.jpeg)
أمل شيخ الصعيد الفصل الثاني بقلم لؤلؤه الصعيد
الفصل الثاني
عايزين نجفل بحر الد'م دي بجى يا عمده
العمده / نجفلوه كيف يا عارف ما انت خابر زين حاولنا كتير ومحدش سمعلنا واصل واللي في دماغهم في دماغهم
عارف / حرام الشباب كيف الورد وتروح هدر اكده يا حاج عبدالجادر
العمده / جولي ياولدي نتصرف كيف وأنا يدي في يدك
عارف بعد تفكير دام لفتره / طبعاً عيلة الدهايمه متجبلش بالكفن وعلية الجبلاوي متجبلش بالديه بس أكيد هيجبلوا بالنسب
العمده بتفكير / معارفشي ياولدي بس نحاول واللي يريده ربنا خير
عارف / خير بإذن الله يا عمده اتكل أنا بجى على الله أشوف مصالحي
العمده / خليك أم ساجد بتجهز الوكل
عارف / يجعله عامر يا عمده خيرك سابج
قام وهو ماشي دخلت نفس البنت اللي خبط فيها في الشارع وأول ماهي دخلت ولاحظت وجود راجل غريب نزلت وشها في الأرض
العمده / وه چيتي ليه دلوج يا جلب أبوكي حد داسلك على طرف
أمل / لا يابوي اني بس ملدتش عليا الجاعده وجولت أعاود الدار
العمده / ارمي السلام على شيخ البلد يا أمل
همس عارف بينه وبين نفسه ( أمل ) يا چمال اسمك وحسنك
أمل ووشها لسه في الأرض / السلام عليكم ورحمة الله وبركاته
عارف بابتسامه جميله نابعه من قلبه / وعليكم السلام ورحمة الله وبركاته أستأذن أني بجى يا عمده
العمده / اذنك معاك ياولدي
العمده / تعالي يابتي
راحت أمل وقعدت جنب والدها وهو حط ايده على كتفها / جوليلي ياجلب أبوكي عيونك مغطيها الحزن ليه عاد
أمل وهي بتحاول تداري عيونها / أني زينه يابا
الأب / لو داريتي حزنك من الدنيا ومافيها متجدريش تداريه عني واصل جوليلي يازينة البنته مالك يا ضي عيني
أمل بدموع / مرت عمي بنداري شاعت في البلد اني جتلت رحمه وسميتها لأجل ما اسرج منها خطيبها
العمده بغضب / وه وه وه بت المركوب وجسما بالله
أمل وهي بتسكت أبوها بسرعه / لا يابوي متجسمش أني داريه بحرجة جلبها على بتها الله يعينها على ما ابتلاها يابوي
العمده / ربنا مايحرج جلوبنا واصل يابتي جومي اغسلي وشك ورجعي ضحكتك الزينه اللي بتزين البيت كلاته وتنور دنيتي
أمل وهي بتبوس راس والدها / ربنا يباركلي فيك يا غالي عن اذنك
العمده / اذنك معاكي يابتي
_____________________
على القهوة كان قاعد 4 شباب بيشربوا شاي
ساجد / وبعدين معاك يا هاشم انت وسرور مهتجيبوهاش لبر وتبطلوا بحلجه في بنات الناس
هاشم وهو بيبص على بنت معديه / وه يا ساجد حد جالهم يبجوا بالحلاوه دي
سرور بغضب / انت بتبحلج في مين يا ابن المخبول
هاشم بغضب / وه مين دي اللي مخبول ده أنا ابويا ضوفره برجابتك يا معفن
سرور / برجابت مين يا ولد المركوب ده انتوا عيله تعر
هاشم قام من مكانه وسرور كمان وبدأوا يضربوا بعض وساجد وحامد بدأوا يفصلوا بينهم
هاشم / بعد يا ساجد دي غلط في ابوي
سرور / انت اللي عاكست أختي في الأول
هاشم / واني أعرف منين إنها أختك وبعدين انت ليك عين تتكلم معايا متروح تتشطر على أختك وتلبسها عدل بدل المحزج والملزج دي
ساجد وحامد بصوا لسرور وهاشم بضيق
ساجد / الكلام دي ميصوحش يا هاشم دي مهما كانت بت عمي
حامد / وبعدين ساجد عمال يجولكم من ساعتها اتجوا الله وانتوا برضه مسمعتوش الحديت
هاشم بعد ماحس بغلطه / أنا أسف يا جماعه مكنتش أجصد وراح باس راس ساجد واعتذرله وباس راس حامد واعتذرله
وراح عند سرور / حجك عليا يا اخوي كان ينجطع لساني جبل ما انطج كلمه عفشه على حرمة بيتك
وراح يبوس راسه بصله سرور بغل وغضب وأثناء ما كان هاشم بيبوس راس سرور خرج سرور مطو'ه من جيبه وطع'ن هاشم في بطنه
بصله هاشم بألم وهو بيحط ايده على بطنه وبدأ الد'م يسيح
أما سرور بصله بغل وجري
ساجد وحامد واقفين بصدمه وجريوا على هاشم بسرعه
حامد / يادي المرار الطافح يابوووووي
بدأ عيل في سن ال١٠ سنوات يجري في البلد كلها / سرور ولد بنداري الهواري جتل هاشم ولد حمدان الهلالي
وراح عند بيت عارف ودخل جري / ياشيخ عارف ياشيخ عارف ياشيخ عارف
خرج عارف بسرعه / وه مالك يا واد مطيور اكده ليه
الطفل / سرور ولد بنداري الهواري جتل هاشم ولد عمك حمدان
عارف بغضب / وه وه جتل ولد عمي
والدة عارف وهي خارجه بسرعه / فيه ايه ياولدي
عارف بغرور وقوة / بحر د'م جديد في البلد ياما
وخرج بسرعه ووقفت والدته تلطم وتصوت على الشباب اللي هتروح
____________________________
في بيت سرور والدته واقفه تلطم وتصوت / يامرارك الطافح يا حمديه يا مرارك الطافح جتلته يا محروج عارف مهيسكتش واصل انت مخابرش انه ولد عم شيخ البلد وكبيرها
سرور / خابر ياما زين
/ يامري يامري لازم تهرب
سرور / اهرب أروح فين ياما
أمه / خد دهباتي وروح البندر ياولدي بسرعه
وفعلاً أخد سرور دهب أمه وأبوه كمان اداله فلوس وركب قطر اسكندريه
_________________________
في بيت العمده دخل عارف بهيبته / دريت إن ولد أخوك جتل ولد عمي ياعمده
العمده / دريت ياولدي دريت
عارف / هنجعد جعدة عرف بعد العشا ونشوف هنعمل ايه
العمده / اللي تجوله يا ولدي زين
