رواية طلبني في بيت الطاعة (كاملة جميع الفصول) بقلم عادل عبدالله
طلبني في ببت الطاعة
١
وقبل ما بدا حكايتي اعرفكم بنفسي انا اسمي ناهد عندي 24 سنه عايشه مع امي بعد ابويا ماراح مليش حد غيرها في الدنيا وانا عشان اعرف اجهز نفسي نزلت اشتغل عاملة في مصنع واحنا ساكنين في منطقة شعبية وكل الناس عندنا في منطقتنا بيبقو عارفين بعض وفي يوم امي كانت راجعة من السوق ووقفها الاسطي جمال اللي عنده ورشة ميكانيكي جنب بيتنا وقال لأمي
ياصباح الورد والياسمين وانا اقول الحارة منوره ليه كده اتاري ست الكل معدية
حسنية
يووه كاتك ايه ياسي جمال هو انت ياراجل مش وراك غيري ولا ايه هو كل يوم في الرايحة الجاية كده تعاكسني جمال
اعمل ايه ما انا نفسي انول المراد ياست الكل مش ناوية توافقي بقا انا مستني بقالي كتير اوي
حسنية
طيب وانا اعمل ايه بس ياسي ما انت عارف ناهد بنتي بقت على وش جواز وياريتها بتوافق على حد انا بصراحة عايزة اجوزها هي الأول وبعد كده الټفت لنفسي انا بقا
جمال
يعنى لو ناهد اتجوزت احنا هنتجوز ولا هترجعي في كلامك
حسنية
لا ياسي جمال بنتي تتجوز الأول وتروح بيت جوزها اشوف نفسي انا علطول بس صحيح هتعمل ايه في مراتك صباح دي لسانها طويل ياخويا ولو عرفت انك عايزني مش بعيد تيجي تعملي وش قدام البيت هنا
جمال
على الطلاق منها لو بصت لك بس بطرف عنيها كده ماهخليها تبات فيها وبعدين سيبك منها وخلينا هنا انا هبعت لكم الوليه فتحية الخاطبة ولو عندها عريس كويس تعرضة على ناهد بنتك وربنا يقدم اللي فيه الخير
حسنية
خلاص ياسي جمال اللي تشوفه عن اذنك بقا لحسن وقفتي معاك كده مش اللي هي والناس في الحارة ممكن يتكلمو عني ويجيبو سيرتي
جمال
محدش يقدر يجيب سيرتك طول ما انا عايش ياقمر
ومشيت امي من قدامة وانا في اليوم ده مروحتش الشغل لانه كان اجازة وامي رجعت من السوق قالت لي
الام
هو انتي يابت لسه نايمة لحد دلوقتي انا روحت السوق ورجعت وانتي لسه ماتقومي ياناهد خلينا نفطر سوا يوووه
ناهد
ياما في ايه بس هو انا مش اجازة سبيني بقا اقوم براحتي
حسنية
عيني عليكي ياحسنية يلي طول عمرك هتفضلي لوحدك كده مفيش لا انيس ولا جليس
ناهد
لوحدك ازاى بس ياما ما انا معاكي اهو
حسنية
معايا فين ياناهد ها معايا فين ده انتي طول النهار في الشغل وبترجعي تنامي وانا بفضل طول النهار لوحدي بين أربع حيطان اكلم نفسي
ناهد
طيب وانتي عايزة ايه يعني ياما دلوقتي اسيب الشغل واقعد جنبك طيب هجهز نفسي منين لو حد كويس جالي وانا وافقت عليه
حسنية
ما انتي جالك كتير وانتي اللي فقرية بترفضي بصي ياناهد بصراحه كده انا عايزة اتجوز عايزة حد معايا يبقا ونيس عشان انتي لما تتجوزي الاقي حد جنبي
ناهد
ااه قولتي لي هو الاسطي جمال كلمك تاني في موضوع الجواز وانتي بقا مصممه يا أمي
امي سكتت شوية كده وقالت
بصراحة ااه بس انا قولت له انا مش هوافق عليك غير لما بنتي تتجوز الأول وتروح علي بيت جوزها ساعتها نتجوز
ناهد
وانتي رابطة نفسك بيا ليه ماتتجوزي ولو عايزاني اسيب البيت هسيبة
وفي الوقت ده لقيت الباب بيخبط روحت فتحت كانت الست اللي اسمها فتحيه الخاطبة ولما شافتني قالت
فتحيه
بسم الله ماشاء الله تبارك الله قمر يابت ياناهد وكل يوم بتحلوي عن اليوم اللي قابلة
حسنية
مين ياناهد
فتحية
انا ياحسنية ياختي ازيك عامله ايه وحشاني
حسنية
اهلا يافتحية ياخطوة عزيزة ادخلي ياحبيبتي اتفضلي
