رواية مليكه والسحر الاسود الفصل الخامس 5 بقلم جمال المصري
بسم بديع السموات والارض نبداء
#مليكه_والسحر_الاسود
#الحلقه_الخامسه
بقلمى جمال المصرى
مليكه بتجري تفتح الباب وقلبها طاير من الفرحه واول ما بتفتح الباب تتصدم ده وائل ابن عمها مش سيف و شها يتغير اهلا يا وائل اتفضل وائل بغضب فيي عمي مليكه مستغربه في ايه يا وائل مالك وليه متعصب كده وائل بصوت عالي انتي ازي تعملي كده يا هانم سيف بيكون طالع علي السلم واول ما بيسمع صوت وائل يجري وبيشدو لورا وتفاجئ كان فاكره باسم وباستغرب انت مين و بتزعق ليه وائل بعصبية انت اللي مين وازي تشدني كده مليكه اهدا يا سيف وانت يا وائل وتفضلوا جوه نتكلم سمير بصوت يظهر عليه التعب مين الي بيزعق يا مليكه .مليكه بتجري عليه ما فيش حاجه يا بابا ده وائل ابن عمي جه وكمان الاستاذ سيف سمير بيحاول يتعدل اتفضلوا يا ولاد وائل يدخل و هو بيبص لسيف الف سلامه عليك يا عمي . الله يسلمك يا ابني مالك صوتك عالي ليه كده. وائل بصوت عالي ازي بنتك تعمل كده يا عمي . سمير باستغراب عملت ايه مليكه يا وائل وبراحه انا مش مستحمل الصوت العالي
وائل بنبرة صوت هاديه اسف يا عمي بس انا هتجنن ازي اعرف من الناس اني في حد اتجراء وتهجم علي بيتك وانك كمان رحت المستشفي وعملت عمليه هي بنتك دي مش معتبرا اننا ولاد عمها ولا ايه سمير ضحك وسيف ماله بالقصه دي وائل بغضب بس بردوا بيحافظ علي نبرة صوته الهادئة الاستاذ وانا بتكلم مع مليكه لقيته بيشدني لور وزي ما يكون هيضربني سيف وهو محرج انا اسف يا عمي انا لما سمعته بيزعق افتكرته باسم عشان كده جريت عليه وما كنتش اعرف انه ابن عم مليكه سمير ابتسم ما فيش اسف يا سيف يا ابني وائل زي اخوك وانت يا وائل الاستاذ سيف يبقا مدير مليكه في الشغل والرجل مشكور ما سبناش لحظه وحده وائل اتلخبط و ابتسم اسف يا سيف انا كنت جاي متعصب بسبب الي عملتوا الهانم دي وحقك عليا سيف بيحط ايده علي كتف وائل وما فيش اسف احنا اخوات وانا الي اتسرعت مليكه بفرحه يعني خلاص صافي يالبن الاتنين سوا حليب يا اشطه مليكه بتاخد نفس وبطلعو وهي بتقول الحمد لله هروح انا اعملكم اتنين عصير وارجع وتطلع وتروح علي المطبخ عشان تجاهز العصير وائل بيقرب من عمه الاقي باسم ده فين يا عمي سمير بعصبيه الموضوع ده اتقفل يا وائل ومش عايزك تفتحه تاني فاهم ولا لا وائل وقف لا يا عمي انا لازم اجيب حقنا من الكلب ده ازي يتجراء ويتهجم علي بيتك هو احنا موتنا ولو انت مش هتقولي الاقيه فين انا هدور عليه بنفسي واقسم بالله ما هرحمو انا الي يفكر يقرب منك او من مليكه انا هقتلو سيف بيمسك وائل من ايده اقعد يا وائل وعمك تعبان وده مش الوقت المناسب الي تتكلموا فيه عن الموضوع ده مليكه بتدخل بي العصير ما تسمع الكلام بقا وتقعد انت علي طول كده عصبي من وانا صغيره عمري