رواية الشيخ مرجان الفصل الرابع والاربعون 44 بقلم محمد يوسف
#البارت44🖊️ Mohamed Youssef Sultan
بصراحة أنا حسيت بغمزة قاسم لغلاب أن الحوار فيه إن
وقلقت شايف علاء والعربية ماشية بيبصلي اللي هو
احسن تستاهل انك مسمعتش كلامي ..استحمل بقي اللي
هيجرالك وبعديها اختفي
انا قلقت اكتر وافتكرت أنه اختفي خالص ومش هيظهرلي تاني
قولت ل قاسم بيه ..خلاص ياباشا أنا هنزل وانتوا ابقوا
رجعولي فلوسي وقت ما تحبوا
رد قبل ما اكمل كلامي وقالي والله ابدا ..ياراجل ناكل
لقمة مع بعض علشان يبقي عيش وملح
لسه هرد قاطعني غلاب وقالي ماخلاص يامرجان ..حلف وقال والله ..هترد تقول ايه
أنا بلعت لساني ..ومنطقتش حرف تاني ..قعدت افكر في
مطرش واستحضره في ذهني زي ما قالي
همسني في ودني وقالي يصوت مبحوح ..دا اخرة اللي
مايسمعش كلامي ..مش عملت اللي في دماغك ..كمل بقي ومتشتكيش
....أنا خلاص مش عايز فلوس ..أنا خايف ..متسبنيش لوحدي ارجوك
مطرش..حاول تهرب علشان عايزين يدخلوك في حكاية
لا ولا انت قدها ..ومش وقتها خالص ..انت معطلني جدا
...معطلك ...معطلك عن أي
مطرش ..ضحك وقالي رد ع غلاب عايزينك تنزل من العربية
أنا فتحت عيني وانا أيدي علي اكرة الباب بفتح
وسمعت غلاب وهو بيقول ل قاسم ..مش بقولك بيستعبط انزل انزل
نزلت ودخلنا مطعم اكلنا وبعدها اخدوني وراحوا البيت
اللي كنت مربوط فيه ومتكتف واول ما دخلنا
البيت ..غلاب فضل واقف عند شجرة الجوافة ومكان
الحفر باين قال بصوت عالي الله يرحمك يااخويا وراح
قاسم وقاله صبر نفسك يااخويا وانت رجعتله حقه
قاله بغضب وعصبية لسه ..يوم ما اشوفهم ب البدلة
الحمراء ويتعدموا هما الجوز أنا ناري تبرد
طلعنا وبمجرد ما شفت الكرسي الحقير اللي كنت مربوط
فيه والعذاب والرعب اللي شفته في اليومين اللي
عيشتهم فيها يمكن دا خلاني اصبر ومهربش زي ما
مطرش قالي
قعدنا وغلاب قعد يحكي عن مراته اخوه وقد ايه هي
حويطة وخبيثة ..قال ل قاسم ..تخيل الوسخة باعت
عربيته لواحد علشان يقطعها ويبعها قطع غيار وخردة
علشان تخفي عملتها ومتسبش غلطة عليها بنت
الحرام
..عارف قعدت ادور علي العربية دي قد اي ..ودي
كانت هتبقي بنسبالي طرف الخيط اللي كنت من خلالها
هعرف خط سير اخويا ... سالت عنها في كل المراكز
والأقسام وإدارة المرور وملهاش اي اثر ..عقلية شيطانيه
قاسم ..اهي اخدت عقابها هي والنجس عشيقها والنيابة
اتحفظت ع كل ممتلكاتها يعني خسرت كل حاجه ..بس
البنت حرام هتعمل اي المسكينة بعد ما ابوها وامها
يتعدموا ..تخيل لما أهلها يربوها هتطلع في المستقبل اي دي ..ربنا يتولها بقي
قاسم قالي خش جوه يا مرجان وغمزلي وكمل وقال هتكلم مع غلاب بيه كلمتين ع انفراد
فهمت أنه عايز يكلمه علي الفلوس بتاعتي ويقنعه يديني حقي وكده
...........................
غلاب ..انت ازاي تعمل للحيوان دا قيمة وتقعده بنا ما كنت تخليه يغور
قاسم ..الواد دا كنز هو اللي هيساعدني في القبض علي مندور
غلاب..هيساعدك ...ازاي
قاسم..مندور اكبر تاجر سلاح وهيروين كل ما اوصل
للمعلومة واخد القوة وارحله افتش ملقيش حاجه
غلاب ..اكيد حد من الادراة بيقوله أن في حملة طالعه ليك مفهومة
قاسم ..ما احنا عرفنا والظابط اللي كان بيبلغه اتشال من
الخدمة واتحبس ومن بعدها ومندور مبقاش يعرف حد
سره حتي عياله محدش يعرف المخازن غير سناء مراته
والدكش دراعه اليمين بس ودول مستحيل يبعوه ولا
يرشدوا عنه مستحيل ..أنا أمنية حياتي اقبض ع مندور دا متلبس
غلاب ..طمعان في الترقية ياقاسم ..بس تفتكر الواد دا
هيقدر يساعدك في الموضوع دا
قاسم ..دا عرف سر مخفي من سنتين ..انت بنفسك
قعدت سنتين بحالهم موصلتش لولا حاجه ..دا انت
قدمت طلب نقل هنا وبرضو موصلتش وهو خلص الكلام في ليلة وحده
غلاب ..والمطلوب
قاسم ..انت طالع من ذمتك كام للولد دا
غلاب..ولا مليم ..ك*مه...آخره ياخده ال10 بتوعه
قاسم..لا انت هتدفع 20 ع ال10 بتوعه وليك عليا أنا
ارجعهملك تاني بعد ما يخلص موضوعي
غلاب..انت بتقول اي ..دا صعلوج ..وبعدين ياعم أنا
مصلحتي خلصت معاه انت اللي ليك مصلحة معاه ادفع انت
قاسم ..معلش ياغلاب ادفعهم بس وبعدها والله هرجعلك الفلوس صدقني
غلاب ..الواد دا هيغلبك ومش بعيد ياخد الفلوس ويهرب
بيها اسمع مني ...أنا كنت مكتفه هنا لحد ما وصلني للي انا عايزه
قاسم..يعرفلي بس اماكن المخازن وطرق التهريب وبعدها هلبسه تابيدة
#يتبع
