رواية موضوع عائلي الفصل التاسع والعشرون 29 الجزء الثالث بقلم رحاب القاضي

 رواية موضوع عائلي الفصل التاسع والعشرون 29 الجزء الثالث بقلم رحاب القاضي

#موضوع_عائلي

"بيت الهنا" 

_الحلقه الـ 29

ـــــــــــــــــــــــــــــــــــــــــــــــــــــــــــــــــــــــــــــــــــ

يا رضوىٰ..

‏إنّي والقمر والنجمات

‏نسيرُ إليكِ الليلة! 

- من مُريد البرغوثي إلى رضوىٰ عاشور.

ــــــــــــــــــــــــــــــــــــــــــــــــــــ

_مسك طارق ايد هنا وضغط عليها بكل قوته واخدها فوووق، وهي قالتله وهما طالعين علي السلم.. 

هنا 

سيب ايدي انت ايه اللي بتعمله ده؟ 

_ما ردش عليها وفتح باب شقتهم اول ما وصلو قدامها ودخل وهي معاه وقفل الباب فقالتله بقلق وخوف.. 

هنا

افتح الباب ده وامشي يا طارق.. 

طارق بحده 

هو ده اللي انتي رفضتيني عشان، العيل ده يا هنا؟ 

هنا 

لو سمحت يا طارق ما ينفعش كده وجودنا في بيت واحد لوحدنا غلط.. 

طارق بنبره غاضبه

وجودنا في بيت واحد غلط، بس العيل ده يجيلك تحت البيت عادي ويجيبلك موبيل ويتكلم ويتمحن عليكي وانتي عادي واقفه ومستجيبه لكلامه.. 

اتملت عيونها دموع وقالت

خلصت كلامك اتفضل بقي سيبني في حالي.... 

طارق قرب منها وقال بغضب

لا اعرف الاول ايه اللي بينك وبين الواد يخليه يجيبلك موبيل ويجيلك لحد البيت، كنتي بتعملي ايه معاه يخليه يجيبلك موبيل ما هو مالهاش تفسير غير كده.. 

بصتله بصدمه وقالت بنبره غاضبه

بعمل معاه اللي جه في بالك، خليك في حالك بقي ومالكش دعوه بيا.. 

_اول ما خلصت كلامها مسكها من شعرها جامد لدرجة ان حجابها اتفك وقال بعصبيه وغضب.. 

طارق

طيب مدام كده بقي انا اولي من الغريب... 

ـ قال كلامه وذقها جامد علي الكنبه اللي وراها وقرب منها جدا وشد الحجاب من علي شعرها وقطع البجامه بتاعتها وبكل عنف قرب منها وهي بتحاول تبعده عنها بكل قوتها وقالت ببكاء وخوف.. 

هنا 

واغلي حاجه عندك يا طارق ابعد عني والنبي انا اسفه مش هعمل كده تاني.... 

مسك ايدها اللي كانت بتذقه بيها جامد. وقال بنبره غاضبه 

بس يرجعو من البلد واقسم بالله ما في حاجه هتمنعني اني اتجوزك غصب عنك وعن اي حد، قال جايه تفضلي حتت عيل زبالة عليا انا... 

ـ قال كلامه وسابها وقااام عدل هدومه وطلع بره الشقه ورزع الباب وراااه وسابها قااعده علي الكنبه بتعيط وبتتنفض بخووف ورعب من اللي كان هيعمله فيها، وبدأت تحس بأنها فعلا وحيده وغريبه في البيت اللي مهما حاولت تقنع نفسها انها واحده من اهله فهي هتفضل غريبه عنهم ومجرد ضيفه... 

ــــــــــ #بقلم_الكاتبه_رحاب_القاضي ــــــــ

_ وبعد شويه قدام الحضانه اللي هتقدم فيها ريناد لبنتها كان قاعد يزن جوه عربيته وهو مستني رينااد وبنتها، وفي الوقت ده وقف التاكسي قداام العربيه بتاعته واول ما شااف ريناد جوه التاكسي نزل بسرعه من عربيته وفتحلها الباب وقال.. 

يزن 

يا صبااح الفل هاتي القمر دي بقي عشان تعرفي تنزلي.. 

واخد منها تيا وشالها علي ايده بهدوء وقالها

سلمي عليا يلا وقوليلي اسمك ايه؟.. 

بصت تيا لريناد ببكاء وخوف ونزلت ريناد من التاكسي وقالت

معلش هي مستغرباااك عشان اول مره تشوفك هاتها.. 

يزن

لا لا خليها ما هي لازم تتعود عليا، وبعدين انا عمو يزن يا تيا بقي انا بتخااف مني.. 

ايتسمت ريناد بهدوء وقالت

هي دي الحضاانه.. 

يزن 

ااه تعالي بقي ندخل نتفرج عليها مدام عزه اللي مسكاها مستنيانا ماما كلمتها ووصتها عليكي فأطمني لو عجبتك هتبقي كل حاجه تمام.. 

ريناد 

بجد. انا مش عارفه اشكرك ازاي انت ومامتك.. 

يزن

طيب شوفي الجو الاول جوه ازاي وبعدين ابقي اشكرينا انا وامي براحتك.. 

_واخدها ودخلو الحضاانه وراحت ريناد مع المديره واتفرجت علي الحضانه كلها وتيا كانت طول الوقت ده قااعده مع يزن وكل شويه ريناد تبصلهم وتبتسم بهدوء وهي شيفااه وهو بيلعب معاها وبيحاول يخليها تتعود عليه.. 

عزه 

كده تمام يا مدام ريناد مش هنختلف علي حاجه.. 

ريناد

تمام بس بجد سعرها كويس جدا بالنسبه للامكانيات اللي موجوده في الحضاانه.. 

عزه

وان شاء الله بنت حضرتك هتكون مرتاحه جدا معانا، المهم الالتزاام في المواعيد والتواجد عشان تتعود علي الاطفال وتعرف تتعامل معاهم بسرعه

ريناد

ان شاء الله هكون ملتزمه معاكم جدا، كده هي هتبدأ من اول الشهر الجاي.. 

عزه 

ايوه ولو في اي جديد الاداره هتتواصل معاكي

ريناد 

ميرسي جدا، بعد اذنك.. 

عزه 

اتفضلي  يا مدام ريناد... 

_وسابتها ريناد ورااحت ليزن اللي كان بيفرج تيا علي موبيله وقالتله بحده.. 

ريناد

انت بتعمل ايه؟ 

يزن

بفرجها علي الفون جايبلها كرتون اكيد مش بشقطها يعني.. 

شالت ريناد بنتها وقالت

حرام عليك بجد انا مصدقت اخليها تبطل تعيط علي الموبيل والحاجات دي لانها خطر علي الاطفال في السن ده.. 

يزن قفل موبيله وقال

ما كنتش اعرف والله، المهم عملتي ايه مع مدام عزه؟.. 

ريناد 

خلاص اتفقت معاها علي كل حاجه وشكرا انك انت ومامتك موصينها عليا انا هبقي مطمنه اكتر كده علي تيا وهي هنا.. 

يزن ابتسم وقال

هو احنا عندنا اغلي من تيا.. 

ريناد

يا سلام ده انت لسه شايفها من اقل من ساعه.. 

يزن 

بس حبينا بعض اووي صح يا تيا؟ 

تيا ببراءه

صح يا زين.. 

يزن 

يالهوي مين زين ده انا يزن.. 

ضحكت ريناد وقالت

عشان هي متعوده علي زين ابن عمي واسمك. انت وزين قريبين من بعض.. 

يزن

ااه زين اللي هو هيخلي في نسب بين عيلتنا وعيلتكم.. 

ريناد 

ان. شاء الله بس انتو مصعبين الموضوع اووي عليه.. 

يزن

انا بالعكس ده انا اكتر واحد بيدعم. الموضوع ده، حتي كمان هخلي في نسب بين العيلتين الاول قبل زين عشان امهدله الطريق.. 

ردت عليه بتوتر وقالت 

طيب انا همشي بقي عشان سايبه اختي لوحدها في البيت.. 

يزن

طيب استني هوصلك... 

ريناد

لا لا مالوش لزوم انا هاخد تاكسي وانت بقي روح شغلك كفايه عطلتك كتير معايا.. 

يزن 

لا ابدا ده احلي وقت ده اللي قضيته مع تيا... 

ريناد بتوتر

تمام مااشي باااي بقي.. 

يزن 

استني هنا طيب هوقفلك تاكسي دقيقه واحده... 

_وطلع يزن فعلا وقفلها تاكسي ووركبت هي وتيا وحاسبلها علي التاكسي وبعد ما مشيت راح ركب عربيته ورجع شغله هو كمان.. 

ــــــــــ #بقلم_الكاتبه_رحاب_القاضي ــــــــ

_وفي الصعيد. كانت واقفه شهد مع ليلي في المطبخ ولميااء قااعده جنب علياء وقالتلها بصوت واطي.. 

لمياء

شايفه الوليه عامله ازاي بتلمع وكانها اخت بنتها،حسره عليا وعلي عمري اللي ضاع في الزعل والنكد.. 

علياء ابتسمت وقالت

الله واكبر نزلي عينك من عليها شويه الست هتطب ساكته دلوقتي.. 

لمياء

بس مش ملاحظه انها ماسكه في ليلي وقاعده معاها وبتتكلم معاها دول بقيو صحاب كمان.. 

علياء

وفيها ايه مش هنبقي نسايب.. 

لمياء

يمكن تفتح معاها موضوع ابنها ورضوي تاني.. 

علياء

يا لمياء هو انتي ما ينفعش تقعدي غير وانتي جايبه سيرة الناااس، وقومي ساعدينا في حاجه بدل ما انتي قاعده كده.. 

لمياء

تعبنااكي معانا يا مدام شهد.. 

شهد بهدوء

لا تعب ولا حاجه هو انا عملت ايه يدوب بساعدكم مش اكتر.. 

لمياء

بس شكلك شاطره في شغل المطبخ مع ان ما يبانش عليكي.. 

_بصتلها ليلي وعلياء بضيق وشهد ردت عليها بهدوء وقالت... 

شهد 

انا بحب اعمل اكل وحاجات كده لولادي ديما من زمان، ومن قبل ما اتجوز انا بعرف اطبخ اصلا

لمياء

هو انتي برضو كنتي من حاره شعبيه زي جوزك، اصلنا سمعنا انه كان سواق في موقف زمان.. 

ضربتها علياء في رجلها وليلي قالت بسرعه

بقولك ايه يا لميااء خدي واحده من البنات وروحي بقي هاتيلنا شوية حلويات وحاجات كده عشان العرسان انتي زوقك حلو في الحاجات دي.. 