ما شوفتك غير كده انت كبرت وبقيت عندك بيت واولاد وبردو زي ما انت وائل ضحك شوف بنت امبارح يا عمي عايزه تغيرني سمير ضحك والله معاها حق انت ايه متعرفش تتكلم براحه ابدآ وائل ابتسم يعني انا غلطان اللي خايف عليكم يا عمي سمير بهزار ايوه غلطان واسكت بقا سيف يقول ايه علينا سيف ضحك هقول ونعم الرجال الراجل اللي يخاف علي اهله ده ميتقدرش بتمن وائل بيعدل لياقة القميص قولهم يا سيف قلهم دول مش مقدرين قيمتي مليكه ضحكت انت عمرك ما هتتغير انا هروح اجهز الغداء عشان نتغداء سوا سيف ارتبك طاب هستاذن انا وقبل مليكه ما تتكلم وقف وائل لا لازم نتغدا سوا ما انا مش هروح المستشفي لوحدي هي هتدخل المطبخ تعك واحنا هناكل مليكه بزعل بقا كده طاب هتشوف عمايل ايديه وتحكم بنفسك اتفقنا لو الاكل طلع وحش ليك مني ٢٠٠ جنيه ولو طلع حلو هتدفع ال ٢٠٠ جنيه قولت ايه وائل بثقه في حد يكره انو ياخد ٢٠٠ جنيه منك مليكه بتبص نحيت سيف بس الحكم بينا هيكون الاستاذ سيف ايه رايك سيف بص لي وائل بلاش يا وائل هتخسر وائل قرب من سيف انت شايف كده سيف شاور له برأسه ايوه وائل سكت شويه يعني كده انا ادبست مش مشكله امري إلي الله مليكه ضحكت وراحت علي المطبخ وسمير وسيف ووائل بيتبادلو اطراف الحديث في جو مليئ بالضحك والمحبه وسيف و وائل بقيوا اصدقاء من غير ما يحسو واخدو ارقام بعض وبتدخل مليكه يلا اتفضلو الاكل جاهز وبيساعدو سمير يقوم وبيتجمعو كلهم علي السفره واول ما سيف داق الاكل بص لي وائل وطبعآ وائل اول ما لقي سيف بصلو راح داق الاكل ورجع لي وره وحط ايده في جيبه وطلع ال ٢٠٠ جنيه اتفضلي يا مليكه انا الي غلطان يارتني سمعت كلام سيف مليكه بثقه خلاص يا وائل عشان خاطر الاستاذ سيف سماح المره دي وبتبص لي سيف ان شاء الله يا استاذ سيف من بكره هرجع الشغل سيف باستغراب ليه يا انسه مليكه انا وخدلك اجازه اسبوع لحد عمي ما يتحسن سمير بيطبطب علي ايد سيف الي كانت علي السفره انا بقيت بخير يا ابني مليكه ابتسمت سمعت يا استاذ سيف وبصراحه انا اتعودت علي الشغل سيف ابتسم موافق بس بشرط انك تمشي في ميعاد الشغل مليكه اتصدمت وبتقول في نفسها امشي ازي في معاد الشغل وانا ما بصدق اقعد معاك اكبر وقت ممكن سيف بيبص عليها مالك ساكته ليه مليكه بتفوق علي كلامه لا مش ساكته بس بكره نتكلم في الشرط ده سيف سكت كام ثانيه خلاص ما فيش مشكله وان بشكركم علي اليوم الجميل والاكل الي يجنن دي واستاذن عشان الوقت اتاخر وائل بيقوم معك حق يلا نستاذن احنا وهبقا اجي تاني ونكمل كلامنا يا عمي سمير بيقوم ومليكه بتساعده ماشي يا ابني انتو شرفتونا سيف بيقوم يلا السلام عليكم ورحمة الله وبركاته سمير وهو بيشاور لي مليكه توصلهم لحد الباب وعليكم السلام ورحمة الله وبركاته وترجع مليكه وتترمي في حضن باباها سمير بيضحك براحه يا مليكه انا مش