رواية وهم الخيانة الفصل الرابع 4 بقلم نيرة عبدالله
معتز بصلها وابتسم: وحشتيني اوي
روضه قعدت وبصتله: لا والله وحشتك بإمارة انك بقالك اسبوعين مشوفتنيش ولما اكلمك تنكسل او ترد وتقولي انك مشغول
معتز باس ايديها: حقك عليا والله بس كنت في الشغل الايام اللي فاتت
روضه ابتسمت: ولا يهمك ي حبيبي بس خليك قاعد معايا وقت كبير بقي عوضني عن الاسبوعين اللي فاتوا دول
معتز: مش هعرف اتأخر اوي عشان نشوف حل في الك'ارثه اللي ست نور حطتنا فيها
روضه:وهي نور عملت كده من نفسها ما سليم اللي بدا وواحده قصاد واحده
معتز بعصبية: بجد والله فتقوم تس'رق تصميمه وتكسب بيه المناقصة وتيجي عشان تشمت فيه
روضه: اكيد نور غلطانه في اللي عملته بس سليم برضوا اللي بدا وهي ردت
معتز بعصبية: روضه اقفلي علي الموضوع ده ممكن
روضه مسكت ايده: طب اهدي ي حبيبي وانت اللي اتكلمت واظن انت عارف أننا متفقين من الاول انا علاقتنا ملهاش اي دخل وعلاقة باللي بيحصل بين سليم ونور
معتز ابتسم: انتي صح متزعليش مني
روضه: انا بس عندي سؤال واحد ايه اللي حصل بين سليم ونور خلي بينهم عداوه بالشكل ده
معتز: معقوله بنت عمتك مقالتش ليكي
روضه: لا ي معتز انا لما سافرت كانت علاقتهم كويسه جدا ولما رجعت لاقيتهم سايبين بعض وكنت كل ما احاول اسألها مكنتش بترد عليا
معتز: ولا هترد سيبي اللي حصل في الماضي في الماضي ي روضه وبلاش نفتح فيه فهماني
روضه تنهدت: فاهمه ي معتز
معتز ابتسم: هطلب فطار عشان نفطر سوا
روضه ابتسمت: ماشي؛ ومعتز طلب فطار وفطروا سوا
في فيلا سليم؛ سليم صحي من النوم واخد شاور ولبس بدله سوده وشيميز اسود وجزمه سوده وساعه جلد سوده وسرح شعره ودقنه بجذابية ورش بريفيوم ريحته جذابه اوي ونزل تحت وشاف مامته قاعده في الليفنج
سليم ابتسم: صباح الخير يا ست الكل وباس رأسها
مامته: صباح النور يا حبيبي رايح الشركه
سليم: هروح الجامعه الاول عندي ندوه هناك وبعدها هطلع علي الشركه
مامته: طب اقعد افطر الاول
سليم: هفطر في الشركه
مامته:ماشي يا حبيبي ربنا معاك ويوفقك يارب
سليم باس ايديها: اللهم امين يارب العالمين؛ وراح ركب عربيته ومشي
وبعد وقت وصل الجامعه ونزل من العربيه وراح علي مكتب العميد وخبط علي الباب ودخل (وكانت نور موجوده عشان هي كمان معاه في الندوه وكانت لابسه بدله حريمي لونها بيج مع توب ابيض وهيلز بيج وحاطه ميكب رقيق وسايبه شعرها وبريفيوم جذاب وشنطة بيج)؛ ونور وسليم بصوا لبعض ومتكلموش
العميد وقف اول ما سليم دخل وراحله: اهلا اهلا بشمهندس سليم نورت الجامعه كلها
سليم باحترام: بنورك يافندم
العميد: انا مبسوط جدا أن بشمهندسين في مصر كانوا من طلاب الجامعة دي حقيقي فخور بيكم اوي
سليم ابتسم: كلامك ده شرف ليا يا فندم وشهاده اعتز بيها
نور ابتسمت: وانا بتشرف اني موجوده انهارده في الجامعة اللي اتخرجت منها
العميد ابتسم: هروح اشوف اخر التجهيزات ايه؛ وبص لسليم اتفضل ارتاح ي بشمهندس
سليم ابتسم له والعميد خرج وسابهم
سليم راح قعد قصاد نور وحط رجل علي رجل؛ وقال: انتي جايه بقي تنصحي الطلاب ازاي يس'رقوا تصاميم زمايلهم
