رواية معلمة من الصعيد الفصل التاسع 9 بقلم مريم شعبان
بسم الله الرحمن الرحيم(بارت⁹)
ف منزل هيام
موده: هروح انهاردة يا بابا مع سند ابن ماهر نجيب بدلة عشانه
صابر: تمام يا بنتي بس هتروحي مع ماهر
موده: لا هاخد رحاب هي بتفهم ف حاجات الاطفال اكتر و لين هتروح تلعب مع نورسين
صابر: بس لين مين هخلي باله منها
يارا: ينفع اروح أقعد مع زهراء و خلي بالي منها
صابر: تمام يا بنتي روحي روحوا و انا هاجي اجيبكم
موده: ماشي
صابر: العربية دي ترجع انهاردة يا موده قولت مليون مرة مش ناخد حاجة من حد
موده: طيب كنت اعمل مفيش حد يجي ياخدني و مش هينفع اركب مع عز لوحدنا
صابر: تمام يا بنتي بس اخر مرة تكلمني اجي اخدك
موده: تمام يا حبيبي
*****
فيلا سليم بالتحديد في المطبخ
سهام: قولت لا يا جاد مفيش حد هيجي انهاردة
جاد: يا ماما ف حاجة مهم و لازم يجوا
سهام: لا بنت عمتك جاية و معها بنات عمها
جاد: احلفي
سهام: اقسم بالله يا جاد لو عملت حاجة ليارا أو كلمتها هقول لماهر و عز و يشوفوا هم حل معك
جاد: لا لا اهدي مش هعمل حاجة كده بس انا اتفقت مع الشباب يجوا انهاردة
سهام: مش كانوا هنا امبارح
جاد: اه بس خليتهم يمشوا بدري أنا قولتهم يا ماما مش ينفع بعد كده اكلمهم اقولهم محدش يجي
سهام: جاد
جاد: بالله بقي
سهام: طيب يجوا يقعدوا ف اوضتك مش عايزة مشاكل يا جاد البنات اول مرة يدخلوا بيتنا و انت و صحابك زبالة و انا عارفكم و ف اقرب وقت هقول ل عز و ماهر يتصرفوا معكم
جاد: عز و ماهر عز و ماهر اي كل يوم نفس كلام
سهام: لحد ما تكون كويس
جاد: أنا مالي يعني
سهام: هو انت يا بني فاكرني عبيطة مش عارفة عنك حاجة
جاد: احم هو أنا عملت حاجة
سهام: مين البنت اللي بتكلمها دي
جاد: دي دي صحبتي عادي ف المدرسة
سهام: عايز صورها ليه مالك و مالها
جاد: ما هو مين قالك الكلام ده
سهام: سمعتك انت و صحابك يا جزم عايزين تضيعوا مستقبل البنت بالصور دي
جاد: ماما حضرتك فاهمة غلط
سهام: مش عايزة اسمع صوتك تمسح رقم البنت دي و تسيبها ف حالها انت عندك اخت بنت اتقي الله اقسم بالله يا جاد لو معملتش كده مش هكلمك لحد ما اموت و هقول ل عز و ماهر
جاد: حاضر يا ماما حاضر بس مش كل شوية تقولي عز و ماهر: أنا مش خايف منهم علي فكرة و يمشي
سهام بحزن: ربنا يهديك يا بني
عند جاد
جاد ف سره: كل حاجة هتقول ل ماهر و عز انا زهقت هو أنا عيل صغير اوف اي القرف ده و يطلع غرفته و كان هعمل بلوك بس كانت بعتت صورها
جاد: العب جاية تبعتي دلوقتي اوف اي الحظ ده هو انتي قمر و الله الصور جامدة بس للاسف امي حلفت و لازم اعمل بلوك و امسح الرقم باي يا قلبي يومين نشوف واحدة تاني و يعمل بلوك و يمسح رقمها طيب امسح الصور و لا اخليها امسحها يا جاد برضو البت شكلها غلبانة يلا مش مشكلة نشوف واحدة تانية
*****
عند موده ف العربية
رحاب: اخدتني معكي ليه يعني
موده: بت مش قولتلك امبارح
رحاب: غيران يا موده
موده: غيران ما انتي عارفة اللي فيها
رحاب: و انا مش قولتلك بطلي تفكري كده و اعتبري انكم جواز عادي