لمياء

انا هاخد معايا مدام. شهد اهو نتعرف علي بعض اكتر انا وهي... 

علياء

خدي واحده من البنات مش عايزين نتعب مدام شهد معانا اكتر من كده.. 

شهد بهروب 

اااه انا تعباانه شويه من المشوار بتاع امبارح معلش.. 

قامت لمياء وقالت

خلاص هشووف واحده من البنات اخدها معايا.. 

وطلعت لمياااء بره وعلياء قالت لشهد 

معلش يا مدام شهد بس لمياء عفويه شويه واللي في قلبها علي لسانها.. 

ليلي 

قصدها تقولك انها حربايه ولساانها عايز قطعه، وما تاخديش عليها برضو بتبقي طيبه سعات... 

ضحكت شهد بهدوء وقالت

لا بالعكس دي لطيفه جدا، هي ريناد ما جاتش معاكم ليه انا كان نفسي اشوفها.. 

ليلي

بنتها بتتعب من السفر، بس انتي تعرفي ريناد منين؟ 

شهد بتوتر

ااا اعرفها سمعت عنها من الولاد.. 

علياء

انا هطلع اشووف اسرار ما نزلتش ليه قعدت مع البنات لحد دلوقتي.. 

طلعت عليااء من عندهم وليلي قالت بخبث

قولتيلي بقي انتي تعرفي ريناد بنتي منين؟ 

شهد بهدوء

بصراحه كده اعرفها من ناحية ابني الكبير هي كانت شغاله في المطعم عندنا من فتره وهو شافها واعجب بيها وان شاء الله اول ما نرجع القاهره والعده بتاعتها تخلص هنيجي نتقدم.. 

ابتسمت ليلي بهدوء وقالت

ان شاء الله اللي فيه الخير يقدمه ربنا، وريني صورة ابنك ده بقي؟ 

شهد ابتسمت وقالت

هو انتي ما تعرفيش يزن؟ 

ليلي

انا انا اعرف يوسف ولسه شايفه الاموره الصغيره ما شوفتش يزن ده خالص.. 

مسكت شهد موبيلها وطلعت صوره ليزن وقالت

اهو هو شبه يوسف اووي لانهم توأم.. 

ليلي

افتكرته كان عنده شغل مع رضوي وجه عندنا البيت قبل كده، بس بسم الله ما شاء الله ولادك حلوين ربنا يباركلك فيهم.. 

شهد 

شكرا جدا وانتي كمان بناتك زي القمر، انتي عندك ولاد تاني غيرهم؟ 

ليلي

ااه عندي طارق دكتور جامعي في كلية التربيه، بس قاعد مع ريناد وهنا.. 

شهد 

هنا دي بنتك برضو؟ 

ليلي

زي بنتي ما تختلفش عن بناتي، بنت واحد قريبنا بس الله يرحمه فعايشه معانا.. 

شهد 

ربنا يخليهملك انا هتفق معاكي انتي الاول علي موضوع يزن وريناد وبعد كده يبقي يزن وباباه يكلمو هما الاستاذ حسن ويتفقو مع لعض لوحدهم... 

ليلي

تمام اتفقنا والله يعلم ربنا انا حبيتك اووي ودخلتي قلبي علي طول.  

شهد 

شكرا ده من ذووقك والله.. 

_وبره كانت قااعده رضوي هي ورينااد ويارا قااعده مع روفان وروز وبتتكلم معاهم بكل براءه. 

روان 

دي دماغها صغيره دي بتتكلم مع روز وروفان، بقي دي عروسه ازاي دي.. 

رضوي

عادي هي ممكن تكون متوتره مني انا وانتي فقعدت مع البنات الصغيرين، هنا برضو لما جات عندنا قعدت مع روفان وروز لانها ما كانتش واخده عليا انا وريناد.. 

روان 

ياراا هتفضلي قاعده مع العيال كده تعالي اقعدي معانا.. 

قامت يارا وقعدت جنبيهم وقالت

لا بس هما كيوت اوي وحبيت الكلام معاهم.. 

رضوي

انتي في سنه كام يا يارا؟ 

يارا 

رايحه تالته ثانوي.. 

روان 

شكلك اصغر من كده.. 

يارا 

يعني دي حاجه حلوه ولا وحشه.. 

ضحكت رروان ورضوي كمان اللي قالت

لا هي قصدها حاجه حلوه اكيد.. 

يارا 

وانتي كمان شكلك صغير انا استغربت انك متجوزه.. 

روان 

لا بس انا معديه العشرين كبيره يعني مش متجوزه صغيره.. 

رضوي 

قوليلي يا يارا هي امتي خطوبة يوسف اخوكي؟ 

يارا

يوسف؟ هو يوسف خطب امتي اصلا؟ 

رضوي

هو مش خطب البنت اللي اسمها نيللي الجرجيري باين؟ 

يارا

لا هو كان هيخطبها بس ما اتفقوش هما الاتنين والموضوع اتقفل.. 

وبصتلها بخبث وقالت

هو بيحب واحده تانيه ومش راضي يتجوز بسببها.. 

روان 

احمم احنا تقريباً نعرفها الوحده التانيه دي برضو.. 

اتوترت رضوي ويارا ابتسمت وقالت

ااه واحنا برضو كلنا في البيت عارفين انه بيحبها ده احنا مسمينه بتاع رضوي.. 

ضحكت روان ورضوي قالت بصدمه 

بتاع رضوي هي وصلت لكده؟.. 

يارا بقلق

انا شكلي كده عكيت الدنيا.. 

جات لمياء في الوقت ده وقالت

يارا ما تيجي معايا ننزل المحافظه كده نجيب شوية حاجات سوا.. 

يارا 

اوكي ما عنديش مشكله بس بابي ممكن ما يوافقش.. 

لمياء

تعالي معايا انا هقوله يلاا.. 

ومسكت ايدها واخدتها وطلعو وروان قالت بسخريه

البت وقعت في ايد من لا ترحم.. 

رضوي

اراهنك هتيجي كارهه زين والعيله كلها... 

دخل زين عندهم وقال

انتو قاعدين وسايبين عمتو لمياء واخده يارا وماشيه

روان 

هنعملها ايه طيب، لو كنا اتكلمنا كانت هتسمعنا كلمتين ما لهمش لازمه

زين 

واحده منكم تيجي تروح معاهم، يارا مش قد عمتي.. 

روان 

كان علي عيني بس عبدالله لو خرجت من البيت هيكسر البيت ده فوق دماغي، خلي رضوي تروح معاهم.. 

رضوي

علي اساس ان انا اللي هقدر علي عمتك.. 

زين

عشان خاطري يا رضوي انا اول مره اطلب منك حاجه.. 

رضوي 

يووه قايمه اهو يا عم.. 

_وطلع هو ورضوي واول ما شافهم يوسف قام وقال بسرعه... 

يوسف

انا عايز اروح معاهم... 

يونس

تروح معاهم فين اتنيل اقعد.. 

يوسف

عايز اتفرج علي البلد دي شويه وبعدين هو انا هاجي اقعد هنا وساكت وحاطط ايدي علي خدي.. 

عز

خلاص يا عبدالله انت وزين روحو معاهم.. 

عبدالله

ياريت ينفع بس انا عندي حاجه مهمه في الشغل لازم اروح اخلصها وارجع علي طول.. 

زين

هروح انا ويوسف خلاص مش مشكله.. 

لمياء

طيب يلا بقي عشان ما نتأخرش ونلحق نرجع بسرعه.. 

يوسف

هات مفتاح عربيتك يا بابا انا اللي هسووق. 

يونس بصوت واطي 

الله يخربيت ابوك يا شيخ... 

_كتم يوسف ضحكته واخد مفتاح العربيه من يونس ومشيو هما الخمسه وعبدالله استئذن منهم ورااح شغله.. 

حسن 

منورنا والله يا يونس بيه.. 

عز 

بيه... ده تقوله يا يونس عادي احنا بقينا اهل.. 

يونس

طيب اخوك راجل محترم مالك وماله، ومنور بأهله يا استاذ حسن الواحد ليه الشرف انه اتعرف علي ناس محترمين زيكم.. 

حسن 

الشرف لينا احنا

عز

شايف يا يونس مش قولتلك انا عيلتي كبيره في الصعيد وكنت بتكدبني.. 

يونس

انا كنت مكدب انك صعيدي اصلا دي مش اخلاق صعايده اللي انت كنت فيها دي.. 

حسن

عز ادلع شويه من ابويا الله يرحمه فتحسه مختلف شويه عننا.. 

يونس

شويه ايه ده فرق السما والارض بينك وبينه، هي ام زين ما جاتش ليه معاك صح؟ 

عز 

سيبها براحتها دلوقتي.. 

حسن 

لا انت سيبها براحتها علي طول، هي معذوره يعني انها ما تجيش.. 

عز 

لا ما انا هرجعها وهعمل عيله سعيده انا وابني ومراتي هو متأخر شويه بس تتعوض.. 

حسن 

والله ياريت يا عز ده مني عينا كلنا من زمان ان يبقالك بيت وعيله بدل ما انت عايش لوحدك كده.. 

يونس

بص انت اسمع كلامي وهي هتوافق ترجعلك بس تاخد مني ومتراجعش، واخوك اهو قاعد وهيقولك ان انا معايا حق.. 

عز 

طيب سمعنا يا اخويا يمكن يبقي الفرج علي ايدك.. 

ــــــــــ #بقلم_الكاتبه_رحاب_القاضي ــــــــ

_وفي اوضة اسرار كانت قاعده معاها علياء اللي قالتلها بحزن وضيق.... 

علياااء

انا عايزه افهم ده منظر عروسه، قاعده لوحدك يا بنتي وقافله علي نفسك وبتعيطي ليه كل ده؟ 

اسرار ببكاء

حقك عليا يا مرت عمي بس والله غصب عني انا كان نفسي في يوم زي ده يكون معايا عمر اخويا وامي، وكمان فوق كل الحزن ده انا قلبي مقبوض اووي وخايفه قوي من كمال

علياء

لو علي امك واخوكي فأدعيلهم ربنا يجعل الجنه نصيبهم، ودي حكمة ربنا مش كل شويه هتعملي المناحه دي اصبري عشان ربنا يعوضك، وانك خايفه من كمال ده انا فهماكي بس وهو خطيبك حاجه واول ما يبقي جوزك ويتقفل عليكم باب واحد. الموضوع هيختلف خالص.. 

اسرار بحزن

ان. شاء الله يا مرت عمي.. 

