رواية عشق ابيض واسود الفصل الثامن عشر 18 الجزء الثالث بقلم عائشة الكيلاني

رواية عشق ابيض واسود الفصل الثامن عشر 18 الجزء الثالث بقلم عائشة الكيلاني

اسر فضل مكانه مصدوم و متخلبط فاق على صوت ادم الى ارتبك و اتلخبط اكتر:- احم هو انا قولت حاجة غلط او الانسة خديجة مخطوبة انا حقيقي بحبها اوي و مستعد اعمل اي حاجه علشانها طب اي سبب الرفض 

اسر بهدوء :- الموضوع مش كدا بس انت مش واخد بالك انك اصغر منها بالتلات سنين هى سابعة و عشرين سنة و انت اربعة و عشرين دا طبيعي انت زى ابنى 

ادم بهدوء و ثبات و مزح:- بعد اذنك يا عمي ابن حضرتك ابو العيال متجوز اكبر منه و عاملين ثنائي يجنن ، وبعدين انت لسه بتقولي زى ابنك ازاى زى ابنك و ازاي رفض الموضوع اكيد في سبب تاني 

اسر بهدوء ممزوج بحادة:- واضح انكم شبه بعض انا حاليا مقدرش اقول اه ولا لا ادني يومين و هقولك الرد 

ادم قام بابتسامة:- طب استاذن انا و هستنا رد حضرتك 

اسر قام بهدوء سلم على ادم و خرجوا ادم ركب عربيته و مشي و اسر دخل الفيلا راح المطبخ 

لبنى بفضول:- كان عايزك في اي 

اسر قعد على كرسي السفرة المطبخ:- مفيش كان عايز يتجوز خديجة 

لبنى بتشرب العصير بهدوء و فرح:- طب و فيها اي يا حبيبي طالما بيحبها يبقا اي المانع 

اسر بجدية:- هو اي الى اي يعني خديجة اكبر منه بتلات سنين هى سابعة و عشرين و هو اربعة و عشرين سنة انت مدرجة الموضوع ولا اي تفكيرك 

لبنى بهدوء:- و فيها اي 

كملت ببرود و اكنها بتفكره بحاجة 

لبنى:- و اي يعني و بعدين ما ياسين اتجوز نور الى اكبر منه باربع سنين على الاقل بنتي لسه مكسرتش سن التلاتين 

اسر بصدمة:- فعلا مفيش فايدة فيكي هى البت جات جانبك اومال اي بنتي و اختي بتشتغليني 

لبنى:- بص في بيني وبين نور حاجز من ساعة ما عرفت ان ابنى اانا عايز يتجوز اد امه اه بحبها و كل حاجة بس مش لدرجة انهاا تخطف ابني مني لا و تخلف منه لسه مش صافية ليها و دلوقتي اكيد فهمت كلامي لم يونس اتجوز واحدة مش على هوها انا عن نفسي موافقة ان ادم يتجوز ديجة اهو من سنة بعض مش ستة وعشرين يتجوز تلاتين 

دا المفروض يقولها يا ماما مش بحبك اعمي البصر و البصيرة 

اسر قام بحادة ممزوجة بغضب و جنون:- مفييش فايدة اااناا تعبت منك ومن تفكيرك و دماغك 

اسر خرج من المطبخ و لبنى قعدت تشرب العصير ببرود و استمتاع :- مالوا دا هى كلمة الحق تزعل طب ما فعلا بنت اخوه كبيرة على ابني دى اكبر مني كمان خطفته بت الجزم 

اما في بيت ياسين و نور 

منة قعدت:- هاا مالك بقا 

حياة:- اش اش انتي جاية تنامي هنا فوقي 

عائشة بنعس:- معلشو يا بنات معرفتش انام بسبب عمر ابنى الراجل غضبان عندي 

نور باستغراب لكن قالت:- ربنا يهدى الجميع 

عائشة و هى بتبص لمنة:- قصدك ربنا على المفتري عجبك الى بنتك بتعملو يا منة 

منة:- اخفي من وشي عليكي و على ابنك و على مصطفى بالمرة ما تحلو عني بقا اااي انا الى سخنتها كفااية انى مش بشوفها قربت انسا شكلها بسبب تحكم ابنك المريض 

