ايدي سامر بفرح و ابتسامة:- مش قولتلك انك هتخرج منها . بس انا زعلانة 

سامر:- حقك عليا بس 

شروق قطعت كلامه بمزح راحت المطبخ و جت جري:- كنت محضرلك عيش و حلاوة كفرة يا حبيبي 

سامر بصلها بدهشة و بص لى سندوتشات الحلاوة الى في ايديه حطهم في ايديها:- ليه التشام دا امسكي انا مش بحب الشي دا 

نوح بص لنسمة 

نسمة:- اي بص انا كنت مستنية تبقا بى البدلة البيضاء أو الزرقاء ساعدها ابقا اجبلك سندوتشات حلاوة و جبنة بيضاء كمان 

نوح: -  فصلتني 

نوح حط ايديه على كتفها و راحوا اوضتهم و سامر كمان يونس بص حواليه بحزن:- امى هى فين جاسمين 

نور:- حد قالك انى شغالة ولا بواب معرفش مشوفتش وشها من ساعة اخر مرة 

يونس:- هى فين ليل مش باينة 

نور ربعت ايديها:- و مش هتشوفها و اوضك من النهاردة تحت امشي من وشي 

يونس بصلها بحزن و سمع كلامها 

نور لفت وشها لجميلة و اصحابها 

نور ؛- خمس دقائق يا جميلة لو ما لقيت الغداء قدامي هاكلك انتي و اخوكي امشي من وشي عيال هم 

منة و عائشة و حياة واقفين مصدومين منها 

بالليل على السفرة 

ياسين:- صحيح مصطفى جوز صاحبتك اسمها اي حياة 

نور رزعت المعلقة بغيرة:- هو انت مالك بحياة مانت عارف ان حياة مرات عمار صاحبي من ايام الحضانة ميكنش عايزة التانية 

خديجة ؛- شيطان و دخل بينكم مش قصدها 

نور:- اي هخاف مثلا 

ياسين بصلها بهدوء عكس العصبية هو عارف انها مضغوطة:- كلكم شبة بعض ذات انا مالي باسميهم المهم جوز الست دى جلي هو و ابنه مراد الشركة و طالب ايد جميلة لجواز 

نيرة:- عندنا فرح 

نوح:- طب هنعمل اي 

ياسين:- قولت يسبوني يومين افكر و اخد رايها دا جواز لعبة مش عايز نعيد نفس الغلط مرتين 

جميلة:-  و انا موافقة 

ياسين ولا اكنه سامع حاجه:- خلصي اكلك و شوفي بتعملي اي 

سامر:- بس كلنا عارفين مراد ابن خالتي منة كويس و محترم 

يونس:- و طايرة منه حبتين 

ملك:- بس كويس دا المهم 

منى:- بابا انا عايزة اطلق من يحيى. انا و هو وصلنا لطريق مسدود مش قادرة اكمل معاه يمكن الى حصلي عقابي على الى عملته زمان من وراكم 

ياسين بثبات و حادة:- ياريت نقفل الموضوع خصوصا الماضي انا مش عايز اقفل منكم اليوم طويل ف نحاول نبقا لطاف مع بعض و انتوا عملتو اي في المدرسة النهاردة 

نورهان:- والله يا عمي هى حاجة ممل بس اكل العيش بقا 

نيرة:- على قولك اكل العيش مررا و لازم نستحمل علشان نعدي 

رحمة:- هانت يا ريا انتي و سكينة 

رحيم:- يبقا انتي حسب الله ههه 

رحمة:- يا دمك 

رحيم:- يا سوسو 

ياسين:- و بعدين معاكم 

بعد الغداء خديجة برضو بتاكل الفستق باستمتاع 

خديجة:- اموت و اعرف مين الى جبلي البوكس دا فيها شوكولاتة و فستق بالهبل لا و الانسيال حكاية 

الباب خبط قامت فتحت الباب 

ادم:- هلاو عمتو 

خديجة:- جتك عما انت ياض ملكش بيت انت مقيم هنا 

ادم بمزح:- طب ما انتي رشقة هنا و محدش اتكلم جت عليا 

خديجة:- اااع ادم ادم انا على اخري ف بلاش تبقا الضحية الى ها تبقا على ايدي 

ادم:- لو هموت على ايد الفستق معنديش مانع 

قالها بغمزة خديجة اتسعت عينيها بدهشة رزعت الباب و رجعت قعدت على الكنبة:- واحد وقح شوف مين بيخبط 

ادم فتح الباب 

جاسمين بصتله باستغراب 

خديجة قامت تشوف مين 

جاسمين حضنتها:- هو انا جيت في وقت مش مناسبة يا ديجة ، بس انتي مش كبيرة على الحركات دى و كمان يعني حقك تتجوزي بس مش علشان القطر فاتك تتجوزي من دور عيالك ولا انا غلطانة 

خديجة مسكتها من شعرها:- يوووووووووونس 

صوتها هز اركان البيت الكل جاه على الصوت 

خديجة رمت جاسمين تحت رجل يونس 

جاسمين بدموع:- عجبك كدا عمتك ضربتني و شتمتني 

خديجة بحادة و سخرية:- و اخد روث ابوها عندك مااانع 

يونس:- انتي تعملي الى انتي عايزاه احنا عندنا كام ديجة 

جاسمين قامت بصتله 

ادم فتح الباب كانت ليليان و مختار 

جميلة شافت مختار استخبت في امها نور بصتلها بقلق لم لقت وشها بقا شاحب ايديها بتترعش 

يونس بص لجاسمين بغضب و ضربها كف وووو 

يتبع 

رايكم في الحلقة و رد فعل خديجة و تفتكروا مين الى جلبها البوكس دا و منى ها تطلاق من يحيى ولا لا 

بالنسبة ليا احلي حاجة في الرواية اصحاب نور رايكم في لبنى و اسر 

الحلقه 14

عائشة الكيلاني 

عشق ابيض واسود 🤍 🖤

 الفصل الخامس عشر الجزء الثالث من هنا 

لمتابعة باقي الرواية زوروا قناتنا على التليجرام من هنا      

تعديل المقال