رواية تضحية حب
الفصل التاسع عشر
بقلم اسلام محمد
بعد ما احمد راح قدم الورق علشان يتعين في النيابة راح الورشة واعتذر لمحمود علي اللي حصل منه وبعد كدها راح علي البيت وقال لما يدخل يطمن علي اخواته بمناسبة الي هو مبسوط وهو داخل سمع صوت مراته وإمه وإخواته وهما بيتكلمه وعرف من كلامهم إن صاحبة الفكرة كانت اخته بسنت واللي جابت برنامج الصوت كانت اخته نهي وان مراته نادية هي اللي كانت بتتكلم طبعا هنا احمد كان واقف مصدوم وسمع إمه وهي بتقول ))
امي : خلاص يا بسملة إن شاء الله مش هيعرف حاجة انا اللي هشيل الليلة كلها خلاص بقا اقفلي علي الموضوع دا
(( وهنا احمد كان واقف مصدوم وقرر إن هو يقتح الباب ويدخل وفتح فعلا الباب ودخل وقال ))
احمد : لا حقيقي براڤو ايه التخطيط دها كله
((وهنا الكل اتصدم وقال ))
الجميع : احمد
احمد : اها احمد اللي انتوا ضحكته عليه طب ليه انا عملتلكم ايه انا عمري أذيت حد فيكم انته ازاي كدها
نادية : احمد بعد اذنك ممكن افهمك
احمد : ((بعصبية )) انت تخرسي خالص انا مش عايز اسمع صوتك وانا اللي كنت متخيلك غلبانة طلعتي تعبانة ايه الغل اللي فيكي دها دها انا يوم ما سلمي رجعت قولت انا مش هقدر اطلقك قولت حرام انتي ايه ذنبك معايا لاكن طلعتي متستهليش اي حاجة
نادية : يا احمد افهمني بس ((بتعيط))
احمد : خلاص مبقتش عايز افهم وانتي وانتي يا نهي تعملي في اخوكي كدها تشتركي معاهم في الكدبة ديه ليه دها انا مش بعتبرك اختي دها انا بعتبرك بنتي ليه عملتي كدها ليه عمرك طلبتي حاجة وقولتللك لا جيت زعلتك في يوم انا كنت ببيع كرامتي علشان خاطركم من ساعة ما ابوك مات وانا مزعلتش حد فيكم لا وبسملة ((احمد بيعيط )) وانتي تطلعي اللي مخططة كل دها عملتوه معايا كدها ليه كل دها علشان اتجوز ديه ((بيشاور علي نادية)) واحدة زي ديه تخليكم تتفقه علي اخوكم وتكسره قلبه انا مش عارف اقولكم ايه انته بجد متستهلوش اللي عملته علشانكم
((وهنا الجميع سكت واحمد بيهدي نفسه وراح علي الشقة وخد هدومه ونزل وهو في قمة الغضب مكنش عارف هيروح فين بس كان لازم يبعد وراح قعد علي القهوة قرر يكلم محمود وفعلاً رن عليه ومحمود رد ))
احمد : الو يا محمود انت فين
محمود : في ايه يا احمد انا في البيت
احمد : طب انزل تعلالي دلوقتي انا علي القهوة اللي عند الورشة
محمود : خلاص حاضر جي بس قولي في ايه
احمد : لما تيجي هقولك انجز يلا
محمود : حاضر سلام
احمد : سلام
القهوجي : اجبللك حاجة يا استاذ احمد
احمد : لا شوية
القهوجي : ماشي
((خمس دقايق ومحمود جيه ))
محمود : في ايه يا احمد خير وايه الشنطة الفي معاك ديه
احمد : انا سبت البيت وعايز أي مكان اقعد فيه
محمود : المكان موجود بس بس سيبت البيت ليه
احمد : مش مهم دلوقتي المهم تشوفلي مكان حالاً ومحدش يعرف من اهلي بيتي المكان دها فين حتي امي
محمود : دها الموضوع كبير اووي
احمد : انجز ياعم هتجبلي المكان ولا ايه
محمود : حاضر استناني هنا نص ساعة وهجيللك
احمد : خلاص ماشي متعوقش
((احمد نده علي القهوجي ))
احمد : معلش هخلي الشنطة دي هنا هجيب حاجة وجي
القهوجي : تمام ماشي
((احمد قام وراح الشقة عند نبيلة وخبط علي الباب وفتحتله ))
احمد : سلام عليكم
نبيلة : عليكم السلام اتفضل يا احمد
احمد : لا انا جي اقوللك كلمتين وماشي علي طول
نبيلة : خير في ايه
احمد : انا مش جي الورشة تاني
