رواية الشيخ مرجان الفصل الثالث والاربعون 43 بقلم محمد يوسف
#البارت43 🖊️ Mohamed Youssef Sultan
تخيل تعرف الحقيقة وانت بين الحياة والموت..اختلفوا
سوء وسبوني مرمي ع الأرض وانا بنزف وبصارع مع
الموت وقعدوا يتعاتبوا ويتحاسبوا وينشروا لبعض
غسيلهم الوسخ ..كانوا فاكرني ميت ميعرفوش اني لسه
فيا الروح ...كان نفسي اتكلم ولا احرك جسمي علشان
يموتوني خالص ومسمعش كل دا ...كانت صدمة اكبر من
صدمتي فيها وفيه ..طلعوا دفاتيرهم القديمة كلها بعد ما
شافت وسمعت حاتم وهو بيقولها ..أنا مليش دعوة ..أنا
مقتلتوش ..أنا مش عايز اروح في داهية ..انا هسلم
نفسي واحكلهم كل حاجه ..والله العظيم مقتلتوش 🥹
هند ..انت عايز تروح تبلغ عني ..طب روح كده وريني
وانا ساعتها هقول انك شريكي ويتلف حوالين رقابتنا
حبل المشنقة ..بقولك اسكت علشان نشوف حل
حاتم ..مفيش نشوف حل ..شوفي انتي حل ..أنا مليش
دعوة وهمشي حالا ههرب اروح اي بلد ..اختفي شوية
هند..بتبعني ياواطي ...اتقوا عليكم صنف وسخ ملوش
امان ..بس عادي غور في ستين داهية تخدك بس بعد ما
تخلصني من الزفت دا ..وتزق وتضرب في بهاء برجلها
وكل دا وهي فاكره أنه ميت
حاتم ..هو انا ليه مغورتش من زمان ..هو انا معاكي ليه
اصلا ..أنا معشتش حياتي واتجوزت وخلفت زيك ..أنا
مسلم نفسي ودماغي ليكي ليه ..انتي اخدتي كل
حاجه ..كل حاجه ..اتجوزتي وخلفتي وبقي عندك أملاك
ودهب وفلوس وانا ع الحميد المجيد محلك سر ..أنا لازم
اغور منك ومن حياتك ومن البلد كلها .أنا بلعن اليوم اللي
عرفتك فيه منك لله ياشيخة
هند..ما أنا عرضت عليك ياشملول اني أطلق منه بعد ما
حملت منك وانا غصبانه عند اهلي وانت اللي رفضت
واتهربت مني علشان كان لسه مكتبش حاجه ب اسمي
وانت اللي طلعتها في دماغي لما قولتلي ارجعيله ولما
هيعرف انك حامل هيكتبلك كل حاجه ولا ناسي
حاتم ..اه بس برضو متفقتش معاكي ع قتل ..كنتي
صبرتي لما يزهق ويجيب اخر آخره من معاملتك ليه
ويطلق ويغور هو وبعد سنه ولا اتنين كنا اتجوزنا واتمتعنا بالفلوس
هند..بخبث تتمتع بالفلوس اااه..طب ياسيدي وادينا
خلصنا منه ومن قرفه ورزلته نضيع بقي الفرصة من
أيدينا ولا نستغلها ..وموجود بدال الشاهد الف اته اخد
شنطته وسافر ومرجعش ولا نعرف عنه حاجه
حاتم ..مرجعش ازاي ..مااهو ياهند مرمي وسايح في دمه
هند ..بقولك مرجعش ..هي عربيته فين
حاتم ..معرفش
هند..روح بس شوفها اكيد مركونه برا
راح ورجع بسرعة وقالها مفيش عربيات يمكن مسافرش
بيها أو في العزبة
هند...مش برا ازاي امال هننقله في ايه 😭وعربيته لما
هي مش ب ت امال فين ..هيسبها في العزبة ويجي
مشي ..مش معقول
ممكن يكون عمل حادثة بيها ..أو عطلت منه وسبها ع
الطريق ورجع ..مش وقته مش وقته ..احنا نخلص منه
وبعدين نشوف موضوع العربية دا
حاتم ..ناويه ع ايه يا هند
هند..أحنا هنقطعه حتت وندفن كل حتة في مكان بعيد
عن التاني وبكده مستحيل يجمعوا الجثة أو يستدلوا عن هويتها
حاتم..نقطعوا ..نقطعوا ازاي ..أنا لا يمكن اعمل كده
هند..وطي صوتك ياحيوان البنت تصحي ..هتقطعوا زي
الناس ..مش عايز تتمتع بالفلوس ياعنيا...مفيش حلاوة
من غير نار ياروحي
حاتم..انتي ايه ياشيخة ..معندكيش قلب
هند..اهو أنا قلبي اللي عمل فيا كده ووصلني للي أنا فيه
دلوقتي 👊🏻 اخلص مفيش وقت ..عايزين نخلص قبل ما
النهار يطلع
#يتبع
