بقلم #لولو_محمد
(((((((ته مربوطه ))))))
الحلقه الثالثه و العشرون
سمر / لا طبعا ليا كل الحق انا اختك و خايفه عليك
حسام / لا يا هانم حضرتك مش اختى و لا مسؤله عنى
سمر / انا قررت و خلاص سلام بقى عشان وصلت
حسام / انا لسه مخلصتش كلامى
سمر / اعتبر موبايلى فصل شحن سلام
سمر تقفل السكه و تقفل الموبايل
...................
فى الجمعيه
سمر / انا الحقيقه اول مره اتحط فى موقف زى ده بس انا دايما بيهمنى الصالح العام و خصوصا لسكان المنطقه دى لانى عشت فى وسطيكوا و مشاكلى كانت زيكوا انا الحقيقه مش محضره كلام لا انا حضرت الصراحه بس مش حاسه انى هعرف اقرا من الورق او بمعنى اصح انى لما اتكلم من قلبى اكيد الكلام هيوصل احسن و لا ايه
موظف / اكيد طبعا يا بشمهندسه
سمر / شكرا استاذ على انا عاوزه اتكلم معاكوا النهرده عن الانتخابات
متطوع / لسه بدرى اوى على الانتخابات
سمر / عارفه بس انا لازم اجى معاكى وش انا جايه هنا للانتخابات
على / اكيد لو حضرتك ناويه ترشحى نفسك اكيد كلنا هنكون وراكى
سمر / لا الحقيقه انا السياسه مش جوى خالص بس فى شخص انا عرفاه من زمان وواثقه فيه ممكن يكون احسن منى للموضوع ده اسمه دكتور محمد المتولى هو الحقيقه اللى وقف جنبى من وانا فى الكليه و مرنى فى شركته و شغلنى فيها و كان زى اب بالنسبالى
متطوع تانى / يا بشمهندسه احنا عمرنا مسمعنا عنه مين ده اساسا
سمر / هو مكنش عايش فى مصر بس لما لقى ان الوضع السياسى زى مانتوا شايفين قرر انه ينزل و يشارك هو على فكره خير جدا و بيدعم حاجات كتير اوى هو دعمنى لحد موصلت للمركز ده و بيدعم ناس كتير اعرفهم
على / ايوه بس تضمنى منين انه يفضل فى مصر
سمر / هو ايه اللى اضمن منين مهو اكيد هيحضر الجلسات من هنا مش من بره و لو محضرش انا بنفسى هبلغ عنه هو وعدنى انه هيخدم وعدنى انه هيحل كل مشاكل المنطقه هيصلح المدرسه ويرممها و يجدد المستشفى و الاجهزه اللى فيها و هتكون اولويته الاولى المنطقه و سكانها انا اول مره اطلب منكوا طلب
على / يا بشمهندسه و احنا منقدرش نتاخر عليكى
سمر / انا مش هوزع زيت و سكر انتوا مش محتاجين زيت و سكر انا بكلم المتطوعين الجندى المجهول فى العمل الخيرى انتوا اللى بتشاركوا بابسط و اعظم حاجه وقتكوا انا مش
هعرض عليكوا فلوس انا بس محتاجه لكلمتكوا صوتكوا زى مبنعمل دعايه للجمعيه و للعمل الخيرى و العمل التطوعى انا بس عوزاكوا تساعدوا الراجل ده انه يوصل لان بالنسبالى انا معنديش غيره معنديش خيار تانى هو اه بيقدم وعود زيه زى غيره و تبرعات زيه زى غيره بس انا معرفش غيره غيره موقفش جنبى جربت كتير تانين ادونا وعود و معملوش حاجه يمكن ده يعمل ولو معملش انا بنفسى هقفله انا اللى هحاسبه هقوله حضرتك وعدت تساعد الناس و خلفت وعدت و خلفت و احنا كمان عمرنا مهنقف جنبك تانى
