وقعت في جحيم قلبه
الفصل:الرابع عشر
خرج حاتم برة وركب عربيته وساقها بنفسه ومشي اول ما اتأكد شهاب انه مشي جري لفوق وخبط علي أوضة رحمه ودخل بصتله رحمه بصدمه وخوف وهو وشه بيقول ان الحكاية اتفقشت قرب منها
شهاب بجمود:حاتم مصدقش كنت حاسس بس عملت ال عليا صدقيني هيعرف ولما هيعرف مش هيرحمنا احنا الاتنين
رحمه بعياط:انا مظلومة والله العظيم كان غصب عني
شهاب بعصبية:ممكن تنقطيني بسكاتك عشان اعرف افكر *سكتت رحمه بس دموعها نازلة شهاب رايح جاي ف الاوضة بعد لحظات بصلها
شهاب بجمود:مفيش غير حل واحد
رحمه بأمل:ايه
شهاب:نتجوز ونختفي فترة الحل ده مؤقت لحد ما نشوف حاتم هيعمل ايه او ناوي على ايه
رحمه برفض:مش هقدر اعمل كده انا عندي استعداد انه يموتني ولا اعمل فيه كده انا مقدرش اخون ثقته فيا ده اخويا
شهاب بعصبية:اخوكي ده مش هيعرفك لما يشوف ال هببتيه ولا حتي هيحترم جثتك بعد ما يقتلك بالعكس ده هيخلي رجالته يقطعوكي ويعشوكي للكلاب
رحمه بخوف:طب اختفي انا مش لازم نتجوز
شهاب بزعيق:وانا البس انتي ناسية انه عرف ال انا مخبيه عليه غير كده هيجيبك هيجيبك لكن انا اعرف تفكيره اكتر منك انا دورت علي الزفت ال بعتلي الصور اختفي زي فص ملح وداب ولحد ما نلاقيه لازم نختفي من قدام حاتم
رحمه بدموع:طب بلاش نتجوز
شهاب بعصبيه:انا هتجوزك عشان اعرف احميكي منه بصفتي جوزك مش عشان عاشق جمالك وادبك وأخلاقك العالية *حطت رحمه اديها علي وشها وفضلت تعيط اتنهد شهاب بغيظ وبصلها بعصبيه
شهاب:جهزي نفسك دلوقتي هنمشي
رحمه بذهول:دلوقتي
شهاب بهدوء:حاتم ابتدي يحفر وراكي وخلال الليل هيكون المستخبي بان *ارتجفت اوصالها نعم هو اخاها الذي لم يرفض لها طلبا من قبل دائما كان يرعاها ويعرف ما تخفيه عينها من قبل أن تحدثه يثق فيها وفي تربيتها ولهذا سمح لها أن تحقق حلمها وتعمل بباريس لكن القدر انقلب عليها /قامت رحمه بكل ألم نفسي وجسدي ولمت الحاجات المهمه وغيرت هدومها خدت شنطتها وخرجت لقت شهاب واقف قدام الباب بصلها وقرب
شهاب بهمس: هننزل من الباب ال من ورا للقلعه
رحمه بخوف:الجزء المظلم
شهاب بقله حيلة:المكان الوحيد ال الخدم مش هيشوفونا فيه*مشي بالراحة وبحذر لاخر الطرقه وفتحو باب قديم ودخلو وردوه وراهم .......صحيت منه علي صوت حكاوي جنبها فتحت عنيها لقت غاده ونوره بيحكو غمضت عنيها تاني بملل خلال لحظة برقت بعنيها تاني وقامت بفرحة
منه:انا جيت اخيرا*بصولها غادة ونورة بسعاده وقربو عليها وحضنوها باشتياق وحنين
نورة بدموع:وحشتينا ي جزمة ولا بترني ولا عارفين نكلمك
