رواية تضحية حب
بقلم اسلام محمد
الفصل العاشر
حد فا تصنع الابتسامة وفتح الباب ))
احمد : سلام عليكم
امي : عليكم السلام
احمد : اي يا امي عاملة اي
امي : الحمد لله يابني انتي عامل اي
احمد : الحمد لله
امي : احضرللك العشاء
احمد : لا يا امي مليش نفس
امي : ليه كدا
احمد : عادي المهم اخواني فين
امي : في اوضتهم جوا نهي بتذاكر علشان عندها امتحان وبسملة قاعدة جوا بتلعب في التلفون
احمد : ماشي انا هدخل اطمن عليهم
امي : ماشي يابني ربنا ما يحرمنا منك ابدا
احمد : يارب يا امي ولا منكم
امي : يارب يابني
(( احمد قام ودخبط الباب علي اخواته ))
نهي : ادخل
احمد : ممكن ادخل
بسملة : ما قالتلك ادخل وبعدين في اي انت من امتا بتستاذن هههه
نهي : اها والله فعلا من امتا يا احمد بتستاذن هههه انت كويس
احمد : صدقه انا غلطان علشان اعتبرتكم بنات هههه
نهي : ومين قال كدا احنا رجاله ههه
احمد : واضح حتي الشنب معلم فيكي
بسملة : هههه حلوة
نهي : ماشي يا احمد ماشي
احمد : هههه المهم عاملين اي
نهي : ادعيلي عندي امتحان
احمد : ربنا يوفقك يارب
وانتي يا بسملة معندكيش امتحان ولا اي
نهي : دي خلصت بقالها اسبوع
بسملة : لا دا نايم لي المشمش هههه
احمد : معلش بس كنت مشغول الفترة الي فاتت فا مكنتش مركز معاكم حقكم عليا
نهي : ماللك يا احمد انت كويس
احمد : اها يابنتي في اي
نهي : اصل حساك متغير
احمد : هو لما اكون عايز ابقا قريب من اخواتي ابقا متغير
نهي : مقصدش بس انت من امتا وانت كدا
احمد : من النهاردة وريني بقا بتذاكري اي يا لمضة
نهي : امسك
احمد : اي دا كمياء لا لا ربنا معاكي
نهي : هههه اي دا ماللك
احمد : عارفة إن من اسباب إن مدخلتش علمي كان الكمياء
نهي : لا المسالة بقا مسالة قدرات هههه
احمد : طب شدي حيللك بقا عايز اشوفك دكتورة
نهي : باذن الله ياحبيبي مش هضيع شقاك عليا ابدا
احمد : دا انا اشقاء علشانك العمر كله هو انا ليا من غيركم
نهي : ربنا يخليكي ليا يا احمد
احمد : ويخليكي ليا يارب اسيبك بقا تكملي مذاكرة
نهي : طب بمناسبة الشقاء هههه مفيش حاجة علينا
احمد : قوليلي عايز اي
نهي : احم احم
احمد : يابنتي قولتي عايز كام مية او متين
نهي : احم احم
احمد : ههه دا واضح ان مبلغ كبير اووي
نهي : بس يا احمد يا حبيبي
احمد : حبيبك لا دا شكلها كدا نصيبة ههه
نهي : عايزة خمسمئة
احمد : حاضر بس ليه
نهي : عايز فلوس هجيب طقم جديد اروح بي الامتحان و٢٠٠لي الدورس
احمد : عيوني حاضر اتفضلي
وطلع احمد الفلوس واداهم لي نهي
نهي : شكرا يا احمد
احمد : حاجة تاني
نهي : لا ياحبيبي تسلم
احمد : يلا انا هدخل انام
نهي : تصبح علي خير
احمد : وانتي من اهله تصبحي علي خير يا قردة
بسملة : وانت من اهله ياقلب القردة ههه
((احمد هنا دخل نام ))
سلمي كانت وقفة هي وماجد وماجد ماسك ايد سلمي
احمد : سلمي تعالي معايا
سلمي : لا انا هفضل مع ماجد حبيبي
احمد : يا سلمي انا حبيبك
سلمي : لا انت فقير لاكن ماجد حبيبي هيجبلي كل الي انا عايزاه صح يا ماجد
ماجد : صح ياقلب ماجد
احمد : طب انا بحبك
سلمي : وانا مش بحبك مش بحبك مش بحبك مش بحبكككككككك
((وهنا احمد صحي وهو بيقع من علي السرير صحي وافتكر الي سلمي قلتهوله وقعد يعيط ))