عائشة قامت '- لااا بقا انا ابنى مش مريض بنتك انتي مستفزة و مش عاملة احترام لكبير ولا لصغير هى فاكرة نفسها اي بتاعت تجارة 

حياة حطت ايديها في جبينها بصداع و نور كمان 

منة قامت:- انا لو كنت اعرف انكي هنا مكنتش جيت اي القرف دا دى كانت جوازة مهببة 

عائشة بعصبية:- انتي مش بتحبي الحق و علشان عيالك تقلبي على اقرب الناس ليكي 

منة لفت الطرحة و قامت نور قامت:- منة اهدي هى مش قصدها 

عائشة:- لا اقصد و نص 

حياة قامت:- اسكوتي بقاا يا عائشة خلاص يا منة متكبريش الموضوع 

نور بعصبية:- بجد عيب عليكم انتوا بقيتو اتفه من الاطفال ااي الى بتهببو دا ما تمسكو في شعر بعض بالمرة احناا سنين مع بعض و عمر ما حد فينا مسك في التاني علشان حاجة حتي لو علشان العيال... انتي يا اش اش من زمان اوى و انتي مش على هواكي الجوازة دى 

عائشة:- يعني هى الى على هواها 

منة بحادة و عصبية:- اناا لحد دلوقتي خارسة ااابنك مانع بنتي تجي عندي و ساكته و  كتمة في قلبي علشان بيتها ميتخربش بتعمليها زفت و برضو البت مش بتتكلم ااانتي فاكرة نفسك اي يا شيخة دا انتي عديتي بالغش 

حياة:- كفااية انتي و هى 

نور بصتلهم بصدمة:- فعلا اتجننوت عائشة الجوازة دى من الاول غلط في غلط انتي لا طيقة البت ولا طيقة الجوازة وافقتي ليه ذات اانتي ماالك اصلا هو ليه حياته و انتي ليكي حياتك احنا وجودنا اااننا نربي عيالنا و نكبرهم مش اننا نجوزهم و ندخل في حياتهم كل شوية عمر مش صغير علشان كل شوية تخدي قرارات عنه و تدخلي في حياته اكنه طفل ما تفوقي بقاا هاندا مش عمتها و عمر مش اخوكي كفاية بقا 

