رواية عشق ابيض واسود (كاملة جميع الفصول) بقلم عائشة الكيلاني
كانت واقفة قدام الدولاب :- رواحو فين ، انا متاكدة انى شايلهم هنا نهار اسود الفلوس ضاعت ط طب ازاي ازاي و انا شايلهم هنا بايدي اعمل اي ياربي اعمل اي دى فلوس نااس
قالتها بعصبية جنون خرجت من اوضتها اتجهت لسفرة و اخدت الفون بتاعها:- الو يا ماما
الام:- يلا يا حبيبتي اخواتك و ابوكي مستناينك متتاخريش و ابقي هاتي اسر معاكي
لبنى و ايديها على راسها:- معلشي يا ماما اسر مش هينفع يجي انا جاية اهو سلام
لبنى قفلت مع امها و غيرت هدومها و اتصلت باسر تقولو انها هتخرج نزلت كان باب حماتها مقفول اتنهد بهدوء و راحة و نزلت فتحت الباب و خرجت بعد وقت وصلت عند اهلها سلمت عليهم و كانت بتحاول تكون مبسوطة
الام حطت ايديها على ايد لبنى:- انتي كويسة يا لبنى
لبنى هزت راسها بهدوء:- كويسة يا حبيبتي انا بس مصدعة شوية
خالد بسخرية ؛- طبعا من السعادة الى انتي فيها تو جيت من غير ما تستاذني البيه لا و قعدة بشعرها بتتكلم معانا عادي
الاب بص له بحذر و هدوء:- خااالد سيب اختك ترتاح و كل واحد بياخد نصيبه
مروان:- دا لم يبقا مغلوب على أمره لكن مش يختار
لبنى بضيقة و حزن مداريين:- لم اجي اشتكي ليك يا مروان ابقا اتكلم و بعدين اسر بيحبني و بيخاف عليا
قامت و دخلت البلكونة نفخت بضيقه و قعدت تفكر هتعمل اي بالليل روحت فتحت الباب و دخلت و لقت كل حاجة عكس ما سيبها:- اي الريحة
كانت الشقة غاز جريت على المطبخ لقت البوتجاز مفتوح على الفاضي كل العيون جريت بسرعة قفلته و فتحت شبابيك الشقة و الشقة متبهدلة قالت بحيارة:- يا تري مين عمل كدا مش معقول عفريت بيطلع الشقة في غيابي و يبهدلها بالشكل دا انزل اقول لماما ليكون في حرامي ولا حاجة
نزلت عند حماتها قالت بابتسامة:- مساء اليوم يا ماما
الحماة:- كنتي فين من الصبح لا حس ولا خبر خير
لبنى:- مفيش كنت عند ماما لانها تعبانة شوية و لازم اروحلها انا استاذنت من اسر على فكرة
الحماة ببرود:- بس انا الى قعدة في البيت مش اسر يبقا تخدي الاذن مني تاني مرة متكررش ، قولي بقا مالك وشك مخطوف ليه
لبنى بتوتر و قلق:- معرفش يا ماما الصبح صحيت ملقتش الفلوس كنت مستلفها من مرات اخويا و قبض و قالت ارجعهم ليها بس معرفش راحوا فين مع انى متاكدة انى حطتهم في الدولاب بايدي و رجعت لقيت الشقة مقلوبة و مليانة غاز الشقة شكلها مسكونة
الحماة ببرود:- وقعتي قلبي يا شيخة انا قولت حصل مصيبة لا يا حبيبتي مفيش حاجة دا انا طالعت اعمل اكل لان البوتجاز بتاعي شكله باظ و بعدين دى شقة ابني
لبنى:- بس اسر مش بيدي المفتاح بتاعه لحد
الحماة:- جرا اي يا لبنى اخص عليكي هو انا حد ابنى بعد ما وضب الشقة و اتفرشت عطاني نسخة من المفتاح علشان لو حصل حاجه كدا أو كدا الحقك و فلوس الى في الدولاب كنت محتاجهم لان هنا على وش جواز و لازم نكمل حاجاتها في خدهم بس اوعدك اول ما يبقا معايا ابقا ادهملك و بعدين هى هنا مش اختك برضو بدل ما تقولي اساعدكم في حاجة يا ماما تجيب هداية لاختك المفروض اول ما كنتي قبضي تجيب هداية اخص عليكي مستكترة في اختك عشر تالاف جنية
لبنى بصت ليها بغضب و طالعت بعصبية و رزعت الباب رجعت شعرها لوراء:- هو انا بشتغل علشان نفسي ولا علشان اصرف عليهم و بعدين هى معندهاش عيال غير اسر اي الارف دا ماشي يا اسر ماشي
رتبت الشقة و عملت المواعين الى حماتها سابتها و قعدت بتهز رجليها بعصبية و غضب ازاى يكونوا معاهم نسخة من المفتاح من غير ما تعرف بعد وقت اسر رجع
لبنى قامت:- حمدالله على السلامة
اسر:- في حاجة يا لبنى
لبنى بصت في عيونه:- في انى انخدعت فيك في انك كداب في انى طالعت غبية قدام غش بقا تدي لامك مفاتيح شقتي من غير علمي ااي حد قالك انى شغالة عند اهلك يطلعوا كل يوم و يبهدلو شقتي و حاجاتي و اخر ما تم يخدو فلوسي من غير علمي و تقولي بكل هدوء انها اخدتهم كل دا و البيه ساكت انت راجل انت انت مش راجل لانك كداب و اناني و حيوان
اسر بصلها بغضب رفع ايديه و ضربها كف لبنى حطت ايديها على خدها بصتله بصدمة ابوها نفسه عمروا ما ضربها ولا اخواتها يجي هو و يعمل كدا حست بدوران الروية مشوشة وقعت على الارض ووووو
يتبع
الحلقة الاولي
عائشة الكيلاني
