رواية عشق ابيض واسود الفصل الاول 1 الجزء الرابع بقلم عائشة الكيلاني
كانت العيلة متجمعة في بيت اسر و لبنى كان البيت ملي بالضحك و الهزار و طبعا شقاوة الاطفال الى حرفيا لبنى و نور بيصوتو منهم
لبنى:- ولد
تميم:- معملتش حاجة يا تيته دى ليليان
جميلة لخديجة:- ما تشوفي بنتك يا حجة و كفاية اكل على رمضان مش لاقي فستق
خديجة بتشرب العصير:- خليكي في حالك يا عمتي
جميلة :- فين الشبشب هاتولي الشبشب انتي مش بتهمدي ليه اعقلي بقا بنتك بقت طولك
خديجة:- حاا انا لسه صغننة و بعدين مكنش سابع سنين الى عندها
ملك بصت لمنى:- دا جديد مش كدا
منى بابتسامة و فرح:- ايوة يحيى جابوه ليا و هو في دبي حلو
نسمة:- يجنن على ايدك بالظبط
منى لملك:- تجربيه انا و انتوا نفس المقاس
ملك:- ما تلمى نفسك اجرب اي حاجة خاصة احنا اي دخل اهلنا بيها
ليل بمزح:- بس حلو الخاتم يا شوشو بس مش صغير عليكي
شروق:: و لم اقوم بالشبشب و تزعلي
نسمة بملل:- يا جدعان مكنش خاتم بقا بطلو صداع
نورهان:- نسمة ريان صحي
نسمة:- ااي يتجبيه يا تسبيه انا مش ناقصه مش هناك و هنا بطلو قرف
نيرة:- على اساس انكى بتشليه اصلا الواد بينام مع ماما انتي مفتريه يا اااع
ملك:- هيهي برستجك ممكن يضيع قدام عيالك في اى لحظة
رحمة :- محمدد بطل جري يا بابا مش كل يومين في المستشفى ارحم اهلنا شوية
خديجة:- براحة يا حبيبتي مش كدا
رحمة:- براحة اعمل اي يا ديجة هو دا بيجي ببراحة في الاخر انا الى ببقا مهملة اولع في روحي علشان البيه يرتاح هو و ابنه انا تعبت تعبت
مليكة:- و انتي يا ملك هتسافري تاني ولا اي الدنيا
ملك:- لا خلاص ها نستقر هنا بابا معاه حق ما هو مش حاجة حلوة لم اسيب عيالي و اسافر من بلد لبلد اومال هقعد معاهم و اشبع منهم امتي
مليكة بصت لمنى بابتسامة:- اش اش عربيه جديدة و انسيال و حب و رومانسيه ولا اكنكم عندك طفل
بتعمليها ازاي ماشية معاكي
منى كانت هتتكلم لكن الفون بتاعها رن:- دا هو
منى قامت طالعت الاوضة الى فيها ابنها و فتحت الفون اما تحت مليكة بسخرية قالت لنفسها:- انسيال و عربيه جديدة و كمان احدث موديل ههه بقا السهتانة تعيش و تدلع و انا طالع عين اهلي مع ان معايا ولد و بنت.. نفس المستوى بس منى عندها احسن من الى عندي شخص محترم بيحبها لاا بيموت في التراب الى بتمشي عليه و انا ههه كل يوم و التاني خناق و نكد و اكنه ملاك بس منى فيها اي زيادة عني حتي انا احلي منها و احسن منها في كل حاجة ليه ماما بتحبها اكتر مني محسسني انها مخلفتش غيرها ليه الكل بيحبها حتي الحب مراد مستحيل يحبني ربع الحب الى
