رواية عشق ابيض واسود الفصل التاسع 9 الجزء الرابع بقلم عائشة الكيلاني
نسمة رجعت لوراء الزمن وقف عند كلام بنتها:- صور خاصة يعني اي
اتجهت لحياة و بقت بتضربها كف وراء التاني و هى بتردد نفس السؤال قالت بصرخ و جنون:- صور خاصة يعني ااي صور خاصة ااانطقييي يا حيوانية
جنة بتحاول تبعد نسمة عن حياة لكن مش عارفه نور و نورهان جوم على الصويت
نورهان واقفة مكانها بصدمة و ذهول نسمة جت امتي و بتعمل اي في بنتها دى بتموتها مش بتضربها نور جريت عليهم و بعدت نسمة عن حياة حضنتها حياة كانت بتترعش و بتعيط بانهيار و خوف :- والله العظيم ما كنت اعرف ان ولد و ان هيستغل ثقتي فيه
نسمة لسه هترفع ايديها نور بحادة و صدمة:- كفاااية
نسمة خرجت بغضب و جنون رزعت الباب نورهان خرجت وراها نور بصت لجنة:- بعد اذنك سبينا لوحدنا
حياة بانهيار و مذل في حضن نور الى مصدومة و حاسه بغضب من نفسها و انها مهملة اما في اوضة نوح
نورهان:- نسمة ممكن تهدى و
نسمة بصتلها و قالت بغضب:- انتي تخرسي هى دى الى هحافظ على الامانة يا اختي بنتك في عيني اهى بضيع بسببك و سبب اهملك انتى و ست الشيخة محدش يثق فيكم ولا يامنكم على حاجة و بعدين انتى هتزعلي ليه ما هى مش بنتك ولا بنتها علشان تخافوا و تحافظو عليها و طبعا نور هانم مش فاضية بترعي حماتها... مع ان حماتها برضو عندها بناتها هى بتعمل ليه كدا افهم دكتورة اد الدنيا تشتغل دادة لحماتها الى رجليها و القبر ااي القرف دا انا كان معايا حق لم قولت اخلع من هنل و اسافر قبل ما ادبس في حاجة
نورهان بصتلها بصدمة اكنها تجمدت لكن بصتلها:- واضح انكى نسيتي اصلك يا كابتن نسمة هتقولى رافضة ضحيت عملت هقولك ان مش لوحدك و حماتك الى بتتريقي عليها دى هى الى شالت مكانك و شالت همنا قبل هما بناتها و الست الى منها لقبر دى ياما وقفت معاكي ولا نسيتي و بالنسبة بنتك ف لا انا ولا شروق السبب انتي السبب اااه اتجننتي بالشغل و السفر و طبعا ريان باشا الى قربنا ننسا شكله سايبة بنتك الى في سن خطر و وراء ابنك حياة وصلت لهنا لانها ملقتش حضن امها الى المفروض اختها ولا صاحبتها حياة كدا لانك سبيتها في اكتر وقت هى محتاجلك فيه اشربي بقا اااه قبل ما تقولي انى بقيت حماتي .. انا هنا بتكلم بالمنطق و بصفتي دكتورة نفسية
نورهان قامت خرجت و رزعت الباب نسمة رجعت شعرها لوراء مسكت الفون:- الو يا نوح
نوح:- افندم يا نسمة
نسمة بجنون:- اااانت تجي دلوقتي حالا ياما مش قعدلك فيهاا احنا في كارثة تعال بسرعة
اما في اوضة حياة
حياة نايمة على رجل نور و بتعيط:- انا لوحدي صحيح حضرتك معايا بس انتى مش ملزمة تقومي بدور مش دورك ماما عمرها ما قعدت معايا ولا اتكلمت معايا دائما همها المظهر و ريان و طبعا الشغل و السفر انا مكنتش اعرف ان ولد والله العظيم ما كنت اعرف انا من رغم ان عندي اصحاب لكن لوحدي
