رواية مليكه والسحر الاسود الفصل السادس 6 بقلم جمال المصري
بسم العزيز الجبار
#مليكه_وسحر_الاسود
#الحلقه_السادسه
بقلمى جمال المصرى
وطبعآ لما جريت مليكه ما كنش في حد بالشركه وكانوا زي العاده قاعدين يخلصو الشغل سواء بعد ما كل الموظفين مشيو
سيف وقف مصدوم بعد مليكه ما جريت من المكتب وهو مش عارف هي عملت كده ليه وبيكلم نفسه ياترى هي مش بتحبه عشان كده جريت اول ما عرض عليها الزواج وقعد علي الكرسي وهو تايه مش عارف يفكر ولا يعمل اي حاجه اما مليكه فكانت مبسوطه ومن شدت كسوفها ما قدرتش تقعد قدامة لكن بعد ما طلعت بره الشركه حست ان ممكن سيف يفهم انها كده بترفضو وهي ما صدقت اخيرآ ان الحجر اتكلم وهنا بطلع تليفونها وبترن علي سيف الي اول ما بيشوف اسمها علي التليفون بيحس اني روحه رجعت له وبيرد بسرعه انتي كويسه مليكه بفرحه كبيره انا اسعد انسانه في الدنيا يا سيف اخيرآ نطقت سيف ارتاح من جواه بس مستغرب من تصرفها طاب انتي ليه
جريتي مليكه بهدواء عشان كنت هموت من الكسوف ما قدرتش افضل قدامك ولا كنت هقدر اقولك اني موافقه وعيني في عينك
سيف ضحك للدرجه دي بتتكسفي مني مليكه بتتحرك وهي بتدخل الشركه تاني انت الانسان الوحيد الي انا حبيتو ومن اول ما شوفتك وفي حاجه في قلبي ليك في الاول ما كنتش عارفه اني ده حب بس كل يوم كانت بتكبر وعرفت اني مش هقدر اعيش من غيرك يا سيف سيف بيسند ظهرو علي الكرسي
انا الي كنت من المستحيل انى افكر حتي مجرد تفكير اني احب وحاولت اقاوم حبك كتير بس حبك كان اقوى مني انا بقيت مش شايف حاجه في الدنيا غيرك انتي بقيني روحي ونفسي الي بيدخل جوه جسمي والي لو اتاخر شويه ممكن اموت
مليكه بخوف لا اوعي اسمع منك الكلمه دي تاني انا ما صدقت لقيتك يا سيف وربنا ما يحرمني منك يا اجمل وارق انسان شافته عيوني سيف بيتنهد اه من عيونك دول الي سحروني وخلوني مجنون مليكه اسمك وكل حاجه فيكي خلوني متيم بيكي فانا اهواكي حد الجنون وفي قربك انسى من اكون فانا جسد قد بالا وانتهي وانتي كالروح سكنت جسدي فبقدرت الله احياني بعد ان ظننت اني اختفيت من هالكون ولكن حبك كان شريان الحياه يا من في حبك اسبح واغرق ولا نجاه من بحرك سواء امتلاك قلبك
مليكه بتوصل قدام المكتب وتوقف كفايه يا سيف انا مش قد الكلام الجميل ده انا هدخل دلوقت بس لو سمحت بلاش الكلام ده سيف اتعدل ماشي تعالي تدخل مليكه بعد ما تقفل التليفون ويبدئو في نظرات كلها سعاده وحب سيف بيبداء الكلام مليكه قبل ايه حاجه في سر لازم تعرفيه مليكه بتبصلو انا مش عايزه اعرف اي حاجه من الماضي يا سيف انا يهمني انت وبس سيف بيقوم وبيقعد علي المكتب قدامها لا بس لازم تعرفي السر ده عشان ارتاح انا مليكه بتسند ظهرها علي الكرسي اتفضل يا سيف انا سمعاك سيف بيبداء يحكي انا حبيت بنت في الجامعه وكنت بحبها بجنون وهي كمان