علياء

طيب امسحي دموعك دي يلا وغيري هدومك وانزلي اقعدي معانا تحت، ده الكل النهارده متجمع عشان خاطرك انتي وانا جنبك ومعاكي وما تخافيش كمال مش وحش اووي يعني لدرجة انك تعيطي كده من الخوف منه.. 

_ابتسمت اسرار بمجامله ورااحت غيرت هدومها فعلا ولبست فستان بسيط ولبست حجابها ونزلت قعدت معاهم تحت وكل ما تفتكر انها خلاص هتبقي مرات كمال كمان كام ساعه بتترعب وتخاف اكتر.. 

ــــــــــ #بقلم_الكاتبه_رحاب_القاضي ــــــــ

_وعند يوسف كان سايق عربية باباه ووقفو قدام سووق كبير في المحافظه... 

يوسف

هتجيبو ايه بقي؟ 

لمياء

حد منكم ينزل يجيب معايا الطلبات.. 

زين 

انا تعبان يا طنط مش هقدر اشيل حاجه ولا الف كتير.. 

رضوي بخبث

يوسف روح مع طنط لميااء.. 

يوسف

هو انا جاي في الشمس دي عشان اروح مع طنط لمياء.. 

لمياااء بحده 

اومال انت جااي عشان مين، انزل يا واد انت ما حدش غيرك هيجي معايا.. 

يوسف

صليي علي النبي بس يا حجه، انا ما اعرفش البلد هنا هنتوه انا وانتي وبعدين يارا تروح معاكي.. 

يارا

لا انا رايحه اشتري حاجات من هنا روح يا يوسف وبعدين انت ذوقك حلو في الحلويات والاكل.. 

يوسف 

ماشي يا جزمه بس نرجع البيت.. 

لمياء

اخلص يا واد انت وانزل يلااا.. 

_نزل يوسف ولبس النضاره بتاعته ومشي مع لميااء، ورضوي قالت بحمااس.. 

رضوي

مش هنقعد في العربيه اكيد تعالو نقعد في كافي حلو هنا.. 

زين

هو في كافيهات هنا؟ 

رضوي

ايوه كتير واماكن حلوه كمان، تعالو يلااا... 

_نزلو هما التلاته وراحو قعدو في كافي بسيط ومسكت رضوي ايد يارا وقالت بفضول وهي بتبص للساعه اللي في ايدها.. 

رضوي

هُيامي؟! ايه الاسم ده وايه الساعه دي شكلها رجالي.. 

بصت يارا لزين اللي قال بهدوء

ايوه ما دي الساعه بتاعتي انا اديتهالها.. 

رضوي 

وايه الاسم اللي عليها ده؟ 

زين 

انا بقول ليارا يا هيامي وحاجه كده خاصه بيني وبينها انتي مش هتفهميها.. 

ضحكت رضوي وقالت

حاضر هخليني في حالي، اصلا شكلي غبي اووي وانا قااعده مع اتنين اصغر مني بكتير ومخطوبين كمان.. 

يارا

طيب ما توافقي بيوسف علي فكره هو بيحبك جدا وديما بيكلمني عليكي وبيتكلم مع يزن عنك برضوا ومع ماما.. 

زين 

انا كمان واخد بالي من حاجه زي دي، انتي اصلا ليه رفضاااه

رضوي بضيق

اخته ترد عليك اكيد هي عارفه اخلاق اخوها كويس.. 

يارا

والله كان زمان... 

رضوي

يا شيخه ومين بقي اللي قالك كده.. 

يارا

اخويا بقي وعرفاااه كويس، وبقولك والله انه اتغير هو بطل يسهر زي زمان وبقي بيشتغل مع بابي وملتزم جدا وكلنا عارفين انه اتغير عشانك وعشان بيحبك.. 

_وفي الوقت ده كانت واقفه لميااء في محل حلويات ومعاها يوسف اللي ماسك علبه صغيره فيها شوكلاته وبيااكل فيها.. 

لمياء

يا واد اختار معايا طبق الحلويات ده احلي ولا ده احلي.. 

يوسف ببرود

الاتنين مش حلوين.. 

لمياء

طيب تعالي نشووف محل تاني اصلا حاجتهم رخيصه ومش عجبااني.. 

يوسف

طيب روحي انا واستناكي.. 

سحبته لميااء من دراعه وقالت

لا تعالي معايا عشان تشيل.. 

يوسف 

انتي ساحبه جموسه سيبي ايدي، وبعدين انا ما بحبش امشي في الشمس وانتو تقريبا بلدكم دي اقرب نقطة في الارض للشمس.. 

لمياء بسخريه وهي ماشيه جنبه

ما تنشف كده ليها الحق ترفضك ده ارجل منك.. 

يوسف بغيظ

هي مين دي؟ 

لمياء

هو انت اترفضت من كام واحده.. 

يوسف

هي واحده منها لله جيبالي الكلام.. 

لميااء

وانت قولتلي بقي تعرف رضوي منين؟ 

يوسف 

انا ما قولتش حاجه اصلا؟ 

لميااء

تعرفها منين برضو؟ 

يوسف بملل

كنا بنشتغل مع بعض.. 

لمياء

وانت بتحب كل البنات اللي بتشتغل معاهم.. 

يوسف

لا.. هو في ايه يا طنط انتي مش طيقااني ليه؟ 

لمياء

ليه كده بس يا ابني ده انا حتي حبيتك من لما شوفتك كده، شكلك طيب وعبيط.. 

يوسف بغيظ

اللهم طولك ياااروح، في محل حلويات هناك اهو يلا نروح ونجيب ونخلص.. 

لمياء

طيب قولي هي مدام. شهد تبقي امك ولا مرات ابوك؟ 

يوسف

الاتنين؟ 

لمياء

والنبي ما يبان عليها انها مخلفه شحط زيك.. 

يوسف

الله واكبر سيبي الوليه في حالها.. 

لمياء

وابوك برضو.. 

يوسف

ماله هو كمان.. 

لميااء

يبان اخوك حقها امك تبقي بالشكل ده، عيني عليا وعلي حظي اتجوزت راجل خلاني كبرت وعجزت قبل اواني

يوسف

ادخلي شوفي هتجيبي ايه لحد. ما اكلم امي وابويا اطمن عليهم لسه عايشين ولا الارض اتشقت وبلعتهم.. 

_وفي الوقت ده في الكافي كان زين ويارا بيحاولو يقنعو رضوي توافق بيوسف، فزعقت فيهم وقالت.. 

رضوي

بس انتو الاتنين كلتو دماااغي بجد. ايه ده.. 

يارا

اهو يوسف بيكلمني شكلهم خلصو.. 

وردت عليه وقالت

ايوه يا يوسف.. في ايه طيب اهدي تعالي احنا في كافي اللي قدام العربيه.. 

زين 

في ايه؟ 

يارا بقلق

مش عارفه متعصب ليه كده؟ 

ابتسمت رضوي وقالت

انا عارفه هو متعصب ليه مش مع عمتو لميااء.. 

دخل يوسف عندهم وقرب منهم وقال

يلا نمشي انا غلطان اني جيت في وش الوليه الحيزبونه دي.. 

رضوي 

احترم نفسك واتكلم علي عمتي كويس.. 

يوسف بغيظ

تتحرقي انتي وعمتك ده انا اخدت كمية ذنووب الوليه مش مبطله نم علي خلق الله،وبعدين هي مالها ومال امي هي امي ناقصه... 

زين

طيب خلاص انا هروح معاها خليك انت هنا.. 

يارا قامت وقالت ليوسف

اتكلمنا انا وزين مع رضوي وظبطنا الدنيا.. 

يوسف

ظبطو الدنيا ازاي؟ 

يارا 

زي ما بابا قالك اتكلم معاها تاني هتلاقيها موافقه بيك، اسمع مني ومش هتخسر.. 

يوسف

طيب روحي اقعدي في العربيه، وخدي المفتاح اهو خلي زين يروحكم.. 

يارا 

وانتو هترجعو ازاي؟ 

يوسف

مالكيش دعوه.. 

قامت رضوي وقالت

احنا هنمشي طيب ولا ايه؟ 

يوسف

لا اقعدي انا عايز اتكلم معاكي الاول.. 

يارا 

انا هشوف زين فين.. 

مشيت يارا ويوسف بصلها بغيظ وقال

قولت اقعدي في العربيه يا بت.. 

رضوي

في ايه؟ 

يوسف 

اقعدي طيب الاول.. 

قعدت رضوي قدامه وقالت

نعم في ايه يا يوسف؟ 

يوسف 

انا ما خطبتش علي فكره ومش هقدر اخطب ولا اتجوز اي واحده غيرك.. 

رضوي بهدوء

اومال انت قولتلي ليه انك. خطبت، والانسه اللي كانت معاك في المطعم دي كانت ايه؟ 

يوسف 

صديقه وكنت متفق معاها تساعدني اخليكي تغيري عليا وتنطقي بقي وتقولي انك بتحبيني زي ما انا بحبك.. 

ابتسمت رضوي بهدوء وهو قال بخبث

ايه بقي الابتسااامه دي معناها ايه؟ 

رضوي بتوتر

انت عايز ايه يا يوسف؟ 

يوسف 

انتي عارفه كويس انا عايز ايه، بس هقولك تاني وتالت ولاخر عمري انا بحبك وعايز اتجوزك يا رضوي وعايزك تبقي معايا لاخر عمري، ولو رفضتي هحاول تاني وتالت وعلي طول لحد ما توافقي.. 

رضوي بهدوء

طيب عندك. بابا قوله هو الكلام ده.. 

يوسف 

لااااا اضمنك الاول انك هتوافقي ولا هتعملي زي المره اللي فاتت.. 

رضوي 

وانت عايز تضمني ازاي ان شاء الله؟ 

يوسف بخبث

انتي موافقه بيا ولا لا.. 

ضمت ايدها لبعض بتوتر وقالت

موافقه يا يوسف.. 

ابتسم يوسف باتسااع وقال

موافقه ليه بقي؟ 

قامت وقفت وقالت 

ما تبقااش رخم بقي موافقه وخلاص، ويلا نمشي ادفع الحساب مش معايا فلوس.. 

يوسف وقف قدامها وقال 

اسمعها الاول هتوافقي بيا ليه؟ 

رضوي بتوتر 

يا يوسف النااس بتتفرج علينا عيب كده.. 

يوسف 

ماليش دعوه بحد... 

رضوي 

يا ابني هتنفضح والله.. 

يوسف 

هنفضل واقفين للصبح لو ما اتكلمتيش... 