نور ببرود: متقولش كلام ملوش فايده ي سليم انت اه رسمت التصميم بس انا شاركت معاك فيه وغير كده انت بنفسك قولتي زمان احتفظي بيه يعني اديته ليا فين بقي السرقه في كده
سليم ببرود: عمتنا مش مهم عارفه ليه لاني انا من زمان اوي رميت التصميم ده في الزب'اله زي ما رميت حاجات كتيره اوي في الزب'اله قبله
نور اتوج'عت جدا من كلام سليم بس مبينتش له ولسه هترد عليه الباب خبط ودخل واحد وقال: تحبوا تشربوا حاجه
سليم: ياريت تجيب للبشمهندسة عصير ليمون عشان تهدي شويه وقام وقف ومشي خرج برا الاوضه؛ اما نور فكانت مصدومه من كلامه
الشخص لنور: اجيب لحضرتك حاجه
نور هزت راسها بلا؛والشخص خرج وسابها وهي اتنهدت وقالت وهي ماسكه دموعها: هتدفع تمن وج'عك ليا زمان ودلوقتي غالي اوي
عند سليم كان ماشي في الكليه وبيفتكر ذكرياته فيها لحد ما لفت نظره اللوحه اللي بيتعلق عليها اماكن المحاضرات وفي المكان ده شاف نور اول مره ( فلاش باك)
نور كانت بتشوف مكان اول محاضره ليها في الكليه فين وكانت أول محاضره في مدرج ٣
نور: يتري مدرج ٣ ده فين بقي
سمعت صوت شخص بيقول ليها: في الدور التالت علي اليمين
نور بصتله وقالت: هو كان صوتي عالي اوي
سليم ضحك: شويه
نور ضحكت: معلش بقي اصلي اول سنه
سليم ابتسم: ولا يهمك وبعدين وانا كمان اول سنه زي زيك
نور: ولما انت اول سنه عرفت مكان المدرج ازاي
سليم: قريبي هنا وجيت معاه وقت التقديم وعرفني الاماكن
نور: تمام شكرا ليك وكملت نقل أماكن المحاضرات
سليم: كده هتتاخري علي المحاضره وهي فاضل عليها عشر دقايق
نور: بس انا عاوزه اكمل نقل الجدول
سليم ابتسم: انا هديه ليكي نقلته كله
نور ابتسمت: شكرا ليك بجد؛ هو انت اسمك ايه
سليم ابتسامه: اسمي سليم
نور ابتسامه: وانا نور
سليم ابتسم: طب يلا علي المحاضره ي نور
نور ضحكت: يلا؛وراحوا المحاضره سوا (نهايه الفلاش باك)
سليم فاق من سرحانه علي صوت نتوفيكيشن علي فونه وكانت من هبه بعتاله( ايه رايك نفطر سوا بعد ما تخلص الندوه في الكليه)
سليم بعت ليها: موافق؛ وبعدها اتنهد وقال: فوق بقي ي سليم فوق اللي بينك وبين نور عداوه وبس
وجه السكرتير: بشمهندس سليم العميد بيقول لحضرتك فاضل خمس دقايق والندوه تبدأ
سليم ابتسم: تمام يلا بينا؛ وواحوا القاعه اللي فيها الندوه
نور وسليم دخلوا القاعة وسط ترحيب وتصفيق من الطلبة، وكل واحد فيهم راح وقف عند المايك الخاص بيه على المنصة وكان فيه حضور قوي من الدكاتره والطلاب بس الاول العميد رحب بيهم
وقال:معانا النهاردة اتنين من ألمع الخريجين في مجال الهندسة كل واحد فيهم له بصمته ومكانته وهنستفيد من خبرتهم في السوق التصفيق يعلى، وسليم بيبتسم بود، ونور بتحافظ على هدوءها
مقدم الندوه: خلونا نبدأ بنقطة بسيطة إزاي المن'افسة بتدفعكم للنجاح؟
نور بهدوء وابتسامه:المنافسة شيء صحي جدًا خاصة لما تبقى عادلة. بتخلّي الواحد يشتغل على نفسه، ويقدّم أفضل ما عنده؛ وبتميل سنة ناحية المايك وقالت: بس المشكلة بتبدأ لما في حد بياخد طريق مختصر عشان يثبت نفسه ويكبر بسرعه
سليم بهدوء: وأوقات كتير الطريق المختصر ده بيبقى مجرد إن حد عرف يلعب صح، مش أكتر. مش كل حد خسر معناه اتظ'لم ممكن يكون بس اتغ'لب.
