رواية عشق ابيض واسود الفصل الثامن 8 الجزء الرابع بقلم عائشة الكيلاني

رواية عشق ابيض واسود الفصل الثامن 8 الجزء الرابع بقلم عائشة الكيلاني

صبا رمت نفسها من البلكونة شروق صوتها تقريبا انحاش حركتها اتشلت مش قادرة تقف عينيها متسعة على الاخر حست بدوران ووقعت على الارض راسها خبطت في الحائط واغمو عليها ومشهد بنتها بيمر ببطئ قدام عينيها غمضت عيونها بألم

اما في اوضة تانية

لبنى الجده بملل:- تنشكي في ايدك يا بعيدة براحة يا بت

نور بصت لحماتها بغيظ لكن قالت بهدوء و ابتسامة:- حاضر يا امى امرك

لبنى ضربتها بالعصاية:- جتك ماو دلكي و انتي ساكته

نور بقت بدلك قدميها في صمت

لبنى غمضت عيونها:- هو اسر اتاخر ليه غريب اول مرة يعملها

نور سرحت شوية بحزن لكن قالت بابتسامة مزح:- والله المفروض ان انتي مراته و اكتر واحدة عارفة هو فين... ليكون اتجوز عليكى اااه

لبنى:- اعملي كويس يا زفتة انا عارفة عجبه فيكي اي لا شكل ولا منظر مسترجلة عيونك زى البقر و بؤك كبير و كمان مناخيرك... هو انتي اسمك اي و بت مين

نور لنفسها:- يارب انا عندى السكر هيجيلي اي تاني كل شوية شتيمة و ضرب على ايدى بالعصاية بقت شعبية اوى و كمان بتتكلم كتير انا تعبت... انا اه بحبها بس بقت قاسية اوى مشكلتي انها بتشتم فيا مش في الزهايمر الله يرحمك يا عمي فعلا كنت مستحمل كتير

نور فاقت من سرحانها شهقت بصدمة لم لقت نفسها غرقانه بالماية الى لبنى دلقتها عليها لم اتعصبت🤣:- انتي طرشة مش سامعه صوتي... انا ها قول لاسر يمشيكي من هنا الشاغلين مفيش اكتر منهم مش كفايه مش عارفه العيال اتاخرو ليه كل دا في المدرسة اتصلي بجميلة قوليلها لو اتاخرتي أو رجعتي قبل ابوكي انا مليش دعوه و قولي للمجنونة التانية تسيبها من الصيع دول الى هيغرقوها انا عارفه اهاليهم فين

نور و هى بتنشف أقدام لبنى:- حاضر يا حبيبتي هاقوم اتصل بيهم و هابهدلهم واحد واحد حاجة تانية

لبنى:- ااه قولي لواد ياسين ميزعلش من نور هى صحيح لسانها طويل و مش حلوة لكن دى هبلة دى عيلة صغيرة يا حبت عيني الى شافته مش قليل معلش الصدامات خليتها واحدة هى مش عايزاها

نور بابتسامة:- حاضر يا امى هقولهم كل الى قولتيه تعالي يلا علشان تاخدي الدواء

نور رفعت قدم لبنى و ساعدتها تقعد على السرير مسكت علبة الدواء طالعت منها حباية حطيتها في بؤ لبنى وشربتها الماية ساعدت لبنى تنام نور قبلت راسها و غطتها شالت طبق الماية و راحت التواليت دلقت الماية و خرجت و هى حاطه ايديها على ضهرها:- والله كويس أن صحتي وعقلي فيا بعد كل دا علشان الست دى العقل و الصبر من عندك يارب

نور خرجت و قفلت الباب بعد ما اطمنت ان البلكونة مقفولة قفلت الباب و خرجت طالعت تشوف شروق عملت اي مع صبا 

لقت الباب مفتوح و شروق على الارض جريت على شروق حطت راسها على قداميها بتحاول تفوقها و تطمن نفسها انها بخير:- شروق فوقي يا بنتي الحقوووني يا بنات بيصرخو 

لكن نور سمعت صويت البنات الى في الجنينة بيصرخو بى اسم صبا نورت قالت بهمس و ارتباك:- ص صباا 

مسكت تلفونها فتحته و اتصلت بالاسعاف بعد وقت الاسعاف جم خدو شروق و صبا طبعا الكل راح المستشفى 

الدكتورة خرجت من غرفة شروق 

نور بقلق:- طمنينا يا دكتورة شروق كويسة اي الى حصلها ..

