رواية في ساعته واوانه الفصل الحادي عشر 11 بقلم نشوه عادل
فى ساعته وأوانه
البارت الحادى عشر بقلم نشوه عادل
ـ انت ساحر ولا ايه انت عرفت ازاى انه هيكلمنى ع طول
شريف: دى حاجة متوقعة المهم ردى عليه بسرعة
سما: الو يا رامى
رامى: ايه يا قلبى وحشتينى اوى
سما: وانت كمان
ضغط شريف ع القلم بغضب لدرجة انه اتكسر فى ايده …. رامى: قولت ألحق اطمن عليكى قبل ما ترجعى البيت ومنعرفش نتكلم
سما: انا كنت ناوية اكلمك اصلا واحكيلك ع حاجة كده بس مجاتش الفرصة المناسبة وكمان خوفت تحصل حاجة عكس توقعاتى وده يزعلك
رامى: انا مفيش حاجة ف الدنيا دى ممكن تزعلنى منك يا قلبى بس حاجة ايه دى
سما قالت نفس كلام احمد ليه وهو فرح اوى وقال: عشان انتى بنت حلال يا روحى وده مالك الحلال اهو
ضحكت سما وقالت: فلوسى هى فلوسك يا حبيبى اهو بالفلوس دى نشطب الشقة ونجيب احلى جهاز وكمان نعمل المشروع اللى نفسك فيه
رامى وهو فى قمة سعادته: انا اخر حاجة ممكن افكر فيها هى الفلوس المهم انك تكونى معايا وتبقى ع اسمى
سما: قريب اكيد المهم لازم اقفل عشان اخلص الشغل اللى بايدى
رامى: شغل ايه بقى يا روحى فكك من الشغل ده خالص انتى بقيتى مليونيرة وتعملى زى الشركة دى واحسن
سما: بس انت عارف انى بشتغل عشان بحب شغلى مش عشان الفلوس
رامى: ماشى انا معترضتش انا بقولك اعملى لنفسك شركة زى دى وهى هتبقى بتاعتك وحرة فيها مش تحت امر حد وبعدين انا مش عاوزك تكملى فى الشركة دى من زمان
سما: ليه يعنى
رامى: عشان خاطر اللى اسمه شريف ده انا مش بحبه ومش عاوزك تكونى معاه فى مكان واحد
سما: طيب ان شاء الله المهم لازم اقفل دلوقتى معليش اوك يلا باى
بعد ما اغلقت الهاتف تنفست براحة وقالت: اعوذ بالله كان كاتم ع نفسى
احمد: هو هيجى ليا بكرة البنك عشان يتأكد من الاختام والورق انه اصلى
سما: بس انا خايفة انه يسأل حد تانى
احمد: معتقدش انه هيعمل كده لانه اكيد مش هيكون حابب يدخل نفسه فى سين وجيم
سما: شكرا جدا يا استاذ احمد ع تعبك معانا واسفين ع ازعاجك
احمد: متقوليش كده دى محاولة منى لاصلاح سوء الفهم اللى حصل فى البداية واكيد انا معاكم فى اى حاجة
سما بابتسامة: شكرا جدا
احمد: العفو استأذن انا بقى
مشى احمد وكل ده وسط صمت شريف … سما: مالك يا شريف سرحان ف ايه
شريف بغضب: هو كان بيقولك ايه عشان تقوليله وانت كمان
سما بارتباك: كان بيقولى وحشتينى اعمل ايه
خبط شريف الكوباية وقعت ع الارض اتكسرت وقال بغضب: وانتى تقوليله وانت كمان ليه اصلا ده عيل ابن *****
سما: شريف انت عارف كويس انى لازم اعمل كده عشان المسلسل يفضل ماشى زى ما احنا مخططين ليه وبعدين………
لكن قبل ما تتكلم لاحظت نقط دم بتنزل من ايده مسكتها بسرعة واتصدمت ان فيه رايش من القلم موجود ف ايده قعدته بسرعة وجابت علبة الاسعافات وداوت الجرح
سما: حاسس انك احسن ولا موجوع
شريف: الوجع مش هنا … الوجع هنا ( شاور ع قلبه)
سما: مش وقته ولا مكانه ولا دى الظروف اللى نتكلم فيها فى حاجة زى دى يا شريف
شريف: تمام يا سما اتفضلى ع شغلك
مشيت سما باتجاه الباب وقالت: هتتخلى عنى
شريف: عمرى ما عملتها قبل كده عشان اعملها دلوقتى
تانى يوم فى الميعاد المحدد وصل رامى واستقباه احمد بابتسامة
رامى: اهلا يا وش السعد فين الورق
احمد: اسبقنى ع المكتب وانا هاجى ورا حضرتك دلوقتى عشان محدش يشوف حاجة
رامى: اوك
جاب احمد الورق واعطاه لرامى اللى كان ف قمة سعادته وف نفس الوقت بعت احمد رسالة لشريف يعرفه ان رامى شاف الورق وقتها طلب شريف من سما انها تكلمه بالفون وبالفعل رن غون رامى برقم سما
رامى: الو يا روحى وحشتينى اوى
سما: عندى ليك حتة خبر هيخليك تطير من الفرح
رامى: خير يا حبيبى ف ايه
سما: اخيرا يا قلبى بابا وافق ع جوازنا
رامى واتسعت عيناه: بجد ولا بتقولى اى كلام
سما: هى المواضيع دى فيها هزار برضه انا طول الفترة اللى فاتت كنت بزن ع ودانه عشان يوافق وفعلا خطتى نجحت
رامى: خلاص انا هجيب امى واجى النهاردة
سما: لا هات باباك كمان انت خلاص جاى تتفق ع كل حاجة
رامى: الساعة ٨ بالدقيقة هكون ادامك
قفلت سما وقالت لشريف: تفتكر خطة بابا هتنجح
شريف: طالما اتأكد من المبلغ بنفسه هيعمل اى حاجة عشان ياخده
سما: عندك حق طيب انا هروح عشان اخلى بابا يعمل حسابه
شريف: تمام خلى بالك من نفسك وابقى عرفينى اللى حصل
اما عند رامى اخد بعضه وراح ع ابوه ويدعى بدير
بدير: خير جاى ليه
رامى: عاوزك معايا ف مشوار مهم
بدير: وانا مالى ومالك ومن امتى واحنا بندخل ف شغل بعض
رامى: لا ما انا عاوزك معايا بصفتك ابويا وكده وده شرط ابو العروسة انك لازم تكون موجود وبعدين انت عارفه عز المعرفة
بدير: عروسة مين ومين ابوها اللى يعرفنى عز المعرفة ده
رامى: اه معليش نسيت اقولك انى نويت اتجوز وابو العروسة يبقى محمد ابو المكارم
بدير باتساع عيون: يا ابن اللعيبة انت وصلت لبنت ابو المكارم وهو يعرف انى ابوك
رامى: طبعا عارف اومال انا روحت ليه بشخصيتى الحقيقية ليه
بدير: ووافق يجوزك بنته عادى
رامى: بطلوع الروح وطبعا وبزنها عليه
بدير: اللاه هو الحوار ع ايه
رامى: الحوار خبطة العمر اللى بتيجى مره واحدة ١٥ مليون جنيه
بدير بصدمة: انت اهبل ياض ولا شارب حاجة محمد ابو المكارم ازاى هيكون معاه مبلغ زى ده … ده طول عمره راجل شريف يعنى ووو….. يتبع