منه بدموع:معلش غصب عني المهم عملتو ايه من ورايا بقا انا سمعاكو بتحكو سوا*سابوها غاده ونورة وبصو لبعض بضحك وبصولها
غادة بلؤم:مين الهيرو ال كان شايلك ي منه
منه باستغراب:هيرو مين ومين شالني*افتكرت انها كانت ف العربية اخر مره بصتلهم باستغراب وقلق
منه:انا جيت هنا ازاي
نورة بخبث:سمعت كده من الخدم والله اعلم يعني أن سي حاتم كان شايلك وجابك لسريرك
غاده بلؤم:وانا شفته ب عنيا ال هيكلهم الدود دول *سكتت منه للحظة بعد ما وشها قلب طماطم من الاحراج وبصتلهم
منه:طب مصحنيش ليه
غادة بضحك:قالي انه لو جاب طبل بلدي جنبك مش هتصحي بردو انتي بتنامي نوم ميتين يختي*شوحت منه عليها المخده بغيظ وبصت للشنطة لقتها فاضية
منه باستغراب:انتو فضيتو الشنطه
نورة بلؤم:اه هي الهدوم الغالية دي جبتيها من مرتبك
منه بتسرع:لاء طبعا ده حاتم جبهالي اا اقصد الباشا يعني
غاده بخبث:طب وازازة البرفان الرجالي دي هو بردو جبهالك
منه بإحراج:يوووه هو تحقيق انا قايمه اخد دوش عشان تعبانه بعدين نكمل حكاوي *قامت بتهرب وطلعت هدوم الشغل وجريت للحمام وردت الباب تحت نظرات نورة وغادة ذات معني فضلت منه لحظات وهي حاطة اديها علي وشها باحراج وهي بتلعن نومها التقيل دخلت اخدت دوش ولبست الهدوم بتاعت الشغل وطلعت الساعة كانت ٨ بصت للبنات بصولها بلؤم طلعت برة وردت الباب راحت للمطبخ شافت سعاد راحت وسلمت عليها بحزن لانها هي السبب ال خلتها ف شغلانه ذي دي
سعاد بفرحة:حمدلله بسلامتك ي عسل اخبار الطلعة ايه
منه بجمود:الله يسلمك كانت جميله عرفت حاجات كتير مكنش لازم اعرفها *فهمت سعاد أن منه اتدبست ف الشغل حضنتها بحنان
سعاد:صدقيني غصب عني زيي زيك مقدرش افتح بقي ولا اعترض حقك عليا بعدين حاتم باشا ده كويس اووي والله طول ما انتي كويسة معاه وبتسمعي الكلام
منه بجمود:ولا يهمك عادي اتعودت
مي من وراهم:وحشتينا ي بيت من سعت ما مشيتي ومحدش طلب برشام الصداع هنا*جريت عليها منه وحضنتها باشتياق دي البذرة النضيفة هنا زي أخواتها بالضبط
منه بحب:وانتي كمان والله بس ولا يهمك جيت بالبرشام بتاعي احتياطي ليكم*فضلو يضحكو للحظات
سعاد بقلق:منه حاتم باشا جه من عشر دقايق كان متعصب جدا مقدرتش اطلع ولا هو طلبك ممكن تروحي ليكون محتاج حاجة
منه بقلق:طبعا هشوفه*وطلعت من المطبخ لفوق ف اوضته خبطت محدش رد خبطت تاني مفيش صوت فتحت الباب براحة ودخلت وقفت للحظة بذهول وصدمه ورعب الاوضة
مدشدشه حتي الدولاب مفيش حته سليمه البار متكسر والمرتبة بتاعت السرير متقطعة السرير مكسور الازاز ف كل مكان كإن كان فيه حيوانات بتتشاكل ف الاوضه بصت تدور على حاتم مش موجود قلقت