متطوع / و نفضل بقى دوخينا يا لمونا دوخينا و احنا مالنا اصلا بالسياسه مياكلوها براحتهم تعرفى حتى الفتافيت مش عاوزينها
سمر / احنا مش محتاجين الفتافيت بس للاسف احنا شوفنا فى الجمعيه دى و فى جمعيات تانيه ناس محتاجه الفتافيت احنا بنيجى هنا مش عشانا عشانهم عشان هما محتاجين حد يدافعلهم عن حتى الفتافيت لانهم منغيرها مش هيقدروا يعيشوا انا مبقولكوش قوموا انتخبوه بكره بس على الاقل فكروا و نشوف نستفيد بالوضع نشوف هيقدم ايه للمنطقه فى الفتره اللى جايه و نشوف هنعمل ايه ساعتها محدش له عندنا حاجه
على / والله كلام زى الفل
سمر / شكرا ليكوا
سمر خارجه تلاقى حسام فوشها
حسام / كلمه ممتازه بس كلها كدب زى كل وعودك و كلامك
سمر / عن اذنك
سمر تروح تركب العربيه حسام يفتح الباب و يركب الناحيه التانيه سمر تتنهد
حسام / كلها وعود تضمنى للناس ان محمد المتولى اللى مش عايش فى جمهوريه مصر كلها يعمل حرف ماللى قولتيه للناس
سمر / انا هعمل
حسام / واحده انانيه زيك كان المفروض ترشح نفسها فى الانتخابات
سمر / انزل يا حسام
حسام / بمزاجك الدنيا كلها على هواكى تعال يا حسام يجى حسام غور يا حسام يتنيل حسام بمزاجك كلنا تحت امرك
سمر تبصله
حسام / كلامى مش عاجبك مش كدا عشان اول مره حسام يفكر يفتح بقه مبيجريش زى كل مره و يستنى اما حضرتك تتكرمى عليه و تقبلي تفتحيله الباب تانى مع انه عارف انك هتكرشيه زى كل مره
سمر / خلاص اكرشنى انت المرادى
حسام / عادى يهمك فى ايه اخرجى من حياتى يا سمر بس ازاى بقى دى مش مشكلتك ازاى هتخرجى من حياتى ده ميخصكيش تفتكرى لو كان ينفع تخرجى من حياتى كنت رجعت لتالت مره كنت سبت مصر مالاول
سمر / انا مليش علاقه بسفرك من مصر او حتى رجعوك بص يا حسام
حسام / بصى انتى انا مش معنى انى سايبك تمشينى على مزاجك انى معنديش شخصيه و لا طرطور او حتى ضعيف
سمر/ عارفه
حسام / مش من حقك ملكيش اى حق انا مش عيل صغير
سمر / خلصت
حسام / خلصتى انتى
سمر / بكره هتعرف انى عملت الصح
حسام / مفيش بكره و لما متلاقيش بكره و متلاقيش حسام هتعرفى انتى الصح عن اذنك
حسام ينزل مالعربيه ووراها دموعها
........................
فى البيت
عليا / هو ايه اللى حصل
سمر / خير
عليا / مصطفى كلمنى و قالى ان حسام روح البيت تقريبا كسر اوضته كلها و بيلم هدومه و عاوز يسافر ايه اللى حصل بكلمك تليفونك مقفول
سمر / انا تعبانه و عاوزه انام
عليا / و حسام يا سمر
سمر / هو اللى اختار
عليا / هو اللى اختار يا سمر
سمر تعيط
عليا / هو قالك انه بيحبك
سمر تهز راسها لا
عليا / امال اختار ايه فهمينى ايه اللى حصل
سمر / ماما فين
عليا /كلهم نايمين انا استنيتك
سمر / انا تعبانه و عاوزه انام و بكره الصبح ربنا يحلها
عليا / براحتك
سمر تدخل تنام و عليا تطفى النور و تدخل وراها سمر تعيط شويه و بعدين تغمض و تنام
.........................
