رواية وهم الخيانة الفصل الخامس 5 بقلم نيرة عبدالله
ونور وهي سايقه العربيه جالها رساله علي فونها من رقم غريب؛ نور استغربت وفتحت الرساله وكان مكتوب فيها( ولسه اللي جاي هي"وجعك اوي مش بس هي'وجعك ده هي'دمرك)
نور انص'دمت وبصت الرساله بص'دمه وعنيها بتقرا الكلام مره واتنين وتلاته وضحكت ضحكه صغيره مليانه وج'ع وقالت ب'وجع: هو في أكتر من اللي حصل؟ في أكتر من كده؟
وبصت لمراية العربية وعنيها كانت مليانه دم'وع بس منزلوش وقالت بقوه: أنا مش ضع'يفة ومش ه'قع. حتى لو الكل بيحاول يوقعني. بس اللي بعت الرسالة دي شكله مش فاهم أنا وصلت لحد فين.
وبصت الرساله تاني وقالت: يتري مين اللي باعتها ممكن يكون سليم وليه لا عشان يض'عفني سواء كان هو او غيره مفيش حاجه ممكن تك'سرني بعد كده انا عديت من الص'عب وقفت على رجلي بعد كل خ'يانة وكل طع'نة. والل'عبه دي انا اللي هخرج منها كس'بانه ومك'سره كل اللي حواليا؛ وشغلت العربيه واتحركت وكان عينيها فيها ن'ار
في الليل؛ وتحديدا فيلا سليم
كان قاعد هو وغيث في الجنينه بيتكلموا
غيث: مجتش الشركه ليه انهارده
سليم: عادي خلصت الندوه وبعدها روحت فطرت مع هبه وحسيت نفسي مصدع عشان مكنتش نايم كويس فقولت اروح انام وارتاح
غيث: ايه اللي حصل في الندوه زمانها كانت ندوه علي صف'يح س'اخن زي ما بيقولوا
سليم ضحك: هي كانت كده فعلا وكانت بت'رمي كلام من تحت لتحت بس انا رديت عليها كويس وعرفتها حجمها
غيث ضحك: جدع ي صحبي قولي بقي ناوي علي ايه معاها وهنعوض خس'ارتنا ازاي
سليم: خس'ارتنا هنعوضها في اقرب وقت وبطريقه هتهز اسم نور في مجال الهندسه
معتز: هتعمل كده ازاي
سليم: ده شغلي بقي وهعرف امشيه ازاي
معتز ضحك: ماشي ي صحبي؛ طب وناوي علي ايه معاها
سليم: هتعرف كل حاجه في وقتها
معتز اتنهد: اللي تشوفه ي سليم؛ وقاام وقف وقال: انا همشي بقي اه صحيح بكرا حفله ذكري تأسيس شركه عدنان جروب اكيد جاي
سليم: طبعا هاجي مينفعش مجيش اصلا
معتز: خد بالك جد نور هيبقي موجود بكرا
سليم قام وقف: انا مستني المقابله دي من زمان
معتز: تصبح علي خير ي صاحبي
سليم ابتسم: وانت من اهله؛ معتز مشي وسليم فضل واقف مكانه وقال بغموض: اللي هيحصل بكرا هيغير حاجات كتيره اوي
تاني يوم؛ في فيلا نور
نور كانت قاعده في اوضتها بتشتغل والباب خبط
نور: ادخل
روضه دخلت: عامله ايه ي م'وزتي
نور ضحكت: الحمد لله ي فلتي وحضنتها؛ وقالت: اخبار الشغل ايه
روضه: متقلقيش كل حاجه تمام وشيكت علي كل حاجه قبل ما اجي؛ قوليلي صحيح هتروحي حفله شركه عدنان جروب
نور: طبعا هروح وجدو كمان هيروح وانتي اكيد هتيجي معانا
روضه: هبه وسليم هيكونوا اكيد هناك وانا عارفه انك مش بطقيهم فمهما عملوا حاولي تكوني هاديه وامسكي اعص'ابك
نور ابتسمت: حاضر ي روضه متقلقيش؛ المهم قوليلي عمتو جات معاكي