موده: لا عشان دي الحقيقة جواز عشان خاطر ماما مش اكتر حتي لو انا اعتبرته جواز عادي و اعيش معه العمر كله تفتكري هو بيفكر ف كده
يارا: من موقفه و حركة امبارح دي ظاهر اوي أنه مش معتبر اني ده جواز عشان عمتو لا ده غالبا كده معجب
رحاب: صح ف عشان كده بقولك تبطلي تفكير و تسيبها علي الله يمكن حكاية الوصية تجمع زوجين صالحين
موده: أن شاء الله
*****
ف فيلا سليم
سهام: نبيل نبيل اخوك علي الباب يلا
نبيل: حاضر فين الولاد
سهام: محدش موجود غير جاد و زهراء افتح بس الاول
نبيل: حاضر
سليم: فين ماهر و عز
سهام: ماهر عنده شغل و عز مش عارفة
سليم: أزاي يخرجوا و هم عارفين اني عمهم جاي
سهام: مش وقته يا بابا
نبيل: اهلا وسهلا اتفضلوا يا جماعة
كاظم: السلام عليكم ورحمه الله وبركاته
الكل: وعليكم السلام ورحمه الله وبركاته
كاظم: عاملين اي و يسلم عليهم بعد كده يسلم علي أبوه
كاظم: ازيك يا بابا عامل اي
سليم: كويس يا بني الحمدلله
سهام: اتفضلي يا اسماء تعالي يا بيري يا بنتي و يسلموا علي بعض و بعد كده يدخلوا يقعدوا
كاظم: فين الولاد مش شايف حد فيهم
سهام: زهراء بتلبس سند و نورسين و سند نازل اهو و ماهر و عز عندهم شغل
كاظم: ربنا يوفقهم مبروك ل عز ربنا يكمله علي خير
نبيل: الله يبارك فيك عقبال بيري
كاظم: تسلم
سهام: عاملة اي يا بيري وحشتني
بيري: الحمدلله و حضرتك كمان
سهام: عقبالك كده تكوني عروسة زي القمر باذن الله
بيري: باذن الله هي عروسة عز هنا عايزة اشوفها
سهام: لا مش هنا عند عمتها بس هي جاية دلوقتي
بيري: تمام
جاد: يا صباح الفل الباشا الكبير عندنا كانت زهراء و سند و نورسين: نازلين معه
كاظم: ابعد كده انا اسلم علي القمر بتاعتي و ياخد زهراء بالحضن
جاد: هي كده يعني ماشي يا حاج
كاظم: عاملة اي يا حبيبتي
زهراء: الحمدلله و يسلموا عليهم و يقعدوا
جاد: لا بس اي الجمال ده يا بيري
بيري بضحك: شكرا يا سيدي
سهام: جاد الباب بيخبط روح شوف مين
جاد: حاضر و يقوم يفتح و كانت موده و البنات
موده: السلام عليكم ورحمه الله وبركاته
جاد: وعليكم السلام اهلا يا مرات اخوي
موده: وسهلا يا جاد
جاد: طيب و الله وحشتني
موده: و انت كمان انت و صحابك صحابك
جاد: احم اتفضلوا يا جماعة هنفضل واقفين و يدخلوا
جاد: متقوليش لحد علي موضوع السجائر
موده: مش هقوله بس لسه لينا كلام
جاد: ادخلي يا موده عمي جوا و يدخلوا
سهام: تعالوا يا بنات اتفضلوا
موده: السلام عليكم
كاظم: وعليكم السلام ماشاء الله انتي موده بنت اختي
موده: اه يا خالو ازيك
كاظم: الحمدلله يا بنتي ماشاء الله قمر زي زهراء الله يرحمها
موده: يارب ازيك يا طنط
اسماء: الحمدلله مبروك يا حبيبتي
موده: الله يبارك فيكي
بيري: ازيك يا موده أنا بيري
موده: الحمدلله انتي عاملة اي
بيري: الحمدلله و يقعدوا
سهام: دول بقي بنات عم موده
كاظم: ماشاء الله القمرات ربنا يثبتكم يا بنات علي الخمار شكلكم حلو اوي
رحاب: شكرا لحضرتك
عز: السلام عليكم ورحمه الله وبركاته عمي حبيبي
سليم: فينك يا بني من الصبح
عز: معلش بقي يا جدو عريس بقي و كان ناقص كام حاجة روحت اجيبهم
كاظم: ربنا يكملكم علي خير
عز: يارب يا عمي عقبال بيري