منه بخوف:حاتم باشا حضرتك جوه *مفيش رد قلبها وقع من مكانه دخلت بحذر تتفادي الازاز ال متكسر وراحت ناحية البلكونه ودخلت براحه برقت بعنيها بفزع حاتم من غير قميص ضهره كله متشرح كله دم
منه بشهيق:حاتم يلهوي ايه حصل *لف وشافها وياريته ما لف وشه اسود زي عينه شبه الصياد ال بيراقب فريسته عينه متسلطة عليها شافت المنظر عرفت انه مش ف وعيه رجعت
لورا وخرجت من البلكونه جريت للباب وهي مش مراعية رجليها ال دخل فيها الازاز حاولت تفتح وتشد ف الباب مقفول بصت وراها لقت حاتم حاطت ايده علي الباب وباصصلها بصت لفوق برعب
حاتم بصوت مبحوح:ليه عملتي كده ده انتي لو طلبتي لبن العصفور بنفسه هجبهولك ي رحمه انا عمري قصرت معاكي ده انا افضي نفسي من الدنيا عشانك تيجي ف الاخر تعملي كده فنفسك وفيا ليه ي رحمه ليييييييه*قالها بصراخ وقعت منه بخوف علي الارض
منه بعياط:انا مش رحمه انا منه والله فوق ي حاتم *مش شايف قدامه مد ايده وشالها من شعرها للسرير وقلع حزام البنطلون وطبقه وبصلها يجمود
حاتم بهدوء:انا هربيكي من اول وجديد وبعد ما اخلص عليكي هعشيكي لكلابي ال هي أحسن منك علي الاقل معضتش الايد ال اتمدتلها
منه بصراخ:انا منه ي حاتم مننننه فوق*ضربه اتنين صريخ هز القلعه الكل اتفزع نورة وغادة اترعبو جريو لفوق مع باقي الخدم محدش قدر يهوب جنب الباب نورة وغادة بخبطو جامد
وبيزقو الباب بس مفيش فايده فضلو يصرخو بخوف علي صوت اختهم وصوت تاني مش عارفينه طلع مهند من اوضته وهدومه كلها ميه الظاهر انه كان بياخد دوش قرب عليهم بفزع
مهند:في اي ايه بيحصل
نورة بعياط:مش عارفة منه بتصرخ الحقها ونبي ي مهند *فضل مهند بخبط ف الباب بكتفه لحد ما كسره دخل يجري
لجوة هو و أخواتها شافو منه مغمي عليها وهدومها متقطعه من كتر الضرب ومكان كل ضربة جرح وحاتم واقف بينهت وهو باصصلها زقه مهند وقرب عليها وحاول يفوقها
مهند:منه ي منه سمعاني منه ..انت عملت ايه انت متخلف لييييه حصل ايه *مفيش رد عرف مهند أن حاتم مش ف وعيه لف منه بالملاية وشالها ونزل بيها لعربيته ركبو أخواتها ورا
معاها وهما بيعيطو وبيشهقو اتحرك مهند بعربته ومشي فوق عند حاتم بعد خروج مهند وهو شايل منه وقع الحزام من ايده بجمود
حاتم بزعيق:سعااااااد
جات جري سعاد بخوف:تحت امرك ي باشا
حاتم بجمود:مين ال اخدها مهند دي
سعاد بدموع:دي منه الخدامة بتاعت حضرتك ي باشا *غمض عينه للحظة وطي واخد جاكت بدلته من الارض ولبسه علي كل جروحه ونزل خد عربيته ومشي ......
