رواية عشق ابيض واسود الفصل الثاني عشر 12 بقلم عائشة الكيلاني
اسر رفع القناع قصاد عينيها:- اي دا يا هنا
هنا بارتباك و تهتها:- دا . د .ا
اسر بهدوء:- قناع بنفس وش مراتي ، كدا الصورة وضحت عملتي أميل مزيف باسم مراتي و بتتكلمي ناس مجهولة عليه استخدمتي اسمها و بعتي صورها و كلام زبالة على أساس انها هى.
هنا سكتت لكن مش قادرة تقف أو تتكلم فجأة صرخت لم اسر مسكها من شعرها :- ااااع
اسر ضربها كف و مذل مسك شعرها بغل و غضب:- بقا يا حيوانية يا الى ملقتيش الى يربيكي تعملي في مراتي كدا بتخربي بيتي يا كلبة
قالها و هو نزل على وشها بى الكفوف و كل كف أقوى من الى قبله :- عملتلك اي عملتلك اي يعني مش كفاية بتسرقيها لا كمان بتشوهي سمعتها يا خاينة
هنا بصرخ و دموع:- ااه ااه ااه ، انا عملتش حاجة يا اسر صدقني و رحمة ابويا ما عملت حاجة
اسر ضربها كف تاني بس دا خلى انفها ينزف:- و كمان بتحلفي كدب يا كدابة بتحلفي كدب
اسر سبها و خرج الكل اتجمع سمر:- عملتتت اييي ضربتها يا حقير
اسر رفع صباعة في وشها:- صوووتك و اول و اخر مرة تغلطي فيا أو في اخواني انا عيشت عمري في خدمتك انتي و بنتك لكن لحد مراتي و بيتي و استوبب سااامعة يا سمر
اسر دخل اوضة ابوه طالع حزام و خرج دخل اوضة هنا و قعد يضربها بالحزام و سمر و البنات من برا بيترجوه يفتح الباب لكن لا حياة لمن تنادي كانت مع كل ضربة يفتكر لبنى و دموعها و رجاها ليه انه ميسبهاش مع كل ضربة بيجي قدامه مشهد لى لبنى و معاناتها بسببه و بسبب اهلو رما الحزام و خرج بص لامه بغضب مريب:- روحي هاتي الخمس تلاف جنيه الى سرقتيهم من مراتي
شهد بعصبية:- انت اتجننت يا اسر ازاى تكلم امك كدا و
اسر صوته هز اركان البيت:- اخرررسي يا حقيرة و انتي هاتي الفلوس و الا قسما بالله لا هعمل حساب انكي امى ولا اعرفك سااامعة هاتي الفلوس حالا
سمر هزت راسها بصدمة و خوف من صوته و نظراته مش دا اسر الحنين الى تعرفو ولا دا ابنها الى مش بيستحمل عليهم الهوى معقول اول فرحتها يكون بالقسوة دى معقول يبيع امه علشان واحدة معش معاه غير سنة دخلت طالعت الفلوس الى
سرقتهم من لبنى و خرجت عطتهم لي:- امسك يا اسر فلوس مراتك الى سرقتهم
قالتها بقهرة و سخرية من كلمته المريرة اخدهم منها و قال :- و من هنا و رايح كل جنيه تصرفيه انتي أو بنتك تكتبيه في ورقة و اخر الشهر هشوف الى اتصرف و بعدين كل واحدة تصرف من فلوس جوزها انا مش خدام عندكم و انتي يا شهد هو مش في مثل برضو بيقول يبخت من ذار و خفف ولا انتي مقيمة في بيتي و انا مش عارف
بصلهم بتراقب و احتقار:- صحيح نسيت اقول ان حق منى هيرجع و انا بنفسي الى هحطه في السجن كل واحدة جاي دورها
اسر دخل بص لاخته الى بتعيط بانهيار باحتقار اخد الاب توب بتاعها و خرج من اوضته لا من البيت كله بعد وقت في بيت اسر و لبنى
لبنى كانت في اوضة الاطفال كانت نور نايمة في حضنها بعد عياط و انهيار و على السرير التاني كان نايم سليم لبنى كانت بتبص عليهم بوجع و دموعها بتنزل بوجع و قهرة عليهم قالت لنفسها:- انا كل الى وجع قلبي ، العيال مين هيخلي بالو منهم و كل البيت انانيين و بيسعو لى الخراب ، ابوهم مش في وعيه ولا داري بالدنيا سمر و كل همها تخرب حيات الناس و سماح ههه الكلاب هتبقا احن عليهم منها و نورا متجوزة واحد اناني ، طب البت دى لم تكبر حياتها هتبقا عاملة ازاي في غياب امها
سكتت بألم و قالت بوجع و دموع:- امها الى اتظلمت من الدنيا كلها و من حماتها و الكل ربنا يرحمها و يصبر قلبك يا شاهين انت و عيالك
لبنى نامت بعد شوية صحيت على صوت الباب و هو بيتقفل متعرفش قامت ليه بس حاسه انها محتاجة تتكلم معاه قامت خرجت برا الاوضة و راحت لاسر قعدت جانبه و حطت ايديها على ايديه :- مالك يا اسر حساك مش كويس و انك مش انت فيك اي
