رواية وهم الخيانة الفصل الثاني 2 بقلم نيرة عبدالله
نور قفلت المكالمه وبصت للملف اللي في ايديها وقالت بخبث: هدف'عك تمن لع'بك معايا ده غالي اوي ي سليم
في شركه سليم
كان قاعد في مكتبه ومعتز كان قاعد معاه بيشربوا قهوتهم
سليم: تفتكر نور هيبقي رد فعلها ايه لما تعرف اللي حصل
معتز: اكيد مش هتسكت ي سليم انت اكتر واحد عارف نور وعارف أنها مش بتسيب حقها
سليم وهو بيشرب قهوته: وماله خلي اللع'ب يحلو اكتر ده انا مستني اشوف هتعمل ايه
معتز: خد بالك نور مش سهله
سليم: وانا اعرف ازاي اقف في وشها اطمن
الباب خبط ودخل منه شاب في نفس عمر سليم ومعتز وقال: ممكن ادخل
سليم اتنهد: تعالي يا خالد
خالد دخل وقعد قدامه وقال: اللي سمعته ده صح انت فعلا اخدت مناقصه من نور
سليم: اه اللي سمعته صح
خالد: سليم نور مش هتسكت خد بالك
سليم: وانا مش عوزاها تسكت وكل خطوه هتعملها هتلاقي مني رد اصع'ب من اللي قبله
خالد: عمري ما كنت اصدق ان نور وسليم اللي كان بينهم قص....؛ وقبل ما يكمل خالد كلامه هبد سليم بإيده علي المكتب وقال بحده: اتفضلوا كل واحد علي مكتبه يشوف شغله
معتز: حاضر حاضر اهدي انت بس يلا ي خالد
خالد: ماشي؛ وبص لسليم اسف مكنش قصدي
سليم هز رأسه وطلع خالد ومعتز من المكتب وسليم غمض عينه عشان يهدي وبعدها كمل شغل
بالليل نور دخلت الفيلا ولاقت مامتها مستنياها
ماما نور: جدك وعمك جوا في اوضه المكتب عاوزينك
نور: خير ي ماما فيه حاجه
ماما نور: معرفش ي حببيتي ادخلي شوفيهم
نور: حاضر؛ وراحت خبطت علي اوضه المكتب
الجد بحده: ادخل
نور دخلت وقفلت الباب: حضرتك عاوزني ي جدي
الجده بحده وعصبيه: ممكن اعرف ازاي تسيبي الواد ده ياخد عميل من أهم العمله عندنا
نور: ي جدي انا معرفش اصلا أنه كلمهم كل حاجه كانت ماشيه تمام وانا اتفاجئت زي زيكم باللي حصل
الجد بغضب: يعني ايه اتفاجئتي ي نور المفروض تحسبي حساب كل حاجه سواء كنتي متوقعه أنها تحصل أو لا بس اللي حصل ده تسيب وإهمال
عم نور: براحه عليها شويه ي بابا نور اكيد متقصدش أنها تهمل في شغلها ومن وقت ما مسكت الشركه وهي في تقدم
الجد: انا مقبلش بأي غل'ط يحصل في الشغل
نور: وانا هصلح غل'طي ي جدي وهو هي'دفع تمن لع'به معانا
الجد قام وقف وراح ليها: مستني اشوف هتعملي ايه ي نور مش عاوز الواد ده ياخد مننا اي حاجه تانيه كفايه اللي اخده منك زمان اظن فاهمه قصدي
نور ابتسمت بوجع: اكيد يا جدي فاهمه عن اذنك
وطلعت فوق اوضتها وهي بتحاول تسيطر علي دموعها وتمنعهم من النزول
تاني يوم
سليم كان واقف قدام الازاز وحاطط أيده في جيبه وبيفكر في رد فعل نور وهيكون عامل ازاي وهيستعد له ازاي
باب المكتب انفتح ودخل منه معتز وقال بعصبية: قولتك اللع'ب مع نور مش سهل وان رد فعلها هيكون غير متوقع مسمعتش كلامي
سليم: فيه ايه مالك ما تهدي وهتكون عملت ايه يعني
معتز بعصبية: لا ولا حاجه شركه نور اللي كسبت مناقصه الشركه البريطانية ي استاذ
سليم هبد بإيده علي المكتب وقال بعصبية: ازاي قدرت تدخلها اصلا التقديم ليها خلص من اسبوع
معتز: زي ما انت ليك طريقتك هي كمان ليها طريقتها ومتنساش أنهم واصلين اوي بعلاقتهم
سليم بغضب: حلو اوي كده وبكده نقدر نقول إن الل'عب الحقيقي بدأ تستحمل بقي اللي جاي
معتز: لو حد المفروض يستحمل اللي جاي يبقي انت لأن نور لع'بت معاك علي تق'يل اوي
سليم: تقصد ايه
معتز اداله التابلت وقال: ده التصميم اللي نور كسبت بيه المناقصة
سليم اخد منه التابلت وبصله بصدمه لما شاف التصميم وعينه اتسعت واخد نفس جامد كأنه اتخنق وقال بغضب مكتوم: التصميم ده بتاعي انا ي معتز انا اللي صممته وهي كانت معايا
معتز: عارف ي سليم أن ده كان تصميم بيتكم المستقبلي ونور خدته منك عشان تحتفظ بيه بس بقي س'لاح خسرتك بيه مناقصه من أهم المناقصات عندنا
سليم رمي كل حاجه علي المكتب بغضب وقال بصوت عالي: هي فاكره انها كده انت'قمت يعني دي غلبانه اوي هي كسبت ج'وله واحده من ج'ولات الح'رب
معتز: سليم كفايه كده نور لما بتدخل ح'رب مش بتخرج منها غير وهي كاسبه أو مكسره اللي قدامها
سليم بعصبية: خليها تستعد عشان اللي جاي هيخسرها كتير اوي
معتز: ي سليم.. ولسه هيكمل كلامه؛ سليم بصله وقاله بحده: اطلع وسبني لوحدي ومش عاوز نقاش
معتز أتنهد وطلع وسابه وسليم اخد نفس وبص التابلت وعينه دمعت بس مش دموع دي ن''ار ؛ وقال بلهجه انت'قام: صدقيني اللي جاي هيوج'عك اوي يا نور
داخل مكتب نور – في مقر شركتها
نور قاعدة على المكتب، باين عليها رضا داخلي وانتصار هادي، بتراجع بعض الأوراق. الباب بيتفتح بسرعة وتدخل روضة، وشها مليان غض'ب وعتاب.
