 |
رواية الحب يعشق الصدف الفصل الرابع 4 بقلم رحمه محمد
#الحب يعشق الصدف
البارت 4
مراد بغضب: انتي ليلي
: هو انت الي....
قاطعها مراد بعصبيه : اخلصي انتي هترغي انتي ليلي
ساره : لا مش انا
ليلي جت من وراها وهي بتفرك في عيونها : مين بيخبط يسا....(وكملت بصدمه) انت
مراد اتعصب اكتر: مين فيكو ليلي
ليلي بعدم فهم : انا
اول ما سمعها شدها بسرعه ومشي
ساره بصدمه : ليلييييي
ليلي فضلت تصوت وتحاول تسحب ايديها من ايدها بس مفيش فايده اكن ايديها لزقت في ايدو وهو مش فارق معاه صويتها ولا محولتها انها تشيل ايدو
نزل من العماره وفتح باب العربيه وزقها لجوه وبسرعه ركب هو كمان ومشي باقصي سرعه
ليلي بزعيق : انت واخدني علي فين وازاي تشدني كدا انت مجنون
مراد:_____
ليلي لسه هتتكلم لقت نفسها قدام المستشفي الي بتشتغل فيها وسالته بستغراب: انت جايبني هنا لي
مراد نزل من غير ما يرد عليها ونزلها من العربيه ومسك ايديها بس المره دي كانت مستسلمه وكانت عايزه تفهم هو جبها هنا لي
واول ما دخلو المستشفي جريت عليها ممرضه وفهمتها الي حصل
ليلي جهزت بسرعه عشان تدخل اوضه العمليات وراحت للاوضه لقت مراد وعمرو واقفين فضلت بصه لمراد وبعدها دخلت العمليات وبعد ساعات خرجت ليلي ومراد وعمرو جريو عليها
عمرو: طمنينا
ليلي: الحمدلله العمليه نجحت بس لازم تدخل العنايه ال48 ساعه الجايين
مراد: هدخل اشوفها
ولسه هيمشي ليلي وقفتو: مش هينفع دلوقتي
مراد ببرود : انا مش باخد رايك انا بعرفك وبس
ولسه هيمشي ليلي مسكت ايدو
ليلي: لو سمحت انا مقدره الي انت فيه بس...
قاطعها مراد وزق ايديها : هدخل اشوف
ليلي بدا صوتها يعالي: قولتلك خطر عليها مش هسمحلك تدخل ليها دلوقتي
عمرو جري علي مراد: مراد اهدي بتقولك خطر عليها دلوقتي
مراد بصلو بغضب ومشي
عمرو: اسف علي اسلوبو بس دي مامتو اعذري
ليلي ببتسامه رقيقه: اكيد.. بعد اذنك وسبتو ومشيت
ليلي اول ما وصلت علي مكتبها كلمت ساره بسرعه تطمنها عشان عارفه انها زمانها هتنزل تدور عليها في الشوارع زي المجنونه طمنتها عليها وحكت ليها الي حصل
وفجاه الباب اتفتح وكان مراد
ليلي اتخضت بس مبينتش : طب باي دلوقتي ي ساره (وقفلت معاها وبصت لمراد) اتفضل
دخل مراد وقعد علي الكرسي وبصلها
ليلي بجمود : قولت لحضرتك مش هينفع تشوفها دلوقتى
مراد: بعد ال48 ساعه هتخرج من هنا
ليلي بصدمه: انت اكيد مجنون ازاي هتخرج كدا انت مستغني عنها
مراد ببرود : اظن ان دي امي وانتي ملكيش دعوه وقولتلك اني ببلغك وبس عشان انتي هتيجي معاها
ليلي بنفس الصدمه : اجي معاها فين اي الكلام دا
مراد نفخ بضيق: انتي برغي كتير لي
ليلي وقفت وتكلمت بزعيق : قولتلك مينفعش
مراد سكت لثواني يحاول يتحكم في غضبه : بعد ال48 ساعه هتخرج من هنا وجهزي نفسك عشان هتيجي معاها وهتكوني المسؤوله عنها لغايت ما تخف خالص
وسابها وخرج من غير حتي ما يسمع رايها
ليلي: اي الهبل دا
وكملت شغلها من غير حتي ما تفكر في كلامو كانت فكراه بيقول كدا لمجرد انو خايف علي والدته بس كان فعلا كلامو صح بعد ما عدت الساعات
باب مكتب ليلي خبط
ليلي وهي بتشتغل: اتفضل
مراد: يلا
ليلي بصتلو بستغراب : يلا اي حضرتك
مراد: كل حاجه جهزه يلاا بسرعه
ليلي لسه هتزعق لقت دكتور ايمن
دكتور ايمن: دكتوره ليلي معلش مراد مصمم ياخد ولدته ومضي علي اخلاء مسؤليتنا وانتي الي متابعه حالة المريضه
ليلي بزعيق : ازاي توافق علي كدا اصلا هي متعوره دي عمليه في القلب
مراد بلامبالاه : يلا
ليلي بصتلو وكانت هترفض بس فكرت في مامتو وان عمليتها مش سهله في وافقت
ومشيت مع مراد ركبت في عربيه الاسعاف مع مامتو وهو ساق العربيه وراهم
وبعد فترة وصلو واول ما وصلو....
عشق: اخيرا ي سيف النهارده خطوبتنا بجد مش مصدقه حسه اني بحلم
سيف باس ايديها: لا دي حقيقه ي حبيبتي واحنا فعلا اتخطبنا
عشق اترمت في حضنه: انا بحبك اوي اوي اوي
سيف باسها من جبينها: وانا بعشقك اوي اوي اوي
قرب منهم ادهم ومني مراتو
ادهم: دي خطوبه مش كتب كتاب ابعد 10متر لورا
مني : مبروك يقلبي
عشق حضنتها: الله يبارك فيكي ي ماما
عدت السهره وعشق صحيت الصبح علي مسدچ من سيف وبعدها جريت
عشق بصوت عالي رج البيت: ادهااااااااااااااااااااام
...........
#يتبع
#بقلمي_رحمه_محمد