رواية وهم الخيانة الفصل الثالث 3 بقلم نيرة عبدالله
نور دخلت أول خطوه جوا المكتب وهي بتقول: شكلك بقيت بتحلم وانت صاحي ولا ده من تأثير الصدمه؛ وقعدت وحطت رجل علي رجل وقالت ببرود: هات لمون لصاحبك ي معتز عشان من الصدمه بقي بيقول كلام وهو مش في وعيه
معتز بحده: الزمي حدو"دك ي نور واتفضلي قومي امشي لأن وجودك غير مرغوب فيه
نور بصت لسليم: ايه ي بشمهندس هو انتوا كده بتعاملوا ضيوفكم اومال فين بقي روح المن"افسة
سليم كان باصص ليها بغضب مكتوم وبص لمعتز: سبنا لوحدنا ي معتز
معتز: حاضر وطلع وسابهم
سليم هبد بإيده وقال بغضب: منافسه ايه اللي بتتكلمي عنها ي بشمهندسه دي اسمها س"رقة
نور ببرود: توتو س"رقه ايه بس ده حتي عيبه في حقي خاصه ان مفيش دليل يثبت اني س"رقت منك حاجه
سليم بعصبية: انتي ايه الب"جاحة اللي بتتكلمي بيها دي انتي عارفه كويس اني انا سهرت ليالي اشتغل علي التصميم ده
نور: انت مشتغلتش بيه لوحدك ي سليم انا كنت معاك في كل خطوه فيه يعني ده بتاعي وبتاعك
سليم بسخريه: بجد والله عشان كنتي بتقترحي عليا افكار بقي بتاعك بس هتوقع ايه من واحده زيك
نور هبدت بإيديها علي المكتب وقامت وقفت وقالت بحده: الزم حدودك وانت بتتكلم معايا ي سليم فااهم وانت اللي بدأت اللعب بالطريقه دي زعلان ليه بقي اني اتعاملت بنفس اسلوبك
سليم قرب منها ووقف قدامها: طالما انتي حابه تلعبي بالطريقه دي يبقي است"حملي اللي جاي كله؛ وقال بتوعد:هت"ندمي ي نور والله العظيم هت"ندمي وال"نار اللي شعلت"يها دي مش هت"حرق حد غيرك
نور قربت منه وبصت في عينه: انا النار ي سليم وإذا كان حد فينا هيت"حرق هو انت مش انا
واخدت شنطتها وطلعت برا المكتب أما سليم فكان باصص ليها بتوعد
نور وهي خارجة من الشركه سمعت صوت حد بيقول: نور ي نور
نور باستغراب: خالد ازيك عامل ايه
خالد ابتسم: بخير طول ما انتي بخير؛ متوقعتش اشوفك هنا صراحه
نور: واديك شوفتني؛ محتاج مني حاجه
خالد: لا بس مش عشان بينك وبين عد"اوه تنسي أننا كنا صحاب في يوم وبينا عيش وملح
نور: اكيد ي خالد عن اذنك؛ وسابته وراحت ركبت عربيتها ومشت وخالد كان باصص لاثرها ومبتسم بإعجاب
معتز من وراه بحده: ايه اللي انا شوفته ده
خالد: ايه ي ابني مالك
معتز: انت ازاي تقف مع نور وتسلم عليها اصلا
خالد: وفيها ايه نور كانت زميلتنا في يوم من الايام وبينا عيش وملح هننساه عشان الشغل يعني
معتز بعصبية: هي اللي با"عت العيش والملح ي خالد ولا ناسي هي عملت ايه زمان ولا اللي عملته انهارده
خالد: عملت ايه انهارده واصلا هي جات ليه
معتز: جات عشان تش"مت فيه سليم بعد ما خسرته المناقصه الدوليه وكسبتها بتصميه
خالد بصدمه: ازاي نور تعمل كده