نور بتسمع بحزن و صدمة لدرجة دى هى مغمية عن حياة كل دا ازاي محستش ولا سمعت منها :- بس كان المفروض تجي و تقوليلي .. لدرجة دى خايفة مني
حياة هزت راسها بنفي و دموع:- لا يا تيته عادى واحدة عرفتها على النت و بقت صاحبتي معايا يومياً فرحت و قولت عندى حد يسمعني و يحس بيا معرفش ان ها يتغدر بيا انا قولت انها اختي معرفش انها ولد و ان ممكن يهددني
نور بابتسامة مريرة:- على فكرة ان كنت ممكن اكون مكانك في اى لحظة أو مكان صبا اه والله بس في اى غلطة مرات عمي تشدنى في اخر لحظة أو عمي.. ابويا من رغم الفاض الى في حياتي بس كان معايا الى يقولي استوب ... حتي اصحابي الاصحاب مش خروجات و كلام بالساعات ولا ان تعرفو اسرار بعض الصحاب ينبهو و يسمعوا يمنعوكي من الغلط حتى لو فيها زعل
حياة قامت بصتلها:- يعني حضرتك زايى
نور:- اجن واحدة في الشلة بس بحدود طبعا لان كنت وعدت ابويا انى مخذلوش ركزت في دراستي و بقا مفيش حاجة همني غير انى انجح و ابقا الاولي .... انا هحل الموضوع بس توعدني انكى متعمليش كدا تاني و ان اى حاجة تجي تحكيلي عنها حتي لو تافهة تماما
حياة بصتلها بهدوء:- طب انتى اتصلحتي مع عمار ازاى و سبب الخناقة
نور :- مش فاكرة السبب بس اعتقد كانت بخصوص حالة اتصلحنا يوم فرحي جاه و بس كدا الخناقة كانت المفروض قطعية لكن جاه اعمل اي بقا
نور بصت لحياة:- بس برضو مش معنى كدا أننا نصاحب حرام و عيب و غلط اوعي تعملي الى عملتيه أو تتصاحبي على زفت مفهوم احنا مش شايفين ولا سامعين بس ربنا يراكي و سامعك .. الوحيد الى يحفظ سرك و يغفرلك هو ربنا سبحانه وتعالى مش البشر .. انتى اول و اخر مرة تعملي كدا و مينفعش تثقي في حد متعرفوش حتي لو كانت بنت مفهوم يا حياة
حياة هزت راسها بهدوء:- مفهوم يا تيته ..... انا خايفه اوي
نور حضنتها:- طول ما انا و جدو عايشين اوعي تخافي انا هحل كل حاجة
اما في المستشفى
صبا بدموع:- بابي ا
سامر قطع كلامها:- اولا اسمها بابا
سامر كمل كلامه بوجع و قهرة:- عمري ما كنت اتخيل ان الكسرة هتكون منك انتي .... كبرتي و للاسف دبحتني انتى خونتي ثقت ربنا و ثيقتنا فيكي كنت فرحان لم تدفعي عن حقك و اسلوبك معرفش ان اسلوبك هيبقا اسلوب حياة حتي مع اهلك ..... اتغيرتي اوى يا بنتي مبقتيش البت الى كبرنها و فرحنا بيها مع كل خطوة بتخطيها و كل كلمة بتقوليها و انتي بتتعملي الكلام ... حظك المهبب ان عندك اب و ام رجعيين و جهلة هنرجع على البيت كمان شويه مش هقولك غضبان عليكى ولا مش عايز اشوف وشك لكن هقولك الى ياما حاولت انا و امك نغرزه فيكي زمان و اهل العلم و الحرية شلو من مخك .. ربنا اراد ان يكون ليكى عمرا علشان تتوبي و ترجعي عن تفكيرك و جهلك و ان حريتك هى دينك يارب تكوني فهمتي الدرس و اتعلمتي و ندمانة لان بعد كل دا لو مش ندمانة دى تبقي مصيبة