الدكتورة بهدوء:- هى كويس بص حصلها صدمة حادة مش اكتر 

شجن أو لبنى:- و صبا يا دكتورة ااي الى حصلها 

الدكتورة بحزن:- للاسف حصلها كسر في العمود الفقري ذات عجز جزائى 

همسة حطت ايديها على بؤها بصدمة 

نور تجمدت مكانها ساكته بتسمع كلام الدكتورة بحزن 

الدكتورة :- حاليا هنحطها في العنايه المركزه بعد اذنكم  

نور :- الو يا ياسين 

ياسين:- نور مال صوتك 

نور بصت لفوق دموعها نزلت بوجع لكن قالت بهدوء:- شروق و صبا في المستشفى صبا رمت نفسها من البلكونة و شروق باين شافتها.. معرفش اي الى حصل مش عارفه 

ياسين ضغط على الكرسي بغضب و صدمة:- تمام احنا جايين دلوقتي 

ريتال لامها:- انا خايفه اوى يا ماما و مش فاهمه حاجة هو اي الى حصل لخالتو 

نورهان مسحت دموعها و حضنتها:- ولا انا فاهمة بس ان شاء الله أزمة و تعدي كله هيتحل باذن الله كله هيتحل 

شوية و الكل جاه داليد حكت كل حاجة لانها هى الى شافت صبا على الارض الكل مذل مصدوم نور طبطبت على كتف سامر و مشيت مع رحيم بعد وقت وصلوا البيت الباب اتفتح 

جنة بفرح:- مفاجأة 

سليم واقف ورا جنة:- احنا خلاص قررنا مفيش سفر تاني 

نور بابتسامة مزيفة:- حمدالله على السلامة.. على اوضكم يا بنات و انت اقفل الباب 

البنات طالعو اوضهم و رحيم و نورهان كمان نور قعدت على الكرسي و شالت الطرحة و هى حاسه باختناق 

سليم بصلها باستغراب و قلق قعد جانبها :- مالك يا نور انا اول لا انا فرحت لم لقيتك مبسوطة و ان نسيتي زمان 

نور بصتله بتعب و اختناق:- انا اتخنقت يا سليم... تعبت كل ما اقول خلاص عدت القي مصيبة اكبر منها العيال كل ما بيكبرو همومهم بتكبر بس دلوقتي عيالهم 

جنة بصتلها بحزن حضنتها ياسين جاه حط المفاتيح على التربيزة ياسين:- طبعا انتوا مش اغراب و عارفين عيالنا و عيالهم ...

ياسين سكت شوية بص لنور بحزن:- ياريتني ما حبيتك ولا اتجوزتك مكنش حصل كل دا عارف ان مش ذنبك و انكى عملتي الى عليكى و زيادة و مذل ... شيلتك فوق طاقتك حقك عليا يا نور ياسين راح اوضه و سليم وراه 

نور بحزن:- اظهر ان عملت زى ما عملتش كل حاجة اتهدت فوقي يا جنة 

نور اكنها كانت مستنية سليم و جنة ييجو علشان ترمي وجعها و تعبها في حضنهم هى ملهاش غيرهم و هما ملهمش غيرها رغم المسافات الى بينهم الا برضو مذل قريبين لبعض 