روضه: اه قاعده تحت مع العيله
نور: طب يلا ننزل نقعد معاهم شويه وبعدها نطلع نجهز
روضه ابتسمت: يلا ونزلوا تحت
في الليل: سليم اخد شاور ولبس بدله سوده وشيميز اسود وجزمه سوده وساعه جلد سوده وسرح شعره ودقنه بجذابية ورش بريفيوم ريحته جذابه اوي؛ ونزل اخد مامته واخته وكان معتز مستنيهم وركبوا العربية ومشوا راحوا الحفله
عند نور اخدت شاور ولبست فستان سيلفر طويل وسابت شعرها وعملت ميكب رقيق وهيلز لونها سيلفر وحلق سيلفر وبريفيوم ريحته جذابه
ونزلت وكان جدها وروضه مستنينها وركبوا العربية وراحوا الحفله
في الحفله عدنان كان واقف هو وبنته هبه بيستقبلوا الضيوف؛ وهبه كانت لابسه فستان اسود طويل مع هيلز اسود ومكيب رقيق وعملت تسريحه لشعرها وبريفيوم
ودخل سليم ومعاه ومعتز ومامته واخته؛ وعدنان وهبه استقبلوهم بترحاب كبير
سليم: الف مبروك ي مستر عدنان علي تأسيس الشركه ويارب ديما في نجاح
عدنان بابتسامة: شكرا ي سليم مبسوط انك موجود معايا انهارده في الحفله
سليم: مكنش ينفع مجيش حضرتك ليك فضل كبير عليا اني اوصل للنجاح اللي انا فيه ده
عدنان:انت وصلت للنجاح ده بفضل مجهودك وانا واثق انك لسه هتوصل لاكتر من كده
سليم ابتسم: دي شهاده اعتز بيها جدا؛ عن اذن حضرتك هروح اسلم علي هبه
عدنان ابتسم: اتفضل
سليم ابتسم وراح لهبه: شكلك حلو اوي انهارده
هبه ابتسمت: وانت كمان شكلك يجنن والبنات كلها عينها عليك
سليم ضحك: سيبك منهم مش مركز معاهم اصلا
هبه ضحكت: ايوا كده شاطر وقربت منه ومسكت ايده وقالت: ونور وجدها شويه وهيوصلوا مهما حصل اوعي تض'ايق نفسك عشان خاطري
سليم ابتسم وطبطب علي أيديها: حاضر مش هخلي حاجه تضايقني
هبه: ايه رايك اروح اجيب حاجه نشربها
سليم: خليكي هروح اجيب انا
هبه ابتسمت: اوكي
سليم راح ناحية البوفيه عشان يجيب عصير وسمع حد بيقول: بقي ليك قي'مه ي سليم وبتحضر حفلات راقيه زي دي
سليم بص لمصدر الصوت وشاف وائل بيبص له نظرات كلها حق'د وك"ره
سليم ببرود: انا ليا قيمه وقيمتي عاليه اوي ومن زمان يا وائل لدرجه انك مش عارف توصل لقيمتي ولا هتعرف
وائل: انت اتعمل ليك قيمه بس'رقه الاضواء ي سليم وبمساعدة عدنان ليك فوق لنفسك
سليم: صح عدنان بيه ساعدني اني اقف علي أول الطريق بس باقي الطريق مشيته لوحدي وصنعت اسمي بتعبي ومجهودي والأضواء هي اللي بدور عليا مش زيك واقف تحت النور بس محدش شايفني
وائل ب'غل: انت مهما عملت عمرك ما هتوصل للي انا وصلته ي سليم
سليم بضحكه است'هزاء: فوق ي وائل انا بقيت انجح منك واع"لي منك بكتير وانت اللي بتحاول توصل ليا بس مش عارف
وائل بعصبية: انت بالنسبة ليا ص'فر وجودك وعدمك واحد
سليم بابتسامه ثقه: الص'فر دا اللي مسببلك عق'ده لأنك كل ما تبص للمراية، بتشوف إنك أقل مني وده بيق'تلك كل يوم.
