رواية مليكه والسحر الاسود الفصل الرابع 4 بقلم جمال المصري
بسم الملك القدوس بسم السلام المؤمن
#مليكه_والسحر_الاسود
#الحلقه_الرابعه
بقلمى جمال المصرى
ساره بصوت واطي متخافش تعالى معايا وبتاخده في المطبخ وتحرك الرخامه الي علي الارض ويفتح باب صغير باسم باستغراب ايه ده ساره بعصبيه هو ده وقته انزل وفعلآ بينزل باسم وبترجع ساره الرخامه مكانها وبتفتح الباب للشرطه الضابط بيبصلها من فوق لتحت اتاخرتي ليه وانتي بتفتحي الباب ساره وهي تتظاهر انها لسا ما فاقتش من النوم يعني هفتح لحضرتك بالبس الي انا نايمه بيه طبعا ما ينفعش خير حضرتك هنا ليه الضابط مش مرتاح لها انا جاي اقبض علي اخوكي باسم
.ساره بتظاهر انها اتخضت باسم ليه هو عمل ايه طمني يا حضرت الضابط ليه عايز تقبض علي اخويا الضابط ابتسم زي ما يكون مش مقتنع بكلامها بعد اذنك تعالي علي جنب ادخل يا عسكري انت وهو فتشوا الشقه ساره بتوقف قدامهم شقة ايه اللي يفتشوها حضرتك معاك اذن نيابه الضابط ابتسم ابتسامه كلها غيظ اكيد اتفضل ساره اخدت الاذن تمام حضرتك اتفضلوا الضابط بيقرب منها يعني اخوكي مش هنا ساره بتبص في عنيه لا مش هنا والعساكر هيجو يقولولك كده دلوقت بس ايه تهمتو الضابط بمكر حاول يسرق بنك امبارح .ساره بترد بتلقائيه ازي هو مش ضرب عمي بنار جات من فين حكاية البنك .الضابط ضحك وليكي ساعه بتمثلي عليا ايوه يا ستي هو ضرب عمو بنار وما فيش بنك ولا سرقه العسكري وقف قدام الضابط وبعد التحيه ما فيش اي حد في الشقه الضابط بص علي ساره اقبض علي مدام ساره عشان هتيجي معانا نشوف حكايه البنك قصدي ضرب النار .العسكري مسكها من ايديها يلا قدامي وبيطلعو سوا وبيخدوها علي قسم الشرطه عشان يحققو معاها وهي في البوكس بترن علي عمها توفيق عشان يلحقها .توفيق بيطلع التليفون من جيبو بيلاقي اسم ساره السلام عليكم .ساره وهي بتظاهر انها بتبكي عمي الحمد لله انك بخير انا لما الشرطه جات خدتني افتكرت انك حصلك حاجه . توفيق بدهشه والشرطه خدتك ليه . ساره وهي تتمسكن مش عارفه يا عمي انا خايفه اووي الحقني يا عمي . توفيق بيقوم حاضر يا بنتي مسافة السكه وهكون عندك سلام .ساره ضحكت وبتقول في نفسها كان نفسي تموت خلينا نرتاح منك عايش دور الطيب وانت شيطان والي معرفش يعملو باسم انا الي هعملو فيك .خالد اول ما ابوه قام مخضوض جري عليه خير يا حاج رايح فين وانت تعبان كده توفيق وهو بيطلع من الشقه الشرطه اخدت بنت عمك هروح اطلعها .خالد بعصبيه لكن بصوت هادي يا حاج دي شيطانه زي اخوها ويمكن اخطر منه كمان دول امهم رضعتهم كره وحقد عليك وهما فاكرين انك ضحكت علي ابوهم واخده حقه ما يعرفوش اني ابوهم كان بتاع نسوان وباع الارض و المحل لي صاحب الكباريه وانك انت اخذتهم من صاحب الكباريه . توفيق بعصبيه عيب يا خالد ازي تتكلم علي عمك كده وبعدين اذكرو محاسن موتاكم هو دلوقت في دار الحق ربنا يغفرله ويسامحه .خالد بيبص في الارض اسف يا بابا بس دول لازم تبعد عنهم وانت شوفت بعينك الكره الي كان في عيون باسم .توفيق اخد نفس عميق وطلعوا كلامك صح يا خالد بس مهما عملو دول من دمنا ودي عرضنا ما ينفعش اسيبها تتبهدل خالد بيقرب من ابوه يعني انت مصمم يا حاج . توفيق بيحط ايده علي كتف خالد ما بي اليد حيله هروح انا عشان اطلعها .خالد بيمشي وراه وانا مش هسيبك تروح لوحدك وركب خالد العربيه مع ابوه وساق هو لحد ما وصلو قسم الشرطه . باسم نزل وكانت الدنيا مظلمه طلع التليفون ونور لحد ما وصل لي مفتاح النور ونور المكان كله وتصدم من الي شافوا لقي كتب كتير في السحر وانواع بخور ولقي دم في اماكن كتير وبيقول لنفسه ايه ده وهنا جات في دماغه فكره بيها هينتقم من مليكه وسيف وعمو ومسك كتاب منهم وبداء يقرا فيه والكتاب كان اسمو شمس المعارف قرا شويه فيه وكان في تلاجه فتحها لقي فيها اكل وبيره ووسكي فضل يشرب لحد ما فقد الوعي خالص ونام وهو نايم شاف اني في جن يقرب منه وبيدخل جوه جسمه واول ما دخل جوه جسمه شاف مليكه وسيف وعمو بيتعذبو قدامه وكان سعيد جدآ وكان حاسس بقوه عجيبه جواه بس دخول الجن كان صعب اوووي وكمان خروجه كان بيحس انه بيموت بس عذاب مليكه وسيف وعمو كان متعه بنسباله وفضل يحلم بي الاحلام دي اوقات يضحك بصوت عالي وهو نايم واوقات يصرخ . توفيق خبط علي الباب .