كاظم: باذن الله
سليم: اطلع يا بني اوضتك تريح شوية لحد الغدا
كاظم: تمام يا بابا يلا بعد اذنكم و يطلعوا
سليم: البيت بيتكم يا بنات بعد اذنكم عشان اخد الدوا و يطلع هو نبيل
سهام: عاملين اي يا بنات
رحاب: الحمدلله بخير يا طنط
عز: اي هتروحوا امت
موده: دلوقتي عادي
سند: اه يلا يلا
سهام: اصبر يا حبيبي
سند: عايز اجيب بدلة يا سوسو
سهام: هتجيب يا عيون سوسو
رحاب: طيب يلا يا بني
موده: اه يلا يارا بقي هتقعد مع زهراء لحد ما نجي
سهام: بيتها يا بنتي تقعد براحتها
يارا: تسلمي يا طنط
موده: يلا احنا نمشي
رحاب: يلا
عز: تحبي اوصلك
موده: لا عادي هنروح لوحدنا
عز: طيب خدي العربية معكي
موده: تمام يلا سلام و يمشوا
سهام: ربنا يفرحها زي ما فرحت سند
الكل: يارب
سهام: أنا رايحة المطبخ اشوف الغداء و تمشي
زهراء: تعالي يا يارا نقعد ف الجنينة
يارا: تمام و يخرجوا و جاد كان رايح وراهم
عز: رايح فين
جاد: الجو حر رايح أقعد برة شوية
عز: علي اوضتك بطل الشغل ده
جاد: شغل اي الجو حر قولت اطلع أقعد شوية برة
عز: دلوقتي يعني عايز تقعد عيب الحركات دي
جاد: احم حلوة اوي
عز: جاد احترام نفسك دي ضيفة عندنا عيب كده و قولت مليون مرة بلاش تتكلم علي بنات الناس كده عندك اخت
جاد: حاضر انت راحت فين من شوية
عز: كنت بحاول اجيب هدية عشان موده بس مش عارف
جاد: مش عارف ازاي
عز: مش عارف اجيب اي و مش بفهم ف الحاجات دي
جاد: طيب تعال معايا يا اخوي نجيب هدية ليها
عز: طبعا ما انت صايع بتجيب هدايا للبنات اللي تعرفهم
جاد: تصدق انا غلطان مش هروح معك
عز: احم لا خلاص يلا نروح
جاد: بس هدية ب مناسبة اي
عز: عادي بدون مناسبة خطيبتي و ايام و هتكون مراتي
جاد: يا سيدي اقسم بالله انت حبيت يا استاذ عز
عز: بس يا بني يلا عشان نروح ونجي قبلهم
جاد: يلا ماما احنا خارجين
سهام خرجت: رايحين فين
عز: هنجيب حاجة بسرعة ونجي عايزة حاجة
سهام: لا تسلم يا حبيبي
*****
سليم: ابنك مش عايز يسمع كلامي
نبيل: يا بابا أنا كمان مش موافق
سليم: ليه أن شاء الله
نبيل: يا بابا بيري صغيرة اوي علي ماهر حرام نظلمها
سليم: مش صغيرة و انا اللي قولت عليه هيحصل بيري بتحبه
نبيل: بس ماهر مش موافق و مش بيحبها و هي اكيد لما تعرف كده مش هتوافق عليه أنا عارف انها بتحبه اوي بس لما تعرف أنه مغصوب مش هتوافق بنت اخويا و انا عارفها كويس اوي
سليم: هتوافق غصب عنها مفيش كلمة بعد كلمتي
نبيل: يا بابا كفاية بقي ماهر تعبان اتجوز غصب ف الاول و دلوقتي كمان عايز يحصل كده ده ظلم ل ماهر و بيري حرام بجد
سليم: انت بتكلمني كده اطلع برة مش عايز اشوف وشك هنا
نبيل: يا بابا
سليم: قولت اطلع برة علي اخر الزمان مش هعرف أمشي كلامي اطلع يلا ،نبيل يخرج
سليم: ماشي ماهر ل بيري غضب عن الكل
****
عند رحاب و موده
رحاب: بص دي يا سند
سند: الله حلوة اوي
رحاب: طيب اي رايك نشوفها
سند: تمام يلا ،بعد مده يخرج سند هو و رحاب
موده: الله حلو اوي يا سند عجبتك
سند بفرحة: اه اوي
رحاب: طيب يا سيدي مبارك عليك يلا ندخل نغير عشان نمشي
سند: يلا موبايل موده يرن و كانت زهراء
