رواية الشيخ مرجان الفصل السادس والثلاثون 36 بقلم محمد يوسف
#بارت_محبة 🖊️ Mohamed Youssef Sultan
انا اتكسفت اطلب من ام سامح فلوس سلف أو اسالها عن
الشغل علشان هتتفهم اني بجر ناعم وبصالحها علشان
المصلحة ومشيت من عندها علي عم عمر وطلبت منه
٣٠٠٠ سلف وبصراحة متاخرش ولا قالي هترجعهم امتي
ولا عايزهم ليه وقالي يومين وعدي عليا اجهزلك 5000
مش 3000 ...اللي جيه في بالي ساعتها أنه عمل كده
معايا علشان عقد الأرض بتاعتي عنده وأنه ضامن حقه
بس الحقيقية هو كان راجل طيب جدا وبيصدق اي
حاجه وفعلا بيعتبرني زي علاء ابنه .ودا اللي عرفته بعدين
المهم رجعت ودفعت ال9000 اللي معايا عربون وقولت
لصاحب الورشة اني بعد يومين ياخد ال3 وميتبقاش
عليا غير الأقساط وحضر الاتفاق عم مدبولي وبعدها
صمم اروح معاه البيت واشرب الشاي عنده وطول
الطريق عمال يوصيني اني مكلش عليه الحلاوة وأنه لولا
أنه اقنعه مكنش هيوافق واني لو استجدعت معاه
هيجبلي مصالح كتير زي كده
وانا عمال اقول في سري يادين امي علشان 500ج تزل
وتهين نفسك كده تترجاني وتتزلل لعيل من دور عيالك
علشان 500ج بس طلع الحوار مش علي ال500بس
دا بيرسم ع تقيل كان عايز يستفرد بيا هو ومراته
ويعرفوا مني أنا بجيب الفلوس دي منين ولما مجوبتش
وقولت ل عم مدبولي اني عايز امشي غير الموضوع
وحلف طلاق عليا اني اقعد وقال لمراته تروح تجهز لينا
عشا
....ست ملعب وخبرة وعليها بصات وحركات تهيج
ابو الهول نفسه ..الوليه جابتني بعينها من اول شعر راسي
لصوابع رجلي من غير ما جوزها ياخد باله ولا يحس
انا كنت مكسوف ابص عليها وادقق في تفاصيل جسمها
وشكلها لعم مدبولي يشوفني وياخد باله ويضايق أو يزعل
عم مدبولي قالي ليك في المزاج
قولتله مزاج اي بانجو وبيرة وكده
ابتسم وقالي بانجو ايه ..عمك مدبولي مش بيتكيف غير
بكيف الملوك والسلاطين..الحشيش ..وقام وجاب حتة
شبيها للشوكلاته وقالي وانت معلم ومتتكيفش غير من
كيف الملوك ..اتكسفت الصراحة أقوله اني مش بشرب
وبصراحة اكتر كان نفسي اشربه من كتر ما كنت بسمع
عنه بس عمري ما شفته ..كان نادر جدا لما حد يشربه أو
يجيبه ..كان المتعارف عليه وموجود بكثرة البانجو
والبيرة إنما الحشيش دا قليل وفعلا مش بيشربه غير البشوات
شربت معاه سيجارة والدنيا لفت بيا حرفيا ..كنت حاسس
ان عم مدبولي عمال يلف حواليا لدرجة أن قولتله
ما تقف ياعم انت مالك
وقام فعلا وقف وقالي فيه ايه يامرجان يابني
دعكت عيني وفوقت للحظات وقولتله لمولاخذة ياخال
اصلي بقالي يومين منمتش
قالي لو تعبان وعايز تنام نام ..بيتك ومطرحك يامرجان ياابني
اتعشيت معاهم واستغربت لما مراته قعدت تاكل معانا
ومن كتر حركاتها الغريبة افتكرت أنهم متفقين سوء انها
تغريني أو تثرني كده وقولت أن عم مدبولي قرني وعايز
يزود ال500ل 1000 بس لما دخلت للست المطبخ
وسالتني وقالتلي انت خاطب ولا بتعرف بنات وكلمتني
عن بنتها الهام فهمت قصدهم اي بس عملت عبيط ومش
فاهم بس اللي استغربته بجد حركاتها ونظراتها ليا ..
