رواية مليكه والسحر الاسود الفصل السابع 7 بقلم جمال المصري
بسم من يقول لشئ كن فيكون
#مليكه_والسحر_الاسود
#الحلقه_السابعه
بقلمى جمال المصرى
(قبل ساعه ) باسم بيقرب من ساره انتي لسا هنا يا ساره مش قولتلك تروحي عشان تجيب لينا حاجه من لبس مليكه ساره بتبص له انت مستعجل ليه يا باسم احنا قدامنا اكتر من اسبوع عشان نخلص جمع الطلاسم ونشتري الطلبات اللي محتاجينها وما تنساش اننا محتاجين فلوس عشان انا خلاص بقيت علي الحديده باسم بيضحك ما تقلقيش يا ساره كل حاجه معمول حسابها ساره بتضحك بتريقه معمول حسابها ازي وهنجيب فلوس من فين باسم بيرد عليها بكل ثقه انتي الي هتجيبي الفلوس الي محتاجينها واكتر كمان يا برنسيسه ساره بتبص حوليها انت بتكلمني انا اوعي تكون الطلاسم اثرت عليك انا لسا بقولك انا بقيت علي الحديده افهم يا ابني باسم قرب منها اكتر ما انا سمعتك
بس عمك توفيق معاه فلوس كتير فلوسنا انا وانتي الي اخدها وضحك علي ابونا ساره بدات تفهم يعني انت عايزني اسرقه زي ما انت عملت باسم بابتسامه كلها مكر في حد بيسرق حقه يا عبيطه انتي هتروحي عشان تجيبي الي قولتلك عليه وهتعدي علي عمك وتقوليلو انك جايبه حاجات بالقسط وليكي كام شهر ما دفعتيش الاقساط واني الرجال الي انتي جايبه منه الحاجات دي يرفع عليكي إيصالات الامانه الي انتي مضياها وهتطلبي منه ٥٠٠٠ بس وهو مغفل هيديكي الفلوس علي طول وكده نشتري الطلبات وكمان هيفضل معانا فلوس نصرف منها لحد ما نبداء نشتغل ونتعرف والناس تجيلنا من كل حته ووقتها هتكون مليكه خدامه تحت رجليا وخالد خدام تحت رجليكي ساره بفرح يا ريت يا باسم انا ما بقتش قادره استحمل وعايزه النهارده قبل بكره باسم بيضرب ايده في الحيط ومين سمعك يا ساره انا هتجنن علي مليكه البت بقيت صاروخ وانا لو حد غيري لمسها هتجنن ساره ردت عليه انا هروح انفذ الي انت قولتلي عليه
خالد وقف مره وحده وهو بيبص لي بره ابوه بيبصله وبيبص لبره ووقف هو كمان خالد بعصبيه هي دي جايه تعمل ايه هنا توفيق بيقعد هنعرف دلوقت بس انت اهدا واقعد يا خالد ساره بتدخل صباح الخير يا عمي توفيق بيوقف يسلم عليها صباح النور يا ساره غريب جيتك دي
ساره بتقعد قدام خالد لا ابدآ يا عمي انا بس جيت اعمل الواجب واطمن علي عمي سمير انا عارفه انك معتبرة اكتر من اخ بنسبالك توفيق ابتسم والله فيكي الخير يا ساره يا خالد روح مع بنت عمك خالد وقف اسف يا حاج عندي شغل ساره ابتسمت وهي بتبص علي خالد ما فيش داعي يا عمي انا هروح اطمن عليه وامشي علي طول وبعدين احنا ياما لعبنا زمان في بيته بعد اذنك يا عمي توفيق بصوت هادي ماشي يا بنتي ابقي عدي عليا وانتي ماشيه عشان عايزك ساره .حاضر يا عمي اول ما انزل من عند عمي سمير هاجي وقعد معاك لحد ما تزهق مني توفيق. ما فيش حد بيزهق من دمه يا بنتي يلا اطلعي لعمك سمير وانا مستنيكي وبتتحرك وبتدخل البيت وتطلع السلم لحد ما توصل شقة سمير وبتخبط علي الباب وطبعآ سمير الحمد لله صحته اتحسنت وبيقدر يقوم ويمشي اول ما سمع الباب قام من علي السرير ومشي لحد الباب وفتح الباب وتفاجئ لما لقي ساره قدامه ساره ابتسمت ابتسمتها الصفره ساره .