فى موقع برج اتناشر دور
سمر / سمعت انك مسافر
حسام / هخلص شغلى هنا الاول و اقفل شغلى و حساباتى و امشى
سمر / عرض دبى لسه موجود
حسام / مش بمزاجك انا حر اروح مترح مانا عاوز و الله الغنى عن اى حاجه تيجى من سكتك
سمر / انت شايف كدا يعنى
حسام / ايوه شايف كدا
مهندس شاب صغير يدخل
الشاب /بشمهندس حسام
حسام / ايوه يا عبد العزيز
عبد العزيز / الحدادين خلصوا تسليح عمدان الدور الاتناشر هطلع استلم عشان نصب بكره ممكن حضرتك يعنى تيجى معايا اصلها اول مره و بصراحه خايف اغلط
حسام / انا جاى معاك عشان كدا جيت النهرده اصلا
سمر / خليك انا اللى هطلع معاه
حسام / شكرا ارتاحى حضرتك
سمر / انا قولت هطلع
حسام / اتفضلى
عبد العزيز يطلع الاول ووراه حسام و سمر ورا يلاقوا فوق كذا عامل
حسام / تعال نبدا من هناك
حسام و عبد العزيز يروحوا ناحيه و سمر تروح الناحيه التانيه
حسام / بص يا سيدى انت بتمسك عمود عمود و تعد اسياخه و تتعد الكانات و تشيك كدا بعنيك على التربيط يعنى جرب كدا العمود ده و قولى
عبد العزيز يعد بصابعه
عبد العزيز / مظبوط
حسام / تمام علم عليه بقى و انقل على اللى جنبه تعال
حسام يبص يمين و شمال ميلاقيش سمر
حسام / بص انت ثوانى هشوف حاجه و ارجع
حسام يجرى يدور على سمر يلاقيها واقفه عند عمود على الطرف خالص
حسام / ارجعى ورا شويه
سمر / انا عارفه انا بعمل ايه
حسام / الوقعه من هنا بموته مفيهاش عند تعال جوه شويه
سمر / انت مش هتعلمنى شغلى مش اول مره ليا اطلع استلم
حسام / انتى بتعاندينى حتى فى حياتك خشى يا بنتى شويه
سمر / متستفزنيش يا حسام انا عارفه شغلى متخافش روح انت مع عبد العزيز لسه خريج جديد و محتاجك
سمر تروح عند العمود اللى جنبه حسام يروح يشدها
سمر / انت اتجننت اكيد انت ازاى تحط ايدك عليا
حسام / انتى معدش عندك اى اعتبار لاى حد كدا انتى خلاص مفيش عندك احساس
سمر / و انت مالك اموت و لا اعيش يفرق معاك فى ايه انا المهندسه السينيور و انت بتشتغل تحتيا ملكش كلام عليا انا اللى اقوله هو الصح انت فاهم و لا لا
حسام / انتى شايفه كدا
سمر / امال انت فاكر ايه
حسام / براحتك
حسام يتحرك خطوه لورا و مش واخد باله من لوح خشب عالارض يتكعبل يقع يمسك فى طرف البلاطه سمر تجرى تمسكه و تحاول ترفعه و العمال يجروا عليه
حسام / ابعدى انتى هتقعى خلى الرجاله تتصرف
سمر / انا مش هسيبك تموت قدامى اطلع
حسام / هتقعى خشى جوه مش وقت عنادك هموت
سمر تعند و تقع يمسكها و ايده التانيه عامل مسكها فوق
سمر / سيب يا حسام سيب هتقع
حسام / مش هسيب مش هتموتى على الاقل مش وانا عايش
حسام يمرجح ايده و يرميها فى الدور اللى تحتيه تقع جواه و يفلت هو يقع فى الارض و سمر تجرى تبص عليه تلاقيه واقع فى الارض مبيتحركش و الناس ملمومه عليه و صوت حسام فى ودانها و هى بتنهج /// مفيش بكره و لما متلاقيش بكره و متلاقيش حسام هتعرفى انتى الصح مفيش بكره و لما متلاقيش بكره و متلاقيش حسام و متلاقيش بكره و متلاقيش حسام متلاقيش حسام متلاقيش حسام
.......................
