رواية عشق ابيض واسود الفصل الثالث 3 بقلم عائشة الكيلاني
لبنى اتجمدت مكانها الدموع اتجمعت في عينيها لكن خوف مش فرح قامت وقفت بصدمة و قالت بصوت مرتعش متقطع:- حامل ، انا حامل
سكتت و قعدت مكانها و فضلت تضحك و بعدين بقت بتعيط بانهيار :- انا حامل قولي انكي بتهزري ، التحاليل غلط صح ارجوكي قولي اي حاجة الا كدا
الدكتورة قلعت نظارتها و بصتلها بصدمة و عدم فهم شفقة مع انها متعرفش لبنى بس حست بحزن عليها اتجهت ليها مسكت ايديها :- مدام لبنى اهدي الموضوع مفيش داعي للقلق و الانهيار دا و بعدين هتقدري تربيه ، ربنا اراد انه يجبر بخاطرك و يحققلك حلمك الحمدلله في ناس بتقعد سنين افرحي و فرحي حبايبك يا حبيبتي
لبنى رفعت عينيها ليها و قالت بصوت اليم:- مش عايزاه
الدكتورة بهدوء و تسالو:- هو اي !!
لبنى مسحت دموعها بايديها:- البيبي مش عايزاه ، ا مش عايزة اعذب ابنى بسبب غلطة دى غلطة و انا مش عايزة حاجة تربطني بيه
الدكتورة بشك و توتر :- انتي كويسة يا مدام
لبنى هزت راسها بهدوء و دموع:- كويسة ب بس ارجوكي ساعديني خدي كل الى عايزاه بس خلصيني منه ابوس ايدك اعتبرني بنتك و انقذيني ارجوكي
قالتها بشهقات:- ارجوكي يا دكتورة ساعديني
الدكتورة سحبت ايديها بهدوء و قامت قعدت مكانها :- هكتب ليكي على مهدوء جانب الفيتامينات و اشوفك المرة الجاية مع السلامة مدام لبنى شرفتيني
لبنى قامت:- يعني اي
الدكتورة:- يعني انا معملش حاجة تغضب ربنا علشان حضرتك غيرتي رايك روقي و صلي و طالع الشيطان من دماغك مع السلامة
لبنى قامت الدكتورة عطت ليها الروشة و خرجت لبنى من العيادة كانت ماشية سرحانة تايهة دموعها على خدها في عالم تاني قعدت على مقعد و بقت بتعيط بانهيار و حسرة على عمرها و بيتها الى اتخرب ابنها الى هيجي في وسط ناس معندهاش رحمة ولا ضمير بصت حواليها شافت اطفال مسكين ايدينا امهاتهم و فرحانين و بيبنططو بلعت ريقها بمرارة هى حتي مش قادرة تتخيل ابنها و هو بيتظلم من ابوه قامت و مشيت بعد وقت وصلت لبيت اهلها
الام بخضة:- بسم الله الرحمن الرحيم مالك يا بنتي وشك عامل ليه كدا انتي كويسة
لبنى بتبص على اواض اخواتها:- خالد و مروان فين فين بابا
الام بقلق:- في حاجة حصلت اتخنقتي مع جوزك
لبنى:- يا ماما ردي عليا ابوس ايدك فين خالد و مروان ، طب رنا و ياسمين فين
الام :- هيكونو فين يا بنتي اكيد في بيتهم و مش جايين دلوقتي شوية و هيجو تعالي انا عاملة طاجن ورق عنب باللحمة انما اي هتاكلو صوابعكم وراه و بيم انكي موجودة هتساعدني في الاكل نروق بس الشقة و نغسل الخضار لحد ما ياسمين و رنا يجيبو الحاجة
لبنى بدهشة:- ررنا بتنزل تجيب الخضار جديده دى و ياسمين تطبخ هنا
الام:- اهو بتحاول يا حبيبتي بتصعب عليا بتتعب في الاكل و الوقفة غلط على رجليها مانتي عارفه ان الوقفة الكتير بتتعبها بس انا معرفتش اربي مخلفة جزمة من رغم كل دا مش عجبه انا عارفه شايف نفسه على اي انا قولت الواد مروان دا ملوش في جواز ، مطلع عين البت بس والله العظيم لو زعلها تاني هوريه هو اشتراها ولا اشتراها ربنا يهديه يلا تعالي نروق و قوليلي مالك