_رضوي بصوت واطي ووشها قلب احمر ردت عليه وقالت بتوتر.. 

رضوي 

عشان يعني الفتره اللي عدت بدأت اشوفك بصوره مختلفه.. 

يوسف 

رضوي اختصري يا حبيبتي قولي الكلام المفيد.. 

رضوي بصت للناس اللي بتبصلهم وقالت

طيب مش هنا النااس بتتفرج علينا واحنا هنا كمان في الصعيد ما ينفعش نقف كده... 

يوسف

هي كلمه واحده اسمعها وخلاص مش عايز حاجه تاني.. 

رضوي 

طيب بعدين بعد ما تكلم بابا.. 

ابتسم. يوسف وقال

اسمعها الاول انتي موافقه تتجوزيني؟ 

رضوي

قولت ايوه موافقه خلاص بقي.. 

يوسف 

موافقه ليه؟ 

ضحكت رضوي بقلة حيله واخدت نفس عميق وقال

موافقه اتجوزك عشان اتنيلت علي عيني وحبيتك ارتحت كده.. 

ابتسم. بأتسااع وقال

طبعا ارتحت ده انا سفيت تراب الارض عشان اسمع الكلمتين دول، بس عشان انا ما اضمنكيش برضو سجلتهم وهسمعهم لابوكي دلوقتي وهخطبك منه.. 

رضوي بصدمه 

سجلت ايه يا مجنون انت؟ 

يوسف

سجلتلك وانتي بتقولي موافقه اتجوزك عشان بحبك، يلا بقي هروح حالا اخطبك من ابوكي.. 

رضوي

تخطب مين استني هنا يا مجنون انت.. 

_مشي يوسف بسرعه وهي جريت ورااه وقالت

ولااا خد هنا خلاص مش عايزه رجعت في كلامي انت هتفضحني كده يخربيتك... 

ــــــــــ #بقلم_الكاتبه_رحاب_القاضي ــــــــــــ

_وبعد شويه وصل يوسف لبيت القاضي ودخل لقي باباه وحسن وعز لسه قااعدين مع بعض،وقبل ما يروحلهم مسكته رضوي من دراعه وقالت بتوتر وقلق. 

رضوي

يوسف بلاش هبل واستني انا هكلم بابا الاول.. 

يوسف 

انا مش هضيع وقت والاقيكي غيرتي رئيك في الاخر دلوقتي هتقدملك واللي يحصل يحصل.. 

لمياء

ما تسبيه يتقدم يا رضوي يا بت ده انتي خلاص قربتي تعدي التلاتين سنه وانتي قاعده في قرابيزنا.. 

زين بسخريه

واحنا قرابيزنا مش مستحمله.. 

_سابهم يووسف ودخل بسرعه وقعد. جنب حسن وقال بجديه.. 

يوسف 

بقولك ايه يا عمي انا طالب منك ايد رضوي وهي موافقه وعندي الدليل.. 

حسن. 

دليل ايه وموافقة ايه بالراحه كده... 

يونس 

ايه يا يوسف الحاجات دي ليها اصول.. 

يوسف 

ما اهو بتكلم بالاصول هو انا قولت ايه؟ 

عزالدين 

ما الراجل بيتكلم عادي اهو يا جماعه مالكم وماله، انا عن نفسي موافق.. 

يوسف

المهم عمي حسن حضرتك موافق بيا؟ 

حسن 

طيب يا ابني استني اشووف رأي بنتي الاول.. 

يوسف

موافقه وانا عشان اثبتلكم كلكم انها موافقه انا سجلتلها وهي بتقول انها موافقه.. 

يونس 

سجلت ايه يا ابن الحمار في حد بيقول كده.. 

_ضحكو كلهم ورضوي كانت واقفه ومتوتره جدا وجات تسيبهم وتدخل بس حسن قال بهدوء.. 

حسن. 

رضوي استني الكلام اللي بيقولو يوسف ده صح؟ 

رضوي بتوتر 

هه هو صح بس القرار الاول والاخير لحضرتك يا بابا اكيد يعني.. 

عز الدين 

يبقي علي بركة الله يا حسن بقي، ده احنا ما صدقنا انها توافق علي عريس.. 

بصله حسن بحده ويونس قال بهدوء

احنا يشرفنا طبعا يا استاذ حسن اننا بقي ناخد رضوي، واللي تطلبه احنا جاهزين ليه واهو البيه قدامك شاري بزيااااده... 

حسن 

هو عارف رأيي فيه من الاول ولا ايه يا يوسف.. 

يوسف

طيب نقرا الفاتحه بقي.. 

عز 

ها يا حسن خلي الفرحه فرحتين ونقرا الفاتحه دلوقتي وبعد كده نتفق علي كل حاجه.. 

حسن

طيب اندهو الجماعه من جوه ونقرا كلنا الفاتحه سوا.. 

_ابتسم يوسف بأتسااع وبص لرضوي بنظره عاشقه زادت من توترها وكسوفها قدام اهلها.. 

_واتجمعو فعلا كلهم وقرأو الفاتحه سوا في اجواء عائليه جميله وسط سعادة الكل.. 

_فهل ستدوم سعادتهم ام للقدر رأي اخر؟ 🙈

ــــــــــ #بقلم_الكاتبه_رحاب_القاضي ــــــــ

_بالليل في شقة عز الدين كانت ريناد قااعده مع طارق وهي متعصبه جدا وقالتله.. 

ريناد 

لو بابا عرف باللي انت عملته مع هنا ده مش هيحصل كويس، وحقه بصراحه انت ازاي اصلا عملت كده، البت حالتها زي الزفت بسببك والمفروض يكون عندك ثقه فيها ما هي بابا جابلها موبيل لو هي بتكلمه كان هو عرف ان معاها موبيل مش يجيبلها واحد، انت اللي نيتك وحشه وبتعلق سبب رفضها ليك علي اي حاجه تغلطها هي... 

طارق بضيق

ما تكبريش الموضوع هي غلطت وانا غلطت وبعدين لما يجي ابوكي انا ليا كلام معاه 

ربناد 

ده اللي هو ازاي انت كمان اللي هتقوله؟! 

طارق

هقوله اني عايز اتجوزها بأي طريقه ولو ما وافقش هتجوزها من ورااه انا مش صغير اصلا عشان اخد منه الاذن 

ريناد 

انت مالك بجد في ايه، وبعدين ما تتقبل فكرة انها مش عايزااك بس ازاي انت ما ينفعش تترفض.. 

طارق بحده 

ايوه ما ينفعش اترفض وهي مالهاش عين تقول عليا لا وهي قااعده في بيتنا.. 

ريناد 

يا سلام وهو اللي عملو ابوها قليل، هي مش هنا دي وصية عم سيد الله يرحمه، عم سيد اللي كنت لما بتتخانق مع بابا بتنزل تقعد معاه وتقول ده ابويا التاني وانت وصغير كنت بتقول عليه صاحبي الكبير، هي مش هنا دي بنته هان عليك تعمل في بنته كده، بس ده الواطي قليل الاصل اللي ما بيعرفش يصون الامانه، وعلي فكره اول ما يجي بابا انا اللي هقوله علي اللي انت عملته عشان يوقفك عند حدك وهنا قاااعده معانا في بيت بابا مش بيتك انت وهي اختنا مش غريبه واحنا بنتعامل معاها كويس عشان بنحبها وانا واخواتك بنعتبرها اخت لينا بجد يا طارق... 

اتنهد طارق بضيق وقال 

ابعتيلي الطلباات اللي انتي عايزاها علي الواتس وانا هروح اجيبهم 

ريناد

طيب.. 

ـ وطلعت ريناد من عنده وهو قعد مدايق وندمان علي تصرفاااته الغاضبه مع هنا، ورن موبيله برقم يزن فرد عليه وقال بهدوء.. 

طارق

الو.. 

يزن 

فينك يا عم هو ده اللي هفضي واكلمك ونتقابل؟ 

طارق

والله في بالي اكلمك انت ويوسف ونتقابل بس مشاغل بقي.. 

يزن 

المهم انا عايز اشووف الكافي بتاعك في واحد صااحبي عايز يبقي شريك معاك.. 

طارق

لااا بلاش انا مش عايز شركا، بسبب الشركا والكلام ده اخدت مقلب معتبر ومش عايزه يتكرر تاني

يزن

بقولك صاحبي ولولا ما حد واثق فيه ما كنتش هجيبهولك، المهم خلينا نتقابل وانا هعرفك عليه

طارق

طيب تعالي عندي البيت ونروح سوا الكافي

يزن 

اوكي انا في الطريق اهو... 

ـ قفل معاه طااارق ونزل عشان يجيب الطلباات اللي عايزاها ريناد، وفي الوقت ده في بيت الاستاذ حسن كانت قااعده ريناد مع هنا في اوضتها وقالتلها.. 

ريناد 

والله انا هزأته علي الجزمه وحقك عليا انا. ولما يجي بابا كمان هنقوله

هنا 

لا ما تقوليش حاجه لحد انا اللي كنت غلطانه.. 

ريناد

حتي لو غلطتي هو مالوش حق يتصرف معاكي كده دي قلة ادب.. 

هنا بصتلها بحزن وقالت

بس هو اخوكي وما ينفعش تعملي مشكله بينه وبين بابا حسن بسببي

ريناد 

وانتي كمان اختي وطارق لازم يتربي علي اللي عملو ده ويعرف حدوده كويس، انا بجد مصدومه ومش مصدقه هو ازاي قدر يعمل كده الحيوان.. 

_اتملت عيون هنا دموع وقبل ما تتكلم ريناد الباب خبط، فسابت تياا مع هنا وقامت راحت فتحت الباب ولقيت سيف واقف قدامها.. 

ريناد

خير عايز ايه؟ 

سيف

عايز بنتي.. 

ريناد 

انت عارف ان هما مسافرين لما يبقي بابا وعمو عز يرجعو تعالي وقولهم انك عايز بنتك.. 

جات تقفل الباب بس هو ذقه جامد وقال بحده

هو انا جااي اشحت منك، انا جاااي اشوووف بنتي يا ريناد.. 

ريناد بعصبيه

ما فيش حد في البيت غير انا وهنا ازاي هخليك تدخل وانا وهي لوحدنا.. 

سيف 

وفيها ايه انا ابن عمتك وابو بنتك، وعايز اتكلم معاكي في موضوع تاني.. 

اتنهدت بضيق وقالت

استني تحت طارق بيجيب شوية حاجات وجاي وابقي اطلع معاه.. 