احمد : ليه بس سبتيني دا بحبك دا انا كان عندي استعداد ابيع الدنيا علشانك ( وهو قاعد يعيط ))
((قام احمد لبس وكان لسة بدري علي معاد الشغل نزل قعد علي القهوة ))
القهوجي : صباح الخير يا استاذ احمد
احمد : صباح النور
القهوجي : اجيللك حاجة تشربها
احمد : اها عايز شاي تقيل سكر زيادة
القهوجي : حاضر
((القهوجي حاب الشاي واحمد قاعد طلع التلفون ورن علي سلمي او مرة كنسلت عليه تاني مرة كنسلت تالت مرة ثابت التلفون يرن لي وحده احمد قعد زعلان لحد ما الورشة فتحت دخل الورشة وقعد يشتغل والاسطا جيه واليوم مكمل لحد ما الاسطا ناد علي احمد ))
الاسطا : يا احمد
احمد : نعم يسطا
الاسطا : تعالي عايزك
احمد :حاضر
((راح لي الاسطا ))
احمد : اومر يسطا
الاسطا : اقعد
احمد : حاضر
الاسطا : في اي يا احمد ماللك
احمد : مفيش يسطا في اي
الاسطا : ازاي انت مش مركز في الشغل وتاني حاجة ترجع النهاردة في اي انت تعبان
احمد : لا انا تمام يسطا
الاسطا : يابني لو فيك حاجة احكيلي انا زي ابوك
احمد : اكيد يسطا بس هو موضوع البنت الي بحبها
الاسطا : اي يا احمد انت لسة مبعدتش عنها
احمد : لا هي الي بعدت
الاسطا : ازاي الي اعرفه الي هي كانت بتحبك
احمد : والله يسطا زي ما بقوللك كلمتني وقالتلي انساني
الاسطا : بص يا بني بعيد عن الي هو احسن فعلا الي هي بعدت علشان مكنش هيجي من وراها غير الشر لاكن ابوها ممكن الي يكون ضغط عليها علشان دا راجل شراني
احمد : معرفش يسطا بس ما اظنش
الاسطا : ربنا يقدم الي فيه الخير يا احمد وانت ابعد يابني وانساها
احمد : حاضر يسطا
الاسطا : قوم كمل شغللك ربنا معاك يقويك
احمد : يارب
((قام احمد كمل شغل وخلاص خلص شغل وروح دخل سلم علي امه وإخواته وقعد كل معاهم لاكن مان باين عليه الي هو متغير وقعد بهزر مع امه وإخواته لاكن هنا اتكلمت إنه وقالت ))
امي : احمد
احمد : ههه نعم يا امي
امي : ماللك يابني فيكي حاجة
احمد : في اي يا امي ما انا بضحك وبهزر معاكم اهو
امي : لا يابني انت فيك حاجة ضحكتك طالعة من وراء قلبك فيك اي
نهي : فعلا يا احمد انت من امبارح وانت متغير
احمد :لا اله الا الله
امي : محمد رسول الله فيك اي بقا
احمد : يا امي مفيش حاجة
امي : لا فيه
احمد : مفيش يا امي مفيش
امي : هو انت كلمت سلمي
احمد : لا ومش هكلمها ولا هتكلم انا وهي تاني
امي : ليه اي الي حصل
احمد : محصلش حاجة
امي : لا فيه ما انا لازم اعرف
احمد : سلمي الهانم كلمتني وقالتلي إن هي مش بتحبني وان هي بتحب ماجد
امي : ماجد مين
احمد : العريس الغني الي كانت متقدملها الهانم مرعتش اي حاجة انا عملتها علشانها وفكرت في نفسها وبس مفكرتش إن هي تضحي بس زي هي تضحي ما هي بنت الباشا عرفتي يا امي في اي عرفتي وقعد هنا احمد يعيط
امي : طب وانت زعلان ليه ما تغور في داهية امسح دموعك دي
الي يبيعك ما يستهلش الي انت تنزل عليه دمعتك
احمد : حقك عليا يا امي لو كنت عليت صوتي بس والله غظب عني
امي : انا مش زعلان منك بس عايزك تبص لي مستقبلك ومتبص علي الي وقع منك ولا تبص وراك
احمد : حاضر يا امي عند اذنكم بقا هدخل انام
امي : ماشي ياحبيبي تصبح علي خير.