نبيلة : ليه يا احمد في حاجة زعلتك لو عايز زيادة الفلوس كلها معاك خد اللي انت عاوزه
احمد : لا ربنا يخليكي كل الحكاية إن هتعين في النيابة
نبيلة : الف مبروك والله فرحتللك
احمد : وبالنسبة علي الورشة متقلقيش عبده ومحمد ناس أمينة جداً ومحترمين وأنا هوصيهم
نبيلة : ربنا يخليك يا احمد
احمد : استأذن انا
نبيلة : طب تعالي اشرب حاجة
احمد : لا الله يخليكي سلام عليكم
نبيلة : عليكم السلام
((احمد نزل وراح علي القهوة ويدوب أعد وخد الشنطة ومحمود جاله ))
احمد : ايه عملت ايه
محمود : في شقة اوضة وصاله ٢٥٠في الشهر
احمد : ماشي بس انا مش معايا مقدم
محمود : لا دها الراجل معرفة وانا فهمته
احمد : خلاص ماشي
محمود : تعالة هو اداني المفتاح واخر الشهر ابقا ادفع
احمد : لا يا عم امسك ٢٥٠اهم وخلاص
محمود : خلاص ماشي يلا
(( مشي احمد ومحمود وراحه الشقة ))
محمود : اهي يا عم الشقة ايه رأيك
احمد : اهو أي حاجة الواحد يقعد فيها
محمود : مش ناوي تقولي ايه اللي حصل
احمد : طريق السلامة انت يا حودة يلا إتكل علي الله واها خد مفتاح الورشة اهو علشان انا مش جي تاني
محمود : ايه يا عم كل دها ليه مش جي تاني
احمد : خلاص هتعين في النيابة قريب
محمود : ايوها يا عم وهنشرب حشيش برحتنا
احمد : يلا يا محمود اتكل علي الله علشان هضربك بجد
محمود : ههه وعلي ايه الطيب احسن سلام
احمد : سلام
((احمد دخل قعد بيفكر كدها مع نفسه ))
احمد : ناوي تعمل ايه يا احمد في اللي حصل يعني هعملهم ايه خلاص اللي حصل حصل انا هبعد انا وهما بقا خليهم يشبعه ببعض ونادية ديه ناوي تخليها علي ذمتك بعد ما هي السبب في المصائب دي خليها دلوقتي انا عايز اشوف الاول حوار النيابة بعد كدها هشوف اعمل ايه
((احمد وهو بيفكر نام من التعب وصحي علي صوت التلفون بيرن كان المتصل سلمي ))
احمد : الو
سلمي : اي ياحبيبي عامل ايه
احمد : الحمد لله
سلمي : ايه دها انت بس نايم
احمد : اها
سلمي : كل دها ليه
احمد : هي الساعة كام
سلمي : الساعة ٣.٣٠العصر
احمد : يااااه دها انا نمت كتير اووي
سلمي : صح النوم ياحبيبي بس انت محدش صحاك ليه
احمد : لا ما انا مش في البيت
سلمي : نعم اومال فين
احمد : انا سيبت البيت وخت شقة هعيش فيها لوحدي
سلمي : ليه يعني ايه اللي حصل
احمد : لما ابقا اشوفك
سلمي : خلاص ماشي البس كدها وتعالي نتقابل في الكافية اللي احنا كنا بنتقابل فيه فاكره
احمد : طبعاً هو انا أقدر أنسي
سلمي : ماشي يا قلبي باي
احمد : باي
((قفل احمد مع سلمي وطبعاً هو كان حاطط كل ارقام البيت في الحظر لقي امه رنه هي ونادية وإخواته فوق ١٠٠مرة قام لبس ونزل كلم سلمي وراح علي الكافيه لقي سلمي قاعدة مستنياه))
احمد : ازيك يا قلبي عاملة ايه
سلمي : الحمد لله انت عامل ايه
احمد : كويس
سلمي : ايه مالك بقا احكيلي ايه اللي حصل خلاك تسيب البيت
احمد : هقولك بس تعالي ناكل الاول علشان انا من امبارح مكلتش
سلمي : خلاص يلا
((راحه مطعم وقعده وطلبه الاكل وخلصه ))
سلمي : ها بقا احكيلي
احمد : حاضر اسمعي يا ستي اللي حصل (( وحكلها احمد علي كل حاجة من ساعة ما الرقم دها كلمه لحد اما راح سأل في الشركة وعرف مين صاحب الرقم واللي حصل وإن ديه كانت لعبة من امه وإخواته ونادية ))
بس هو دها اللي حصل
سلمي : دها ولا حواديت الف ليلة وليلة بس بقوللك ايه يا احمد اقولك علي حاجة ومتزعلش مني