موده: السلام عليكم ورحمه الله وبركاته
زهراء: وعليكم السلام ورحمه الله وبركاته اي فينك
موده: ف المول لسه
زهراء: طيب ماهر عايز يكلمك
موده: تمام
ماهر: السلام عليكم
موده: وعليكم السلام
ماهر: عاملين اي جاب بدلة ولا لسه
موده: اه جاب و شكله حلو اوي ماشاء الله
ماهر: تسلمي بجد معلش تعبتك معنا
موده: مفيش تعب و لا حاجة فرحته عندي بالدنيا
ماهر: ربنا يكرمك يا موده شكرا جدا خدي زهراء
زهراء: يا ستي العريس الصغير عامل اي
موده: كويس يا حبيبتي خلاص احنا خلصنا هنجي اهو عايزة حاجة
زهراء: لا تسلمي
موده: فين يارا
زهراء: قاعدة جنبي
موده: خلي بالك منها و خلي بالك من الزفت جاد انتي اكيد عارفة اخوكي
زهراء بضحك: متخافيش هو مش هنا اساسا راح هو وعز يشتروا حاجة
موده: طيب الحمدلله
زهراء: يلا سلام
موده: سلام و تقفل
****
جاد: عز ده سابع محل اي مفيش اي حاجة
عز: ما أنا مش فاهم حاجة
جاد: طيب بص اي رايك هات خاتم أو سلسلة عليها اسمها او اسمك
عز: صح و الله يا واد يا جاد انت صايع بس تنفع ف الأوقات دي
جاد: شوفت يلا تعال و يدخلوا
عز: السلام عليكم
:وعليكم السلام اتفضل يا فندم
عز: لو سمحت عايز سلسلة دهب ابيض مكتوب عليها موده هتخلص امت
:لا احنا الاسماء بتكون جاهزة عندنا تقول الاسم بس و اجبلك علي طول
عز: طيب تمام هو ينفع كذا اسم
:اه يا فندم
عز: طيب عايز عز و موده
:تحت امرك يا فندم اتفضلوا هجيب الاسماء
عز: تمام
****
ف فيلا سليم كلهم كانوا قاعدين
سليم: فين ماهر
سهام: بيكلم موده من موبايل زهراء برة
سليم: بيكلمها ليه
سهام: بيسال عليهم عادي يا بابا مش موده و رحاب مع سند ف المول
سليم: تمام انتي قاعدة هنا ليه يا بيري ما تتطلعي تقعدي مع البنات برة
بيري: عادي يا جدو القاعدة هنا احسن
سليم: تمام يا بنتي براحتك
ماهر يدخل: السلام عليكم
الكل: وعليكم السلام
كاظم: عامل اي يا بني
ماهر: الحمدلله يا عمي ازيك يا طنط
اسماء: الحمدلله يا حبيبي
سليم: فينك من الصبح
ماهر: عندي شغل
سليم: ماشي مش تسلم علي بنت عمك
ماهر: ازيك يا بيري
بيري: الحمدلله و انت
ماهر: الحمدلله طيب بعد اذنكم
سليم: رايح فين
ماهر: رايك اشوف نورسين كانت عايزني
سليم: مش تقعد معنا شوية و مع بنت عمك شوية
ماهر: بليل هقعد إنما دلوقتي بنتي عايزني بعد اذنكم و يطلع
بيري تبص عليه بغضب
سليم: شايف ابنك
نبيل: معلش يا بابا هو من الصبح ف الشغل و عايز يطلع يشوف بنته
سليم: نورسين بتلعب برة ف الجنينة
سهام: احم أنا بقول نشرب القهوة قبل ما تبرد اشربي يا بيري يا حبيبتي اشربي
بيري: تمام يا طنط
*****
رحاب: اه كفاية كده يلا نمشي
موده: اه يلا
سند: موده
موده: نعم يا حبيبي
سند: بصي ده عمو عز هناك
موده: اي ده صح
رحاب: انت كلمته
موده: لا بس اصبري اهم جاين علينا
عز: السلام عليكم
:وعليكم السلام
عز: اي خلصتوا
موده: اه
سند: جابت بدلة حلوة اوي
جاد يشيل سند: بجد
سند: اه
موده: بتعملوا اي هنا
عز: بنجيب حاجة
موده: تمام
عز: يلا انتوا ماشين
موده: اه يلا
رحاب: طيب انا همشي مع جاد و سند نتفرج
جاد: اه يلا و يمشوا قبلهم
موده: رحاب