احمد : وانتي من اهله
((دخل احمد نام وهو مجهد وتعبان وقال فعلا امي عندها حق إن ليه هزعل علي حد باعني حد ما صنش العشرة والايام الي كانت بنا انا فعلا لازم انسي امي عندها حق وهنا احمد نام وصحي تاني يوم خلص الشغل وقفل الورشة وهو ماشي لقا عربية وقفت والسواق نازل وجالي وبيقولي ))
السواق : سلام عليكم
احمد : عليكم السلام
السواق : حضرتك عرفني
احمد : مش انتي السواق بتاع ابو سلمي
السواق : اها
احمد : خير عايز مني اي
السواق : الباشا عايزك
احمد : عايزني في اي
السواق : معرفش والله بس هو عايزك ضروري وقالي متجيش الا وهو معاك
((هنا احمد فكر إن هو ممكن يكون حس بالندم وهيخليني اتجوز سلمي ))
احمد : ماشي
السواق : اتفضل اركب
احمد : ماشي
((احمد ركب العربية والسواق مشي وطول الطريق احمد بيفكر هو عايزني في اي يترا فعلا هيجوزني سلمي طب لو دا صح مكانت سلمي رنت عليا في اي هو انا هتعينفسي ليه دلوقتي اوصل واعرف وهنا السواق وصل وفتح لي احمد الباب وقال لي احمد))
السواق : اتفضل
((احمد نزل ودخل الفيلا وفضل قاعد مستني لحد ما الباشا ينزل وفضلت قاعد بتاع ربع ساعة واستغربت إن ملقتش سلمي اخذ ما الباشا نزل ))
ابو سلمي : اهلا اهلا
احمد : حضرتك طلبتني ممكن اعرف في اي
ابو سلمي : متخفش
احمد : انا مش خايف
ابو سلمي : ماشي تشرب اي
احمد : مش عايز اشرب انا عايز اعرف حضرتك طلبني في اي علشان امشي
ابو سلمي : واضح انك مستعجل
احمد : اها اووي
ابو سلمي : تمام تعالي معايا
احمد : ماشي
((دخلنا المكتب ))
ابو سلمي : اقعد
(( احمد قعد وابوسلمي قاله))
ابو سلمي : امسك الشيك دا
احمد : شيك اي
ابو سلمي : دا حاجة كدا بسيطة علشان متطلعش خسران تعويض عن الي انا عملته فيك
احمد : لا شكرا
ابو سلمي : ما انت عايز اي
احمد : خلاص الي انا كنت عايزه مبقاش ينفع دلوقتي
ابو سلمي : خد الشيك ومتبقاش عبيط ومتخسرش كل حاجة
احمد : لا شكرا عايزني في حاجة تانية ولا امشي
ابو سلمي : انت حر اتفضل امشي
احمد : ماشي بعد اذنك
ابو سلمي : عايز اقوللك حاجة
احمد : اتفضل
ابو سلمي : انت مخدتش الشيك ليه
احمد : انا خسرت انسانة عمري ما حبيبت غيرها تفتكر حضرتك إن فلوس الدنيا كلها تقدر تعوضك عن الانسانة دي انا خسرت قلبي خسرت حياة ومستقبل كنت راسمه معاها خسرت لحظات كنت بتمناء اعيشها خسرت حبيبتي تفتكر إن الفلوس دي هتعوضني عنها مستحيل
ابو سلمي : انت نبيل اووي فعلا زي ما سمعت عنك
احمد : شكرا عن اذنك
ابو سلمي : اتفضل
((احمد مشي وطلع من الفيلا لاكن شاف الي مكنشي يخطر علي البال ))
سلمي واقف مع ماجد وبيبوس ايديها وهنا سلمي بتبص لقت احمد واقف ))