اما في المستشفى في غرفة شروق 

شروق بصت لسامر:- البت فين يا سامر صبا حصلها اي... ماتت بنتي ماتت يا سامر 

شروق هنا انهارت كل ما تفتكر مشهد بنتها و هى بترمي روحها 

سامر بصلها بهدوء و حزن:- عايشة.. بس مش هتقدر تمشي ولا تقوم من مكانها 

شروق بدموع:- انا السبب انا الى اهملت و اثرت فى تربيتها 

سامر:- الحمدلله ان ربنا اراد انها تعيش و تصلح الى عملته انتى مش غلطانة يا شروق حتي لو الغلط مننا احنا الاتنين انتى لازم تقومي و تهدى لانها محتاجلك اكتر من اى وقت 

سامر قبل راسها و خرج حاسس بحزن خذلان اختناق راح العناية المركزة و بقا بيبص على صبا من الازاز في قلبها وجع السنين معقول دى بنتهم نسيت الاخلاق و المبادئ و الدين و بتجري وراء وهم اسمه حرية انهى حرية دى الى تخلي الواحد يبقا بايع كل حاجة حتي اخرته معقول صبا هانت عليها نفسها لدرجة ان تموت كافرة اختارت الانتحار عن انها تواجه طب لو هى على حق فعلا كانت انتحارت 

كان مربع ايديه و سرحان:- ياريتك كنتي ما تولدى سنين طالع عيني في الاخر تتمني الكسرة لابوكي يا بنتي انتى دبحتني من غير ما تحسي ربنا يسامحك و يغفرلك الى عملتيه 

يونس طبطب على كتفه:- الحمدلله يا انها جت على اد كدا يا ابو البنات فاكر انى مش حاسس ولا فاهم الى حاسس بيه احنا كلنا في قلب النار مفيش حاجة ت

سامر لف وشه ليونس قال بحزن و ابتسامة مريرة:- لو شجن الى عملت كدا كنت هتقول نفس الكلام .. انتوا ليه مصغرين الموضوع دى مصيبة عارف يعني اي بترقص على مسرح الجامعة لا و بتبجح و ترد و اخر ما تم انتحارت علشان خايفة 

يونس :- مقدر عصبيتك الى مش عايز تبينها و ليك حق بس صبا بنتي انا كمان اه متعصب بس بالعقل كفاية الى هى فيه هى محتاجه ان تتكلم معاها و تفهمها بالعقل يا سامر 

سامر:- انا مش عارف هتفوق ولا هتفضل العمر كله كدا لم شروق عملت الحادثة و الطفل مات رضيت و قولت الحمدلله كفاية نور بعد سنين ربنا رزقنا بى صبا قولت عوض ربنا لينا و بعديها هنا اكتر واحده كنت بخاف منها هى هنا بس الضربة مجتش غير من صبا كل حياتها ماشية غلط باسم الحرية 

يونس حضنه عدا يومين في اوضة لبنى الجدة 

لبنى بصت لسليم:- و الصايع كان فين كل دا .... انت يالا فاكر نفسك علشان كبرت ان محدش ليه كلمة عليك يا سقط يا فاشل 

سليم بص لياسين :- شايف امك 

ياسين:- حل عني 

لبنى بصت لجنة:- و انتي لسه مصممة على الموكوس معتز... 

جنة صوتت:- ااااع 

لبنى:- طب اقنعيني بتحبيه امتى افهم بس دا هل يمرمط اهلك ها يمرمطك 

جنة:- الله يرحمه ايامه كانت احلي ايام الله يرحمك يا معتز و يرحم ايامك 

لبنى بعدت عنها :- انتوا مين 

جنة جريت على سليم و جريو على برا ياسين قعد جانبها مسك ايديها قبلها:- عاملة اي دلوقتي يا حبيبتي احسن 

لبنى الجدة:- هى فين البرنسيسة محدش يعني بقا بيشوف وشها 

ياسين بص لامه قال على وشك البكاء:- يا امى تالت مرة تسالي نفس السؤال جددي 

لبنى بصتله بغيظ و حادة:- بسس هى اكيد سحرلك اشوف فيكي يوم يا بت شاهين طالعة لعمتك هى البت دى مبتحبش غير نفسها طلاقها و ليك عندى الاحسن منها 