لبنى ابتسمت و حاولت تداريه وجعها و حزنها عند اسر في الشغل كان قعد سرحان و بيفتكر ازاي مد ايده عليها و لم طلبت منه الطلاق ملامحها الى اتغيرت نظراتها الغريبة شال ايديه من على راسه مسك الفون و اتصل بيها فضل وراها لحد ما ردت
لبنى:- الو
اسر:- انتي فين كل دا علشان تردي عليا
لبنى بهدوء غريب:- معلش كنت نايمة و مسمعتش التلفون
اسر :- مش غريبة حكاية النوم الى جت فجأة دى
لبنى:- معلش ابقا ابطل انام خالص اى ارامر تانية
اسر كان ملحظ صوتها البكي فعلا متغيرة عن الاول بكتير مش قادر يصدق ان تصرف واحد منه عمل كل دا كمل بهدوء:- اي رايك نسافر اسبوعين نغير جو
لبنى بهدوء ساخر:- مامتك عارفة كدا ولا هتكدب عليها ، انا عندي شغل و تعبانة و مش هينفع اسافر أو اخرج
اسر بيحاول يكون هادي:- خلاص يا حبيبتي الى تشوفيه
لبنى:- انا هقفل لانى عايزة انام
اسر:- هتوحشيني
لبنى:- مع السلامة يا اسر
قفل معاها و سرح شوية لا دى مش لبنى الى حبه دى واحدة تانية خالص غير الى يعرفها قال بهدوء و قلق:- يا تري فيكي اي يا لبنى اي الى فيكي يا بنتي
بعد وقت طويل في بيت لبنى كان الجميع على السفرة
انا الى هنام جانب عمتو
لا انا الى هنام جانب عمتو
مروان:- ما تسكت عيالك يا عم و بعدين هو كله عمتو مفيش عمو
ملك:- بس بقا لانى زعلانه منك
مروان بص لخالد بتوتر:- ليه يا ملوكة دا انا عمك حبيبك
ملك:- فين السينما الى قولت هوديكي و ضحكت عليا
رنا:- البسسس
ايهاب:- و كمان ملعبتش معايا بلايستيشن زى ما وعدني
ملك:- طالما مش اد الوعد بتوعد ليه
مروان بدهشة و غيظ:- ولية مطلقة سبع مرات انت جيبها منين يا خالد مين دى
الاب كان عينيه على لبنى:- مش بتاكلي ليه يا بنتي
ياسمين بتوتر :- هو الاكل مش عجبك انا والله حاولت اظبط الملح على اد ما اقدر
الام و هى بتبص لمروان:- لا يا حبيبتي تسلم ايدك كفاية وقفتك و تعبك ناس مش بتقدر و عايزة الجزم
لبنى ضحكت غصب عنها مروان:- هاديكي بالشوكة دى فى وشك و بعدين يا امي انا برضو بتعب و بشتغل يعني طبيعي ارجع بيتي القي اكل عدل
الام:- حوش الشغل يا واد اصلا بتحرض يا حرام
خالد :- علشان تعرفي جوزك بس بذاكر معاكي لى العيال
ياسمين:بابتسامة - و بتغسل المواعين و بتلم مطرح ما بتقعد و بتكنس الارض و ايدك في ايدي حتي لو كنت مضغوط ، ربنا يخليك ليا يا خالدو و اشلك كمان و كمان
قالتها و هى حطه ايديها على ايديه خالد بحب:- و يخليك ليا يا حبيبتي
الام:- ما تلم نفسك يا زفت انت و هى ليكم بيت اتلمو و كلو في صمت بطلي ضحك يا اخر صبري و كلي عدل زى خلق الله
لبنى:- باكل اهو يا ماما
بالليل كانت لبنى قعدة مع اخواتها في البلكونة
مروان:- ادني قفلت الباب علشان محدش يسمع
خالد بهدوء :- مالك بقا مش على بعضك ليه اتخنقتي مع اسر
مروان بتوعد:- لو الى في دماغي صح وحياة ربنا ما هسيبه
لبنى بصت لهم و قالت بكدب و توتر و بتفرك في ايديها:- لا ، مفيش حاجة ا انا بس وحشتني القعدة دى اوى بقلنا كتير متكلمنش مع بعض وحشتوني قولت اقعد معاكم
خالد بهدوء:- اي الى حصل يا لبنى
لبنى بمرارة:- انا حامل
مروان :- والله نفسي افرحلك بس مش عارف بحاول ابلع الخبر الف مبروك