سامر لف وشه حط ايديه على اوكرة الباب لكن قال:- صحيح هما فين اصحابك بتع الحرية محدش شافهم يعني ولا غرقوكي و اختفوا ربنا يهديكي لنفسك و يسامحك يا بنتي
سامر فتح الباب و خرج بص لشروق:- مش عايزك تتكلمي كفاية الى حصلها ساعديها علشان المفروض نرجع البيت دلوقتي
شروق هزت راسها شيري أو نور دخلت لصبا و هنا كمان و منى و رحمة بعد وقت صبا رجعت البيت للاسف على كرسي متحرك
صبا بصت لياسين:- يارب تكون ارتاحت انا واثقه ان مفيش حد مبسوطة في الى انا فيه غيرك
ياسين بصلها بحزن على حالتها لكن قال ببرود:- فعلا و لان عيب كنت عملت فرح... ما تفوقي يا صبا و شوفي الى فيه دا سببه اي بطلي تداري اخطاك بالوم على غيرك حمدالله على سلامتك يا بنت خالي
ياسين قام و خرج ركب عربيته اتنهد بحزن :- مفيش فايدة يا صبا ولا اتعلمتي من الدرس
ياسين ركب عربيته بعد شوية في بيت يحيى
اعتماد:- عايزة قص
ياسين بصلها بحادة لكن قال بهدوء:- اولا دى بنت خالي كرامتها من كرامتي يعني لم حضرتك تتكلمي عنها تتكلمي بكل خير ... ثانياً امى السهتانة دى ف انا ليا الشرف انها امي و ياما استحملت علشاني زى ما انت استحملت يا بابا
يحيى:- يعني افهم من كلامك انك بتحب صبا
ياسين:- والله انا حر في حياتي بحبها و دا مش عيب اكيد انت مش ممنع
يحيى:- هى امك لعبت في دماغك
ياسين من غير ما يبص لحد منهم:- امى مش بتلعب فى دماغ حد و انا مش عيل علشان اسمع كلامها و امشي وراها عميني ... اتاخرت و لازم اروح
ياسين قام خرج من بيت ابوه و راح شقته و هو بيفكر في صبا و حياتها الى ادمرت بسبب دماغها اما في الفيلا في الجنينة
لبنى أو شجن:- اتغيرت اوى يا عمار انت ازاى بالقسوة دى
عمار بصلها بعتاب و حزن:- المفروض الى تتسال السؤال دا هو انتي صحيح اتغيرت بفضلك يعني سرقتي الملف اهم قضية ليا راحت بسببك اطلع مهمة ارجع اشوفك في الكوشه يا عروسة و لسه بتقولي انى اتغيرت هههه مش غريبة عليكى يا شجن انتي انا مش لقي وصف لافعلك ولا لتدميرك فيا مش بكرهك بس مبقتش بحبك... مبقتش عايزك
شجن وشها شاحب من كلامه الدموع اتجمعت في عينيها قالت بصوت اليم:- لدرجة دى اذيتك ياااه انا طالعت وحشة اوى عمار بصلي
عمار بصلها:- امشي يا شجن الكلام بينا انتهاء لحد هنا و كفاية
شجن بعصبية و جنون:- لا مش كفاية مش كفايه انا عملت كدا من خوفي عليك انا مجرمتش علشان تحكم عليا و تدبحني بكلامك و عمار انا بحبك
عمار بصلها شاف الصدق في عيونها:- تمام... دا مش تفكيرك ولا دا كان كلامك الاول اي الى خليكي تتجوزي غيري مع ان مكنش دا حلم حد فينا اتكلمي يا شجن أو عايزني اسامحك قولي عملتي ليه كدا انا مستعد امحي كل العمايل السودة الى عملتيها فيا بس اتكلمي
فلاش
مليكة بدموع:- لو بتحبني فعلا ابعدى عن عمار كح كح انتى عارفة انى تعبانة و الزعل غلط عليا لو بتعتبرني امك ابعدي عن ابنى يا لبنى انا بحبك بس انتي و ابنى متنفعوش لبعض