مابقتش عارف ولا فاهم حاجه بجد وقولت يمكن بيتهيالي علشان الحشيش ولما خرجت من المطبخ
ورحت لعم مدبولي كان قاعد بيلف تاني وعزم عليا
اشرب ..قولت في سري وبعدين بقي انت عايز ايه ياعم
انت ...شربت كام نفس معاه وعم مدبولي تقل جامد في
الشرب وطلع قالي أنه هيجيب سجائر من برا قبل ما
البقال يقفل وقالي البيت بيتك انت مش غريب
دخلت عليا مراته وقالتلي بسهوكة انت شكلك ملكش في الشرب
قولتلها عرفتي منين
قالتلي باين عليك قولتلها انا عايز اغسل وشي
قالتلي تعالي ودخلت غسلت وشي وودماغي واخدت
منها الفوطة نشفت ورجعت بصيت ع المرايا اللي في الحمام .
.قالتلي بسهوكة بتبص ع ايه دا انت حلو وزي
القمر ربنا يحميك لشبابك
قولتلها هو البقال بعيد
قالتلي بدلع بتسال ليه
قولتلها عادي بسال علشان لو عم مدبولي هيتاخر استأذن أنا
ضحكت وفهمت قصدي وقالتلي لا مش هيتاخر هو ع وصول
قولتلها هو مين دا
قالتلي ب استغراب ..من دا ايه
قولتلها ب استغراب أنا كمان ..اللي علي وصول
قالتلي يووووه جتك ايه .. وضحكت جامد .وكملت
كلامها وقالت ..عمك مدبولي
قولتلها ماله
قالتلي بضحك وبمرقعه وسهوكة..ع وصول
قولتلها طب استأذن أنا بقي ..كنت عايز امشي قبل ما
اتهور واقفشها وبنتها تشوفنا أو يرجع ويلاقيني نايم مع
مراته والدنيا تخرب ..مكنتش بقدر اتحكم واسيطر ع
شهوتي ..مكنتش عارف وقتها أنا كده علشان دلع ومرقعه
الوليه دي الاوڤرر ولا من الحشيش ولا علشان بقالي اكتر
من اسبوع ممارستش الجنس
قالتلي تساذن ازاي ..مش قولتلي انك كنت بتسال علشان
لو هيتاخر هتمشي وانا قولتلك أنه ع وصول
قولتلها ب اندهاش هو مين
ضحكت جامد وعنيها دمعت من الضحك وظهر ع وشها
علامات الاعجاب بيا وبطريقتي وخفة دمي وكمان
شقاوتي ....قالتلي انت مش ممكن امال عمك مدبولي
بتطلب معاه بنكد وزهق وقرف ليه
قولتلها بينكد عليكي
قالتلي دا انا انكد عليه وع عيلته 👊🏻 انت لسه متعرفنيش
قولتلها اه لسه..بس انتي كمان لسه متعرفنيش
قالتلي بدلع طب نتعرف
قولتلها ياريت ياخالتي ام الهام
كنت قاصد اقولها ياخالتي ام الهام علشان اتاكد من
تعببراتها وملامحها هي عايزاني وبترسم عليا علشان بنتها
بس ولا هي وبنتها ..ولما ملامحها اتغيرت وقالتلي
خالتك 😏قال خالتي قال 😠
قولتلها ما أنا معرفش اسمك
قالتلي بسهوكة ..بس بقي علشان زعلتني منك
وزقت الطين دا رجع وهي اول ما حست بيه ع السلم
غمزتلي وقالتلي عمك مدبولي جاي وسبتني واقف في
نص الصالة ودخلت المطبخ ..رحت بسرعة قعدت مكاني
ودخل وقالي انت سبت السيجارة والعه في الطفاية لحد
ما خلصت ..مش حرام عليك نعمه ربنا وضحك
مكنتش معاه خالص ولا مهتم بيه ...مهتم بمراته حاسس
أنه لو كان اتاخر شوية كنت ترجمت معاها وممكن كنا
اتفقنا واتقابلنا متأخر أو بكرا ومارسنا سوء