زق سيف الباب ودخل وقال 

بطلي افوره بقي وتعالي خلينا نتكلم زي اي اتنين عاقلين.. 

_ودخل رااح قعد في الصاله وطلعت هنا عندها وهي شايله تيا وقالتلها... 

هنا

هو ايه اللي جابه ده هنا؟ 

ريناد 

مش عارفه ادخلي بتيا جوه وانا هشوفه عايز ايه وهكلم طارق يجي بسرعه.. 

هنا 

مااااشي يا ريناد... 

_ورجعت هنا قعدت في اوضتها هي وتيا، وريناد كلمت طارق بس ما ردش عليها، فأتنهدت بضيق وراحت قعدت مع سيف وقالتله.. 

ريناد

نعم عايزني في ايه؟. 

سيف

انتي عاجبك الوضع اللي احنا فيه ده؟ 

ريناد

ايوه عاجبني جدا في حاجه ولا ايه؟ 

سيف

لا يا ريناد الوضع ده لا عاجبك ولا عاجبني، فكري كويس هتلاقي ان احنا لو رجعنا لبعض هنكون احسن وتيا كمان هتبقي كويسه وهي عايشه مع باباها ومامتها.. 

ريناد 

ارجعلك... تاني يا سيف ليه هو انت شايفني غبيه اووي للدرجه دي، وبعدين انت نسيت انك طلقتني بالتلاته.. 

سيف

ليها الف حل بس لو انتي موافقه نرجع؟.. 

ريناد

مستحيل ده انا ما صدقت رجعت اعيش حياتي صح، ارجعلك ليه شوفت منك ايه انت عشااان ارجعلك؟!.. 

سيف 

يعني انتي طول السنين دي كلها ما شوفتيش مني حاجه كويسه؟ 

ريناد 

الوحش اللي شوفته معاك غطي علي الحلو، وبعدين انا عرفااك كويس انت ايه اللي خلااك تفتح موضوع رجوعنا ده ايه مصلحتك في رجوعنا.. 

بصلها بتوتر وهي قالت

ايوه مصلحه زي مصلحتك لما اتجوزتني انك تخلي بابا يتوسطلك عند عبدالله عشان تشتغل معاه، ايه المره دي كمان عايز بابا يتوسطلك عنده عشان يرجعك بعد ما عرف انك بتسرقه.. 

سيف بحده

لمي لسااانك يا ريناد واحترمي نفسك 

ريناد بحده

احترم نفسك انت بقي، بزمتك مش مكسووف من نفسك بنتك اللي انت جااي تدور عليها دي شكلها ايه لما تكبر ويتكلمو قدامها ان ابوها راجل حراامي.. 

سيف

انا اقسم بالله غلطان اني عملتلك قيمه تاني وجيت ارجعك، ما انتي لو ست بجد كنتي خلتيني انسي شرين مش افضل فاكرها واتجوزها عليكي المشكله فيكي انتي اللي ناقصه حاجات كتير.. 

ريناد بهدوء

مش هي بالنسبالك ست بجد وماليه عينك اشبع بيها وسيبني انا وبنتي في حالنا، وعلي فكره كلامك ده مش هيأثر فيا زي زمان لاني بقيت شايفه نفسي كويس دلوقتي انا فعلا كنت ناقصه حاجات كتير عشان اتجوزت واحد اناني زيك.. 

قام سيف وقف وقال بحده 

من الاخر طيب هاتي الفديو اللي معاكي بتاع شرين.. 

ريناد وقفت قدامه وقالت

ايه هتروح تبلغ عنها وتجيب حق بنتك؟... 

سيف

شرين ما غلطتش في حاجه عشان ابلغ عنها، دي زي امها وبنتك بتقول الفااظ وحشه وهي كانت بتربيها التربيه اللي انتي واهلك ما تعرفوهاش

ريناد 

وحيااة امك؟!.. 

سيف 

احترمي نفسك.. 

ريناد. 

لا ده. انت اللي تحترم نفسك وتتكلم عني وعن اهلي كويس، والفديو مش هتاخده وفي اقرب وقت هبلغ بيه وهخلي حضانة بنتي ليا لوحدي يا سيف ومش هتشوفها خالص، عشان لو انت بتحبها اصلا ما كنتش خليت الحيوانه دي علي ذمتك يووم واحد بعد اللي عملته في بنتك

سيف

قولي كده بقي بتساومي اني اطلقها مقابل الفديو 

ريناد 

لا لا انا في الحالتين هبلغ بالفديو بس في الوقت المناسب، انت بقي تطلقها تخليها علي ذمتك دي حاجه ترجعلك انت.. 

سيف 

اكسري الشر يا ريناد وامسحي الفديو من عندك قدامي خالص، وكمان تمسحي كل حاجه علي الموبيل خالص عشان اضمن انك مش هتأذي مراتي

ريناد بحده 

انت ما بتفهمش يعني بقولك مش همسحه وهبلغ بيه، واتفضل اطلع بره وما تجيش تاني هنا غير لما تكلم بابا او عمو عز.. 

سيف مسكها من دراعها جامد وقال

انتي ازاي تعلي صوتك عليا، نسيتي نفسك ولا ايه وايه رئيك بقي اني بالذووق بالعافيه هاخد الموبيل كله باللي عليه يا ريناد.. 

ـ وعلي صوتهم العالي طلعت هنا من اوضتها وهي شايله تيا اللي بتعيط بخوف، وبتردد وقلق اتصلت بطارق عشان يجي بسرعه.. 

ــــــــــــــــــــ

_وفي الوقت ده تحت البيت وصل يزن ونزل من عربيته وهو بيحاول يكلم طارق اللي كان لسه واصل هو كمان وماسك في ايده شنط كتيره وقال.. 

طارق

اهلا وسهلا نورت المنطقه كلها يا يزن.. 

يزن 

ده نورك والله.. انت مش فاضي ولا ايه.. 

طارق

لا لا فاضي بس دي طلباات للبيت هطلعها واجيلك علي طول.. 

يزن 

ماشي وانا مستنيك.. 

_ورن موبيله برقم هنا كان هيتجاهل اتثالها بس رد عليها وهو داخل البيت وقال بجمود.. 

طارق 

عايزه ايه؟ 

هنا 

انت فين تعالي بسرعه سيف هنا.. 

وقف طارق وقال بقلق

اييه سيف فووق، سيف ابن عمتي لميااء.. 

بصله يزن بأهتمام وهنا قالت بدموع وخوف

الحق يا طارق ده بيضربها.. 

طارق بصدمه 

بيضربها ازاي ابن ال..... ده ليلة اهله سودا... 

_وطلع بسرعه فووق واول ما يزن سمع كلام طارق وفهم ان سيف بيضرب ريناد، طلع هو كمان ورا طارق بسرعه من غير اي تفكير، وقلبه كان مقبوض عليها جدا وكل اللي كان بيفكر فيه انه يطمن عليها ويطلع اللي سمعه كده، بس اول ما وصل فووق ودخل ورا طارق للاسف لقي سيف ماسكها من شعرها وموبيلها متكسر علي الارض، وهي بتقزله ببكاء ونبره كلها خوف.. 

ريناد 

ابعد عني يا حيوان... 

_دخل طارق بسرعه وذقه بعيد عن ريناد ولكمه في وشه بكل قوته وقال بحده وغضب وهو بيضربه بأكتر من لكمه في وشه وسيف واقع قدامه علي الكنبه مش قادر يداافع عن نفسه قدام غضب طارق.. 

طارق

بتمد ايدك عليها يا حيوان ده انا هطلعك من هنا علي قبرك.. 

حاولت ريناد تبعده عنه وقالت بخوف 

سيبه يا طارق هتضيع نفسك بسببه كده سيبه عشاان خاطري.. 

‌‌_ما اهتمش طارق بكلامها وكمل عنفه علي سيف، فبصت هي ليزن اللي كان واقف هادي وقالتله بحده.. 

ريناد

انت واقف تتفرج يا يزن تعالي امسكه وابعده. عنه بسرعه، ده هيموته في ايده.. 

ـ قرب يزن منهم بهدوء وابعد طارق عن سيف اللي وشه كله بقي دم، وطارق قال بعصبيه.. 

طارق 

اوعي يا يزن والله العظيم ما هسيبه الواطي ده النهارده.. 

قام سيف وهو ماسك وشه بألم وقال 

انت بتتشطر عليا انا وعامل راجل، طيب لم اختك الاول اللي مقضياها صرمحه مع الكلب اللي جنبك ده.. 

جه طارق يتكلم بس يزن قال بجديه

استني انت ده غلط فيا انا وانا اللي هرد عليه.. 

_وبص لسيف وبكل قوته لكمه في وشه، فسيف وقع علي الارض فاقد الوعي.. 

يزن 

عشان تبقي تغلط في يزن الصاوي تاني يالا.. 

ريناد بقلق

هو ماله ما بيتحركش ليه.. 

طارق بقلق

يا نهار اسود ليكون مات بجد... 

بص يزن لايده وقال

ما تأفرووش يا جماعه ده بوكس عادي هو اللي طري.. 

_قعدت ريناد علي الارض جنب سيف وطارق كمان وفضلو يفوقو فيه، وهو فتح عينيه وقال بألم.. 

سيف

انا فين؟ 

طارق 

في. جهنم يا سيف، اديك عرفت غلطك واخدت جزاءك هتبلغ اهلا وسهلا انت اللي اتهجمت علينا الاول.. 

ريناد بغيظ 

يا. طارق كسرلي موبيلي والفديو كان علي الموبيل.. 

طارق

واحنا كسرناله وشه ولو رااجل يا طارق قرب من اختي او بنتها تاني ومن غير الفديو يا سيف انت مش هتاخد تيا دقيقه واحده عندك تاني فاهم يالاا.. 

_قام. سيف من علي الارض بصعوبه وبصلهم بغيظ وحقد وقال.. 

سيف 

ماااشي يا. طارق بس اللي انت عملته ده. مش هيعدي بالسااهل.. 

_قال كلامه وسابهم ومشي وريناد اخدت موبيلها المكسور من علي الارض ودخلت هي وهنا اوضتها وقفلت الباب ويزن كان متابعها بهدوء وطارق بصله بشك. وقال.. 

طارق

معلش يا يزن دخلنااك في مشاكلنا وانت مالكش دعوه بيها.. 

يزن 

لا ولا يهمك يا طارق بس قريبكم ده مستفز وخلاني اتعصبت انا كمان.. 

طارق

اممم هو ايه اللي خلاه يقول كده اصلا؟ 

يزن 

يقول ايه بالظبط؟ 

طارق

انت شوفت ريناد فين قبل كده وتعرفها منين ما هو اكيد سيف مش هيقول كده من دمااغه؟!... 