وصل مهند للمستشفي ونزل بسرعة من عربيته فتح الباب ال ورا وشال منه وجري بيها لجوة ووراه أخواتها البنات منهاريين دخل المستشفي حطها علي ترولي ومسكه وبعد كل الممرضين
مهند بعصبيه:اوعو انا عارف طريقي *سابوه جري مهند بالترولي ووراه نورة وغاده دخل قسم التجميل ووصل لباب الدكتور فتحه ودخل
الممرضة:لو سمحت مينفعش كده اخرج ي استاذ بعد اذنك
الدكتور:اطلعي برة ومتدخليش حد
الممرضة بطاعة:حاضر ي دكتور *طلعت وردت الباب وقف الدكتور جنب منه شال الملاية بمساعدة مهند
الدكتور بصدمة:ايه حصلها دي اتعرضت لضرب مميت
مهند بقلق:اتصرف ي
أدهم انا مش جايلك عشان تشرحلي *نده أدهم الممرضه وطلب منها حجات راحت وجات ف خلال خمس دقايق
ادهم:استنو برة لو سمحتو .....وانتي هاتيلي لبس خاص ليها الهدوم دي مش هتنفع تاني
الممرضة:حاضر
نورة وغادة:مش هنعمل صوت خلينا هنا جنبها *قالوها بعياط خدهم مهند لبرة ورد الباب نورة حاضنه غاده وبتحاول تطمنها بعد دقيقتين وصل حاتم ووقف قصادهم رفعت نورة راسها وأول ما شافته سابت غاده وجريت عليه مدت اديها وخربشته ف وشه ومسكت فيه بانتقام
نورة:ده انا هوديك ف ستين داهية ي زباله
حاتم بزعيق:تودي مين ي ***** ده انا هدفعك تمن الحركه دي*مسكها من شعرها مسك فيه مهند وكتفه وخلاه سابها ووقف ف وشه
مهند بزعيق:حاتم مسمحلكش مش كفاية ال عملته ف اختها نورة لاء
حاتم بدهشة:انت بتقف قصادي ي مهند وعشان مين عشانهااااا كل ال بعملو عشانكم انكرتوه دلوقتي بقيت انا الوحش ليه لييييه انا هريحكم مني خالص وسيبهالكم وماشي
مهند بندم:استني ي حاتم لحظة*سابهم حاتم ومشي بعصبيه وقف مهند وفضل يضرب ف الحيط بإديه ورجله بغيظ نورة قاعدة ساكته وغادة بتعيط بعد ساعة الممرضة خرجت
الممرضة:تقدروا تتفضلو *دخلو كلهم شافوا منه ملفوفه بشاش ابيض الا وشها الوحيد ال باين
أدهم بحزن:انا دلوقتي عقمت الجروح وداويتها بس هتاخد وقت عشان تخف وتختفي بس هيفضل فيها اثر كل ما هتبص ف المراية
نورة بكره:هدفعكم التمن ي مهند مش هيكفيني ف اخوك دمه هوديكم ف داهية
مهند بهدوء:ممكن تهدي عشان نشوف حل ....ادهم فيه عمليات تجميل للجروح الصعبة
أدهم بهدوء:احنا الأفضل نستني ونشوف حالتها لما تفوق وناخد رأيها ....وديها اوضتها وعلقيلها المحلول ده وحطي فيه الأدوية دي ويتغير كل ٣ ساعات
الممرضة:حاضر ي دكتور * خدت الروشته ومسكت الترولي وطلعت بيها من العياده بتاعت الدكتور وودتها اوضتها فيها كرسيين قعدت نورة وغاده جنبها علي الكرسي علقت الممرضة
المحلول ومشت مهند واقف وساند ضهره علي الحيطه وهو بيتنهد بألم طلع موبايله ورن علي شهاب لقي موبايله مقفول يعدين رن علي جيك
جيك بقلق:نعم ي مهند
مهند: تعالي للعنوان ده*وملاله العنوان خرج مهند ورد الباب وساب غادة ونورة ال قاعدين زي الصنم
غادة بحزن:هي عملت ايه لده كله يعني اكيد عملت حاجة غلط عشان عاقبها كده
نورة بعصبية:ولو عملت كل الغلط ال ف الدنيا مش من حقه يلمس ضفرها انا واثقة انها بريئة وهو ال شخص مريض مريض بالسلطة والجبروت لكن لكل ظالم نهاية ي حاتم