عمال يرغي ويزن ومش سامع ولا مركز مع أهله
عمال يقول انت زي ابني احمد وواجب عليا انصحك
واوعيك وانا اكتر حد هيخاف عليك وع مالك يابني
خليني سرك وصدقني سرك في بير ومهما حصل مفيش
مخلوق خلقه ربنا هيعرف اللي بنا ..هااا يابني قول
قولتله ..اقول ايه
قالي خلاص يابني وقت ما تحب تحكي وتفضفض لعك
مدبولي أنا خدامك
قولت ازاوله واقلق امه واجننه شوية ..زي ما زاولني ابن
المره ...وقولتله طب اخدت الحلاوة في الأرض الأولي
وقولنا ماشي إنما الأرض التانية دي أنا اللي جايبها ومتفق
مع صاحبها ومخلصين كل حاجه
اتعكنن واتجنن ووشه احمر وقالي مش أنا كنت وسيط
بينكم ولولا كلامي معاه مكنش اقتنع ..أنا كنت عارف انك
هتاكل عليا الحلاوة وهتعمل كده
قولتله هو الحق بيزعل ياعم مدبولي
قالي ..هو دا الحق ..انك تلتزم معايا بحاجه وترجع فيها
هو دا الحق اني بعد ما اروح واجي واتكلم معاه وأقنعه
تاكل عليا عرقي ...سامعه ياأم احمد شايفه مرجان
قالتله ..ماله مرجان ياابو احمد
قالها ..عايز ياكل عرقي والحلاوة
قالتلي ..بقي كده برضو يامرجان ..دا عمك مدبولي كان
بيشكرلي فيك وبيقول انك عنده زي احمد بالظبط
قولتلها ..انا مقولتش اني هاكل عليه الحلاوة هو اللي فهم
غلط ومصبرش لحد ما اخلص كلامي
قالتلي ..طب ياسيدي قول كلامك وسمعنا
قولتلها ..احنا كنا متفقين ع كام
سبقها عم مدبولي وقال 500 والله اتفق معايا ع 500
قولتله ..انت صح بس هما 750 مش 500 بس
قالتلي 750
قولتلها اه 500لعم مدبولي و250 ليكي ياأم احمد
قالي ..بنظرة كلها طمع وجشع ..طب فين
قولتله بعد بكرا باذن الله
ام احمد بصتلي بصه كان معناها اللي هو ..ياااه لو عمك
مدبولي والبت مش معانا كنت متعتك متعه لا شوفت
قبلها ولا بعدها ..أنا جسمي بقي نااار وهاااج من نظرتها
دي ..غيرت الموضوع في ثانية ومحسستش عم مدبولي
ب اي حاجه وقالت والله بتيجي تتغدي عندنا بكرا وتدوق
اكل الهام بنتي وبالمره تشوفها
قال ..هو في بعد اكل الهام ..ربنا يحميكي يابنتي ويحرسك من العين
قولت في سري ..كده يبقي لسه فيها بكرا ..ماشي يابنت الكلب ماشي ..
قولتلهم ماشي وبعد ما سابتنا ودخلت جوا ..حب يلف ليا
سيجارة تاني بس انا قولتله هي الحتة دي بكام
قالي تعملها 100 او150 ج مثلا
كنت متاكد أنه بيشاغلني وبيحور وأنها آخرها 50 ولا
70ج...باين في عينه جدا أنه كداب ..قولتله لا تعملها
250 ج كده يبقي انت تسالني بعد يومين في كام
قالي وهو مبرقلي من الفرح والانبساط يبقي الف
قولتله عليك نووور ..بس انا عايزك تعلمني الفها ازاي السيجارة
قالي وماله يابني أعلمك ..انت جيت في جمل
قولت في سري بعد ما شخرت ..ابنك اي بقي ..أما انت
اب مهزق وابن وسخة صحيح..هو انا لو ابنك هتعلمني الف الحشيش ازاي....