يزن بهدوء

طيب تعالي ننزل وانا هفهمك كل حاجه، بس البني ادم ده والله اللي قاله غلط و الموضوع مش كده خالص.. 

طارق بجمود

طيب استناني تحت وانا جااي علي طول.. 

ـ نزل يزن وطارق رااح لاوضة ريناد ودخل من غير ما يخبط حتي وكانت قااااعده هي وهنا... 

ريناد

مش تخبط الاول قبل ما تدخل يا طارق... 

قامت هنا وقالت بضيق

انا هروح اعملك حاجه تشربيها... 

طلعت هنا وطارق بص لريناد بشك وقال

ايه بقي يا ست ريناد انتي كمان؟.. 

ريناد بتوتر

انا مدايقه لوحدي يا طارق ومش ناقصه كلامك خالص، ولو علي سيف هو دخل البيت غصب عني واستغل ان ما حدش موجود... 

طارق بحده

انا مش بسأل علي سيف، ايه علاقتك بأبن الصاوي؟ 

سكتت ريناد وما ردتش عليه وطارق قال بغيظ

مااشي يا ريناااد عايز اشووفك طالعه بره البيت تاني والله اكسرلك رجلك ولما يجي ابوكي ليا كلام تاني معاه انتو ايييه عايزين تمشو علي حل شعركم ولما حد يتكلم ويغلطم يبقي وحش. 

ريناد 

ايه اللي انت بتقوله ده ما تنساااش اني اختك الكبيره يا طارق يغني تتكلم بأدب معايا.. 

طارق بحده 

طيب ما تردي عليا عشان ما افهمش غلط، ايه اللي قاله سيف وانتي تعرفي يزن منين اصلا؟ 

ريناد 

كنت شغاله عنده في المطعم بتاعهم، وهو من فتره قالي انه معجب بيا وعايز يتجوزني وبعدين ساعدني في موضوع الحضاانه بتاعت تيا بس انا عارف حدودي كويس وو.. 

مسكها من دراعها جامد وقال

حدود ايييه هو انتي كان حد قصر معاكي في حاجه عشان تخليه يساعدك في شغل وانه يدورلك علي حضانه ولا هي تلاكيك، وعايز يتجوزك ما جااش ليه وقالنا احنا ولا مش شايف رجاله وراكي... 

ريناد 

انا اللي مش موافقه انه يجي يا طارق، وسيب ايدي حراام عليك والله ما ناااقصه.. 

_سابها وطلع بره الاوضه وكانت هنا واقفه في المطبخ فقبل ما يطلع رااح عندها وهى اول ما شافته اتنفضت بخوف وقالت.. 

هنا

عايز ايه؟.. 

رد عليها بجمود وقال

لو هتطلعي انتي او هي من البيت تكلموني الاول والا مش هيحصل كويس فاهمه؟.. 

هنا بضيق

عندك اختك قولها.. 

قرب منها وقال بغضب

انا بتكلم معاكي انتي يبقي تقولي حاضر وبس.. 

_رجعت لورا بسرعه وهي بتبعد عنه وقالت بخوف ودموع لمعت في عيونها... 

هنا 

حاضر بس ابعد عني.. 

_وسابها وخرج من الشقه ونزل عند يزن اللي كان واقف عند عربيته وقاله بجمود.. 

طارق

معلش اتأخرت عليك.. 

يزن 

لا عادي يلا بينا.. 

طارق

خليها وقت تاني انا مزاجي اتقفل خالص، بس انا عايز افهم بقي كل حاجه زي ما قولتلي.. 

يزن 

اكيد مش هنتكلم في الشارع كده يا طارق.. 

طارق

مش هينفع اسيبهم وامشي دلوقتي بعد اللي حصل ده... 

يزن 

تمام كل الحكايه يا طارق انا معجب بريناد وحصل بينا كلام في اكتر من مره وانا والله مستني العده بتاعتها تخلص وهاجي اتقدم علي طول.. 

طارق بجمود

في انتظارك ان شاء الله.. 

يزن 

يا طارق بلاش القفشه دي والله ما في حاجه بيني وبين اختك اصلا تعيبها ولا تقلل منها.. 

طارق 

ااه ما انا عارف تختي كويس، بس لما تبقي تدخل البيت من بابه وقتها هعتبرك راجل واتكلم معاك. 

يزن 

طيب احنا فيها اهو انا طالب ايدها منك واول ما يرجعو اهلك حددلي اقرب معاد وهاجي اتقدم برضو.. 

طارق

لما يبقو يجو اهلي نشووف الموضوع ده  ، اجل موضوع صااحبك دلوقتي لحد ما اظبط اموري.. 

يزن 

مااشي يا طارق زي ما تحب.. 

_ وساابه طارق وطلع بيتهم ويزن اخد عربيته ومشي وهو مدايق من الموقف اللي حصل كله.. 

ــــــــــ #بقلم_الكاتبه_رحاب_القاضي ــــــــ

_وفي بيت القاضي بعد كتب كتااب كمال وأسرار كان الكل يعيد ومبسوووط، معادا رواان اللي كانت قااعده مدااايقه وليلي راحت قعدت جنبيها وقالت.. 

ليلي

مالك يا حبيبتي في ايه قاعده كده وقالبه وشك حصلت حاجه ولا ايه؟ 

روان بضيق

ما فيش حاجه يا ماما

ليلي

اومال قااعده لوحدك ليه بعيد عننا، ده الكل فرحان ومبسووط لاسرار وكمان ولرضوي اللي الحمد. لله بعد. سنين اهو اتقرت فاتحتها.. 

روان بضيق

ما فيش حاجه يا ماما انا كويسه بس تعبت شويه ومش عايزه حد. يااخد باله

ليلي بحماس

حامل صح كملي فرحتي وقولي انك. حامل 

روان بغيظ

حامل ايه يا ماما هو انا لسه كملت سنه حتي متجوزه، ومش هخلف انا غير لما اتخرج من الجامعه

ليلي 

طيب براحتك يا روان وانا هكلم عبدالله ازاي يطاوعك في موضوع الخلفه اللي بعد التخرج ده 

_قالت ليلي كلامها وقامت، وروان اتنهدت بضيق وهي باصه لورد اللي بتقدم الطلباات لاهلها وعيونها علي عبدالله علي طول وهو قااعد مع الرجاله قريب منهم.. 

رضوي 

هو الكلام اللي قالتله طنط علياء ده بجد؟ 

روان 

كلام ايه؟ 

رضوي

انك غيرانه من حتت البت دي؟ 

روان بغيظ 

يعني انتي مش شايفه هي بتبص لعبدالله ازاي، وبعدين الشغالين كلهم اجازه كانت هتيجي ام ابراهيم تسااعد هي بس ايه بقي اللي جايب الحربايه دي معاها.. 

رضوي

يعني انتي واخده بالك انها بتبص لعبدالله ومش واهده بالك من عبدالله اللي عيونه ما نزلتش من عليكي حتي بصي عليه كده.. 

_بصت روان لعبدالله اللي اتصنع بسرعه انه بيتكلم ما كمال، وابتسمت روان وقالت.. 

روان 

ده بجد بقي اومال ماله قافش عليا ليه والله انتي ما تعرفي هو بيتعامل معايا ازاي 

رضوي

بلاش افتري يا روان عبدالله ده حتت بسكوته واطيب حد ممكن تقابليه في حياتك 

روان بحزن 

هو كده فعلا بس للاسف بعد ما عرف باللي حصل بيني انا وامير اتغير خالص بقي شخص تاني. 

رضوي بصدمه

نعمم هو عرف ايه بالظبط قولي.. 

_وفضلت روان تتكلم معاها وتقولها اللي خصل كله، وفي الوقت ده كان كمال قااعد مدايق وقال لعبدالله بصوت واطي.. 

كمال

انا مش فاهم ازاي خالي حسن يوافق يجوز رضوي للعيل ده؟ 

عبدالله 

العيل ده ابن مليونير وبعدين مين قالك انه عيل ده هيبقي هو كمان مليونير وهيمسك شغل عيلته كله يعتبر، ابوه قال انه بيتعلم اساسيات الشغل معاه دلوقتي عشان بعد كده يبقي هو المسؤل عن كل حاجه، وحلو احنا ممكن نستفااد من النسب ده في شغلنا برضو 

كمال بضيق 

انت برضو مش فاهمني انا بقصد ايه،  رضوي ما بتحبش الواد ده هي وافقت عشاان تخليني انا اغير علها

عبدالله بغيظ 

بقولك ايه ياللي فااكر نفسك محور الكون امك اخدت اسرار فووق من شويه اطلع لعروستك واملي عينك بيها وطلع موضوع رضوي من دمااغك هي دلوقتي بقيت تخص راجل تاني فأتلم.. 

_اتنهد كمال وقام وقبل ما يطلع فووق شااف يوووسف قااعد هو وزين في الجنينه لوحدهم فـ راح عندهم وقال... 

كمال

زين معلش عايز اتكلم مع يوسف لوحدنا شويه.. 

زين بصلهم بقلق وقال

اوكي انا هدخل اقعد معاهم جوه ونكمل كلامنا وقت تاني يا يوسف.. 

يوسف بهدوء

ماشي يا زين.. 

_سابهم زين ودخل جوه ويوسف وقف قدام كمال وقاله بهدوء شديد.... 

يوسف

خير يا عريس عايزني في ايه؟ 

كمال طبطب علي كتفه وقال بسخريه

ما تفرحش اووي كده. انها وافقت بيك، رضوي عملت كده بس عشان تخليني اغير عليها او تنتقم متي بس انها تحبك وتوافق بيك عشااانك انت ده مستحيل انا اكتر واحد يعرف رضوي كويس وعشاان انا عارفها كويس بقولك ان رضوي مستحيل تحب واحد. زيك.. 

يوسف بهدوء

تؤتؤ انت ما تعرفش رضوي كويس والحمد لله انك ما تعرفهااااش، ولو علي انها وافقت بيا وقرينا الفاتحه واحنا هنا ده صدفه مش اكتر انما هي بتحبني وعمرها ما كانت هتقبل بيا لو ما كانتش بتحبني، والا كان زمانها متجوزه اي حد وخلاص.. 

جه يتكلم بس يوسف قاله بخبث

وبعدين انت سايب العروسه في ليلة دخلتك وجاي تقولي ان رضوي ما بتحبنيش انت هتستفاااد ايه يعني من الموضوع ده، ولا انت بقي اللي قررت تتجوز بنت عمك عشان تخليها تغير عليك وتخليها تندم عليك، بس للاسف هي فاقت وشاافت اللي بيحبها بجد المره دي، وانا مش بس بحبها انا بعشقها.. 