ياسين مسح على وشه:- ااااه 

لبنى و هى بتضربه بالشبشب:- انت مين.. انت جاي تموتني انا عارفه انت جاي من طرف سمر اطلع برا برااا 

نور دخلت جري:- اي الى حصل يا حماتي 

لبنى بصت لياسين بشك ممزوج بحادة:- تعالي الشي دا عايز يموتني... انا قولت انهم مش ها سبوني في حالي اطلع برا دا لسه بيبصلي امشي من وشي يا حيوان يا واطي 

نور  :- روقي يا حبيبتي اطلع برا يا واد انت 

ياسين:- مش قعدلكم فيها 

ياسين خرج لبنى حدفت الشبشب عليه ياسين راح الجنينة 

ياسين بص لسليم و بقا بيضحك:- سقط و فاشل 

سليم بغيظ:- امك مسحت بيا الارض 

ياسين:- يا عم اقعد انا كل يوم بضرب و بتشتم منها عادي يا سليم دى امك برضو 

سليم:- مقولتش حاجة بس انا صايع يا ياسين 

ياسين:- يعني هى جابت حاجة من عندها طب فاكر البار و لم اتقبض عليك و عمي عاصم الى طلعك 

سليم:- صحح معلوماتك احنا مش انا بالجمع هاا بالجمع فاكر راندا بتاعت الساحل و 

ياسين:- متعلي صوتك ولا روح قول لاختك 

سليم:- دى هى الى كانت بتخرجنا بس انا مش عايز اتكلم 

في اوضة لبنى كانوا نور و جنة قعدين معاها 

لبنى:- هو عمك اتاخر ليه 

جنة بصت لنور:- انا كلمته زمانه جاي يا خالتي 

لبنى بغيظ:- خالتك منين انا مش بطيق امك تقوليلي خالتي.. انتى بنت مين 

نور حطت ايديها على خدها:- ردى بقا 

جنة:- اتنهدت بتعب:- انا بنت عماد و نورا 

لبنى:- اااه صحيح و انتي مين 

نور:- انا بت منى و شاهين 

لبنى:- شاهين الواطي 

نور حطت التوكة في شعرها و قعدت جانبها:- ايوة الواطي 

لبنى:- طالعو واطية زيه... جوزك فين اوعي تكوني متجوزتيش لحد دلوقتي 

نور بضحك:- انا مرات ياسين ابنك يا حماتي 

لبنى اتسعت عينيها:- يا مصبتي من همه ياخد اد امو انتى ملقتيش غير ابنى الى تضحكي عليه و تتجوزيه يا بت منى 

نور صوتت لم لبنى مسكت العصاية و بقت بتضرب فيها هى و جنة مش عارفين يضحكوا ولا يتعصبو ولا يعملوا اي اما في المستشفى كانت صبا فاقت و نقله غرفة عادية 

شروق بابتسامة سخرية و شفقة:- عارفة انتى عشتي ازاى مش من الحرية و الهبل دا عشتي بإرادة الله ربنا الى مش بتعملي حاجة غير انكى بتعصيه بجهلك و قلت ادبك 

صبا نزلت دموعها:- ماماا سامحيني 

شروق بدموع و قهرة:- سامحك على اي ولا اي على انتحارك ولا على الفضيحة الى عملتيها... هو سؤال واحد مفيش غيره كنتي حاسه باي و الناس كلها بتتفرج عليكي ما حستيش بالكسوف اى حرية الى بتتكلمى عنها تلبسي مسخرة و ترقصي قدام الكل و تقولي حرية عن اى حرية بتتكلمي عنها الجهل الحقيقي هو الى في دماغك بتردي كلمة بكلمة تكبر على حياتك و اهلك مع انكى مش ناقصك حاجة 