قعد يشرح ويعلمني ولا اكنه دكتور بروح امه وبيدي
محاضرة في جامعه ولا كلية..اتعلمت وجيت اخد الحتة
وامشي ..قالي طب مش تسيب لعمك مدبولي منها سجارتين
قولتله خد ياعم مدبولي اللي انت عايزه أنا عيوني ليك
قالي لا هما سجارتين بس وقطع حته كبيرة منها وخدها
وقالي هما سجارتين بس انا محبش اني اجي عليك
قولتله ولا يهمك واستاذنت وانا راجع عمال اكلم في
نفسي واقول ..هو انا افرق اي عن عم مدبولي بالعكس أنا
احسن وأشرف منه ..انت مش طماع ولا منافق ولا بتهين
نفسك لمخلوق ولا عبد للجنية زيه ..انت طول الوقت
شايف نفسك انك اصغر وأقل منهم ليه ..دول
اوساخ ..ومفيش وجه مقارنه بينك وبينهم ..شفت
الواطي علشان الفلوس عمل اي..مسوح مراته
عليك ..وسابك في بيته ومفيش غير مراته وبنته
ومخفش ع عرضه وشرفه وكل دا علشان 500ج
ملهمش لازمة ولا قيمة بنسبالي ..عايزني اتجوز بنتهم
حتي من غير ما يعرفوا الفلوس دي ايه مصدرها ..عادي
بنسبالهم يضحوا بلحمهم لاي حد بمجرد أنه غني ومعاه
فلوس ..انت ليه يابني طول الوقت حاسس بالذنب هو
انت اصلا بتعمل اي علشان يستاهل انك تانب كل يوم
والتاني ضميرك وتعكنن ع نفسك ..هاااا عملت اي
بتفك اعمال وبتعمل سحر وبتاذي ناس هما اصلا مؤذين
والشر والجحد والظلم بيجري في دمهم
انت ولا الست اللي كانت عمله عمل لضرتها علشان
متخلفش رغم أن ضرتها دي اغلب من الغلب وطيبة
وبتحبها ..طب بلاش دي انت ولا مرات التاجر اللي
عملتله عمل خرب بيته وحياته وتجارته ودمرته حرفيا
رغم أنه لما فاق ورجع لعلقه وعرف انها هي اللي عملت
فيه كده وعرضت عليه اني انتقمله واعملها عمل يبهدلها
ويشقلب حالها رفض وقال مهما كان أم عيالي
طب لا دي ولا دي ياسيدي ..انت ياض ولا عم زين اللي
هان عليه لحمه ودمه وضحي ب ابن اخوه من أجل
مليون ولا اتنين ...هما الناس دي لولا أنها اصلا وفي
الأساس مؤذين والحقد والغل مالي قلوبهم أنا ولا
صبحي ولا غيره هيكون لينا وجود ولا منفعه منهم اصلا
..أنا فجأة لقتني قدام البيت طلعت وصبحي كان في
اوضته بيشرب مع سامي وأبو سامح وفي دنيا تانية
دخلت اوضتي والدماغ اشتغلت تاني وقعدت سرحت
واقول ..اي شب في الدنيا يتمني يبقي مكاني .. فلوس
ودلع ومليطة عايش فيها واؤمره مجابة ..في حد مرافق
كمية النسوان دي ولا شاف وداق المتعة اللي اتمتعتها ولا
مسك الفلوس اللي مسكتها
دا ابن خالتي متهيالي ميعرفش ممارسة الجنس ازاي
ومستحيل يكون لمس ولا شاف جسم ست عريانة قدامه
حتي كمان علاء صاحبي ..كنت بحسهم اني دماغهم في
وادي وانا دماغي في وادي تاني خالص كنت بستغربهم
الصراحة ومش هما بس ..هما وفي كل اللي من سني أو
اكبر مني كمان ...كنت بحس اني سابقهم وفاهم حقيقة
كل واحد كويس جدا واذكي منهم كلهم
وجيه في دماغي ابن خالتي وجاتلي فكرة اني ارحله
واصالحه ونشرب مع بعض حشيش واقرب منه اكتر
علشان اقدر اروح لخالتي واشوفها زي الاول
نمت وتاني يوم رحت لعم زفت مدبولي ...مكنش في
دماغي بينته ولا هو ..كل اللي شاغلني بجد مراته
