رواية جريمة في قلب عاشق الفصل السادس 6 بقلم منال كريم
#جريمة_في_قلب_عاشق
#الفصل_السادس منال كريم
////////////////////////////
بعد اختفاء ملك الكل متوتر و على أعصابه
مليكة لا تتوقف عن البكاء
و كريم يشعر بالضياع و القلق عليها.
في غرفه كاميرات المراقبة
كريم بعصبية:خلص يا ابني
الشاب بتوتر:حاضر يا فندم
ظل يروي كل الإمكان في المول
حتي صرخت مليكه بصوت عالى: ملك هناك
تنهد براحة و قال بهدوء:
مليكه خليكي مع سيف وأنا اشوف لملك
مليكه بعصبية: لا طبعا أنا اروح اشوف اختي.
قال كريم برجاء: من فضلك.
مليكه من فضلك
لم تجيب عليه، تعصب سيف من طريقتها و من طريق كريم ، قال بغضب: فوق يا كريم لنفسك، أنت تطلب من حتة عيلة الاذن تشوف مراتك، كبر دماغك منها، أنا عارف عملت في نفسك ايه.
نظر له بغضب و قال: عيب الكلام ده
صرخت مليكة: عامل ايه في نفسه، و بعدين أنت تتدخل ليه في الكلام احنا عيلة مع بعض مالك بينا.
قال بعصبية: طبعا لازم ادخل مش صاحبي.
قالت مليكة: و هي اختي.
صرخ بغضب: ده وقته ، ممكن تبطلوا خناق خليني اشوف ملك.
مليكه : طيب روح يا كريم
كريم بتحذير: خلي بالك منها يا سيف و بلاش مشاكل.
سيف: حاضر
و نظر إلى مليكة ، قالت: متخافيش يا جوز اختي مش أعمل مشاكل.
ذهب كريم إلى ملك
سيف: تعالى نقعد فى الكافتيريا
مليكه : ماشي
ذهب سيف ومليكه إلى الكافتيريا
عند ملك كانت تجلس تبكي بشدة
جلس كريم بجوارها و سال بهدوء، رغم البركان اللي بداخلة من تصرفها: مالك
ملك بدموع: مفيش
ضغط على أسنانه قال بهدوء: يعني تعيطي من غير سبب
أجابت بدموع: اه
أكمل بهدوء: و الهانم سبت المكان و خرجت من غير ما تقول لحد، برضو من غير سبب ،مالك يا ملك زعلانه ليه
ملك بدموع: قولت مفيش حاجه.
لم يستطيع التحكم في أعصابه أكثر، قال بصوت عالى: خلاص يبقي اسكتي و بطلي عياط
ملك بدموع: أنت تزعق ليه دلوقتي ليا انا عملت ايه
كريم بعصبية: علشان لما تكوني تعيطي وقولك مالك تكلمي على طول
ملك بدموع: مفيش
كريم بعصبية: يبقي مش عايز اسمع صوتك يلا نكمل شراء حاجات
كانت منذ أن جلس تنظر أمامها و لم تنظر اليه، التفتت له و قال بدموع: مش عايزه حاجه ، عايزة ارجع البلد.
هو أيضا كان ينظر أمامها ، قال بغضب شديد: ملك اخلصي
ثم التفتت لها و رأى عيونها الباكية ، و نظرة الحزن و الانكسار ،شعر كأن قلبه انكسر من حزنها، جذبها إلى حضنه و طبطب عليها بحنان شديد.
و قال بحزن: مالك يا حبيبتي ، مين السبب في الدموع دي، و أنا قسم بالله اخلي يندم أنه زعل ملاكي، حبيبتي مالك اتكلمي.
كانت تبكي في حضنه ، شبه منهار.
ليست شخصية تحب الحزن و النكد، بل شخصية محطمة ، شخصية فقدت الثقة بنفسها ، عيونها لم ترى إلا أنها قبيحة رغم أنها جميلة و جمال طبيعي، ليست مصطنعة ، لم تضع أي ادوات تجميل لأنها ترى أنها في شبهة انها حرام.
حكم الجميع عليها انها ليست جميلة لأن لم يتقدم لخطبها أحد ، و من حديث الناس أيقنت أنها ليست جميلة.
ملك أخذت نصيب من اسمها.
فهي شخصية هادئة ، طيبة القلب، أصبحت ضعيفة الشخصية من التنمر عليها.