_ وقدام كلام يوسف وثقته في حبه لرضوي ما قدرش كمال يرد عليه وسابه وطلع فوووق، وجات عنده رضوي وقالت بقلق.. 

رضوي 

هو كون بيقولك ايه؟ 

يوسف 

قصدك زين ما فيش كنا بنتعرف انا وهو اكتر مش خلاص بقي خطيب اختي.. 

رضوي 

يوووسف... انا بسالك علي كمال كان بيقولك ايه؟ 

يوسف

كمال ايه وبتاع ايه سيبك منه خالص وياريت سيرته ما تذكرش بيني وبينك تاني، عندنا حاجات اهم بكتير نتكلم فيها.. 

رضوي 

حاجات ايه؟ 

يوسف قرب منها بخبث وقال

هنسمي ولادنا ايه مثلا.. 

بعدت عنه بسرعه وقالت

يوووسف الزم حدودك احنا يدووب قرينا قاتحه 

يوسف ضحك وقال

في ايه هو انا عملت حاجه، ما انا عارف اننا قرينا فاتحه بس حد. قالك. اني عايز اخلف دلوقتي.. 

رضوي 

طيب خلاص انا داخله بقي اقعد جوه.. 

مسك. يوسف ايدها وقال 

استني انا مش مصدق بجد. ان النهارده اتقرت فاتحتنا واسمينا مربوطه ببعض، الليله دي مش جاي في بالي غير بيت شعر لايق اووي عليكي.. 

ابتسمت رضوي بخجل وقالت 

هو انت بتحب الشعر ولا بتقرا شعر اصلا؟. 

يوسف بهدوء

حبيته عشان بيوصفك ولايق عليكي زي مثلا  يا رضوىٰ..

‏إنّي والقمر والنجمات

‏نسيرُ إليكِ الليلة! 

ضحكت رضوي بهدوء وقالت 

طيب يا سيدي شكرا ومش هعرف اقولك غير شكرا.. 

يوسف ابتسم وقال

طيب هبقي اكلمك بقي تردي عليا وتفكي البلوووك.. 

رضوي

هتكلمني ليه؟ 

يوسف 

مش اتخطبنا بقي لازم نتكلم في الفون ونحب في بعض.. 

رضوي 

ليه محسسني انك اول مره تخطب، ما انت كنت خاااطب قبل كده يا يوسف.. 

يوسف 

لااا الوضع يختلف طيب تصدقي والله انا حاسس اني اول مره اعيش فترة الخطوبه دي، الاول كنت واخد الموضوع عِند مع عمي انما دلوقتي فانا عايز كده اووي، وهنعمل فترة خطوبه لاني عايز اعيش معاكي تفاصيل كل حاااجه.. 

رضوي ابتسمت وقالت 

يعني انت مستعد اننا نقعد سنه مخطوبين؟ 

يوسف 

ليه ان شاء الله هنخلل جنب بعض، فترة خطوبه طويله يعني شهرين تلاته.. 

رضوي 

ما فيش فايده فيك والله، وانا مش هقبل غير بسنه خطوبه مش اقل من كده.. 

يوسف 

بس يا حلوه الكلام ده انا هتفق عليه مع ابوكي وانتي تنفذي وبس قال سنه قال.. 

رضوي 

مااشي يا يوسف هنشووف كلام مين اللي هيمشي.. 

_وسابته وراااحت قعدت مع روان ويارا... 

ــــــــــ #بقلم_الكاتبه_رحاب_القاضي ــــــــ

_وفي اوضة أسرار وكمال كانت قااعده أسرار وهي لابسه الرووب بتاعها وشعرها مفرود علي ضهرها بشكل جميل، بس عينيها كلها دموع وباين عليها الخووف جدا وعليااء كانت قااعده جنبيها وقالتلها.. 

علياء

زي القمر يا حبيبتي ربنا يسعدك يااارب.. 

أسرار بتوتر 

هو انتي هتمشي يا مرت عمي؟ 

ضحكت علياء وقالت

طبعا همشي اومال يعني هقعد معاكم، وما تخافيش واهدي انتي ست البنات كلهم وابني ليه الشرف انه اتجوزك.. 

ابتسمت اسرار بهدوء وقالت 

ربنا يخليكي ليا يا مرت عمي وو.. 

قبل ما تكمل كلامها خبط كمال علي الباب وقال

يا امي... 

اتنفضت اسرار بخوف وعلياء قالت

يا بت اهدي بقي هو هياكلك ولا ايه ، اهدي يا أسرار ده بقي جوزك بلاش الخوف الزياده عن اللزوم ده.. 

_قالت علياااء كلامها وطلعت لقيت كمال وااقف وشكله متدايق جدا، فقالتله بهدووء.. 

علياء

انت هتدخل علي عروستك وانت قالب وشك كده.. 

كمال 

يعني ادخل عليها وانا برقص يا امي في ايه؟ 

علياء

لا بس البت خايفه لوحدها ومرعوبه منك والله واعلم ايه اللي حصل بينكم يخليها تخااف منك اووي كده.. 

اتنهد كمال بضيق وقال

انا هتصرف معاها يا امي ما تخافيش.. 

علياء بهدوء

طلع رضوي من دماغك يا كمال وركز في حياتك مع اسرار اللي بقيت مراتك وقبل ما تبقي مراتك هي بنت عمك، وهي اللي احق انك تفكر فيها وتحبها انت ما حدش ضربك علي ايدك عشاان تتجوزها وبرضو مش هتلاقي واحده زيها تقبل انها تبقي مراتك وتمشيها زي ما انت عايز وفوق كلده بتعامل بنتك احسن من امها نفسها، بص لحيااتك واهتم بيها عشان تعيش مرتااح.. 

قرب منها كمال وباس راسها وقال

اطمني يا امي والله هحط اسرار في عينيا ما تقلقيش عليها.. 

علياء

ربنا يسعدكم يا حبيبي يلا ادخل عندها وبالراحه عليها شويه.. 

كمال 

حاضر يا امي بعد اذنك... 

_ودخل كمال عند اسرار اللي اول ما شافته قااامت وقفت وكانت فعلا خايفه منه جدا ومتوتره جدا، فأبتسم بهدوء وقال.. 

كمال 

ايه في ايه ده انا يدووب دخلت الاوضه لو عايزاني اخرج تهدي شويه ما فيش مشكله.. 

ردت عليه بتوتر وقالت

ياريت تطلع وما تجيش خالص النهارده عندي.. 

ضحك بهدوء

لا ما ينفعش الكلام ده خالص، وبعدين. دي اوضتي اصلا.. 

_سكتت اسرار وبصت للارض بتوتر وخوف وهو قلع جاكيت بدلته ولسه هيقرب منها فبعدت عنه بسرعه وقالت... 

أسرار

انت هتعمل ايه؟ 

كمال 

في ايه يا اسرار ما تبقيش اوفر، واقعدي خلينا نتكلم الاول شويه.. 

أسرار بقلق

هنتكلم في ايه؟ 

كمال

يا بنتي مش هعملك حاجه خلاص اهدي، واقعدي هنتكلم بلاش كأني جوزك هنتكلم كأننا ولاد عم.. 

أسرار

واخوات.. 

ضحك كمال وقال

هههههه لا اخوات ايه، اقعدي يا أسرار الله يرضي عنك.. 

قعدت أسرار جنبيه وهو قال

امي قالتلك اني هاخدك معايا القاهره انتي ورضوي ولا لا؟ 

أسرار

ايوه قالتلي بس انا عايزه اقعد في البلد، انا ما اعرفش حاجه في مصر ولو روحت هبقي محبووسه بين اربع حيطان 

كمال

لا طبعا انا هقدملك علي الجامعه عبدالله متفق معايا علي كده ده غير اني هشتركلك في نادي حلو هناااك انتي ورضوي عشان في اي وقت تنزلو تغيرو جو وانا معاكم، مش هاخدك احبسك ما تخافيش.. 

بصتله بعدم تصديق وقالت

انت هتخليني اكمل تعليمي وادخل الجامعه، انت بتكلم بجد يا كمال.. 

كمال 

ايوه طبعا دي حاجه تشرفني ان مرااتي تبقي واخده كليه كويسه ومتعلمه تعليم عالي.. 

ابتسمت اسرار وقالت

انت فرحتني قووي بالخبر ده.. 

كمال قرب منها ومسك ايدها وقال بهدوء

انا اسف يا اسرار لما حصل الموقف بتاع عبدالله وغيرت عليكي قولتلك كلام وحش ما كانش ينفع اقوله، بس مش هتتكرر تاني انتي خلاص مراتي وعبدالله زي اخوكي مش كده؟ 

أسرار بتوتر وهي بتحاول تسحب ايدها من ايده

اكيد طبعا زي اخويا واكتر كمان... 

كمال

مالها ايدك ما تسبيها هو انت هاخد منها حته.. 

وبأيده التانيه حطها علي شعرها الطويل وقال

تصدقي ان دي اول مره اشوووف فيها شعرك، ممكن اكون شوفته زمان وانتي صغيره بس مش فاكره هو انتي لبستي الحجاب من امتي؟ 

ردت عليه بتوتر ووشها قلب احمر وقالت

من لما كان عندي تسع سنين... 

كمال قرب منها اكتر وقال

حقك والله تخبيه وتداري نفسك في الهدوم الواسعه والحجاب والحاجات دي، لا واحساس حلو اووي ان الحاجات دي كلها تبقي ليا لوحدي.. 

جات تبعد فربها ليه اكتر وقال بنبره جديه 

بقولك ايه بقي ما تتعبنيش معاكي ده انا جوزك.. 

اسرار بخجل وتوتر

مس انت قولتلي احنا ولاد عم وبس دلوقتي

كمال بخبث

ما حصلش ده انا قولت واحد ومرااته انتي اللي سمعتي غلط، وبعدين ما تخافيش مني انا مش هعمل حاجه تأذيكي.. 

_وبدأت اول ليله بينهم وكان بيتعامل معاها وكانه شخص تاني غير كمال العصبي والنرجسي اللي كانت متعوده عليه.. 

"فماذا يخبئ لهم قلمي؟" 

ــــــــــ #بقلم_الكاتبه_رحاب_القاضي ــــــــ

_وفي اوضة روان كانت قااعده مستنيه عبدالله يطلع عنها وهي مجهزه عشا رومانسي ولابسه فستان شكله حلوه وملفت جدا،وكانت بتكلم رضوي في الموبيل وقالتلها..