مليكة فتحت ايديها:- اوعديني انكى هتبعدي عن عمار اوعديني انكى هتخليه يكرهك
لبنى بصت لمليكة بوجع و تردد حطت ايديها في ايد عمتها:- انا اوعدك انى هبعد عن عمار
لبنى مسحت دموعها
باك
لبنى بوجع و قهرة:- احنا مستحيل نكون لبعض يا عمار
عمار ابتسم بسخرية و وجع :- انتى فى طريق و انا في طريق
عمار دخل جوا و شجن قعدت تعيط بوجع بالليل في اوضة نور مرجعة راسها لوراء
فلاش
نسمة بعصبية:- من النهاردة ملكيش دعوة ببنتي محدش ليه دعوة بيها هى معاكم و عملت كدا الا اي تحت عينيكم ههه ما هو باين انكى كنتي واخدة بالك منها محدش قالك اعملي ف بلاش الدور دا بنتي كانت هضيع بسببكم و سبب اهملك بس خلاص هى هتسافر معانا مستحيل اخليها هنا مهما حصل
باك
ياسين بصلها و بعدين بص لتلفزيون:- خلي الى يروح يروح يا نور احنا مش شغالين عند حد
نور بصتله بصدمة:- انت بتقول اي البيت بيتخرب و العيال بتتفرق و تقولي الى يروح يروح ياسين حياة لو سافرت حياتها هتدمر و هضيع بجد
ياسين:- والله ليها اهل يخلو بالهم منها هما كبار كفاية... ابنك عجبه الوضع يبقا ملومش على حد هو شايف حاجه احنا مش شايفنها
نور بوجع ؛- و لم اموت اموت من غير ما اشوفه.. هما ازاي بالانانية دى انا ام انا الى ربيت و كبرت و طلع عيني اهلي مش هما واضح ان نوح عيشت برا عجبته و غيرته
ياسين:- هما احرار
مسك ايديها:- احنا مش محتاجين ليهم عملنا الى علينا و زيادة و اخر مرة اشوفك زعلانة
نور:- و اي الجديد طول عمري زعلانه اخد على الحزن و اخد عليا نسمة اتغيرت اوى مش دى البت الى دخلت بيتنا ولا دى البت الغلبانة الى بتخاف ترفع صوتها شوية ااه بنتها و خايفة عليها بس هما كانوا فين لم كانت بتتعب ولا لم بتكون خايفة... ياسين دول عيالي مش احفادى ولا مرة حسيتهم احفادى هى ليه بقت كدا شروق و نورهان و رحمة و منى ذنبهم اي علشان تتكلم معاهم كدا للاسف نوح غلب يونس و عندنا جاسمين بس باسلوب تاني
سليم:- يا نور هى مش قصدها طبيعي من خوفها على عيالها
جنة:- ملكيش حق تتهمي نوح بالكلام دا مينفعش تقولي كدا صحيح مش قدامه و مش قصدك و طريقتك
سليم:- طب فاكر لم كنتي بتشوفني مع ماجد و ادهم كنتي بتمسحي بكرامتي و كرامتهم الارض رغم كدا مكونش بنزعل منك
نور:- علشان معندكمش كرامة ولا احساس و كانوا هيضيعوك جتك القرف عليك و عليهم... اوع تكون لسه على اتصال بيهم
جنة هزت راسها :- ااع
سليم:- مش قولت عيب الفتن على الناس جدة و تفتني عليا يا بت عماد
جنة:- شايفة
نور قام جري هى و ياسين و كلهم لم سمعوا صرخ لبنى
لبنى بصرخ:- االحقوني
وصلوا الاوضة وقفوا مكانهم مصدومين ووووو
الحلقة 9
يا تري شافوا اي و عمار هيكون رد فعله اي لم يعرف الحقيقة و نسمة غلطانة ولا لا رايكم في كلام نور مع حياة
عشق ابيض واسود 🤍 🖤 4
عائشة الكيلاني