اسر بصلها و من غير اى كلام حضنها و بقا بيبكي و بس لبنى كانت مذهولة لكن رفعت ايديها بقت بطبطب عليا حاسه انه موجوع لكن من اي مش عارفة :- مالك يا اسر اي الى فيك يا حبيبي ، شاركني الى مضيقك و مبدلك بالشكل دا اي الى بيحصلك يا اسر
اسر بعد عنه مسك ايديها قبلها بندم و حب احراج من مصيبة اخته :- حقك عليا يا لبنى سامحيني يا حبيبتي
لبنى بهدوء:- الى حصل حصل و خلاص ، المهم اننا كويسين و بخير و ابننا بخير قولي مالك اي الى تعبك اوى كدا
اسر مسح دموعه :- مفيش حاجة يا حبيبي انا مضيق على شاهين و خايف على نور و سليم
لبنى:- صح انا ساعة ما كنت فوق مع منى شوفت علامة على رقبتها و عينيها مفتوحة ، هو دا حقيقي اقصد دا عادي
قالتها بشك اسر افتكر كلام الدكتورة و في بالو حاجة اسر طالع الفلوس و حطها في ايديها:- امسكي يا حبيبتي
لبنى بصت لفلوس بعدم فهم :- اي دا يا اسر
اسر :- فلوسك يا قلب اسر ، امى استلفت منك فلوس لهنا ولا نسيتي
لبنى افتكرت:- اوى بس انت
اسر:- دى فلوسك و امى اول ما لقت الدنيا اتحسنت معاها رجعت الفلوس لانها سلف و اهو رجعتها
لبنى لنفسها:- و هى من امتي حماتي بترجع لحد ثم منى ماتت ازاي مستحيل دى تكون وفاة طبيعية دى بفعل فاعل بس حقها هيجي حتي لو حصل اي
اسر :- العيال اتعشو
لبنى:- بعد ما غلبت معاهم
اسر بصلها:- و انتي اكلتي
لبنى:- الحمدلله اتعشيت من بدري
اسر :- كدابة يا لبنى و مستهترة في صحتك
اسر قام راح المطبخ حضر ليها العشا و و خرج حط الصينية على التربيزة :- افتحي بؤك يا لبنى انا مش قادر انهد معاكي
لبنى بتعب:- مش جعانة يا اسر
اسر :- لبنى والله ما عايز ازعلك ف كلى و بلاش عندا أو سمحتي
لبنى بصتله :- هاكل بس بشرط تاكل معايا ياما مش هاكل و ذنبي انا و ابنك في رقبتك
اسر بصلها بحب و ابتسامة غصب عنه و بدأوا يتناولوا الطعام خلصو عشا لبنى شالت الصينية و اسر راح التواليت اخد شور و اتوضا و راحوا لغرفة مخصصة لصلاة علشان يصلوا خلصو صلاة و خرجوا قعدو في الصالة لبنى سندت راسها عليه و غمضت عيونها بهدوء اسر ضمها له اكتر عد اسبوع من غير احداث غير ان عيال منى قعدين عند اسر لانهم بيحبو اوى و بيطمنو و هو معاهم و برضو بيحبو لبنى شاهين اخيرا بدا يتقبل الواقع و ان منى راحت و مش رجعة
في شقة اسر لبنى نايمة و اسر بينكش الشقة نور راحت فتحت الباب سمر دخلت و بتبص لاسر بصدمة:- قول بقا انها وخدك خدام ليها هو دا اخرتها يا ابن بطنى تمسح و تكنس
اسر بصلها بصدمة اما في شقة شاهين
شاهين فتح الباب كانت سماح و هنا و شهد و نورا
شاهين:- افندم
هنا:- شاهين انت ليه قعد لوحدك طول الوقت
شاهين ببرود:- ومين قالك انى لوحدي منى معايا بتجي و نتكلم هى معايا معظم الوقت منى مماتتش
شهد لسماح بصوت واطي:- شكله اتجنن على الاخر
سماح:- مش وقتك
سماح:- احم الباقي في حياتك يا شاهين تعيش يا خويا و تفتكر
شاهين بصلهم بتراقب:- شكرا بس هو فى حاجة بتذل في بالي
نورا:- مالك يا شاهين انت كويس
شاهين هز راسه:- كويس و كويس اوى تخيلوا و انا قعد بدردش مع منى قالت حاجة غربية جدا قالت انا مموتش يا شاهين
شهد خافت بلعت ريقها بتوتر:- هه ما هى موجودة معانا حقيقي قعدتها زى العسل دى حتي كانت لسه قعدة معانا من شوية مش كدا يا بنات
شاهين باحتقار:- بتهرجي
شاهين بحازم:- قالت انا موت بفعل فاعل يا شاهين هاتلي حقي يا شاهين و انا دوري اعرف مين الكلب الى عمل في مراتي كدا علشان اخد روحه في ايدي الحق ما يزعلش ولا اي
هنا:- ق قصدك اي
شاهين:- منى ماتت ازاي و العلامة الخنق الى في رقبتها حصلت ازاى و ليه عينيها مفتوحة على اخرها و متقولوش حرامي لان الحرامي مش معاه طرح يخنق بيها مراتي ماتت ازاي
قالها و هو بيبصلهم بتراقب وووو
يتبع
الحلقه 12
بعتذر جدا جدا على التأخير تفتكروا اسر هيقولو اي لسمر و رايكم في رد فعلها و رد فعل اسر مع سمر و هنا و رايكم في شاهين
عشق ابيض واسود 🤍 🖤
عائشة الكيلاني