جمالها هادي و رقيق بشرة قمحية و عيون بني الطول جيد ، القوام في حاجة إلى خسارة خمس كيلو و يصبح وزن مثالي
المجمل هي جميلة و تخطف القلب و الأنظار.
لكن في مجتمعنا نري أن الفتاة التي لا تضع ادوات تجميل و ترتدي ثياب محتشمة و طويلة أنها ليست جميلة.
و هكذا كانت نظرة ريم لها.
ملك عكس ريم
ريم تضع الكثير من أدوات التجميل و دائما تصبغ شعرها بالوان غريبة و ترتدي ثياب غير محتشمة بالأصح عارية.
كان عقلها مزدحم بأفكار كثيرة، إذا كان بنات يعتبروا من مستوي ملك، و شافوا إنها مش مستوي كريم، يبقي الناس اللي من مستوي كريم يشوفها ازاي.
هي تقدر تتقالم مع الوضع ده، شافت معاملة كريم مع ريم و طريقة لبس ريم.
أكيد كل اللي حوالينا كريم زي سيف و ريم
أكيد صعب عليها التقالم
أكيد هي بالنسبة لكريم فترة و يزهق منها لانه مش حلوة و على طول حزينة، اكيد هو كمان شايف اني مش حلوة.
أخرجها من هذه الدوامة ،كريم و هو يقول بصوت عالي: ملك، ملك.
أنتبه و سألت بحزن شديد: نعم.
قال بحنان: بكلم يا قلبي مش تردي، منين زعلك ليه كل الدموع دي.
ابتعدت عنه بخجل ، لما أنتبه انها في حضنه في الشارع
قال بمزح: ليه يا قمر أنا حتي زي جوزك.
مسحت دموعها و لم تجيب
سأل بهدوء: اسال مرة كمان زعلانة ليه.
أجابت بدموع: مفيش
قبض على يديه بغضب ، لا يريد يفقد أعصابه ، لكن كل هذه الدموع بل سبب.
سأل بهدوء: برضو مفيش كل ده و مفيش.
أجابت بعصبية: أيوة مفيش.
أجاب بعصبية: طيب يلا نرجع نكمل الحاجات الناقصة
أجابت بدموع: يلا.
كريم بعصبية: يلا وانتي كده الناس تقول ايه خطفك
ملك بدموع: ايه يعني ما أنت فعلا خطفني قبل كده
كريم بعصبية: امسحي وشك ده ويلا ، علشان مش قادر اتحكم في اعصابي اكتر.
مسحت ملك وشه ومشيت مع كريم يكملوا شراء حاجات
في محل الفساتين
اول ما دخل كريم وملك البنات خافت تكون ملك قالت ل كريم
ريم بدلع: كنتي فين يا ملك
كريم : كانت تشوف حاجه هنا
ملوكه اخترتي الفساتين
ملك بهدوء: ايوه
ريم بدلع شديد و هي تتعمد غيظ ملك: الف مبروك يا حبيي
كريم : الله يبارك فيكى.
و أخذ ملك و اختار لها فساتين سهرة كتير
و كمل ملك وكريم شراء حاجات
في الكافتيريا
كان سيف و مليكة يجلسون بصمت
ثم قطع الصمت سيف و قال : انتي فى سنه كام يا انسه
لتجيب بعصبية: ليه خير أن شاء الله من بقيت عائلتي علشان تعرف أنت مالك أنا في سنة كام.
زفر بضيق و قال: استغفر الله العظيم ، مجرد سؤال.
أجابت ببرود: مجرد جوب ملكش دعوة.
قال بهدوء: انتي غير ملك خالص.
سالت بفضول و هي تستعد للحرب لو غلط في ملك: يعني ايه.
قال بهدوء: يعني ملك هادئة مش تكلم كتير ، عكسك انتي تكلمي كتير جاهزة لاي مشكلة
صقفت بيدها و قالت بابتسامة: اه و الله عندك حق انتم بتفهم، تصدق طلعت محترم،بصي يا سيدي.
قالت بابتسامة: طلعت محترم و بفهم و بصي يا سيدي، اتفضلي يا ستي
أجابت بابتسامة: ملك طيبة و جميلة و تحط على الجرح يطيب أما أنا مجنونة و عصبية و اتحط على الجرح يولع، هي أجمل مني و احسن مني، عارف هي اللي خلتني التزم بالصلاة، و كمان تقولي اعمل كذا و مش اعمل كذا، هي مش احلي مني بس، دي احلي بنت في القرية و الدنيا كلها، قلبها زي الذهب الصافي ابيض من الحليب، مش عارفه اوصف ملوكة قلبي.