فتحية
تسلمي ياحبيبتي يا أميرة يابنت الامره
حسنية
ايه ياناهد مالك واقفه متسمرة كده ليه روحي هاتي حاجة لخالتك فتحية تشربها يلا روحي
ناهد
حاضر ودخلت المطبخ وانا حاسه ان الولية دي جايه وجايبالي عريس
فتحية
شوفي بقا ياحبيبتي انا بعتني ليكي الاسطي جمال وقالي اجيب عريس كويس لناهد بنتك انا بصراحة لما شوفتها دلوقتي قولت مفيش غيره زينة شباب المنطقة عاصم ابن عفاف الخياطة بصراحة واد محترم ومؤدب ويستاهل بنتك
حسنية
طيب يافتحية انا اسمع ياختي ان عفاف دي متنقدرش دي وليه سو والناس كلها پتكره تتعامل معاها ازاى بس هودي بنتي عندها
فتحية
والنبي انتي واخدة فكرة وحشة اوي عنها ياحسنية دي عفاف دي غلبانة خالص ده الناس هما اللي بيقولو عنها كده
حسنية
امممم طيب خلاص انا هاخد رأي البت واشوف مايتها ايه برضو وابقي اخلي سي جمال يرد عليكي في الحوار
فتحيه
ماشي ياحبيبتي بس تردي عليا بسرعة ماشي عشان انا عايزة اخد الحلاوة علطول علطول كده
ومشيت فتحية وانا خرجت وامي قالت لي
الام
والله يابت ياناهد انتي طول عمرك مرزقة وبنت حلال مصفي طبعا اومال ايه مش بنتي حبيبتى انتي عارفه خالتك فتحية كانت عندنا ليه جيبالك حته عريس انما ايه لوقطة
ناهد
ااه انا قولت برضو دخلت الوليه دي عندنا هنا وراها حاجة وده يطلع مين بقا العريس ده ان شاء الله
حسنية
عاصم ابن عفاف الخياطة واد حليوه واي واحدة في الحتة تتمناه
ناهد
ومتلقيش الا ده ياما ده الناس بتقول عليهم انهم ناس قادرة
حسنية
واحنا مالنا يابت بالناس مايقولو اللي يقولوه ملناش دعوة بحد خلينا في حالنا الناس مش بتسيب حد في حاله وانتي بقا واقفي ياناهد خليني افرح بيكي
ناهد
تفرحي بيا ولا عايزة تخلصي مني عشان تتجوزي الاسطي المعجباني بتاعك
حسنية
انتي بتتريقي عليا ياناهد اخس عليكي وعملت نفسها بټعيط وقالت اااعااااا ااه يلي ملكيش بخت مع بنتك ياحسنية ااه يلي ملكيش حد في الدنيا ياخد بخاطرك ياحسنية
ساعتها صعبت عليا واخدتها في حضڼي وقولت لها
خلاص ياما هعملك اللي انتي عايزاه ابقي خلي فتحيه ترد عليهم اني موافقه
حسنية بفرحة
لولولولولوي ايوه كده فرحتي قلبي
وبعدها بكام يوم جات عفاف هي وابنها عاصم واخته حنان اللي جوزها مسافر وعايشة مع امها في نفس الشقة ودخلوا واقعدو واتكلمو مع امي في كل حاجة وعفاف قالت
عفاف
مبروك ياعروسة ابني خلاص كلها شهرين وتيجي تنوري بيتنا
حنان بخبث
ااه اومال ايه وهتبقي مرات الغالى عاصم ده مفيش منه اوعي تفكري تزعلية
ناهد بكسوف
وانا هزعله ليه بس يا ابلة حنان ده انا حتى مليش في اي حاجة
عفاف
ااه ماحنا عارفين ياناهد يلا بقا نمشي ياعاصم لحسن الروماتيزم شد عليا يابني ومش قادرة اقعد اكتر من كده
حسنية
سلامتك ياعفاف الف سلامه عليكي ياختي
عفاف
الله يسلمك ياحسنية بكرة مرات ابني تيجي البيت عندنا وتريحني وتعملي كل حاجة مش كده برضو ياناهد
ناهد
ايه اااه ااه طبعا ياخالتي عفاف ده انا عنيا ليكي
عفاف
ايوه كده وانا طول مانتي بتسمعي الكلام هنشيلك فوق راسنا من فوق
يلا احنا بقا فوتناكم بعافية ياحسنية
ومشيو من عندنا بعد ماتفقنا على الفرح وكل حاجه وقولت لأمي
شوفتي ياما الولية دي عايزاني اشتغلها خدامة
حسنية
يابت هي قالت كده برضو هي بس تقصد انك هتيعشي معاهم في بيت واحد يبقا تخلي بالك منها هي وابنها
ناهد
ربنا يسترها انا مش مرتاحة
