رواية مليكه والسحر الاسود الفصل الثامن 8 بقلم جمال المصري
بسم الله والصلاه والسلام علي رسول الله
#مليكه_والسحر_الاسود
#الحلقه_الثامنه
بقلمى جمال المصرى
باسم بيضحك ضحكه مخيفه و بيقرب من ساره طول ما احنا لسا قدمنا اسبوع انا هعمل لها عمل عند ساحر بالصوره دي وكده نبقا دمرنا الجواز وبعد ما نجهز كل حاجه هنعمل العمل الي هيجيبها ركعه تحت رجليه ساره تضربه علي كتفه يخربيت دماغك يا باسم فعلآ انت شيطان باسم بيقول تلميذك يا استاذه انا هروح دلوقت عشان اعمل الي قولتلك عليه ساره بتمسك كتاب شمس المعارف وانا هكمل قراءه لحد ما تيجي وفعلآ بتبداء تقراءه في كتاب شمس المعارف وبدات تقرا في الطلاسم ودي اول مره كانت تقرا طلاسم فيها وبدات تحس بي نفس جنبها وبتبص يمين وشمال ما فيش حاجه وتكمل قراءه لكن فجأه بتشوف شبح مخيف وبتغمض عنيه وترجع تفتحهم مش بتلاقي اي حاجه وهنا بتقول لنفسها هو فيه ايه انا بتخيل حاجات مش موجوده هقوم اغسل وشي عشان افوق من الي انا فيه وبتقوم تروح الحمام وبتغسل وشها واول ما بتفتح عينيها بتشوف في المرايا مسخ مرعب وشه بينقط دم وشكله مخيف اووي وبتصرخ وبتبص وراها مش بتلاقي حاجه بترجع تبص قدامها بتلاقي المسخ ده واقف قدامها وهنا بتتلجم ومش بتستحمل المنظر و بيغمي عليها و بتترمي في الارض في الحمام المسخ بيضحك ضحكه شيطانيه ويصرخ صرخه تزلزل المكان كله و بيقول بصوت مخيف انتو يا صنف بني ادام فاكرين انكم بتحضرونا عشان نخدمكم والعكس صحيح انتو الي بتكونو عبيد لينا و بتنفذو كل طلباتنا عشان بس تحسو بالقوه واحنا هدفنا هو اغواء البشر عشان زي ما احنا و ابونا ابليس هنترمي في جهنم انتو كمان تترمو معانا
وبكده احنا هنفذ القسم الي اقسمو ابونا ابليس قبل ما يخرج من الجنه بسبب ابوكم ادم الي اتخلق من طين بسم الله الرحمن الرحيم (قَالَ رَبِّ بِمَا أَغْوَيْتَنِي لَأُزَيِّنَنَّ لَهُمْ فِي الْأَرْضِ وَلَأُغْوِيَنَّهُمْ أَجْمَعِينَ) بسم الله الرحمن الرحيم [قَالَ فَبِعِزَّتِكَ لَأُغْوِيَنَّهُمْ أَجْمَعِينَ * إِلَّا عِبَادَكَ مِنْهُمُ الْمُخْلَصِينَ * قَالَ فَالْحَقُّ وَالْحَقَّ أَقُولُ * لَأَمْلَأَنَّ جَهَنَّمَ مِنْكَ وَمِمَّنْ تَبِعَكَ مِنْهُمْ أجمعين}صدق الله العظيم .
