رواية عشق ابيض واسود الفصل العشرون 20 الجزء الثالث بقلم عائشة الكيلاني

رواية عشق ابيض واسود الفصل العشرون 20 الجزء الثالث بقلم عائشة الكيلاني

فاقت من سرحانها 

ادم:- عمتي انتي كويسة ولا اي الدنيا 

خديجة:- جتك عما يا بعيد هو انا هنا ليه 

ادم بدهشة:- اصلا 

خديجة:- ااه علشان البنات يا سيدت الرائد يا راجل القانون و العدل يااا عدو لظلم و قهر المرأة اسمحلي اقولك انك مخطا جدا في الحكم على هذا الفتيات الصغيرات الأبرياء المحترمات انهم غلابة و عقلهم على قدهم معلش عيال و غلطت بس والله محترمين و غلاابة انت مش واثق في كلامي دا انا نفسي دليل معايا اسكرينات تدل على كلامي ثانيه واحدة 

خديجة فتحت الفون و فتحت الشات الى بينها وبين اصحابها و عطيته لادم الى كان مش عايز يضحك اما اصحابها ف كل واحدة حطت ايديها على راسها 

خديجة بثقة:- و دى الادلة الى تثبت كلامي يا فندي اقصد يا سيدت الرائد زى ما قولتلك البنات مفيش عليهم اى حاجة تدل انهم شاربين أو من النوع دا 

خديجة قعدت حطت رجل على رجل:- انا عايزة اعمل محضر تعدي عليهم لان بص مش في وعيهم و اكيد مش بإرادتهم ... نعملهم تحليل 

ميسون باندفاع:- ليييه ليييه يا حبيبتي احنا بنقولك طالعيني مش  نروح في داهية 

ميرا:- احنا مش محترمين و زبالة و فينا العبر بعد اذنك احبسنا و ارحمنا 

ميس:- منورين يا بنات الحبس منين يا حضرة الرائد 

خديجة:- انا اطالب بتحليل و محضر تعدي و تخدير لبنات 

البنات ضربو على وشهم خديجة بدل ما تحل بوظت الدنيا اه محامية بس ولا مرة اترفعت أو اشتغلت في المهنة 

خديجة:- شوف شوف مش قادرين يقفو ليه علشان متخدرين مش في وعيهم. 

قالت بصوت واطي لكن ادم سمعها:- استغفر الله العظيم كدبت علشان اخرجكم دا انتوا شياطين 

ادم عطها الفون ببرود:- خديجة هانم الى معاكي دا يثبت التهمة عليهم اكتر هما هيتحبسو كام يوم لحد ما يتربو 

خديجة:- ولا حتي كفالة 

ادم:- حتي دى مننفعش الهوانم ماشين على سرعة ٩٠ اتكلمو مع الظباط بمنتهى قلت الادب و كسروا اللجنة و غير كل دا شاربين و مش معاهم رخصة و لا بيتكلمو كمان دا هما الى تعدوا بالسناتهم... متشغليش بالك انتي تقدري تروحي و ترتاحي 

خديجة:- ادني ودنك 

ادم:- يارب 

خديجة:- طب طالعهم و تبقا عم العيال و نربيهم مع بعض و اوعدك مفيش اكل فستق ولا شوكولاتة بعد النهاردة بس خروجهم بليز يا دومي اقصد يا حضرة الرائد دومي 

ادم :- انتي تاكلي فستق زى ما انتي عايزة و لو حد كلمك على الحكاية دى كلميني و ملكيش دعوة بس بلاش المزرعة 

خديجة سندت ايديها على المكتب ادم عمل زيها و هنا تلتقي النظرات و الابتسامات فاقوا على صوت ميسون 

ميسون:- طب احنا اي نظامنا 

ادم فاق من سرحانه:- يا عسكري

العسكري:- تمام يا فندم 

ادم:- خد التلاتة دول الحبس 

العسكري:- امرك يا فندم قدامي حضراتكم يلا

ميسون و ميس و ميرا بصو لبعض و لخديجة بغيظ لانها عكت الدنيا 

خديجة:- طب انا مش هروح معاهم 

ادم بابتسامة و مزح:- لا انتي هطبقي معايا النهاردة اهو نونس بعض ولا انتي عايزة تروحي 