عز: امشي جنبي هم عملوا كده عشان نتكلم شوية
موده: نتكلم عادي طالما بحدود
عز: تمام و يمشوا
عز: احم انتي لسه زعلانة
موده: لا أنا نسيت اساسا
عز: احلفي
موده: اه و الله
عز: تمام و يمشوا ساكتين شوية
موده: علي فكرة ماهر كلمني من عند زهراء هو مش معه رقمي كلمني كان بيسال علي سند
عز بابتسامة: تمام اتفضلي
موده: اي دي
عز: افتحي شوفي
موده: طيب و تفتح العلبة
عز: اي رايك
موده: جميلة اوي ده بتاعتي
عز: اه احم بس دي دهب ابيض
موده: و فيها أي عادي شكلها جميل اوي
عز: كان نفسي اجيبها الماظ بس الفلوس اللي معايا هعمل بيها الجناح و الفرح اوعدك اني هجيبلك الماظ بس اول مرة ربنا يكرمني أنا بس مش عايز اخد من حد فلوس كل حاجة هعملها بالفلوس اللي معايا
موده: و ده شي يفرحني انك معتمد علي نفسك مش مهم الماظ المهم اننا نعيش علي قدنا و انا راضية يا سيدي و تسلم هنمشي علي قدنا يا عز مش لازم عشان انت عايش ف فيلا يعني اطلب نجيب فيلا ولا اجيب كل شوية هدية الماظ أو هدايا غالية انت لسه ف بداية حياتك ربنا يكرمك و يوفقك و شكرا جدا جميلة اوي
عز بابتسامة: الحمدلله
موده باستغراب: علي اي
عز: عليكي
موده: احم نمشي احسن
عز بابتسامة: تمام
*****
بليل عند موده ف اوضتها كانت ماسكة السلسلة و فرحانة بيها
رحاب: ف اي يا بنتي انتي قاعدة كده بقالك ساعتين
موده: حلوة اوي
رحاب: مبارك عليكي يا ستي ربنا يحفظكم لبعض
موده: يارب
رحاب: بس مالك سرحانة ليه
موده: مش عارفة أنا متوترة اوي و متلغبطة
رحاب: اهدي اهدي دي كلها مشاعر عادي عشان كتب الكتاب بس فاضل عليه ٣ ايام
موده: بتفكرني ليه أنا خائفة اوي تفتكري هطلع حلوة هيكون شكلي حلو صح
رحاب: بس اهدي هتكون قمر و انتي جميلة من غير اي حاجة بس لازم تهدي كده صدقني يومك هيكون حلو بس بلاش تفكري في أي حاجة
موده: أنا مش عارفة أنا و تعيط ،رحاب حضنتها
موده: أنا مش عارفة أنا مالي بس عايزة اعيط
رحاب: عيطي براحتك
حاتم: بت يا موده بيقولك اي ده مالك
موده: مفيش
حاتم راح عندها: مالك بجد
موده تعيط اكتر: عايزة اعيط
حاتم: ليه بس يا بومة ده
رحاب: سيبها تعيط
حاتم: طيب مالها بس
موده: أنا متوترة و حاسة اني كل حاجة جات بسرعة
حاتم: من ناحية كل حاجة جات بسرعة دي حقيقية بس خير نعتبر ده كله خير و نحمد ربنا صدقني عز محترم و من تصرفاته أنه عايزك تكوني مبسوطة و بس
موده: نفسي اليوم يعدي من غير مشاكل
حاتم: متخافيش كله هيكون تمام فكري ف نفسك بس ملكيش دعوة ب اي حاجة تانية تمام
موده: تمام
حاتم: يلا بطلي عياط و قوموا اعملوا دوشة احنا عندنا فرح و باس ايديها
موده: ربنا يحفظكم ليا
حاتم: و يحفظك يا اجمل عروسة يلا قوموا بقي رحاب زغروطة
رحاب: لولولولولولوي
******
و يمر ٣ ايام بين التجهيزات و الكل مشغول و سهام كل يوم تحاول مع سليم عشان يجي كتب الكتاب و سليم مش موافق ماهر بيحاول يقعد ف الشغل اكبر وقت ممكن عشان مش يقعد مع بيري سند من ساعة ما كان ف المول مش بيتكلم غير عن رحاب الكل جاهز مستعدين ل اجمل يوم في عمرهم غدا خطوبة و كتب الكتاب عز و موده
تبع ....
#معلمة_من_الصعيد
#مريم_شعبان