باسم يوصل عند الساحر وبيديلو الصوره وبيطلب منه يعمل سحر تفرقه بين مليكه وسيف والساحر يطلب منه ٢٠٠٠ جنيه وده مبلغ كبير اووي في الوقت ده باسم يوافق بس انا هديك ١٠٠٠ دلوقت و ١٠٠٠ التانيه اول ما شوف نتيجه وبيتفقو وبيرجع باسم علي الشقه عند ساره والساحر بيعمل العمل والجن يطلب منه يدبحلو ديك بمواصفات معينه وبعد ما الساحر ينفذ كل الطلبات بيروح الجني عند مليكه مستني فرصه عشان يدخل في جسمها وينفذ المطلوب عن طريق التحكم في المخ عندها عشان بمجرد دخوله بيتحكم في كل جسمها لكن الجني بيكون بيرقبها مستني فرصه انها تعمل ذنب او تغضب او الخوف عشان وقتها بس هيقدر يدخل جسمها ويسيطر عليها لكن مليكه بتصلي العشاء وبتقول الاذكار وبعد كده بتقرا سورة الاخلاص والفلق والناس ثلاث مرات في ايدها وبتمسح علي جسمها كله وبتنام علي جنبها الايمن يعني متبعه السنه النبويه الجني بقي زي المجنون وهو مش قادر يقرب منها وخصوصآ انها ذكرت اسم ربنا وهي بتقفل الباب والشباك لكن هو دي مهمته ومش ممكن يسيبها مليكه نامت وبدات تشوف في المنام كلب اسود كبير واقف من بعيد بيحاول يهجم عليها بس مش قادر زي ما يكون في حاجه منعاه وهي مش شايفه اي حاجه منعاه طول الليل الحلم ده بيتكرر بصور مختلفه مره حيه كبيره عايزه تهجمها ومش قادره ومره كلب وبتقوم من النوم وبتستعيذ من الشيطان الرجيم و بتسمع اذن الفجر وبتقول لنفسها مع انه حلم وحش بس الحمد لله اني صحيت عشان اصلي الفجر وتقوم تتوضا وتصلي السنه والفجر و بتختم الصلاه و بترفع ايديها للسماء وتدعي ربنا بقلب طاهر مخلص مؤمن بالله عز وجل وتقوم و بتجهز اللبس عشان سيف هيجي ياخدها عشان يختاروا فستان كتب الكتاب و بتجهز الفطار عشان تفطر ابوها قبل ما تطلع .
سيف بيقوم من النوم علي اذان الفجر بيروح المسجد بيصلي وهو بيسبح وبيستغفر بينام لمدة دقيقه او اتنين بيشوف مليكه بيحاول يوصلها بس مش قادر في حاجه بينهم هو مش شيفها وزي ما تكون فيه حاجه بتاخد مليكه بعيد عنه وهو بيحاول يجري وينقذها بس مش قادر والمسجد بيكون فاضي خالص ما فيش غير سيف وإمام المسجد الشيخ سعد وهنا صوت سيف بيعلا وسعد اول ما صوته بداء يعلا بيقرب منه وبسم الله الرحمن الرحيم ويحط ايده علي كتف سيف يا ابني اصحه انت شوفت كابوس ولا ايه سيف بيفتح عنيه وهو مخضوض ايوه يا عم الشيخ كابوس وحش سعد قاعد جنبه خير يا ابني احكيلي سيف وهو بياخد نفسه بالعافيه شوفت خطيبتي وكان في شئ بيني وبينها بيمنعنا اننا نقرب من بعد ومره وحده لقيتها بتبعد غصب عنها وانا مش قادر انقذها سعد وشه اتغير وهو بيحاول ما يوضحش حاجه لي سيف ده مجرد حلم يا ابني وربنا يبعد عنكم شيطان الانس والجن سيف كلام الشيخ سعد ريحو امين يارب العالمين والشيخ سعد حط ايده علي سيف عشان يرقيه وتأكد ان سيف مفهوش حاجه وهنا الشيخ سعد يطلب من سيف انه يشوف مليكه وسيف بيرحب ياريت يا عم الشيخ انا بابا وماما ماتو ومش عندي حد يروح معايا ياريت سعد طبطب علي كتفه ما تقولش كده يا ابني كلنا اخوات في الله ان شاء الله بكره هرتب اموري و نرحلهم بعد صلاة العصر سيف بيوقف ان شاء الله يا عم الشيخ استناك هنا بعد صلاة العصر بكره