خديجة ضيقت عينيها فجأة فتحت الشنطة و طلعت علبة الفستق و الشوكولاتة:- مد ايدك يا دومي مكسوف ليه دا انت صاحب مكتب 

ادم:- انتي مشكلة.. هو متأكدة انكي عمة العيال 

خديجة بتاكل الفستق:- ممم ظلموني و خلوني عمة غصب عني شوفت الغدر 

ادم:- ملهمش حق الصراحة 

خديجة ضربت ايديها على جبينها:- نهار اسود نور ها تطلاق و انا هدفن بجد 

قامت لمت حاجاتها بصت لادم:- اعتبرني اختك و اطمن عليا لو رديت يبقا تمام لو مردتش ابقا اتصل بالبوليس... ادم اوع تسيب حقي الا الولايا يا ادم 

ادم:- حاضر لو مردتيش هروح المزرعة اشوفك فيها و ان شاء الله اخوكي مش هيعمل حاجة غير اعدم بس 

خديجة جريت على الباب لسه ها تفتحه 

ادم حط ايديه في جيبه:- عمتي 

خديجة لفت وشها و قالت:- تضرب انت و عمتك يا بعيد 

ادم:- سلمي على الشهداء الى معاكي الوداع 

خديجة:- اوع متجيش العزاء بتاعي ازعل منك 

ادم:- و دى تجي برضو احنا اصحاب واجب 

خديجة فتحت الباب و خرجت جري لكن استغربت من ادم الى خرج و قفل المكتب وراه 

خديجة بصتله:- انت مش عندك شغل 

ادم:: لا خلصت يلا بقا الوقت اتاخر و دا مش حلو خصوصا لم يبقا القمر جانبي 

خديجة:- القمر في السما يا ادم و بعدين عيب جو المعاكسات دا مش حلو دا انا عمة صاحبك اتلم و ... انت بتضحك عليا اي شايفني مجنونة بقطع في شعري ولا بحدف الناس بالطوب 

ادم:- يا ستي اهدى انتي لا مجنونة ولا بتحدفي الناس بالطوب انتي جميلة جدا 

خديجة فرحت لم قال كدا لكن قالت بحادة مزيفة:: اتلم لا ابلغ عنك و اعملك محضر ت 

ادم:- بسسس ها تخسرني شغلي اتفضلي قدامي 

خديجة مشيت قدامه خرجوا من القسم ركبه عربيته و نفس الحال طالعت الفستق تاكل فيه و بيتكلمو بعد وقت نزلت من العربية و جريت على الفيلا قلعت الجزمة و دخلت من غير صوت 

ياسين قعد على الكرسي من غير ما يبصلها:- اخر صبري 

خديجة بصت حواليها اتسعت عينيها لم لقيته قدامها:- بسم الله الرحمن الرحيم.. شوف يا ابيه ان انا مش طبيعية بمشي و انا نايمة اوقات بزغرط مش عارفه مالي ببقا نايمة اصحي القي نفسي بالمنظر دا مش يمكن عليا عفريت 

سليم:-يا سبحان الله هو برضو العفريت ها يسوقك و يشيك كدا تو جديدة دى 

ياسين بصلها بهدوء خديجة شهقت لم لقيته لفف حزام على ايديه 

ادم دخل:- السلام عليكم 

الكل رد السلام 

شروق بقلق:- انت كويس الى في البيت كويسين 

ادم:- كويسين يا شوشو 

سامر:- بقلي زمان مشوفتش وشه ف قولت النهاردة يتعشا معانا 

نوح:- بص يا ادم مفيش مرواح 

يونس:- و دا امر الحكومة امى مفيش معاها نقاش ولا فصال 

سيف و جميلة جم 

سامر بص ليونس:- انت الى عملت كدا 

يونس بصوت واطي و ابتسامة:- ما هو لو محدش فينا اتحرك الواد اقصد الراجل هيقتل اخته ف قولت اعزم طوب الارض و اهو نتسلي بدل الفقر دا 