معتز: نور عدو لينا ي خالد حط ده في دماغك كويس
خالد هز رأسه ومعتز سابه ومشي
معتز خبط علي باب مكتب سليم ودخل: انت كويس حصل بينكم ايه
سليم: انا كويس متقلقش بس مش عاوز اتكلم في اللي حصل
معتز: طب هنعوض خسارتنا ازاي
سليم اتنهد وقال: انا هتصرف ي معتز اطمن وهرد ليها الض"ربه الضعف بس الصبر
في عربيه نور جالها مسدج علي فونها؛ نور فتحت الرساله وكان فيها( ممكن تبقي دعوتي علي الغدا في مطعم.... كمان نص ساعه)
نور اتهندت وردت علي الرسالة ( حاضر نص ساعه وهاجي)
وبعدها ساقت لحد ما وصلت المطعم ودخلت ولاقت شخص قاعد علي ترابيزه مستنيها ونور ابتسمت له اول ما شافها وراحت له؛ ازيك يا وائل اخبارك ايه
وائل قام وباس ايد نور وابتسم وقال: بقيت احسن بشوفتك ي نور؛ وشد ليها الكرسي ونور قعدت وهو قعد قدامها
وائل: شكرا انك قبلتي دعوتي علي الغدا
نور: دي اقل حاجه اعملها لولا مساعدتك ليا مكنتش عرفت ادخل المناقصه البريطانية بعد ما الوقت عمل
وائل: انا في خدمتك ديما ي نور وبعدين اي حاجه ت"ضر سليم الحديدي اكيد انا هشارك فيها
نور: للدرجه دي بت"كره
وائل: فوق ما تتصوري حته واحد ولا يس"وي اتج"را أنه يقف قدامك يبقي لازم نف"رمه اديني انتي بس الاشاره وانا هعرف ازاي اخل"صك منه
نور: لا انا هعرف ازاي اقف قدامه واكيد لو احتاجت مساعده هطلب منك
وائل: انتي تومري ي نور انتي عارفه كويس اوي انتي عندي ايه وبصلها بإعجاب وحب
نور: ايه رايك نشوف هتاكل ايه
وائل ضحك: اوكي يلا؛ وطلبوا الاكل وقعدوا يتكلموا
في الليل؛ سليم وصل فيلته واول ما دخل من الباب ابتسم لما شاف بنت بتجري عليه وتضحنه: أبيه سليم وحشتني اوي اوي
سليم حضنها بحب وباس جبينها: وانتي كمان وحشتني ي قلب سليم قوليلي بقي بتذاكري ولا
البنت: ايوا ي أبيه عشان انجح وابقي دكتوره
سليم باس خدها: شطوره ي سهيله خدي الشكولاته بتاعتك اهي
سهيله حضنته: بحبك اوي يا أبيه
سليم حضنها: وانا كمان يا سوسو؛ وسمع صوت ضحك جاي من الليفنج
سليم: عندنا ضيوف ولا ايه
سهيله: اه ماما معاها طنط هبه
سليم ابتسم: طب روحي كملي مذاكرتك يلا
سهيله: حاضر
وراح اوضه الليفنج وخبط علي الباب وقال ابتسامه: ممكن ادخل
مامته: تعالي يا حبيبي جيت امتي
سليم باس راسها: لسه من شويه؛ بص لهبه وقال: جيتي امتي من السفر
هبه: انهارده الصبح
سليم: مقولتيش ليه كنت جيت خدتك من المطار
هبه ابتسمت: حبيت اعملك مفاجاه
سليم ابتسم ليها؛ وماما سليم قالت: انا هروح احضر العشاء وبصت لهبه: اعملي حسابك هتتعشي معانا
هبه ابتسمت: اكيد يا طنط؛ ماما سليم سابتهم ومشت
هبه راحت لسليم وحضنته: وحشتني اوي اوي
سليم ابتسم وحضنها: وانت كمان
هبه حطت وشها علي خده: مالك فيه ايه شكلك مضايق