وسليم بيسيب وائل ويمشي ووائل واقف مكانه كاتم غض'به بالعافيه
سليم راح لهبه: اتفضلي العصير
هبه ابتسمت: شكرا ميرسي؛ وفضلوا يتكلموا لحد ما دخلت نور وجدها روضه؛ اول ما نور دخلت الكل بص عليها بإعجاب وسليم ابتسم نص ابتسامه علي شكلها من غير ما حد ياخد باله؛ وعدنان شاور لهبه وسليم أنهم يجوا
عدنان: اهلا اهلا بسليمان بيه ونور هانم
سليمان: مبروك ي عدنان وبالتوفيق في اللي جاي
عدنان: الله يبارك فيك يا باشا
نور بابتسامة: عقبال ما تحتفل بميه سنه علي تأسيس الشركه
عدنان ابتسم: في حياتك ي نور هانم؛ مبروك فوزك بالمناقصه البريطانيه
نور ابتسمت: الله يبارك فيك
وفي اللحظة دي جات هبه وهي حاطه أيديها في دراع سليم ونور حست بغ'ضب جواها
عدنان: طبعا مش محتاجه اعرفكم علي هبه بنتي وعلي البشمهندس سليم اسمه بقي نار علي علم في مجال الهندسه ي سليمان باشا
سليمان بص لسليم بغض'ب وك'ره بس من غير ما يبين وسليم كان بيبص له ببرود
سليم مد له ايده وقال: ليا الشرف اني اتعرف علي سليمان باشا اسم تقيل في عالم الهندسه وبص لنور: وحفيده حضرتك واخده نفس طباعك بالضبط
سليمان ابتسم وسلم علي سليم وضغط علي ايده جامد وقال: سمعت عنك بيقولوا انك شاطر بس قدامك كتير عشان توصل ليا لشطارتي انا وحفيدتي
نور: جدو ممكن ندخل
سليم ابتسم: مع احترامي لحضرتك بس انا مبح'بش ابقي زي حد انا ليا دماغي وطريقي الخاص وقريب جدا هفاجي حضرتك بشطارتي
سليمان بهمس وغض'ب مكتوم: فوق لنفسك واعرف انت بتكلم مين انت نسيت نفسك ولا ايه انت كنت ولا حاجه
سليم بهدوء ووع'يد: الولا حاجه ده هو اللي هيم'سح شركتك من الوجود
سليمان كان لسه هيرد عليه بغ'ضب كبير بس نور أدخلت وقالت: جدو اهدي ارجوك ويلا ندخل وبصت لروضه: خدي جدو وادخلي
روضه: حاضر يلا يا جدو؛ وأخدت جدها ودخلت وهي داخله هي ومعتز بصوا لبعض وابتسموا من غير ما حد ياخد باله
نور كانت لسه داخله سليم قالها: مش ملاحظه أننا بقينا بنتقابل كتير الايام دي
نور: نعمل ايه بقي في لع'به القدر اللي بتخلنيا نشوف ناس مش عاوزين نقابلهم ونبقي مض'طرين نتعامل معاهم
سليم بابتسامه خفيفه بس عينه فيها ح'ده: أول مره اتفق معاكي بس القدر بيرجع يخلينا نشوفهم تاني عشان نشوف وشهم الحقيقي الوش اللي كان مستخبي تحت وشهم الم'زيف
نور بهدوء متماسك: عارف حتي والناس دي بعيده بنفضل فكرينهم طول عمرنا عشان الأث'ر اللي سابوه في حياتنا بيفضل موجود طول العمر وبيخلينا نك'رهم اكتر واكتر
سليم بابتسامه فيها وج'ع مك'توم: تعرفي أن الك'ره طلعت مشاعره اقوي من الحب والك'ره هو اللي خلاني اوصل اللي انا فيه واعمل كل عملته واللي لسه هعمله
نور بصت في عينه وقالت وهي بداري وج'عها: بيقولوا ك'ره الست قد ك'ره الراجل عشرات المرات فخد بالك بقي من اللي جاي
سليم ابتسم وقرب منها وقال بهمس: خدي بالك انتي من اللي جاي عشان بعد شويه هتحصل حاجه هتفاجئك وسابها ومشي؛ ونور استغربت كلامه وراحت علي الترابيزه بتاعتها هي وجدها
جدها: الواد ده كان بيقولك ايه
نور: بيقول أنه هيتفوق علينا بس انا وقفته عند حده اطمن ي جدو
جدها: برفوا عليكي يا نور
وائل جه قعد جنب نور: شكلك يجنن اوي يا نور
نور ابتسمت: ميرسي يا وائل
وائل: ايه رايك نقوم نرقص سوا ارجوكي وافقي
نور :بعدين يا وائل بعدين
روضه لنور: انتي كويسه
نور: اه تمام متقلقيش؛ وكانت بتفكر في اللي سليم ممكن يعمله وهيفاجئها
وبعد شويه الموسيقي سكتت وسليم مسك المايك وطلع علي الاستديج وقال: مساء الخير آسف اني قطعت اللحظة، بس فيه حاجة مهمة كنت مستني اللحظة دي من بدري عشان أعملها قدام الكل.القاعة سكتت، وكل العيون اتوجهت عليه.
سليم كمل وهو ماسك علبة صغيرة، وبيتحرك نحية هبة
فيه ناس لما تدخل حياتك، بتغيرلك مفهومك عن كل حاجه عن الثقة، عن الاحتواء، عن البداية الجديدة. وهبه كنتِ دايمًا السند والدعم وقت ما كله اختفى.
فتح العلبة وكان فيها خاتم ألماس بسيط وقال: هبه تتجوزيني؟
شه'قة خفيفة خرجت من نور، بس ابتلع"تها بسرعة وهي بت'شد نفسها، عنيها متس'مّرة عليه، وعلى المشهد اللي مش قادرة تستوعبه ....( يتبع)
*توقعاتكم اللي جاي؟!
• وهم الخيانة
بقلم نيره عبدالله