نور: بس في فرق كبير بين اللعب الصح واللعب تحت الترابيزة ويا في ناس بتفتكروا إنهم كسبوا لحد ما الحقيقة تطلع.
سليم بابتسامه:وأوقات الحقيقة بتطلع متأخر بس لما بتطلع، بتفضح الك'دبة كلها.وأنا مستني اللحظة دي.
مقدم الندوه بيحاول يهدّي الجو ويدخل بسؤال تاني، بس في اللحظة دي كل اللي في القاعة حاسّين إن فيه ن'ار طالعة من كلامهم. كل كلمة ليها معنى
مقدم الندوه: واضح إنكم بتشجعوا التحدي وده بيدي أمل للطلبة اللي نفسهم يكونوا زيكم.
نور بنبرة قويه: أهم حاجة يتعلموها إنهم ما ينسوش نفسهم وسط السعي للنجاح. وإن النضافة في الشغل مش اختيار، دي أساس.
سليم بنفس النبره: وأهم حاجة كمان إنهم ما يثقوش في اللي بيبتسم لهم كتير، لأن أقوى طع'نة ساعات بتيجي من اللي كانوا معاهم على نفس الدكة.
نور وسليم كل واحد فيهم بص التاني وكان باين أن الوضع بينهم متوتر وبعدها مقدم الندوه بدأ ياخد اسئله من الطلاب ونور وسليم كانوا بيردوا عليها وبعد وقت الندوه خلصت
العميد لنور وسليم: شكرا جدا علي حضوركم وشكرا علي الفرصه اللي قدمتوها لتدريب الطلبه
نور بابتسامة: الشرف لينا احنا يا فندم أننا كنا موجودين هنا أنهارده
سليم بابتسامه: دي اقل حاجه نقدمها الكليه
العميد ابتسم: اتمني اسمع عنكم كل خير ديما
نور وسليم: شكرا يا فندم.
العميد ابتسم وسابهم ومشي
نور لسليم: اشك انك كنت مجهز عرض لتدريب الطلبه اصلا بس لما شوفتني قولت لما اقول انا كمان
سليم: انتي عارفه كويس اوي اني مش بقلد حد ي نور انتي بس اللي مضايقه انك مخدتيش الاضواء جوا لوحدك
نور: انا طول عمري واخده الاضواء ي سليم
سليم قرب منها: ده كان زمان يا نور بس دلوقتي الوضع اختلف والأضواء هتتسحب منك واحده واحده
نور ضحكت: ده في احلامك
سليم ضحك: انتي عارفه ان مفيش حلم حلمت بيه الا وحققته ماعدا حلم واحد محققتوش عشان اكتشفت أنه ملوش لازمه في حياتي وان حياتي من غيره هتبقي انضف
وسابها وراح ركب عربيته ومشي؛ ونور دموعها نزلت من كلامه وقالت بوجع: بك'رهك ي سليم بك'رهك
وراحت ركبت هي كمان عربيتها ومشت
نور وهي سايقه العربيه جالها رساله علي فونها من رقم غريب؛ نور استغربت وفتحت الرساله وكان مكتوب فيها( ولسه اللي جاي هيوجعك اوي مش بس هيوجعك ده هيدمرك)
نور انصدمت وبصت الرساله بصدمه....(يتبع)
*توقعاتكم للي جاي؟!
وهم الخيانة
بقلم نيره عبدالله