سليم راح قعد علي الكرسي وقال: شويه مشاكل في الشغل
هبه راحت قعدت جنبه ومسكت ايده: احكيلي يمكن ترتاح
سليم اتنهد وحكي ليها
سليم: اكيد عدنان بيه هيضايق اوي لما يعرف اللي حصل
هبه ابتسمت: بابا بيثق فيك يا سليم والا مكنش شاركك عشان تقدر تفتح شركتك وانت اتغدر بيك في اخر لحظه يعني مفيش تقصير منك خالص وبعدين انا عندي حل يخليك تض"رب نور ض"ربه توجعها اوي
سليم بصلها: وده ازاي بقي
هبه ابتسمت: تعالي نقوم ناكل الاول وبعدها هقولك ايه رايك
سليم ابتسم: موافق
هبه: طب يلا ومسكت ايده وراحوا ياكلوا
في فيلا نور وتحديدا اوضتها
كانت بتستعد انها تنام باب اوضتها خبط
نور: ادخل
الباب فتح وكان جدها: قولت الحقك قبل ما تنامي
نور ابتسمت: اتفضل ي جدو
الجد: عاوزه اقولك اني فخور بيكي اوي يا نور انك جبتي حقك بالسرعه دي من الواد ده
نور ضحكت: تربيتك ي جدو
الجد : عاوزك كده علطول ي نور وخدي بالك هو مش هيسكت
نور: اطمن ي جدو انا قده واعرف ازاي اقف قدامه
الجد: وانا واثق فيكي ي نور
نور ابتسمت والجد سابها ومشي
وراحت طلعت من دولابها لوحه وكانت التصميم اللي عملته هي وسليم لبيتهم المستقبلي؛ نور بصت للوحه ودموعها نزلت وافتكرت لما شافت التصميم بعد ما خلص
(فلاش باك) سليم: جاهزه تشوفي التصميم بعد ما خلص
نور بحماس: طبعا جاهزه ده انا كنت بعد الايام عشان يخلص
سليم ضحك: طب غمضي عينك يلا
نور: غمضت اهو؛ سليم فتح اللوحه وبص لنور افتحي عينك يلا
نور فتحت عينيها ودموعها نزلت بفرحه وقالت: حلو اوي يا حبيبي تحفه بجد انا مكنتش متخيله أنه يطلع بالجمال ده
سليم مسح دموعها وحضنها وقال: هو طلع بالجمال ده بفضل توجيهاتك
نور ضحكت وحضنته: لا هو طلع كده عشان حبيبي اشطر بشمهندس في الدنيا بس ناقصه حاجه بسيطه
سليم باستغراب: ايه الناقص
نور مسكت القلم وكتبت S&N Our future home
وبصت لسليم بحب وقالت: كان ناقص دي
سليم باس جبينها: كده بقي بريفيكت اوي احتفظي بيه معاكي
نور: امتي يجي اليوم اللي ننفذه فيه بقي
سليم حضنها بحب: هيجي ي نور وهيبقي احلي مما نتخيل
نور حضنت سليم بحب كبير وهو بادلها الحب(نهايه الفلاش باك)
نور قالت بدموع: ليه عملت فيا كده يا سليم وه"ديت كل اللي ما بينا ليه وفضلت تعيط لحد ما نامت
تاني يوم
روضه كانت سايقه عربيتها وفون رن باسم شخص روضه ابتسمت وردت: الو ي حبيبي وصلت ولا لسه
الشخص:.....
روضه: ماشي انا خلاص قربت اوصل اهو
الشخص:....
روضه ضحكت: حاضر ي حببيبي باي وقفلت معاه
وبعد شويه وصلت روضه المطعم ودخلت وشاور ليها شخص روضه ابتسمت وراحت له
روضه: اسفه علي التأخير ي استاذ معتز
معتز بصلها وابتسم ......(يتبع)
*توقعاتكم ايه للي جاي ؟!
* وهم الخيانة
بقلم نيره عبدالله