كانت تتحدث و الدموع تتلألأ في عيونها و مع ابتسامة فخر، و تتحدث دون أن تاخذ نفس
نظر لها باعجاب، لم يجد فتاة تمدح في فتاة أخرى هكذا من قبل، حتي لو اختها ، و كأنها تريد تثبت للجميع أن ملك افضل منها بل ملك افضل من الجميع.
قال بعفوية: يا ابن المحظوظة يا كريم.
قالت بابتسامة: فعلا هو محظوظ علشان يتجوز ملك
قال في نفسه: لا هو محظوظ علشان القمر دي اخت مراته ، من الوضوح في قصة حب جاية من بعيد.
قالت : استاذ سيف ممكن تكلم كريم و تشوف هما فين.
اوما رأسه بالموافقة و اتصل على كريم و ذهبوا إلى كريم و ملك.
قالت بهدوء: كريم كل الفساتين و الهدوم دي كتير اوي، اعمل بيهم ايه.
قال بحب: مفيش حاجه تكتر عليكي.
أخذت ريم صورة لملك بدون أن ينتبه أحد.
و انتهى من الشراء و ذهبوا إلى الفيلا.
ركبوا العربيه فى الطريق الى المنزل ، منزل غير اللي كانت مخطوفة في ملك.
وصلوا إلى منزل قصر كبير جميل جدا
كان جميع الحراس الذين يحرسون ملك لما كانت مخطوفه هناك
دخلت ملك البيت وكريم مسك ايدها بقوة.
وسيف ومليكه خلفهم
كانت فى استقبالهم ناديه
ملك بصدمة: انتي
ناديه بابتسامه: منوره يا مدام ملك
ملك : شكرا
كريم : حضري الاكل
ناديه: حاضر
كريم : تعالى يا ملك عايزك
ملك بتوتر: عايزه ايه
مسك أيدها وطلع وهو يفرجها على البيت وصلوا إلى غرفة النوم
ملك بتوتر : خلاص يا كريم مش مهم ادخل
كريم بعصبية :على فكره انا جوزك , و عايز تشوفي البيت و لو عايزة تغيري حاجة فيه.
ملك : مش اغير حاجة.
كريم بصوت عالى: ادخلي
دخلت ملك و نظرت إلى غرفة نظرة سريعة
ملك بتوتر: حلوه يلا نخرج بقا
قرب منه كريم وهى ترجع للخلف لحد ما خبطت فى الحائط
وهو قرب منه كان لا يوجد بينهم مسافه
كانت ملك تنظر إلى الأرض بخجل.
ملك بتوتر: كريم ابعد
كريم بحب: لا انا جوزك على فكره اهدي و قولي مالك
ملك بدموع: كل شوية أنا جوزك عارفة انك جوزي، و مفيش حاجه ابعد بقا
مسح دموعها بحنان و سأل بهدوء شديد: و سبب الدموع دي ايه طالما مفيش حاجه.
ملك بدموع: مش عارفه اقولك حاجه وأنت كده
كريم بحب: يعني لو بعدت وعدك انك تقولى
( ملك وهي ترفع عينه وتنظر إلى عين كريم التي يمكن ولا مره شافت لون عيونه: وعد
ولكن سكت وسرحت فى جمال عينه الزرقاء
كريم بغمزه: حلوين صح
ملك بدون انتبه: هما ايه
كريم بغمزه: لون عيني
ملك بدون قصد: اوي حلوين اوى يا كريم
تنهد بحب و قال: بس مش احلي منك يا ملاكي
ركضت ملك من أمامه عندما انتبهت لنفسها
لكن مسكه كريم من أيدها وشده عليه وحضنها
كريم بابتسامه: كده غش انتي قولتي اقولك.
ملك بخجل: طيب أبعد وأنا اقول
كريم بحنيه: لا قولى الاول
ملك بخجل: كريم ابعد بقا
كريم بحنان: قولت لا يا ملوكه
بصت ملك فى عينه
و قالت بهدوء: كريم انت زى كده
سأل باستغراب: كده ازاى
ملك بهدوء: حنين أوى كده،
ليه أنا يا كريم
تنهد بحب ثم سأل: ليه انتي ايه يا قلب كريم.
ملك بدموع: ليه تحب واحده زي أقل منك فى كل حاجه فى التعليم وال
وضع أيده على فمها
قال بحب: اسكتي اوعى تكملي انتي مش أقل مني أو من اى حد ، أنتي أحسن بنت فى العالم
ليه يا ملوكه شايفه نفسك كده
ليه يا حبيبتي مش عارفة تشوفي نفسك صح.