الف مليون سلام عليك يا عمي انا جيت اطمن علي حضرتك واعتذر لك علي اللى عمله المجنون باسم سمير الله يسلمك يا بنتي اتفضلي في الصالون ساره . هو انا غريبه يا عمي انت لسا تعبان اتفضل ارتاح علي سريرك وانا اطمن عليك وامشي علي طول وتساعده بدخل اوضته سمير . شكرا يا بنتي مكنش ليه لازمه تتعبي نفسك وانا عارف انك ملكيش علاقه بي الي عمله باسم
ساره انت في مقام عمي وكان لازم اجي اطمن عليك بس سامحني اتاخرت بسبب الظروف سمير . ولا يهمك يا بنتي معلش مليكه مش موجوده كانت عملتلك حاجه تشربيها ساره . انت ليه محساسني اني غريبه يا عم سمير هقوم انا اعمل اتنين عصير ليا وليك وفعلآ بتقوم و بتدخل المطبخ وتشغل الخلاط وتعمل العصير وبعد ما تصب العصير تتسحب وتدخل اوضة مليكه وتفتح الدولاب وتاخد حجاب من بتوع مليكه وبتفتح الدرج وبتلاقي صور لي مليكه وبتاخد صوره وبتحطهم في شنطتها وبتروح علي المطبخ وبتشيل العصير وبتدخل علي سمير اتفضل يا عمي سمير . تسلم ايدك يا بنتي تعبتي نفسك ساره . تعبك راحه يا عمي استاذن انا عشان اتاخرت
سمير . طاب حتي اشربي العصير ساره . بس كده يا عمي حاضر وبتشرب العصير علي نفس واحد يلا اسيبك انا والف سلامه عليك وابقا سلملي علي مليكه
سمير كنت هنسى ان شاء الله في يوم الجمعه كتب كتاب مليكه ساره .وشها اتغير وابتسمت ابتسامه صفره ومين سعيد الحظ يا عمي سمير . سيف مديرها في الشغل ساره . الف مبروك يا عمي وربنا يتمم علي خير بعد اذنك سمير . اتفضلي يا حبيبتي ساره . بتقول لنفسها بقا هتتجوز باسم اول ما هيعرف هيخرب الدنيا والمشكله اننا لسا مش جاهزين عشان نبداء السحر لسا علي الاقل قدامنا اسبوع عشان نخلص الكتاب ونجمع الطلاسم والرموز ونشتري الحاجات المطلوبه في التحضير وبتروح علي محل عمها توفيق الي بيكون قاعد مستنيها توفيق . اطمنتي علي عمك سمير ساره . ايوه يا عمي والحمد لله لقيته بخير وكمان عزمنى علي كتب الكتاب توفيق
كويس انك عرفتي انا حبيت اقولك عشان ما تقوليش عمي ظلم اخويا باسم اخوكي لو فكر بس انه يجي هنا هيكون جه لموته
ساره وانا مالي يا عمي بتقولي ليه انا معرفش اي حاجه عنه توفيق انا حبيت بس يكون عندك علم مش اكتر المهم انتي مش محتاجه حاجه ساره . بصراحه يا عمي انا محروجه منك توفيق . من ايه يا ساره اتكلمي علي طول ساره . كنت محتاجه ٥٠٠٠ جنيه عشان كنت مشتريا شوية حاجات قسط وليا كام شهر ما دفعتش والراجل هيرفع وصلات الامانه الي انا ماضيه عليهم توفيق . خالد هات ٥٠٠٠ من الخزنه خالد وهو بيبص لي ساره من فوق لتحت بيفتح الخزنه وبيطلع ٥٠٠٠ وبيديهم لي ابوه توفيق . اتفضلي يا بنتي ولو احتاجتي اي حاجه في اي وقت كلميني ساره . بتقوم