الضابط بص ناحية الباب ادخل . توفيق دخل السلام عليكم . الضابط وقف وعليكم السلام ورحمة الله وبركاته انت لسا تعبان يا حاج ايه الي جابك . ساره جريت عليه وترمت في حضنه عمي الحمد لله انك بخير انا كنت هموت لو حصلك حاجه وانا هفضل مقاطعه باسم طول عمري . توفيق بيطبطب عليها اهدي يا بنتي خير يا حضرت الضابط انت قابض ليه علي ساره . الضابط بيشاور لي توفيق وخالد انهم يقعدوا يا حاج توفيق ساره كانت تتظاهر انها متعرفش حاجه و ببساطه عرفت اوقعها واكتشفت انها عارفه كل حاجه فكان لازم احقق معاها توفيق بيبص للضابط يعني ممكن تمشي دلوقت. الضابط بص لي ساره عشان خاطرك انت يا حاج بس كنت عايزك في موضوع لوحدنا توفيق بص لي خالد خد بنت عمك يا خالد واستنوني في العربيه
خالد بيبص لي ساره بقرف حاضر يا بابا توفيق بيبص للضابط خير . الضابط بيقوم من علي المكتب وبيقعد قدام الحاج توفيق يا حاج البنت دي عارفه اخوها فين والي انا لحظته انك مش فارق معاها اصلآ خالي بالك منها دي زي العقربه انا حبيت احذرك البنت دي شكلها مش سهله وزي الحربايه بتتلون بي الف لون توفيق ابتسم انا عارف كل ده واكتر كمان بس المصيبه انها من دمي ما قدرش اشوفها في ضيقه وسيبها انا عملت كل الي ربنا قدرني عليه معاها هي واخوها بس ما شوفتش منهم غير الشر وربنا هو الحافظ يلا انا بشكر حضرتك واستاذن عشان ما عطلكش اكتر من كده الضابط بيقوم انت شرفتني يا حاج والف سلامه عليك . خالد بيركب العربيه علي كرسي السواق وساره تركب جنبه وبتقرب منه عامل ايه يا خالد . خالد وهو باصص قدامه الحمد لله احسن منك .ساره بعصبيه انت ليه بتعملني كده وانا الي طول عمري بحبك . خالد ضحك انتي تعرفي تحبي انتي زي الحيه بتعرفي تبخي السم في كل الي حوليكي .ساره بعصبيه انا بقيت كده لما فضلت عليا بنت الغريب و اتجوزنها وسبت بنت عمك الي ما حبتش راجل غيرك انا اطلقت عشان ما استحملتش ان راجل غيرك يلمسني وسواء رضيت او لا هتكون جوزي انا .خالد بيتكلم بتريقه عشم ابليس في الجنه انا بعشق مراتي وعمري ما هسيبها عشان وحده زيك . ساره بتحط ايدها علي كتف خالد وتحاول تحضنه خالد بعنف بيزقها ولسا هينزل عشان ينزلها من العربيه لقي ابوه طالع من باب القسم ساره اول ما شافت عمها جاي همست بصوت مسموع مش هسيبك وهتكون ملكي انا وبس ونزلت وركبت ورا توفيق ركب جنب خالد يلا يا ابني اطلع نوصل ساره وبعد كده نروح خالد شغل العربيه ووصلها .ساره نزلت اتفضل يا عمي اشرب حاجه .توفيق يبتسم لا يا بنتي شكرا انا تعبان هروح ارتاح شويه .ساره بصت علي خالد ماشي يا عمي مع السلامه ودخلت شقتها وحركة الرخامه ونزلت بعد ما رجعتها مكانها واول ما نزلت لقيت باسم نايم واول ما صحته قام مفزوع مين ساره . ساره ضحكت ايوه امال هيكون مين . باسم وهو بيمسح وشه وبيحاول يفوق ايه كتب السحر والمكان ده يا ساره انا اول مره اعرف انك عندك مكان سري في بيتك ساره بتقلع الجاكت الي كانت لبسه قبل ما اقول ليا شرط. باسم باستغراب شرط ما فيش مشكله موافق عليه من غير ما اعرفه ساره وقفت لا لازم تعرفه وتوافق عليه. باسم اتعدل بعد ما كان شبه نايم علي الانتريه قولي .ساره وهي بتمشي وبتلف حولين باسم انك تبقا شريكي في العالم ده وما تقوليش لا علي اي حاجه يعني تنسا انك اخويا وانا هحققلك كل الي انت عايزه وهساعدك تنتقم منهم كلهم ومش بس كده لا وهخلي مليكه تيجي تركع تحت رجليك بس انت تسمع الكلام. باسم فكر في كلمها والكلام عجبه موافق علي كل كلامك بس قوليلي ايه المكان ده. ساره بتضحك دي مملكتي انا بعد الطلاق تعرفت علي ساحر و اشتغلنا سوا وجهزت المكان ده عشان يجي هنا ويعمل الأعمال ونقسم الفلوس سوا بس للاسف من شهر مات وانا بقيت لوحدي وناويه اكمل وكنت محتاجه شخص تاني معايا وانت الشخص ده انا عايزه خالد ابن عمك وانت عايز مليكه يبقا لازم نجيبهم زحف لحد رجلينا .