حسب كلامها انها بتحبني فضلنا طول فترة الجامعه سوا واول ما خلصنا جامعه اختفت من حياتي وكل ما اكلمها ما تردش لحد ما عرفت انها اتجوزت وفي يوم من الايام اتقبلنا صدفه فقولتلها انا بس عايز اعرف ايه السبب ضحكت وقالتلي اه انا بحبك وقضينه فترات الجامعه في اجمل قصة حب عشان انا زي اي بنت محتاج احب وتحب بس دي كانت فتره وخلاص عدت اما لما افكر اتجوز هتجوز الشخص الي معاه فلوس وينفذلي كل طلباتي اما انت قدامك كتير عشان تكون جاهز تتجوزني بس وادينا عشنا لحظات جميله سوا عايز ايه اكتر من كده وقتها ضحكت وقولتلها معاكي حق ما كنتش اعرف انك رخيصه اووي كده وسبتها ومشيت ومن وقتها وانا كرهت البنات واخدت عهد علي نفسي اني عمري ما هحب لحد ما قبلتك وكل حاجه جوايا اتغيرت وده السر الي ما حدش في الشركه يعرفوا انا حسيت انك لازم تعرفي مليكه بتتنهد كل ده جواك يا سيف وساكت بصراحه معاك حق تكره بنات الدنيا كلها بس صوابعك مش زي بعضها سيف بفرح يعني مش زعلانه مليكه بتبتسم بالعكس انا بقيت عايزك اكتر عشان اعوضك عن كل الي شوفته في حياتك سيف بيقوم وبيمسكها من ايدها ويخدها ويجري بره الشركه مليكه بتضحك في ايه يا سيف مالك كنت هتوقعني سيف بسعاده يلا هروحك وتطلب ايدك من عم سمير وركبوا العربيه وسيف كان طاير بالعربيه لحد ما وصلو البيت ومليكه فتحت الباب بالمفتاح وبتنده علي باباها سمير بيرد بصوت مسموع ايوه يا مليكه انا مع عمك توفيق وبن عمك وائل بتدخل جري هي وسيف سمير اتخض في ايه يا ولاد سيف بيطمن سمير ما تقلقش يا عمي فيه كل خير انا جاي اطلب ايد بنتك مليكه علي سنة الله ورسوله توفيق بيبص علي سمير وو ائل بيبص علي سيف ويضحكوا سيف مستغرب ضحكهم هو في ايه انا قولت حاجه غلط وائل بيضحك اكيد هي الساحره الشريره دي هي الاى وقعتك ما انت كنت بعقلك
مليكه بتبص لي وائل وبعدين معاك يا كبير السحره توفيق بيضحك اصلك عرقان وبتنهج زي ما تكون جاي من بلاد الحجاز جري مليكه وسيف بيبصو لبعض وبيضحكو سمير بيشاور لي سيف اقعد ارتاح يا ابني ايه انتو اتجننتو خالص سيف وهو بيبص لي مليكه بنتك هي الي جننتني يا عمي وائل بيبص لسيف في دي معاك حق يا سيف يلا يا عروسه ايه مش هنشرب الشربات مليكه يعني ايه بابا موافق توفيق ضحك احنا قبل ما تيجو كنا بنتكلم في الموضوع ده وابوكي كان بيقول انه حاسس انك بتحبي سيف وكان بيشكر في اخلاقه وقولنا ياريت يكونوا لبعض لقناكم دخلين علينا زي القطر بتعرفي تزغرطى يا مليكه ولا نلغي الجوازه دي مليكه بتبص لي عمها توفيق تلغي ايه يا حاج ده اتا اخد كورس زاغريط مخصوص وزغرطت وراحت تعمل الشربات ورجعت علي طول بس ما فيش شربات وائل ضحك انا اول ما ابوكي كلمني وقالي عايزك بخصوص موضوع يخص مليكه عرفت اني اخيرآ هخلص منك وجبت الشربات هتلاقيه في التلاجه مليكه وهي ماشيه اول مره