وتحضن عمها وبتاخد الفلوس وتمشي توفيق بيبص علي خالد طبعا انت بتقول انها كدابه وما فيش اقساط ولا حاجه خالد . ايوه يا حاج توفيق . وانا متاكد من كده بردو بس هعمل ايه في الاخر هما الاتنين ولاد اخويا وهعمل الي عليا معاهم لحد ما اقابل وجه كريم كل عيله لازم تلاقي فيها الي ينغص عليهم عشتهم ودول هما سبب كل مشكله بتحصلنا ربنا يكفينا شرهم ويجعل تدبيرهم في تدميرهم انا متاكد انهم بيخططو لحاجه بس هي ايه مش عارف
توفيق انا عايزك تفتح عينك علي ساره كويس بتروح فين وبتعمل ايه خالد حاضر يا حاج النفس الي بتتنفسو هيكون عندك علم بيه
توفيق بيقول في نفسه لما نشوف اخرتها معاكي يا ساره انتي و الزفت باسم
سيف بيبص علي مليكه الجميل خلص الشغل مليكه بترد وهي مش قادره تبص في عنين سيف ايوه يا استاذ سيف ممكن بقا تركز في شغلك خلينا نمشي سيف ضحك انا خلصت من بدري مليكه بترفع عنيها وبتبص علي مكتبه انت بتتكلم جد المكتب كان مليان ملفات معقول خلصتهم بسرعه كده سيف بثقه انا ممكن اخلص شغل الشركه كله في ساعه بس عشان اعرف اكلمك وناخذ راحتنا مليكه احم احم انا مش قد كلامك الجميل ده يا سيف براحه عليا انتي ايه بركان رمانسيه وانفجر سيف ابتسم ما انتي السبب يا ست البنات انا عمري ما كنت كده من اول ما شوفتك وانا ما بقتش سيف بتاع زمان انا بقيت واحد انا نفسي مستغربه بحبك يا اجمل وارق انسانه في الكون بحبك وحبك خلاني كما المجنون وقلبي اسير ها العيون يا نجمه في سماء اسعدتني ونورت طريقي وطلعتني من بير الاحزان لدنيا الحب والعشق يا من في جمالها احتار الانس والجان
مليكه بتوقف ابوس ايدك كفايه انا هاقع منك ايه الكلام ده سيف ضحك حاضر هسكت يلا بينا اروحك مليكه تقوم وتأخذ شنطتها وسيف روحها ويسلم علي عمه سمير ويطمن عليه ويروح علي شقته ساره بتوصل شقتها وبتدخل بتنده علي باسم ومش بتلاقيه وبتعرف انه اكيد تحت وتنزل له تحت تلاقيه بيقراء في كتاب شمس المعارف اول ما بيشوفها بيجري عليها عملتي ايه يا ساره جبتي المطلوب والفلوس ساره بترد عليه ايوه يا باسم ده الحجاب بتاعها ودي صورتها قولت يمكن تكون وحشتك باسم بيبص في صورتها وبيمسك الحجاب وبيقربو من وشه وهو بيشم فيه ااااه امتي بقا تكوني ملكي يا مليكه ساره بتفوقو واضح انه مش هيحصل باسم بغضب قصدك ايه مش فاهم ساره بتقعد علي الكرسي قصدي انه يوم الجمعه كتب كتابها علي سيف الي معاها فى الشغل باسم اتجنن انا هقتلهم ونزل ضرب في الحيط براسه والدم نزل علي وشه ساره اهدا عشان نعرف نفكر باسم بيبصلها نفكر في ايه انا هقتلو قبل ما يتجوزها ساره تقاطعه تقتل مين عمك قال لو شافك هيقتلك وانت عارف اني رجالته كتيره لازم نستخدم عقلنا باسم قعد جنبها احنا لسا قدامنا اكتر من اسبوع يبقا ما فيش غير حل واحد عشان نمنع الجوازه دي ساره بتوقف هو ايه يا باسم قولي بسرعه باسم ضحك هقولك
إلي اللقاء في الحلقه الثامنه
#عباد_الله_وحدو_الله