نوح:- دا الى هو انت 

يونس بص له:- واد انت سبني في حالي انا مش طيقك 

نوح:- يعني انا الى طيقك 

جميلة:- و بعدين معاكم يا نوح 

سامر:- انا اتكلمت يا عمتي و بعدين انا سامر نوح اهو 

جنة و جنى و لؤي جم و جوز جنى 

جنى:- عمتوو 

لؤي:- يا نوررر يا نووور 

جنى:- هى مش بترد ليه 

لؤي بص لياسين:- عملت فيها اي يا رشيدي وديت نورر فين 

سيف لجميلة:- الواد دا طالع لابوه طول عمره اوفر 

جميلة مسكت في سيف:- تفتكر يكون قتلها بجد 

سيف:- انتي بتكبري و عقلك بيصغر انا اضحك عليا في الاجوازة دى 

جميلة بدلال:- لو مش عجبك طلاقني 

تيام جاه:- السلام عليكم 

ملك بابتسامة:- انت تاني 

تيام:- انا مقيم هنا مش هروح هنتجوز هنا و

يونس:- ما تكمل 

تيام:- دا انا بهزر البيت بيتكم يا شباب فين بقا حماتي 

جنة:- شكلها طفشت 

مليكة:- لا هى تلقيها بتصلي 

يحيى و منى جم 

منى و هى بتنادى على امها:- يا نووررر نورر سامعني... عملت اي في امى يا بابا 

يوسف و رفيف جم 

رفيف و بتنادي بصوت عالي:- يا نوووور نوررر سامعني نوررر ردي عليا 

بصت لياسين:- عملت اي في البت يا خالي قتلت نوررر رد عليا ودت نور فين 

ياسين جاب اخره:- بتصليي لحد دلوقتي عايشة لكن كلمة كمان هطلع اموتها و ارتاح اي الصداع دا كل واحد يقعد مكانه 

مراد جيه:- خااالتي 

نور و هى نزلة على السلم بتبصلهم باستغراب و فرح 

ياسر اخو جنة جاه و معاه علا 

علا:- دكتورا نور انتي كويسة 

نور اتجهت ليها حضنتها:- حمدالله على السلامه رجعتو امتي 

علا:- من اسبوع بس حبينا نعملك مفاجأة بس ياسر وافق بصعوبه بس اقتنع 

نور:- بسسس 

سليم ابن حياة و عمار برضو جاه هو و مراته و برضو عمر و هاندا عمر ابن عائشة و هاندا بنت منة و اخت مراد سلمو على نور و بعد ما اطمنو ان نور لسه عايشه و بخير قعدوا كلهم متجمعين بعدين جت منة و مصطفى جوزها البيت مدل ما يكون نكدا بقا مليان ضحك و حكايات و ذكريات طبعا اسر و لبني جم هما كمان 

مراد:- الحقيقة انا جيت مش علشان خالتي مع احترامي 

نور لى منة بصوت واطي:- انتي كمان معرفتيش تربي على فكرة 

منة:- بعدين بعدين خلينا نشوف اخرتها 

مراد بص لمليكة بحب و بعدين بص لياسين:- انا جاي علشان اعلن خطوبتي انا و مليكة ملقتش جوا احسن من ان اكون وسط عليتنا و بيم ان الاب موافق و الام موافقة و احنا موافقين يبقا لا لا 

سامر:- بس اخواتها مش موافقين 

خديجة رفعت ايديها:- ولا عمتها 

مراد ؛- مش مهما 

جميلة حدفته بالمخدة 

مليكة مكنتش عارفه تضحك ولا تعيط مراد طالعة علبة الدل و اخيرا لبسو الدبل 

ادم قام:- اانت شجعتني انا يا حماة اختي بيم انك مربية عمتي و بتعتبرها بنتك ف انا جاي اطلب منك انى اتجوز عمتو ديجة انا الصراحة طلبتها من ابوك و رفض ف جتلك اتمني توافق 

الكل بص لخديجة بصدمة اسر:- اي رايك يا خديجة 

خديجة:- بس انا مش موافقة 

ووووو 

يتبع 

يا نورر كل الى في الرواية بينادى على نور 

عشق ابيض واسود 🤍 🖤 

عائشة الكيلاني

  الفصل الواحد والعشرون الجزء الثالث من هنا

لمتابعة باقي الرواية زوروا قناتنا على التليجرام من هنا    

تعديل المقال