ملك بدموع: كريم انا حياتي صعبة اوى
كريم بحنيه: وعد مني أخلي حياتك جنه يا ملاكي
قالت بدموع : بجد
كريم بحنيه: بجد يا عيوني
كان كريم وملك ينظرون فى عيون بعض
ملك بابتسامه: احنا نفضل كده كتير
كريم بحب: كده ازاى يا ملوكه
ملك بخجل: كده يا كريم مفيش مسافه بينا
كريم بحب: انتي ملك كريم عبدالله السيوفي مراتي
ملك بخجل: عارفه أبعد بقا علشان مكسوفه
كريم : ماشي بس قولى ليه كنتي تعيطي
ملك: اقولك بس اوعى تعمل حاجه لحد
كريم بعدم فهم: مش فاهم
جلست ملك على الكرسي وكريم فى الكرسي المقابل
حكت ملك كل اللى سمعتها من البنات فى المول
كريم بغضب: ليه سكته كل ده انا امشي البنات دول حالا ازاى يقول كده ليكي وانتي سكته
ملك بهدوء: كريم أنت وعدتني انك مش تعمل حاجه صح هما بيقولوا رأيهم
كريم بصوت عالى جدا: راي ايه انتي ازاى تسمحي بكده، ليه مش قطعت لسانهم.
ملك بدموع: شوفت مش عايزه اقولك ليه
وكملت بصوت عالى وغيره:
وبعدين مين علا دي يا سي كريم
كريم بهدوء: واحده كنت انا وسيف وهى وريم اصدقاء طفوله
ملك بغيره:وليه أن شاء الله البنات دي تقول أنك سبتها كان فى بينك وبينه حاجه
وقف كريم و جذبها فى حضنه
كريم بهدوء: اعتبر دي غيره
ملك بتوتر: كريم أنا بتوتر وأنت قريب مني كده
كريم بحب:بس أنا بكون مبسوط اوى
ملك بخجل: كريم أنت مش شايف أننا اتفرجنا على البيت كل فى خمس دقائق و بقالنا هنا ساعه
أبتسم كريم و قال: انتي السبب طلبت منك تقولي منين زعلك ، المهم عايز اقولك حاجه مهمة.
وقف أمامها و وضع أيدها على كتفها و قال بهدوء: ملك انتي مش ضعيفة انتي مش أقل من حد، كوني قوية كوني واثقة في نفسك، لأنك ملك، مش مهم ملك بنت مين أو معاكي اي أو درجة جمالك ايه او مرات مين، انتي جميلة و قوية لأنك ملك، كرري الجملة دي ديما أنا مش اقل من حد و مش محتاج مؤهل دراسي أو أي حاجة علشان اكون افضل ، فاهمة يا حبيبتي.
كانت كلماته مطمئنة و جميلة و لكن هي في حاجة وقت حتي تستعيد ثقة خسرتها من سنين.
كريم بحنيه: يلا يا قلب كريم ننزل.
خرج كريم وملك وهما مسكين ايد بعض
ونزلوا علشان ياكلوا وبعدين رجعوا البلد
أما فى مكان آخر
فى فيلا رقي جدا
وصلت رسالة، فتحت الرسالة، نظرت لها بتعجب ، و طلبت رقم
: ايه يا بنتي الصورة اللي بعتها دي.
أجابت ريم بسخرية: تفتكري دي صورة مين.
قالت علا و هي تنظر الصورة باحتقار: بنت جديدة تشتغل عندك.
تعالت أصوات ضحك ريم، و قالت: لا
قالت علا بعصبية: اخلصي يا ريم مين دي.
قالت ريم : مرات كريم.
سألت بعدم فهم: كريم مين.
أجابت ريم ببرود: دي ملك كريم السيوفي.
صرخت بغضب و قالت: انتي مجنونة، مين دي اللي مرات كريم ، كريم مين قصدك ، كريم السيوفي اتجوز من غير ما اعرف و دي.
قالت ببرود: أيوة يا حبيبتي اتجوز ودي البنت الفقيرة ، لو كنتي شوفتي و هي تبص على فستانين شكلها جعانة اوي.
ألقت مج نسكافيه على الأرض و سألت بعصبية: هي لسه عندك.