صبا:- مامي اسمعيني 

شروق:- اسمع اي .... الحرية ان تدفعي عن حقك باحترام الحرية ان تتمسكي بى دينك و اخلاقك الحرية مبادىء مش القرف الى بتعمليه انا مش ها دعي عليكى ولا هتكلم انا هدعيلك ان ربنا يهديكي و يشفيكي يا بنتي و يشفي عقلك من السموم الى اتخزنت جوه سمو عقلك بالكدب و قلت الادب..... طلامة انتي صح ليه بعد العرض لازم تغير هدومك ليه متمشيش بيها وسط الناس مدم انتي على حق.... ربنا امرنا ان نحافظ على نفسنا و نخاف عليها مش العكس 

صبا ودت وشها الناحية التانية و نزلت دموعها بندم و قهرة 

شروق:- ادعى ان ربنا يغفرلك و يارب تكوني عرفتي غلطك 

شروق خرجت كانت مش شايفة قدامها الدموع في عينيها لاول مرة تحسر بالكسرة و انها عايزة تستخبة من الناس مكنتش تعرف أو تتخيل ان بنتها تبقا بالتمرد دا صحيح ملتزمة لكن في واحدة من بناتها اقل ما يتقال عليها انها زبالة  

اما في الفيلا في اوضة حياة 

حياة بتفرك في ايديها بخوف:- تيته ا 

جنة:- يا بنتي بقولك ساعة على نفس الوضع مالك و بتترعشي ليه 

حياة بتوتر:- اوعديني ا ان الى هقوله محدش يعرفو 

جنة بابتسامة:- بس كدا ماشي يا ستي 

حياة:- انا من فترة طويلة اتعرفت على واحدة على النت اسمها تيا 

جنة حست بقلق من كلامها لكن قالت:- و بعدين 

حياة:- وثقت فيها و بقت كل حاجة و ان بحكيلها اسراري اوقات خناقات اهلي 

جنة بتحاول تكون هادية:- كملي 

حياة:- بعت ليها صوري و اوقات بتعت رسالة بصوتي بس الصور خارج اطار... صور خاصة 

جنة قامت من مكانها بصدمة و عدم استيعاب ضرب على وشها:- نهار اسود و منيل نهار اسود و منيل انتي بتقولي اي يعني اي صور خاصة ما تتكلمي 

حياة نزلت راسها في الارض:- ا تيا طالعت مش تيا ولد عمل اكونت فيك بى اسم تيا اسمه باسم و مهددني انه هينشر الصور في المواقع لو زعلته ا انا مش عارفه اعمل اي 

جنة قعدت و هى مصدومة اعصابها اترخت حياة قعدت على ركبتها بدموع و رجاءا:- تيته ارجوكي ساعدنى ا انا خايفه اوى كنت وحيدة بابا و ماما على طول مسافرين على طول مع ريان و انا مفيش حد يسمعني ولا يحس بيا ملقيتش الامان ولا الحرية غير على النت بس والله ما كنت اعرف ان كل دا هيحصل 

جنة بصدمة:- نسمة 

حياة بهمس و خوف:- ماما 

حياة قامت نسمة كانت قدامها:- الى سمعته دا حقيقي 

حياة بدموع:- مام 

نسمة مسكتها من دراعها بعصبية:- ررردى عليا بقولك 

حياة بدموع و ارتعاش:- ا انا هقولك انا كنت لوحدي و حضرتك و بابا على طول مسافرين مكنش فيه حد قدامي غيره أمنته على نفسي وثقت فيه على اساس انه بنت و اننا اصحاب معرفش ان كل دا هيحصل 

نسمة بصتلها بصدمة وووو

يتبع 

الحلقة 8

رايكم في شروق و سامر قاسيين ولا لا و نسمة هتعمل اي في بنتها و هل هما جزء من الى حصل ليها 

حياة بنت نسمة و نوح الصغيرة هما طبعا على طول مسافرين 

اسر بس الى مات

     الفصل التاسع الجزء الرابع من هنا 

لمتابعة باقي الرواية زوروا قناتنا على التليجرام من هنا 

تعديل المقال