رواية قانون الحب الفصل الثالث 3 بقلم حبيبه ممدوح
#قانون_الحُب
#بارت_3
_وهو كاسر عينك ف اى؟
دا احنا ال مفرجين عليه الجامعة كلها ولا نسيتى
_اهو دى اكتر حاجة محتاجة انساها...
_لى هو انتِ شايفة انى غلطت؟
_اة..
_نعم؟، انتِ أكيد بتهزرى
سكتت شوية وقالت
_ماهو بصراحة مكنش ينفع الفضايح ال حصلت دىى.
_يعنى انا غلطانة؟
سكتت متكلمتش
فَ كملت كلام وقولت
_تمام فهمت لو انا ب النسبالك غلطت ف انا بقولك انى مغلطتش ولو ف حد غلطان والغلط راكبة من ساسة ل راسة ف هو انتِ ي ليلى مش أنا
_أنا ؟ غلطت ف أنِ حبيت؟
اخدت نفس وقولت بعد ما افتكرت انها مش مستحملة اى كلام
_الحُب عُمر ما كان غلط ي ليلى، الأشخاص هما ال بيبقو غلط واحنا ال بنختار ناس غلط نقدملهم الحُب بتاعنا فَ ب التالى مش بيقدرو لأن ساعتها مش بيبقا ولا فِ وقتة ولا فِ مكانة الصح فهمتينى؟
_واهو ال حصل حصل وبتحاسب ع تمن غلطة قلبى دلوقت
_واخرتها اى ف جلد الذات داا بقاااااا
_بقولك اى
_قولى
_انا هنزل بكرا الجامعة..
_اللللهههه واكبرررر يشيخة اى الحلاوةةة دىىىى
_هستناكى تعدى عليا بكرا..
قفلت ومكنتش عارفة اى التغير المفأجئ ال حصل ل ليلى، انا عارفة ان الحوار صعب وانها تنسى دى حاجة ف حد ذاتها صعبة وخصوصاً انة كان مفهمها انة بيحبها ومعيشها ف قصة حُب وصحيت ع فراقة ليها..دايما بسأل نفسى هما كُلهم كدا بجد؟
يعنى كلهم غدارين كدا زى مصطفى ابو تورتة، يعشمو الواحدة ويعيشوها ف حلم جميل وفجأة يختفو طيب لى كانو بيقربو من الأول ويتعبو قلوبنا
بقيت احس انهم بيستالذو تعذيب قلوبنا، دايما بقول طيب وقلوبنا ال بدق دى ي ترى قلوبهم مش بتحس زينا ولو لمرة واحدة وتدق بصدق؟ بضايق لما بشوف اى علاقة فاشلة قدامى بيكون فيها طرف اتظلم واتظلم جامد كمان بس ال بيطمنى إن ربنا مش بيسيب حق حد.
كُنا واقفين ع باب الجامعة وانا مترددة ادخل، شهر وانا مش عاوزة اجى بسبب كسرتى قدام الجامعة لا وكسرة قلبى كمان.
طبطبت ع كتفى مريم وقالت
_يالة؟
ابتسمت وقولت
_يالة
دخلت وانا حاسة وكأنى طفلة اول مرة تروح الحضانة حاضة الكُتب والملازم ف ايد والايد التانية مش عاوزة اسيب مريم وماسكة ومتبتة فيها حاسة ان لو مشيت كلهم هيكلونى زى ما هما واكلنى ب عيونهم كدا
قطع شرودى صوت مريم
_خليكى هنا ي ليلى هجيب حاجة من هنا وجاية
هزيت راسى ب اة ومسكت التليفون فتحت الفيس وكتبت
جادلوني بك وأقسمتُ أنك مُختلف ، فخذلتَني ."
دموعى كانت هتنزل حاولت امسك نفسى
لحد ما لقيت حد قعد ع التربيزة فجأة وقال
_ازيك
رفعت راسى بسرعة وقولت بخضة
_تمام..
_عرفانى !
_دكتور وليد ال بتشرح لينا مادة ال..
قال ب ابتسامة
_ايواا هو دكتور وليد، طبعاً مستغربة عاوزة تعرفى فِ اى
هزيت راسى بخوف بمعنى اة
فقال
_عاوز اقولك ان من اول ما شوفتك وانا بصراحة حاسس ان مشدود ليكِ وعرفت بعدها إنك مخطوبة للواد النـ،طع دا
_اى
_لا ميغركيش دكتور جامعة اة بس انا من الشرابية أصلا
ابتسمت فكمل
_الحقيقة لما عرفت ال حصل مخبيش عليكى فرحت وحسيت انها فرصة من ربنا؛ فَ استنيتك تيجى واختفيتى شهر وقولت ان اكيد هتجيى الفاينال واهو الحمدلله شوفتك بعد فترة كبيرة اختفيتى عنى فيها
فحأة لقيت حد قال
_الله الله واى كمان يسى الدَكتور؟
#يتبععععع
دمتم فِ سلام♥"
#ابنة_ممدوح♥