قالت: لا
صرخت بصوت عالي: و طاية تقولي دلوقتي يا ريم ، مقولتش ليه و هما عندك كنت خدت روحها و روح الباشا اللي مفكر أنه يكون لغيري
ريم: و الله غصب عني و حصلت حاجات كتير النهاردة ، كمان سيف و كريم أكدوا عليا مقولش ليكي بس طبعا أنا مقدرش
سألت بعصبية: ايه اللي حصل.
قالت بهدوء: كريم شكله واقع خالص ، تخيلي اتعصب على سيف علشان اخت المحروسه ، و كان يجنن لما مشيت من المحل
حكت ريم تفاصيل اليوم و كانت علا ينفجر دماغها من الغضب
أغلقت الهاتف ،كسرت كل شئ أمامها.
دخل الأب و الأم بخوف
سأل عاصم: في ايه.
علا بجنون: تخيل كريم اتجوز.
حنان بغضب: و انتي عاملة كده ليه.
عاصم بصوت عالى: اهدي يا علا
حنان: يا بنتي تموتي نفسك علشان واحد عمره ما قال غير انك اخته
علا بصرخه: من غير ما يقول كريم ليا انا مهما طال الزمن فاهمين والبنت اللى معه دي شويه يزهق منها ويراجع ليا
بس انا مش استنا أنا اخلص منها قبل الفرح وخليه يقضي شهر العسل فى المقابر
و صرخت في ابوها و أمها : اطلعوا برة دلوقتي.
الغريب أنهم خرجوا بدون اعتراض.
دقت على ريم و قالت بصوت عالي: ريم فرح كريم على الفلاحة دي أمت.
قالت : بعد اسبوعين
قالت بشر: حلو اوي كده نخطط علشان نبوظ الفرح
قالت بعصبية: يا بنتي اتجوز و خالص
أجابت بشر : بس لسه الفرح.
سألت ريم بفضول:تعملي ايه يا شيطانية
أبتسم بصوت عالي و قالت: اي حاجة قتل، خطف و اغتصاب ،اي حاجة الا أنا الفرح يعدي بخير.
ابتسمت ريم: الله يكون في عونها.
قالت علا: بقول تجي معي
أجابت : يا بنتي نفسي ابطل الزفت ده
أخرجت سيجارة و اشعلتها و قالت: بطلي حد مانعك.
قالت ريم: صديقة السوء مش عارفة ابطل بسبك، بقولك عارفة حاجة عن الفاشلة التانية
أخرجت ضحكة غير لائقة و قالت : مصائب.
ريم بفضول: يلا نتقابل هناك و احكي كل حاجة.
و تم لقاء ريم و علا في شقة مشبوه ، يحدث فيها كل ما يغضب الله.
/////////////////
:يعنى أيه يا ملك
كان هذا سؤال مليكة
ذهبوا إلى الفراش و قالت بهدوء: بقولك مش حاسة باي حاجة من ناحية كريم، يعني لما حضني أنا مكسوفة بس مفيش مشاعر تانية، يعني قلبي مش دق جامد مش مبسوطة، طبعا مبسوطة بكلامه الحلو و الحنية بس مفيش، مش عارفه اشرح انتي فاهمة.
كانت مليكة على سريرها ، أجابت بتفهم: أيوة يا حبيبتي فاهمة، عادي يا ملك مش شرط تحبي كريم دلوقتي اكيد مع العشرة، مش كل اتنين يتجوز عن حب، أهم حاجة قلبك مش متعلق بحد تاني، يبقي سهل تحبي كريم
أخذت نفس عميق و قالت: مفيش حب تاني، بس كان نفسي اتجوز حد اكون بحبه، بس برضو بحس مع بالأمان و كمان بكون مبسوطة، لما كان حضني في الشارع كنت مطمئنة.
رمت المخدة عليها بعصبية و بتقول: اسكتي خالص بلاش تفكريني، المفروض كنتي مسكتي البنتين قتليهم و لو كريم يطرودهم.
قالت بهدوء: خالص يا مليكة نامي و اسكتي.
//////////////////
عند كريم
كان يجلس في الحديقة
و سرحان في ملك.
جاء سيف و جلس أمامه و قال: اللي واخد عقلك.
قال بابتسامة: قصدك اللي واخدة قلبي و عقلي و كل كياني.
قال سيف بابتسامة: الله على الحب يا كريم.
تنهد بحب ثم قال: بحبه اوي ، بحبه اوي يا سيف.
أجاب بابتسامة: ربنا يسعدك، على فكرة لما ريم سألت عن الفرح قولتها بعد اسبوعين مش اسبوع.