باسم وقف كل ده عملتيه ومن ورايا .ساره بتبص له من فوق لتحت مالك يا حبيب اختك ايه نسيت اني انا الي كنت بضبط لك البنات و تيجي تنام معاهم هنا ايه كنت فاكرني هطلع ايه . باسم سكت شويه وبصلها معاكي حق المهم هنعمل ايه ساره بحماس هو ده الكلام انا اتعلمت من الساحر ده حاجات بسيطه والكتب موجوده نقرا سوا ونبدأ نحضر الجن عشان يبقا عندنا خدام ينفذو كل طلباتنا باسم بحماس وانا تحت امرك وجاهز لكل حاجه وبداؤ يمسكو الكتب ويسجلو الطلاسم الي هيحتاجوها في تحضير مارد من اقوي ماردة الجن وفي الوقت الي كان الشياطين الاتنين دول بيفكرو ازي يدمرو مليكه وسيف كان الحب يسيطر علي قلوبهم واول ما سيف يصحى من النوم يمسك تليفونه وبيرن علي مليكه الي بتكون ماسكه التليفون و جايبه اسمه وعايزه ترن عليه واول ما تليفونها بيرن بتتخض واول ما بتشوف اسم سيف قلبها بيطير من الفرحه و بتاخد نفس عميق و بترد علي التليفون السلام عليكم . سيف وقلبه بيدق و عليكم السلام ورحمة الله وبركاته اخبارك ايه وعمي سمير عامل ايه مليكه بصوت كله رقه و انوثه الحمد لله بخير انت عامل ايه سيف ياخد نفسه بالعافيه و دقات قلبه بتسرع الحمد لله انتي مش محتاجه اي حاجه .مليكه و الفرحه مخليها طايره في السماء لا شكرا ربنا يحفظك بس كنت عايزه اعرف انت دفعت كام في المستشفي عشان اجهز لك فلوسك علي بعضها والحمد لله الفلوس موجوده وانا اكيد لو احتاجت حاجه هقولك .سيف بصوت هادي سيبك من حكاية الفلوس دلوقت المهم نطمن علي عمي ولو اتكلمتي في الموضوع ده تاني بجد هزعل منك. مليكه بلهفه لا خلاص خلاص مش افتح الموضوع ده تاني بس منك بقا لي عمك سمير سيف ضحك اذا كان كده ماشي المهم انا هروح الشغل وانا راجع هعدي عليكم عشان اطمن علي عمي . مليكه بفرحه ظهرت في صوتها البيت بيتك تنور في اي وقت سيف بصوت رقيق يلا اسيبك انا ولو احتاجتي اي حاجه رني عليا مع السلامه مليكه تحضن التليفون وبتقوم عشان تطمن علي ابوها وتحضر الفطار وهي في قمة السعاده . الحب احساس جميل بيخلي الاحباب كانهم في عالم تاني عالم خالي من الكدب ونفاق عالم خاص بالعشق والحب ومهما حاول الناس تلويث الحب إلا ان الحب هيفضل باقي في القلوب الطاهره النظيفه وبيخلص سيف شغله وبيركب عربيته عشان يروح يطمن علي عمو سمير .مليكه بتسمع جرس الباب و بتجري علي الباب بسرعه وهي في قمة السعاده وبتفتح الباب وبتصدم
إلي اللقاء في الحلقه الخامسه
#عباد_الله_اذكره_الله
#عباد_الله_اذكره_الله