يحيى بيحبو لمنى و انا اضحك عليا في الجوازة المهببة دى على طول عصبية و زعيق و نكد حتي ملك من رغم ان جوزها مجنون الا انه طاير بيها اشمعنا انا.. حتي بتاعت البار بقا ليها قيمة الله يرحم العيال الصغيرة بقا ليهم قيمة ليه انا يارب الى من ضمن الرجالة اتجوز مراد واحد غبي هو ولا حاجة فاشل هيعيش و هيموت فاشل بس لاا لا مش منى تبقا سعيدة و انا تعيسة احنا توأم و زى ما بنفرح مع بعض هنبكي مع بعض
قالتها بشر فاقت من سرحانها على ايد نور الى على ايديها:- مالك يا حبيبتي ساكته ليه.. فيكي اي يا مليكة قوليلي يا حبيبتي اي الى فيكي فضفضي لامك
مليكة بابتسامة و هدوء:- مفيش حاجة يا حبيبتي انا كويسة.. مالك يا تيته
لبنى لاول مرة تحس بعدم ارتياح لحد من احفادها قالت:- هروح اصلي الغمرب قبل ما يفوتني
شروق و ليل و نسمة قاموا:- احنا جاهزين
ليل ؛- خمس دقائق هتوضا و ها حصلكم
نور:- تمام متتاخريش.. يلا يا بنات
خديجة:- مينفعش ن
جميلة ضربتها على ايديها:- تتوكسي يا هبلة يلا يا بت صلاة اي الى تتاجل ما تيلا يا زفتة انتي و هى
رفيف قامت:- هروح اتوضا انا كمان بعد اذنكم
عد اليوم بين ضحك و هزار شقاوة الاطفال و خناقاتهم مع عيال الجيران تاني يوم في المول
مليكة:- يا ابنى ملاهي اي الى عايزها دلوقتي اتهد بقاا اوف
مريم برجاء و هى بتشد ايد مليكة:- بليز يا مامي بليز خلينا نروح الملاهي ارجوكي
مليكة بملل:- انتوا مش بتسمعو الكلام ليه
منى بصتلها:- خلاص بقا بطلي رخامة تعالي نروح
مليكة:- حتي انتي انا مش قادرة رجلي وجعتنى
منى بصت لابنها الى نايم:- طب بصي هو نايم اصلا خليكى معاه هنا و احنا نص ساعة و هنرجع
العيال اتنططو بفرح
مليكة بابتسامة:- مش عارفه من غيرك كنت عملت اي
منى:- خدي بالك من نفسك و خديجة و ملك في الطريق خدي بالك منه
مليكة:- انتي بتقولي اي يا مونى دا ابنى بس متتاخروش
منى بصت لابنها الى نايم في العربية الاطفال قبلت خده و مسكت ايد العيال و مشيو مليكة نفخت بضيقه:- انسانة تافهة و مملة هو بيحب فيكي اي هموت و اعرف يااه لو الحالة تجلها و تنسا العيال أو ميرجعوش هما التلاتة
بصت لياسين بضيقه :- انت مش بتصح ابدا على طول نايم اااوف تعال نتفرج بدل الزهق دا
اما في الملاهي منى كانت بتصور عمار و مريم بتبص عليهم بتراقب عدا ساعة منى مسكهم و مشيين مبسوطين
منى:- هاا انبسطو
مريم:- اوى اوى يا مونى مبسوطة جدا
عمار:- و انا كمان انا بحبك اوى يا مونى
منى:- و انا كمان بموت فيكم يا روحي
خرجوا من الملاهى و اتجهوا لمول لان المسافة بين المول و الملاهي قصيرة جدا يعتبر جانب بعض
منى بابتسامة:- الو يا مليكة
مليكة بدموع و انهيار:: مونى الحقيني
منى: اي الى حصل
مليكة :- تعالي دلوقتي ياسين مش لاقيه... اغمو عليا و فوقت ملقتوش في العربية ووووو
يتبع
يا تري منى هتعمل اي و يحيى هيعمل اي لم يعرف
الحلقة الأولى
عشق ابيض واسود 🤍 🖤
عائشة الكيلاني