سألت بتعجب: ليه مش قولت المعاد المضبوط.
قال بتوتر: مش واثق فيها اكيد تقول ل علا، و علا مجنونة و ممكن تخرب الدنيا.
قال بعصبية و غضب: أقسم بالله العظيم ، لو فكرت تعمل حاجة لملك ، انسي انها صديقة من الطفولة، لو فكرت مجرد تفكير تزعل ملك، تشوف كريم تاني محدش يعرفه.
قال سيف: ربنا يبعد شرها عنك
و أكمل بخبث: هي و ريم و المجنونة التانية.
تعصب كريم و قال : سيف قولت مية مرة بطل طريقتك دي، سها مش زي علا.
قال سيف بهدوء: سها اسوء من علا ، أنت بس مش شايف.
صرخ بغضب: سيف.
نهض سيف و قال: خلاص اهدي بس يوم ما تعرف حقيقة سها، قول ياريت كنت صدقتك يا سيف.
مر أسبوع واليوم يوم زفاف كريم وملك
فى منزل كريم فى البلد
يقام الزفاف
كان طلب ملك تعمل الفرح في البلد علشان كل اهل البلد يشوفوا آخره صبرها.
وكريم يعمل فرح تاني فى القاهره علشان معارفه اللى فى
القاهره
لتحظي ملك حفلتين زفاف.
في منزل كريم السيوفي
فى الحديقة
تجهز لحفله الزفاف
المكان مزين بالورود والشموع والمكان فى غاية الجمال
في منزل ملك
اشهر بنت ميك أب تجهز ملك
و اخيرا منزل ملك ممتلئة بالسعادة التي كانوا ينتظرها.
في المساء
ينتظر كريم فى صاله بيت ملك
خرجت ملك كانت فى غايه الجمال والروعه
دمعة سقطة من كريم من السعادة
ذهب إليها وحضنها
كريم بهمس: ايه الحلاوه دي يا ملاكي
ملك بخجل: شكرا
تنهد بحب ثم قال:بحبك
خرجوا من المنزل،
و صعدوا إلى سيارة مزينة بالورود
تولي سيف وبجواره مليكه
و كانت السيارة مكشوفة السقف ، كأنها سيارة مملوك.
يحتضن كريم يدها بحب.
و هي تحمد ربها على هذا العوض.
وصلوا منزل كريم
بداو برقصة سلو
وبعد وقت
كانت تجلس بنات القرية التي طالما جرحوا ملك بكلمات توجع القلب.
ذهبت مليكة اليهم،
و قالت بغرور: ايه الاخبار يا بنات.
أجاب الجميع: بخير.
قالت بغرور: ايه رايكم في عريس ملك، حلو صح.
خمست🖐️و قالت : بسم الله ما شاء مال و جمال و مركز اجتماعي.
و رحلت و تركتهم ينفجرون غيظ
تم الزفاف بشكل جميل و ممتع.
وصعد كريم وملك إلى الغرفة
وحالة ملك خوف قلق وتوتر و خجل.
أمام باب الغرفة
كريم بحنيه: ادخلي يا ملاكي متخافيش
ملك بخوف: حاضر
دخلت ملك و جلست على السرير بخوف
كريم بحنيه: انتي خايفه مني
ملك بدموع لا
كريم بحنيه اكتر: اومال تعيطي ليا
ملك بدموع: مفيش
قال بابتسامة: أنا عرفت السبب وراء العياط ، مفيش ، قومي غيري هدومك
ملك :ماشي
قامت ملك تبدل ثيابها، وخرجت
دخل كريم الحمام وبعده خرج
صلوا جماعه
كريم: قومي ناكل يا ملوكه
قامت ملك تاكل لكن حاجات بسيطه
ملك بخجل: كريم انا لو قولتلك زي الافلام والروايات أنا مش جاهزه تعمل ايه
كريم بابتسامه : تعال وأنا اقولك أعمل ايه
في الصباح
فتحت ملك عيونها على أصوات عاليه نظرت بجوارها لم تجد.
و نهضت بخوف ذهبت إلى الشرفة.
وللحديث بقية
#جريمة_في_قلب_عاشق
#روايات_بقلم_منال_كريم
💓💓💓💓💓💓💓💓
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له
اللهم صل على سيدنا محمد
لا اله الا الله وحده لا شريك له له الملك وله الحمد وهو على كل شيء قدير
لا اله الا انت سبحانك اني كنت من الظالمين
💓💓💓💓💓💓💓💓