الشيخ سعد بيبتسم في رعاية الله وحفظه سعد واقف وسيف بيمشي وواضح انه فهم حاجه والحلم الي سيف شافو ده كان رؤيه ومش محتاجه تفسير هي مفسره نفسها . باسم بينزل و بينده علي ساره ما فيش حد بيرد وفجاءة يقرب من الحمام بيلاقي ساره مرميه علي الارض بيتخض وبيجري عليها ساره انتي بخير ساره ردي عليا وبيجري يجيب برفان وبيرش علي وشها وبتفوق وبتصرخ الشبح باسم اطمن عليها حرام عليكي انتي خضتيني عليكي شبح ايه الي بتحلمي بيه ساره والخوف باين في عينيها انا شوفت شبح شكله مرعب وقف قدامي باسم ضحك انتي من دلوقت هتخافي ما فيش شبح ولا اي حاجه يلا قومي غيري هدومك دي ريحتك وحشه ساره بتقوم وهي بتبص حوليها والرعب مسيطر عليها و بتاخد دش وتغير لبسها وتطلع
طمني يا باسم انت عملت ايه باسم نام علي الانتريه انا خلصت كل حاجه بس الساحر طلع طماع عايز ٢٠٠٠ ساره اتخضت ٢٠٠٠ كتير اووي باسم بيضحك ساره متعصبه بتضحك علي ايه باسم بيتعدل اصلنا اول ما نتعلم هنطلب فلوس زيو كده وهنكون من الاغنياء وكمان هتكون معايا مليكه وانتي معاكي خالد ساره بتقعد امتي بقا انا نفسي اشوف خالد جنبي اكسرو وبعد كده ارميه باسم بيبصلها ده انتي طلعتي مصيبه وانا الي كنت فاكرك بتحبيه ساره ضحكت احب انا معرفش احب بس انا ما حدش يرفضني وخالد هو الوحيد الي رفضني وعشان كده عشش في دماغي انا مش زيك عشان اسلم قلبي لحد يزلني باسم بيقوم معاكي حق وبيروح علي التلاجه وبيطلع قزازة بيره وبيشرب هو وساره وهما بيتكلمو ويخططو هيعملو ايه في مليكه وخالد . سيف بيوصل بعربيته تحت بيت مليكه ومليكه او ما تسمع صوت العربيه بتنزل جري صباح الفل يا سيف . سيف بابتسامه صباح الفل والياسمين علي العيون الحلوين مليكه بكسوف وبعدين معاك انت مش هتبطل كلامك ده سيف بيبصلها والله ده ما كلامي انا اول ما بشوفك بحس اني الكلام بيطلع لوحده.
مليكه بتبتسم طاب يلا يا رميو بص قدامك ويلا عشان ما نتاخرش سيف بيشغل العربيه انتي تؤمري يا ملكتي المستقبليه ويتحرك
الجني يرجع للساحر ويقول له كل الي حصل الساحر بصوت فيه غضب خليك معاها لحد ما شهوتها تتحرك او تكدب او تغضب او تتشغل عن طاعة ربنا المهم لازم تلاقي فرصه وتدخل جسمها الجني بيظهر بشكل كامل في مشكله اكبر من مليكه وسيف الساحر بستغرب ايه الي انت خايف منه الجني بصوت فيه خوف الشيخ سعد هيجي بكره العصر عشان يشوف مليكه ولو جه حتي لو قدرت ادخل جوه جسمها هو مش هيسيبني غير لما يطلعني وممكن كمان يحرقني عشان هو اداني اخر انذار الساحر بيوقف الشيخ سعد تاني انا مش عارف اعمل اي حاجه معاه ولا مع اهل بيته هو محصن نفسه ومحصن اهل بيته بس ما تقلقش انا هخليه ينشغل لدرجه اني هخليه يسافر لي اهله في البلد ويبعد عن سيف خالص يلا ارجع لشغلك وانا هتصرف وفعلآ الساحر طلب من جني تاني يروح البلد الي منها الشيخ سعد ويصرع بنت عمه عشان اهلو يرنو عليه ويسافر علي طول وما يقبلش سيف وفعلآ بداء الساحر الملعون في تنفيذ الخطه .