احمد : مقدرش ازعل منك دها انتي روحي لو زعلت من الدنيا كلها انتي لا
سلمي : امك واخواتك معذورين
احمد : انتي بتقولي ايه بعد كل اللي حكتهولك دها تقولي امك واخواتك معذورين
سلمي : بص يا احمد امك كان نفسها تفرح بيك ولما شافت إن موضوعي انا وانت خلاص انتهي كانت نفسها تجوزك وكان شايفة ان نادية هي اللي مناسبة ليك واخواتك مهما كان نفسهم يشوفه أخوهم اللي تعب علشانهم كل دها متجوز وعنده اولاد لاكن ناديه زي ما انتا حكتلي إن البنت كانت بتحبك فا كانت عندها استعداد تعمل أي حاجة علشان تكون معاك
احمد : بصي يا سلمي حتي لو اللي انتي بتقولي عليه دها صح مكنش ينفع بالطريقة ديه انا بحبهم جداً وتعبت علشانهم كتير ازاي يعمله معايا كدها
سلمي : معلش يا حبيبي إن شاء الله فترة وهتعدي ودها كله هيتنسي
احمد : إن شاءالله
سلمي : بص بقا انا عايزاك تمضي علي شوية ورق كدها
احمد : ورق ايه
سلمي : امضي وانت ساكت خالص
احمد : لا ما انا لازم اعرف
سلمي : بص يا سيدي الورقة دي تنازل مني ليك عن كل املاكي بيع وشرا
احمد : نعم انتي اتجنتني انتي بتقولي ايه
سلمي : بص ياحبيبي استاذ بدر كلمني وقالي إن من شروط النيابة إنك تكون عندك أملاك وانا إتنازلت ليك عن كل حاجة وفاضل إمضتك وبعدين مش انا وانتا واحد
احمد : مستحيل انا اوافق علي كدها وانتي عارفة دها كويس
سلمي : كل اللي اعرفه دلوقتي إن عايزة اشوفك احسن واحد في الدنيا والحاجة ديه اللي هتوصللك لحلمك علشان خاطري يا احمد
((وبعد وقت طويل من الكلام وان سلمي بتقنع احمد علشان يمضي وفعلاً احمد وافق ومضي علي كل حاجة وخلص واحمد روح البيت وسلمي راحت ادت الورق للمحامي علشان يسجله وبعد يومين واحمد كان قاعد لواحده وكان كل يوم يتقابل هو وسلمي ومكنش بيروح الورشة ومازالت مكالمات امه وإخواته مستمرة لاكن هو لن يستجيب وفات يومين على كدها وفي يوم احمد صحي وكان قاعد في البلكونة وهنا سلمي رنت عليه ))
احمد : الو
سلمي : احمد انا مبسوطة اووي يا احمد مبسوطة اووي اووي
احمد : يارب يا قلبي تكوني مبسوطة علي طول بس ايه سبب الفرحة ديه كلها
سلمي : استاذ بدر كلمني وإن النيابة وافقت عليك وفي امتحان ليك بكرة والامتحان دها هو اللي هيوصللك للنيابة وهيكون أخر حاجة
احمد : انتي بتكلمي بجد
سلمي : اه والله يا احمد استاذ بدر لسه قافل معايا وكان عايز يبلغك لاكن انا قولتله ان انا اللي هقولك
احمد : انا مش عارف اقوللك اي يا سلمي انا لو حصلي اأيي حاجة حلوة من ساعة ما أتولدت فا أنتي السبب فيها
سلمي : انا معلملتش حاجة انت اللي تستاهل إن أيامك كلها تكون فرحة
احمد : وانا عمري ما هخلي يوم واحد ليكي حزين وزي ما وعدتك في الأول هعمل كل حاجة علشان اقدر أبسطك
سلمي : يا قلبي انا مبسوطة طول ما انت معايا
احمد : بحبك
سلمي : وانا بحبك اووي
احمد : طب بالمناسبة دي لازم اعزمك
سلمي : لا مش النهاردة انت النهاردة تكلم استاذ بدر وهو هيقولك علي كل الحاجات اللي هتتسأل فيها بكرة وبعد ما تنجح اعزمني زي ما انت عايز يا قلبي
احمد : خلاص ماشي انا هقفل واكلمه
سلمي : ماشي باي ياحبيبي
احمد : باي
((احمد قفل مع سلمي وجيه يرن علي بدر علشان يعرف منه فا ملقاش معاه رصيد فا احمد قال )
احمد : ليه بس كدها اما أنزل أشحت وأكلمه بسرعة
((وفعلاً نزل احمد وهو خارج من قدام البيت فاجأه عربية ماشية خبطت احمد))