حملك يا بنت مليكه بفرحه انا مبسوطه اووي يا بابا انك قومت بالسلامه انا من غيرك ولا حاجه سمير بيبوسها من دماغها ربنا ما يحرمني منك يا قلب ابوكي واشوفك اجمل عروسه في الدنيا مليكه وهي حضنه ولا منك يا اعظم اب في الدنيا وتساعد باباها لحد ما توصلوا للسرير وترجع تلم السفره وتغسل المواعين وترجع تدي باباها العلاج وتدخل تصلي العشاء وبعد كده تنام مليكه الي حبت النوم عشان بتشوف سيف في احلامها واما سيف بعد ما كان خايف من الحب خلاص سلم ووقع في حب مليكه وبصراحه الاتنين مكتوبين لبعض ويعدي الليل وياذن الفجر وتقوم مليكه تتوضئ عشان تصلي وكمان سيف يتوضئ ويروح المسجد يصلي وبعد الصلاه يسند ظهره علي عمود في المسجد وهو يسبح و يستغفر بصوت مسموع وهو مغمض عنيه و وشه مبتسم ويقرب منه امام المسجد ويقعد جنبه والغريب اني سيف زي ما هو ما حاسش بوجود امام المسجد وفضل يكرار استغفر الله العلي العظيم واتوب اليه استغفر الله العلي العظيم واتوب إليه امام المسجد حط ايده علي كتف سيف .
سيف فتح عينه شيخنا معلش ما خدتش بالي إمام المسجد يبقا الرؤيه الي انا شوفتهالك شكلها حصلت سيف بيتعدل رؤية ايه إمام المسجد سمعت صوت في المنام بيقولي بارك لي سيف وقول له ان ده عوض من ربنا واول ما شوفتك مبتسم وبتستغفر ربنا حسيت اني عوض ربنا عليك هيكون عظيم سيف بصوت هادي كلامك صح يا عم الشيخ انا بستغفر ربنا عشان جه عليا وقت وكنت معترض فيه علي ترتيب ربنا عز وجل بس بعد كل حاجه ما خلصت عرفت اني اللي حصل معايا كل خير مش شر بس انا الي ما كنتش فاهم حكمت ربنا عز وجل عشان كده بتمنا اني ربنا يسامحني إمام المسجد بيطمنه ان الله غفور رحيم وانا شايف علي وشك علامة الرضا وديمآ الابتلاء علي قدر الايمان وربنا بيختبر عباده عشان يميز الخبيث من الطيب فنصيحتي ليك يا سيف يا ابني اصبر واحتسب صبرك عند الله سيف بصوت كله عزيمه واصرار ان شاء الله يا عم الشيخ مهما حصل هصبر وانا عارف اني ربنا كريم سيف كان بيقول الكلام ده وما كنش يعرف الي مستنيه بس من جواه تاب إلي ربنا وعرف اني في كل شر حكمه وخير بس الانسان ديمآ بيستعجل وإمام المسجد بيمشي وسيف بيروح وبيفطر وبيروح الشغل واول ما بيدخل المكتب بيلاقي مليكه علي مكتبها وشه بيبتسم من الفرحه السلام عليكم مليكه بابتسامه منوره وشها وعليكم السلام ورحمة الله وبركاته وكل حاجه اتغيرت للاحسن وطول اليوم وهما شغالين مش بيبطلو كلام سوا ويعدي اسبوع علي الحال ده وهنا سيف يوقف مع نفسه واقفه وبيقول لنفسه الي بيحصل ده ما ينفعش وطول ما انا بحبها خلاص اشوف رايها ايه ولو موافقة اطلبها رسمي واتجوزها مليكه بتبص عليه سيف مش عوايدك يعني قاعد ساكت سيف ومن غير تفكير تتجوزيني مليكه اتصدمت وما عرفتش تقول اي حاجه واخدة بعضها وطلعت من المكتب تجري
إلي اللقاء في الحلقه السادسه