خالد بص له بحادة مروان سكت :- طب ما دا حاجة تفرح اومال زعلانة ليه
لبنى:- لانى مش هقدر على مسؤوليته مش هقدر اربيه
مروان:- امرك عجيب كنتي بتدعي بيه في كل صلاة دلوقتي مش اد مسؤوليته جاية دلوقتي تقولي الكلام دا
لبنى بدموع:- يا مروان افهمني ، انا اه نفسي يكون عندي ابن اه عايزة الامومه و بحبها لكن أنا مش هقدر والله ما هقدر
مروان :- و اسر رأيه اي
لبنى:- لسه ميعرفش انا تعبانة و مش قادرة اروح هبات هنا
قامت فتحت البلكونة:- انا هروح انام لو اسر اتصل ارجوكم محدش يرد بعد اذنكم
لبنى راحت اوضتها نامت على السرير حطت ايديها على بطنها و قعدت تعيط بوجع:- انا اسفة ، سامحني بس انا لو خليتك هظلمك قبل ما اكون بظلم نفسي لمرة المليون ، ابوك السبب انا اسفة اااه حاا اااه عند اسر كان رجع من الشغل
الام:- انت جيت يا حبيبي
اسر:- اه يا ماما
الام:- هى مراتك منزلتش ليه هى كويسة انا مشوفتهاش خالص النهاردة ليكون حصلها حاجة
هنا مسكة الفون :- لا يا ماما دى نزلت على الضهر معرفش راحت فين حتي قعدت انادي عليها مردتش عليا
اسر بصلها بصدمة لكن قال بهدوء:- اه ما هى قالت انها خارجة انا هطلع اغير هدومي عايزة حاجة يا امي
الام:- عايزك بخير يا حبيبي
اسر طالع فتح الباب و دخل اوضته قال بغضب:- بتكدبي عليا يا لبنى ماشي والله لكرهك في عيشتك
مسك الفون و اتصل بيها لكن قفلت الفون بتاعها خرج من اوضته و بعدين قفل باب الشقة و خرج و هو مش شايف قدامه من الغضب
في المستشفى في اوضة العمليات
ياسمين بتوتر و رجاءا:- لبنى بلاش ارجوكي ، انا مش خايفه على نفسي ، حتي لو اطلقت مش مشكله بس انتي بتخطري بحياتك ، خليه و يلا نمشي من هنا
لبنى بابتسامة و دموع:- مش هقدر يا ياسمين ، صدقيني مش هقدر والله ما هقدر ، فكرك انى مبسوطة و انا بعمل كدا انا روحي بتتسحب مني بس انا عايزة ابقا حرة مش عايزة حاجة تربطني بيه و ارجوكي بلاش تضغطي عليا اكتر من كدا انتي امشي لو عايزة بس انا مش هرجع في قراري و بالنسبة الفلوس ف
ياسمين:- انتي بتقولي اي مفيش بينا الكلام دا و فداكي مليون مش عشر تالاف الى يزعلوني انا خايفه عليكي والله العظيم يلا نمشي من هنا بصي هكلم رنا و هى هتعرف تتصرف اكيد ملحقتش تروح و
لبنى قطعت كلامها:- ياسمين خلاص كفاية علشان خاطري انا هبقا مرتاحة كدا
ياسمين خرجت و هى بتمسح دموعها أما في بيت اهل لبنى الباب خبط
الاب فتح الباب :- اسر ، اهلا يا ابني اتفضل
اسر دخل و قال بعصبية:- لبنى فين
الام:- لبنى راحت عند الدكتور مع ياسمين لان ضرسها وجعها ، في حاجة انتوا متخناقين مع بعض
الاب:- اهد و قولنا اي الى حصل
اسر كان هيتكلم لكن تلفونه رن :- الو
ياسمين:- اسر ، انا ياسمين مرات مروان اخ مراتك
اسر:- اهلا
اسر الفون وقع من ايديه ووووو
يتبع
الحلقة 3
تتوقعو اسر هيعمل اي في لبنى أو هيتصرف ازاي رايكم في مامت لبنى و اخواتها و اسر هيتغير ولا لا رايكم في موقف لبنى و قرارها صح ولا لا
بصوا يا حبايبي خلينا متفاقين ان مش كل اهل الزوج وحشين ولا كل الحموات وحشين زى ما في الحلو في الوحش ذات كله نصيب و اختيار
عشق ابيض واسود
عائشة الكيلاني