سمر تقوم من النوم مفزوعه بتصرخ
سمر / متلاقيش حسلام
عليا / فى ايه يا سمر
سمر / فين حسام فين تليفونى هاتى تليفونى
سمر تقوم من عالسرير تقع فى الارض مش قادره تقف عليا تناولها الموبايل مالشاحن و هى عالارض بتنهج و تعيط
عليا / فى ايه يا سمر اصحى بابا
سمر تتصل بحسام
حسام / الو
سمر تتنام عالارض و هى منهاره مالعياط
حسام / سمر سمر انتى كويسه
سمر / اه الحمد لله الحمد لله انت كويس
حسام / ايوه فى ايه مالك فى حاجه اجيلك
سمر / لا لا انا بس بطمن عليك الحمد لله الحمد لله
سمر بتعيط و مش قادره تتنفس
حسام / مالك يا بت متقلقنيش عليكى اجيلك
سمر / انا اسفه انا عمرى مهزعلك تانى عمرى مهعاندك
حسام / انا هلبس و جاى
سمر/ لا لا انا بس ... شوفت كابوس و الحمد لله الحمد لله احمدك و اشكر فضلك يارب انه كان مجرد حلم اسوء كابوس الحمد لله انه حلم
حسام / طب اهدى و خدى نفسك انا معاكى اهو مفيش حاجه ايه يعنى الكابوس بموت
سمر تعيط اكتر
حسام / يا هبله الموت فى الحلم طوله عمر
سمر تغمض عينها / كانت لحظه صعبه اوى يا حسام
حسام / طب تصدقى يابت يا سمر انا حبيت الكابوس ده اوى و تعرفى انا مش هنساهالك ابدا كل مره تجيلك الحاله و تقوليلى اطلع من حياتى و لا ابعد عنى و لا كلامك الاهبل ده هرزعك كف على وشك الصغنن ده يفكرك بام الكابوس ده بس انتى اهدى كدا و اشربى بق ميه و انا بكره هاخدك انسيكى الكابوس على اللى اخترعوه اصلا ....سمر ...سمر
سمر / هاه
حسام / نمتى
سمر / هاه
حسام / بحبك تصبحى على خير
حسام يقفل السكه و سمر نايمه فى الارض و التليفون على ودنها و عليا قاعده عالسرير بتبص عليها تقوم تشيل الموبايل و تغطيها
عليا / ربنا يهدى
.....................
فى كافيه
سمر / بس و بعدين قولتلى مش هسيبك تقعى مش هتموتى على الاقل مش و انا عايش ووقعت انت
حسام / واو
سمر / بطل بقى انا بجد مدايقه اوى و لولا انك صممت عمرى مكنت هحكيه
حسام / انا اللى غايظنى انك بتزعقيلى قدام العمال و يتقوليلى انا المهندس السينيور سينيور فعينك
سمر / هههههههههههههه
حسام / انا تشخطى فيا قدام العمال ليه المقامات راحت خلاص دانا مش موت و انا بنقذك دانا انتحرت اورى وشى للعمال ازاى انا دلوقت اروح الموقع ازاى بس
سمر / ههههههههههههههههههه
حسام / ادحكى والله لوريكى عارفه شهر لا سنه مترفعيش عينك فوشى
سمر / حاضر
حسام/ ستات اخر زمن اهو ده اللى بناخده منكوا فى الاخر يعنى اموت عشانها و تقولى سينيور انا يتقالى سينيور هزولت والله مليا حق اموت
سمر / خلاص بقى يا حسام مبقتش ظريفه
حسام / افورت صح
سمر / انا اسفه
حسام / ليه
سمر / على كل حاجه من يوم مقابلتك من يوم مبدئنا نلعب سوا و انا بستغلك باخد حاجتك و لعبك و لما كبرنا شويه عرفتك على بنات لمجرد انهم يكونوا صحابى مفيش احقر من كدا
حسام / انتى بتسمى ده استغلال طب فينه والله عرفينى انتى بس على بنات و ملكيش دعوه بس استنضفى بس
سمر تزغد حسام فى كتفه
حسام / بوابين هزار بوابين
سمر / انا مفتكرش انك عمرك شوفت منى خير و برده فضلت جنبى
حسام / شوفت منك خير او مشوفتش انا اللى احدد و بعدين انتى مش سحرالى يعنى انا جنبك لانى انا اللى محتاجك و لعلمك انا اللى بستغلك
سمر / فى ايه
حسام / ببقى مبسوط و انا معاكى بدحك من قلبى والله ببقى طاير مالفرح لما بشوف دحكتك فى كل مره بتدحكى بحس انى اتولدت من جديد و التلاتين سنه اللى عدوا من عمرى دول لسه مجوش اصلا
سمر / على كده انت نونو
حسام / والله لو ده هيدحكك معنديش مانع ارجع بطن امى تانى
سمر / هههههههههههههههههه
حسام / انتى غاليه عندى اوى يا سمر فوق مانتى متخيله بلاش تحاولى تخلينى اخسرك لانى مش هستحمل خساره زى دى
سمر / دا كان لمصلحتك والله
حسام / انا عارف مصلحتى و مصلحتى جنبك انا مش عيله بضفيرتين الناس بيتكلموا عنها الا صحيح اخبار الضفاير ايه
.......................