عائشة بعصبية و حادة:- تمام اشبعو ببعض 

نور:- اترزعي احنا لسه مخلصناش كلامنا 

حياة:- اقعدو و بطلو جنان عيال و سنين العيال 

منة حطت ايديها على خدها:- و انتي يا عمتي اي الدنيا بقلك فترة 

نور:- يومين يومين يا منة و اصبري انا طبعا معنديش مانع ابوها عنده مانع 

حياة ضحكت غصب عنها :- فاكرة يا نور ياسين كان لم يسلم علينا 

نور بتاكل البرتقال:- مممم عادى 

منة:- عادى اي دا كان بيسلم ولا التلميذ الى في المدرسة 

عائشة بضحك:- ازيك يا ابنة حياة ازيك يا ابلة منة و طبعاً كان بيقولك ابلة نور 

حياة بضحك:- معرفش ليه كان متعمد يقولك ابلة 

نور:- نينيني بيقولها من باب الاحترام لى الاكبر منه 

عائشة:- بس على فكره و دا اكيد علشان تعرفوا انى عالمية الواد دا كان بيعكسك 

عائشة تقلده:- ازيك يا ابلة نور ااااع ايدك يا منة 

منة:- يخرب بيتك انتي بتقلدى الواد اقصد الراجل في بيته 

نور:- ولاده فوق و واحد في الجنينة اناديهم 

عائشة قعدت:- و اهون عليكي يا نونو يا صاحبة عمري 

حياة بتاكل الموز:- ااه تهوني طالما عايزة الجزم 

نور:- منة فاكرة امك كانت بتعمل فينا اي 

حياة:- بتضربنا بالعصاية معرفش ليه 

منة:- اسالوا نفسكم خصوصا الى ضحكتها تودينا ورا الشمس 

الكل بص لعائشة 

نور:- ممكن نتكلم جد شوية بلاش الش بقا 

منى و ملك نزلوا 

منى و ملك بابتسامة:- صباح الخير 

الجميع رد عليهم:- صباح النور 

نور:- رايحين فين كدا 

ملك بمزح:- رايحين نعمل مصيبة ههه 

منى ؛- التدريب ديجة قالت نروح تدربنا شوية هنرجع معاها مش هنتاخر يعني 

نور:- اومال فين التلاتة 

منى:- نايمة 

نور ؛- طب متتاخروش 

ملك:- نص ساعة و هنكون هنا باي باي شباب 

ملك و منى خرجو من الفيلا 

ملك بتمثيل:- معلش يا مونى تلفوني فاصل شحن ممكن تروحي تجيبي الشاحن بليز 

منى بهدوء:- محصلش حاجة 

منى فتحت البوابة و دخلت الفيلا 

منة:- بسرعة دى 

منى:- ملك نسيت الشاحن هطلع اجيبه و مش هتاخر 

عائشة:- ربنا معاكي نور هاتي الكوتشينه خلينا نلعب شوية بدل الزهق دا 

نور قامت منى دخلت اوضة ملك اخدت الشاحن و نزلت خرجت من الفيلا و قفلت البوابة وراها اتصدمت لم ملقتش ملك ولا العربية:- حيوانية 

يحيى بتمثيل الاستغراب و الصدمة:- اي دا منى بتعملي اي 

منى طالعت تلفونها من الشنطة ولا اكنه موجود فتحت تلفونها حاولت تكلم ملك لكن مكنتش بترد نفخت بضيقه 

يحيى:- انتي كويسة 

منى نسيت كانت بتعمل اي:- انا كنت... و انت مالك 

يحيى بابتسامة:- شكلك زى القمر 

منى بصتله و مردتش عليه 

يحيى:- انا ممكن اوصلك 

منى ببرود:- مستغنية عن مساعداتك هطلب اوبرا 

يحيى:- اوبرا و انا موجود مينفعش طبعا اركبي انا هوصلك 

منى ربعت ايديها و تجاهلت النظر له يحيى فتح باب العربية:- منى لو سمحتي اركبي بلاش عندا 

منى:- انا مش عايزة اروح في مكان تمام 

كانت منى كانت هتمشي يحيى مسك ايديها و ركبها العربية و قفل الباب ركب الناحية التانية و اتحرك 

يحيى:- عايز اتكلم معاكي 

منى:- هو هيجر حاجة لم تخلي عندك احساس و تطلاقني انا مبقتش عايزك مش بحبك 

يحيى:- بس انا بحبك و اه هيجر انى مش هقدر على بعدك عني انا مستنكي لحد ما تزهقي من اخواتك و نروح بيتنا 

منى:- و انا افضل الحبس ولا ارجعلك 

يحيى زود السرعة بعد وقت في بيت يحيى 

منى بصتله دخلت البيت يحيى قفل الباب بالمفتاح 

يحيى:- هنتكلم هنا في بيتنا متخفيش 

منى قعدت بهدوء و ثبات:- انا مش خايفه لانك مش موجود اصلا اه متستغربش انا مش شايفك ممم خالص 

يحيى قرب منها قعد على ركع عند قداميها:- انا مهما اعتذارت منك حقك متقبليش الاعتذار و حقك كمان تكراهيني بس ادني فرصة 

منى الدموع اتجمعت في عينيها بوجع:- زى ما انت ادتني فرصة افهمك و اشرحلك مثلا 

قالتها بسخرية يحيى غمض عيونه و فتحتهم بمرارة:- ها تصدقيني لو قولت انى ندمت على الى عملته معاكي و انى ظلمتك 

منى:- و انا ندمت انى حبيتك و اتجوزتك يا يحيى 

يحيى مسك ايديها قبلها و دخل اوضته 

اما في مكان تانى ليل دخلت بيت شكله غريب دخلت الشقة 

كان واقف مديها ضهرو:- جيت في وقتك يا حبيبتي 

ليل تقدم منه وووووو

يتبع 

يا تري منى هتسامح يحيى ولا لا و ليل راحت تقابل مين في السر 

عشق ابيض واسود 🤍 🖤 

عائشة الكيلاني

  الفصل التاسع عشر الجزء الثالث من هنا 

لمتابعة باقي الرواية زوروا قناتنا على التليجرام من هنا  

تعديل المقال