رحت واخدت شوية فاكهة محترمين اقل من 100جنية
بس كنت حاسس اني مشتري سوق الفاكهه كله ..كنت
قاصد اغريها واطمعها ..عايز اشبع رغبتي وشهوتي فيها
ومش مهم اي حاجه ..رغم انها مش جميلة ولا جامدة
اخر حاجه بس حب الفضول والاستطلاع عايز ادوق
واجرب واتنقل من دي ل دي ل دي وهكذا
المهم انبهروا بالحاجات وقعدت شوية واكلت وسألني ع
حتة الحشيش وزعل لما قولتله انها في البيت وكدب
تاني وقالي أنه شرب الحتة اللي اخدها وقعد يحور
وسألني وقالي ايه رايك في اكل الهام
وكنت شايف في عينه أنه بيحور وأنه قصده يقولي اي رايك في الهام
قولتله تسلم أيدها واستغربت وقولت معقول انتي ياأم
شخة تعملي الاكل دا كله .. نظراتها غريبة تحس انها هبلة
أو فيها ربع ضارب ..كسوفها وخجلها شكله بشع الصراحة
نظرتها الخبيثة اللي من تحت لتحت اللي تشبه نظرات
مدبولي فظيعه وواضحة جدا وشايف انها نسخة من
مدبولي لا حبيتها ولا حتي استلطفتها بس طبعا
محسستش حد بحاجه .بالعكس أنا ظهرت ليهم اني
معجب بيها ومكسوف وكده وأنهم نجحوا في المخطط
بتاعهم واني كلت الطعم بس علشان مدبولي يطمن
ويسبني اتجول في البيت وقعد برحتي وبالفعل سبوني
أنا والهام نتكلم ولا اكني كنت جاي اقراء فاتحه ولا
اخطبها وبعد شوية دخلت علينا ام الهام وقالت..ايه كنتوا
بتقولوا ايه وانا دخلت اقطعتكوا
قولتلها ولا حاجه ..قامت الهام ابتسمت واتكسفت وقامت
جريت ولا اللي اكني كنت بقولها كلام عيب ولا كنت
بتغزل فيها
قولت في سري ايه الجنان دا ..عليا النعمه أنا ما نطقت بحرف حتي
قالتلي ..اه منك انت شكلك حلانجي ومش ساهل..كنت
بتقول اي للبت يامرجان وابتسمت
بصيت في عنيها ..عايز اقولها مالك ..ما كنتي كويسة
معايا امبارح ..انتي بتعملي نفسك غبية ومش فاهمه
قالتلي شوف الواد بيبحلق ليا ازاي
قمت من مكاني ولحقت نفسي قبل ما ازعقلها ولا امسكها
من دراعها واقولها متقوليش واد 👊🏻بس لحقت نفسي
وقولت دي مش ام سامح هتعدهالك . اهدا يابرنس
اتخضت طبعاولما فجأة قمت من مكاني ..قولتلها والله
مقولتش حاجه ليها بس أنا بصراحة نفسي اقول
قالتلي وانت حد منعك تقول ...كل دا ومقولتش لسه ..مع
اني ميبنش عليك خالص انك خايب ولالسه خام
قولتلها مفيش حد خام بيشتغل في الرخام
ضحكت وقالتلي ..دي بايته معاك من امبارح
قولتلها محصلش مع اني كان نفسي
قالتلي بدلع كان نفسك اي
قولتلها تبات ..ونخلف صبيان وبنات
ضحكت اكتر وقالتلي يوووووه جتك اي..اللي يشوفك امبارح ميشوفكش النهاردة
قولتلها بجراءة وثقة معرفش انا كنت بقول كده ازاي
وجبت الشجاعة دي منين ..يمكن علشان تجاوبها معايا
وانبسطها بالي بقوله ..ولا أنا خلاص زهقت وجبت اخر
قولتلها وانا اللي مش هيشوفني بكرا مش هشوفه تاني خالص
فكرت في الجملة لثواني وفهمت بنت الأذينة قصدي
وقالت طب واللي هيشوفك دا لو حب أنه يشوفك هيبقي فين
ابتسمت وبثقة وصفتلها البيت وقلقت شوية صغيرين من
سكوتها بس اطمنت وعرفت انها موفقة لما قالتلي بصوت واطي البيت دا امان
قولتلها امان الامان
يتبع