وسيف ومليكه مشين بي العربيه لحد ما وصلو محل الملابس نزلوا سوا و بدأوا يختاروا الفستان الي مليكه هتلبسو في كتب الكتاب ولفو علي محلات كتير لحد ما تعبو وكان الظهر اذان وكان فيه مسجد قريب منها في مصلى للسيدات دخلو يصلو سوا سيف دخل المسجد ومليكه دخلت مصلى السيدات وبعد الصلاه سيف اخد مليكه وراحو مطعم اتغدو هناك . توفيق بينده علي خالد . خالد بيجي بسرعه خير يا حاج. توفيق بيبص لخالد ايه ما فيش جديد خالد بيقعد للاسف يا حاج فيه . توفيق بيبصلو باهتمام خير يا ابني قول خالد بيبصلو بعد ما ساره وصلت شقتها بساعه بالظبط طلع باسم يعني باسم طلع مستخبي عند ساره توفيق وقف كنت عارف و متاكد من كده وراح فين خالد وقف الرجال الي مرقبهم قال انه مكان مهجور وشكله غريب دخل قعد نص ساعه ورجع علي الشقه تاني توفيق بيتمشي في المكتب مكان غريب ومهجور يا ترى بتخطط لي ايه يا باسم وهل الزياره الي جاتها ساره ليها علاقه بكده انا كمان مستغرب ايه الواجب والذؤق الي نزل علي ساره اكيد فيه سبب ورا زيارتها لعمك سمير بس يا ترى ايه هو خالد بيتنهد دول شياطين يا حاج وممكن يعملو اي حاجه وربنا يستر انا بدات اقلق. توفيق وقف مره وحده سمير ممكن يكون عندو الإجابه علي كل اسئلتنا هروح وسألوا هي ساره اتكلمت معاه في حاجه او قالت له حاجه خليك هنا في المحل يا خالد لحد ما اطلع لي عمك سمير خالد وهو طالع معاه لبره حاضر يا حاج توفيق بيطلع و بيضرب الجرس سمير بيفتح له وبيقعدو يتكلمو سوا بس ما فيش حاجه بتلفت نظر توفيق غير حاجه وحده اني ساره عملت عصير لي سمير وبيقول في نفسه لو حطت سم ليه كان زمانه ميت يا تره بتخططو لي ايه يا ساره انتي وباسم سمير بيبص عليه مالك يا توفيق سرحان في ايه توفيق كان غرقان في التفكير ولا حاجه يا سمير اسيبك ترتاح وهروح اشوف المحل وبينزل وسمير مستغرب هو جه في ايه ومشي ليه علي طول
سيف وهو راجع بالعربيه هو ومليكه ومره وحده بيطلع واحد سكران قدامه وبيفرمل مره وحده ودماغه بتتخبط في الدركسيون ويغمي عليه مليكه سيف رد عليا وبطلع برفان من شنطتها وبترش في ايدها وبتحط ايدها علي وش سيف وبيبداء يفوق وبتنزل وهي في قمة غضبها وبتزعق مع السكران ده والجن هنا بيلاقي فرصته وبيدخل في جسم مليكه استغل غضبها وقدر يوصل ليها ومليكه بتبص حوليها انا ايه الي جابني هنا وبتسيب سيف وتاخد تاكس وتقولي علي عنوان بيتها والتاكسي يتحرك وسيف يحاول يستوعب الي بيحصل هي مليكه راحت فين وسبتو
الي اللقاء في الحلقه التاسعه
#عباد_الله_اذكره_الله