روضة بعصبية:انتي بتهزري يا نور؟! انتي فعلًا دخلتي مناقصة مش محتاجاها بس عشان تنت'قمي من سليم
نور من غير ما ترفع عينيها من الورق :هو بدأ الأول، وأنا بس خلّيته ين'دم
روضة بضيق: بس كسبتيه بتصميمه؟! التصميم اللي هو عمله زمان؟ إزاي تسمحي لنفسك تستخدميه؟!
نور رفعت عنيها وقالت ببرود: التصميم ده انا شاركت فيه سليم بأفكاري زمان بس هو اللي رسم ونفذ كل حاجه وبعدين مفيش حاجه تثبت أنه بتاعه اصلا
روضة بغضب: انتي بتلعبي بن'ار يا نور. سليم مش أي حد. واللي حصل ده مش هيعدي بالساهل.
نور قامت وقفت وقالت بنبرة حاسمة وهادية:
وأنا مستنياه وهو اللي بدا الل'عب معايا خليه يشوف بقي آخره الل'عب معايا ايه
واخدت شنطتها وبصت لروضه: انا ماشيه
روضه: راحه فين
نور: مشوار مهم اوي بلا باي وسابتها ومشت
روضة بصتلها بذهول، ومش قادرة تستوعب إن نور عندها كل الغ'ضب ده جواها.
في شركه سليم وتحديدا مكتبه
كان قاعد سرحان بيبص علي التصميم اللي كان المفروض يبقي تصميم بيته المستقبلي هو ونور وافتكر لما كانوا شاغلين عليه سوا؛ (فلاش باك)
في شقه سليم ونور القديمه سليم كان قاعد علي ترابيزه الرسم بيرسم ومركز أوي
نور ابتسمت لما شافته وارحت له حضنته من ضهره: حبيبي بقالك تلات ساعات بترسم ارتاح شويه
سليم بصلها وابتسم بحب وخدها في حضنه: انا عمري ما اتعب وانا برسم الرسمه دي
نور ابتسمت: ليه بقي بترسم ايه
سليم ضحك: شوفي وانتي هتعرفي؛ نور بصت علي الرسمه ولاقت تصميم لبيت حلو اوي لسه مخلصش وبصت لسليم: الله ي سليم ده حلو اوي ده هيبقي بيتنا
سليم باس ايديها: ده اكتر من بيتنا المكان ده هيشهد علي حبنا وعلي كل لحظه هنعيشها سوا سواء حلوه او مره وعلي ولادنا وهما بيكبروا كمان
نور حضنته بحب كبير وقالت: انا مش عاوزه حاجه غيرك انت يا سليم والله
سليم باس خدها: وانا ليكي انتي وبس ي نوري
نور سندت رأسها علي كتفه بحب وسليم كمل رسم
سليم فاق من سرحانه علي صوت معتز وهو بيقوله: سليم انت كويس
سليم قفل التابلت وبصله: ايوا انا كويس
معتز: هنعوض خسارتنا الصفقه دي ازاي
سليم: قبل ما افكر هعوض خسارتي ازاي لازم افكر اخلي نور تدفع الت'من ازاي
معتز: لسه مصمم برضوا ي سليم
سليم: ايوا ي معتز مصمم وانا الح'رب دي انا اللي هطلع منها كسبان مش حد تاني
معتز لسه هيرد عليه بس سمعوا صوت حد بيقول: ده في احلامك بقي
سليم ومعتز بصوا لمصدر الصوت وانصدموا لما شافوا نور واقفه قدامهم
نظراتهم تقابلت في صمت ق'اتل… هي واقفة بثبات وهو واقف بصدمة
نور ابتسمت ابتسامة خفيفه كلها شم'اتة هادية بس موج'عة،
ودخلت اول خطوه جوا المكتب.....(يتبع)
*توقعاتكم ايه للي جاي؟! وتفتكروا المواجهه بينهم هتبقي عامله ازاي؟
* وهم الخيانة
بقلم نيره عبدالله