روان

لا يا ستي لسه قااعد تحت في مكتبه ما جاااش عندي.. 

رضوي 

انزلي انتي هاتيه والله عبدالله طيب بس دماغه ناشفه شويه.. 

روان

طيب اقفلي وانا هنزل عنده وربنا يستر،وكمان هقوله ان زيزو جابلي موبيل جديد وربنا يستر بقي وما يتعصبش.. 

رضوي

لا لا ما تجبيش سيرة الموبيل دلوقتي،بكره لما تكونو اتصالحتو... 

روان 

تمام شكرا اووي يا رضوي.. 

رضوي

يا اختي اتصالحو الاول وبعدين ابقي اشكريني، يلا باي.. 

روان 

باااي يا عروسه.. 

_ابتسمت رضوي بهدوء وقفلت معاها، وراحت روان فتحت الدولاب ولبست رووب طويل ونزلت تحت عند عبدالله، وقبل ما تنزل بشويه كان عبدالله قافل نور المكتب وقااعد في مكان متخبي ودخلت ورد عنده وعي بتتلفت وراها ورااحت ناحية مكتبه وفتحت الادرااج وفضلت تطلع في الورق اللي فيها وقام عبدالله بكل هدوووء ووقف وراها وقال.. 

عبدالله

بتعملي ايه يا ورد؟ 

اتنفضت ورد بخوووف وبصتله وقالت

عبدالله بيه ااا انا كنت جايه اروق المكتب.. 

قرب منها وعيونه كلها غضب وقال

هتروقي المكتب وانتي مش فاتحه النور، انطقي مين اللي بعتك خلف مش كده؟ 

ـ قبل ما ترد. عليه دخلت رووان واول ما شافتهم واقفين قريبين من بعض ونور المكتب مقفول، اتعصبت جدا وقالت بحده.. 

روان 

انتو بتعملو ايه، بقي هو ده اللى مقعدك. هنا ومش مخليك تطلع اوضتك يا عبدالله

زعق فيها عبدالله وقال بحده

اخرسي خالص ووطي صوتك واطلعي واقفلي الباب زي ما كان.. 

روان بحده 

انت بتقول ايه انت ااا.. 

عبدالله بغضب

اعملي زي ما بقولك وغوري من هنا يا روان... 

_بصتله بعدم. تصديق وخرجت وقفلت الباب وطلعت اوضتها وهي بتعيط، وهو طلع سلاحه من جيبه وحطه في راااس ورد وقال بحده.. 

عبدالله 

هتنطقي ولا تباتي في قبرك. النهارده ومش هاخد فيكي دقيقه واحده.. 

بصتله ورد. بخوف وقالت 

هقول كل حاجه يا عبدالله بيه بس احب علي يدك ما تموتني.. 

عبدالله 

مين اللي بعتك. هنا؟ 

ورد بخووف

شعبان واد الحج خلف.. 

عبدالله نزل سلاحه وقال

حلو اووي اقعدي بقي وقوليلي هو اتفق معاكي علر ايه بالظبط؟ 

_وفي اوضة روان كانت قاااعده متعصبه وعيونها كلها دموع من الوضع اللي شافت عبدالله فيه مع الشغاله، وكمان انه طردها واحرجها ودخل هو عندها ولما شافته قامت وقفت وقالت بعصبيه.. 

روان 

انا عايزه افهم دلوقتي ايه اللي بينك وبينها، وايه اللي انا شوفته تحت ده زعلان اووي عشان كنت علي علاقه بواحد قبل ما اتجوزك ويدوب كنا صحاب وانت اهو مقضيها مع الشغاله بتاعتك وعلي عينك يا تاجر ده ايه البجااحه دي.. 

عبدالله بجمود

انتي طالق.. 

نزلت دموعها وقالت بصدمه

طلقتني يا عبدالله عشانها هي مش كده... 

عبدالله 

مالكيش حق اني ابررلك حاجه، بس انا مش قااادر اكمل معاكي انا ايوه حبيتك وعمري ما حبيت ولا هحب واحده قد ما حبيتك بس مش قادر اكمل معاكي كرامتي مش مخلياني اتقبل اللي حصل، فالاحسن ان كل واحد فينا يرووح لحاله.. 

مسحت دموعها بسرعه وقالت

زي ما تحب عادي اصلا، بس ما تقولش حاجه لاهلي ماما وبابا اكيد هيدايقو جدا عشان ريناد اطلقت من فتره قريبه وانا اهو.. 

_وبدأت نبرتها ترتجف وهي بتحاول تداري دموعها وبكاءها قدامه، علي عكس نظراته البارده ليها وكملت كلامها وقالت.. 

روان 

اا انا هقولهم كل حاجه هسافر معاهم بكره وهقولهم كل حاجه في اقرب وقت.. 

عبدالله 

ما فيش مشكله ولو عايزه تجيبي اللوم كاه عليا انا ما فيش مشكله برضو المهم ان الموضوع يخلص في اقرب وقت يا روان.. 

خانتها دموعها ونزلت فبصت للناحيه التانيه بعيد عنه وردت عليه وقالت.. 

روان

حاضر.. بس انت دلوقتي طلقتني خلاص وجودنا لي نفس الاوضه ما ينفعش.. 

عبدالله 

انا اصلا عندي شغل وهباات في المصنع ما تقلقيش.. 

_قال كلامه وسابها وخرج بره الاوضه وهي قعدت علي السرير وفضلت تعيط بشكل هيستيري وهو كان لسه واقف ورا الباب وسامع صوت بكاءها وغمض عيونه بحزن وكان عز طالع من اوضته ولما شافه واقف بالحاله دي قرب منه وقال.. 

عز

في ايه هي البت روان منكده عليك وهتبيتك بره ولا ايه؟ 

بصله عبدالله بدموع وقال

لا ما فيش حاجه يا خالي انا عندي شوية شغل ومااشي.. 

عز

شغل ايه دلوقتي ده الساعه واحده بعد نص الليل.. 

اتنهد بضيق ورد عليه وقال

تقدر تقول بهرب مش عايز اقعد هنا.. 

حط عز ايده علي كتف عبدالله وقال بنبره حنونه

طيب تعالي هنمشي انا وانت سوا، ما وحشكش الكلام معايا ولا ايه؟ 

_ابتسم عبدالله بهدوء ومشي هو وعز الدين وراحو قعدو في الارض بتاعت عبدالله في مكان نضيف وهادي، وقاله عبدالله كل حاجه وعز رد عليه وقاله بحده.. 

عز

غلط ليه تطلقها حرام عليكم خالكم واللي بتعملوه فيه ده، طيب قدرو انه تعبان.. 

عبدالله 

يا خالي روان مش زي ريناد انا ما ظلمتهاش في حاجه، بس بعد اللي عرفته عن ماضيها انا مش عارف انساااها خالص.. 

عز. 

بس هي اتغيرت وبتتغير عشاانك انت فاهم يعني ايه واحده كانت بتخرج في اليوم مرتين وتلاته وعشره بقالها شهور محبوسه عندك وما بتتكلمش وبتتحمل عشاانك، كنت ممكن تسامحها وتبدأ معاها من جديد... 

عبدالله

مش عارف كل ما احاول اعمل كده تفضل دماغي تودي وتجيب انها ما بتحبنيش وانها ممكن تبقي معايا وبتفكر فيه هو او مكمله معايا عشان هي واحده انانيه وطماعه، انا بقيت لما تطلب مني حاجه بقيت احس لو قولتلها حاضر اني كده ضعيف وبخليها تستغلني انا مش عارف اتعامل معاها يا خالي،وفي نفس الوقت بعدها عني برضو هيتعبني بس هيكون احسن ليها هي عشان انا مش عارف اسعدها ولا عارف اسعد نفسي معاها،كل حاجه جايه فوووق دماغي موت عمر وخيانة روان ليا ومشاكلي معاها،وسرقة سيف ليا وكمال اللي عامل زي العيل الصغير ماشي وراه خطوه بخطوه عشان خايف عليه يغلط او حد يعمله حاجه سواء خلف او ابنه اللي مشاكلي معاهم مش هتخلص غير بموت حد فينا، واسرار اللي امانه عندي ومش عارف هي كمان الدنيا مخبيالها ايه وازاي هاخدلها تار اخوها اللي مات بسببي هو وامها، والله تعبت ومش عارف ازاي هخلص من كل ده... 

عز بصله بحزن وقال

صغير انت علي الشيله التقيله دي، بس انت قدها يا عبدالله المهم فكر في موضوع روان من تاني ما تخليهاش تمشي وردها يا عبدالله انت بتحبها ولو فاكر انك هترتاح لما تبعدها عنك تبقي غلطان.. 

اتنهد عبدالله بضيق وقال

اللي فيه الخير يقدمه ربنا يا خالي 

ــــــــــ #بقلم_الكاتبه_رحاب_القاضي ــــــــ

_وبعد نص الليل في بيت الاستاذ حسن طلعت هنا من اوضتها وهي ماسكه شنطة هدومها في ايدها وبصت للبيت بنظره حزينه ودموعها نزلت بحسره انها قررت خلاص تمشي من البيت اللي حست بيه بالدفا والحب والحنان من حسن وليلي اللي عوضوها عن غيااب امها وابوها، ورضوي وريناد وروفان وروز اللي اتعلقت بيهم وكانهم اخواتها فعلا، لكن اللي طلع عكس كل توقعاتها هو طارق اللي من لما قعدت عندهم وكل معاملته ليها اتغيرت كأنه امتلكها وممنوع ترفض اي طلب ليه.. 

_مسحت دموعها وساابت البيت ونزلت وكان الاوبر اللي طلبته واقف قدام البيت، وقبل ما تركب كان طارق واقف في البلكونه فووق وقالها بصوت عالي ونبره غاضبه.. 

طارق

هناااااااا رايحه فين؟ 

_بصتله بقلق وبسرعه ركبت العربيه اللي مشيت من قدام البيت وهو بصلها لغضب ونزل بسرعه وهو بيفول بغيظ.. 

طارق 

يا بت ال... وحيااة امك لتتربي يا هنا.. 

_ونزل بسرعه واخد عربية باباه ورااااح وراها و؟؟.. 

_تفتكرو بقي ايه اللي هيحصل؟؟.. 

ــــــــــــــــــــــــــــــــــــــــــــــــــ

#الكاتبه_رحاب_القاضي

        الفصل الثلاثون الجزء الثالث من هنا 

لمتابعة باقي الرواية زوروا قناتنا على التليجرام من هنا   

تعديل المقال