تعمل حاجه كويسه في حياتك وائل وهو بيضحك سامعك سيف قاعد مش فاهم حاجه يعني ايه انتوا موافقين سمير ابتسم انت لسا بتسال يا ابني انا مش هلاقي لي مليكه عريس زيك انت ابن ناس واخلاقك عاليه والي حصل ده كله ترتيب من ربنا في الدنيا دي ما فيش حاجه اسمها صدفه وربنا يسعدك انت ومليكه يارب وانا هجبلكم كل الي انته عايزينو من الابره للصاروخ انا مش معايا غير مليكه هي نور عيني وده اسعد يوم في حياتي اني اطمن عليها مع شخص محترم زيك هيحافظ عليها ويحتويها ويكون سند وظهر ليها سيف بيحمد ربنا انا مش عايز غير مليكه والشقه عندي جاهزه من مجميعو سمير بيتعدل ماشي يا ابني بس انا هجيب لبنتي احسن عفش توفيق بيدخل في الكلام واضح يا سمير اني سيف شقته جاهزه زي ما بيقول وانت عايز تجيب نجمه من السماء عشان بنتك الحل عندي فلوس الجهاز تديها لمليكه وهي وسيف حرين فيها سمير ابتسم انت ديمآ بتحل العقد يا صاحبي ايه رايك يا سيف في كلام عمك توفيق سيف بضحك انا موافق علي اي حاجه بس جوزوني مليكه مش عايز غير اني اتجوزها مليكه بتدخل بالشربات والكل بيشرب ومبسوط ومليكه نظراتها لسيف كلها حب وكمان سيف وبعد كلام كتير
اتفقو بعد اسبوع كتب الكتاب وبعد شهر الفرح والكل كان سعيد ومبسوط وجهزة مليكه العشاء وتعشو سوا في جو كله سعاده وفرحه وبعد كده الكل مشي ومليكه لمت السفره وغسلت المواعين ودخلت اوضتها تكلم سيف لحد ما نامو هما الاتنين وهما بيكلمو بعض والصبح جهزة الفطار ورنة علي سيف يجي يفطر معاهم وفعلآ جه فطر معاهم واخدها وراحو الشغل سوا خالد بص علي ابوه هو سيف ده يا حاج ازي يطلع وياخد مليكه وينزل وتركب معاه العربيه كده توفيق ضحك ما انا ما قولتلكش خالد ما قولتش علي ايه يا حاج توفيق قام وقرب من خالد سيف خطب مليكه وكتب الكتاب يوم الجمعه خالد بفرح الحمد لله الف مليون مبروك ازي ما تقوليش علي الاخبار الحلو ده يا حاج وفجاه ظهر علي وش خالد الخوف توفيق حط ايده علي كف خالد مالك وشك اتغير مره وحده يا خالد في ايه خالد بخوف والله يا حاج خايف المجنون باسم ده يعمل حاجه في مليكه او سيف ما انت عارفه مجنون ودلوقت خسر كل حاجه والي زي ده لازم نعمل له حساب
توفيق قعد علي كرسي المكتب معاك حق يا خالد عشان كده عايزك تفتح عنيك ويوم كتب الكتاب مش عايز نمله تعدي من تحت عينك الناس دول طول عمرهم اهلنا وانا مش عايز اي حد يتجراء علي اذيتهم فاهم يا خالد مش عايز غلطه خالد بيقعد علي الكرسي حاضر يا حاج مليكه زي اختي وانا مستحيل اسيب اي حد يبوظ فرحتها وهعمل الي ربنا يقدرني عليه وان شاء الله مش هيحصل غير الخير توفيق بيتنهد ان شاء الله يا ابني خالد وقف مره وحده ووشه مليان غضب وتوفيق بصلو وبيبص علي الباب وقام وقف وهو بيقول لا حول ولا قوه إلا بالله
إلي اللقاء في الحلقه السابعه
#عباد_الله_اذكرو_الله
