رواية فتاة الذئب الاسود الفصل العاشر 10 بقلم بسمله فتحي

 رواية فتاة الذئب الاسود الفصل العاشر 10 بقلم بسمله فتحي

فتاة الذئب الأسود 

الحلقة 10

بيت اللواء جمال / ساحة التدريب – صباح

(الدخان لسه بيغطي المكان بعد الانفجار. الفريق واقف في صمت، وجوههم عليها آثار صدمة. أدهم واقف في النص، عيونه حمرا من الغضب. ليان تمسك إيده بحزم وكأنها تمنعه ينهار.)

✦ ليان (بحزم وهدوء):

– "مش لوحدك… إحنا سوا، للنهاية."

✦ أدهم (بصوت مبحوح):

– "ليلي… دمها مش هيروح هدر. النهاردة… زين هيتحاسب."

(يوسف يفتح الخريطة الإلكترونية قدام الفريق. الخطوط مرسومة بدقة، أي غلطة معناها كارثة.)

✦ يوسف:

– "زين متوقع حركتنا. لازم نكون أذكى منه. هنقسم نفسنا مجموعتين… كل فريق له مسار."

✦ رائد:

– "هو فاكرنا مجرد فرائس… بس النهاردة هنكون الصياد."

✦ كريم:

– "تمام… مفيش فرصة للخطأ."

(الفريق كله يهز راسه بالموافقة. أدهم يبص في عيونهم واحد واحد، وبعدين يرفع صوته.)

✦ أدهم:

– "النهاردة مش بس انتقام… دي حرب. اللي جاهز… يرفع إيده."

(كل الأيادي ارتفعت. ليان تبتسم ابتسامة قوية وسط وجعها.)

مكان مجهول / وكر زين – نهار

(زين قدام شاشات مليانة صور للفريق. ضحكته الباردة تتردد في المكان.)

✦ زين:

– "أدهم… الذئب المكسور. فاكر إن الغضب يخليك أقوى؟ النهاردة… هتتعلم إن الذئاب الحقيقية بتاكل بعضها لو ما ركزتش."

(يحط خطة جديدة على الطاولة: خريطة للمدينة، علامات حمراء حوالين المخزن، وأجهزة متفجرة.)

✦ زين (يخاطب رجاله):

– "مش عايز أي حد يطلع حي. خليهم يغرقوا في نارهم."

---

بيت يوسف / غرفة خاصة – عصر

(يوسف قاعد قدام الأجهزة، عينه على كل تفصيلة. يلاقي ورقة قديمة بين ملفات زين، مكتوب فيها معلومات غريبة عن الفريق.)

✦ يوسف (يهمس):

– "ده… مش معقول. ليان…"

(يبص في الصورة. عيونها نفس عيون أمه. قلبه يتقل، بس بيرجع يركز.)

✦ يوسف:

– "المهمة الأول… بعد كده السر ده يتقال."

---

مخزن مهجور / على أطراف القاهرة – ليل

(المكان مظلم، الدخان مالي الجو. الفريق يقف في تشكيل قتالي. أدهم في المقدمة، ليان جنبه، يوسف خلفهم، الباقي في مواقعهم.)

✦ أدهم – الصقر (بحدة):

– "النهاردة مش هنخاف. كل خطوة محسوبة."

✦ ليان – الذئب الأسود (بحزم):

– "زين هيتحسب… زي ما حسب دم ليلي."

✦ يوسف – النمر الأسود (هادئ):

– "أنا شايف كل فخ. مفيش خدعة هتعدي."

✦ رائد – العقرب:

– "وأي غدر… هيلاقي لسعة العقرب."

✦ كريم – الغرب:

– "هدوء، تركيز، ونتحرك ككتلة واحدة."

✦ سليم – الخفاش:

– "الظلام ليا… أي حركة غريبة مش هتفوتني."

✦ مريم – القط الأسود:

– "الفخاخ؟ اعتبرها تحت السيطرة."

(الأبواب ترتج فجأة. زين يظهر من الظلال، ضحكته الباردة تملأ المكان.)

✦ زين:

– "أهلاً بالذئاب… تعالوا نشوف مين اللي هيفترس التاني."

---

المواجهة الكبرى

(زين يضغط زر. فجأة النيران تشتعل حوالين الفريق، الدخان يخنق الأنفاس. أصوات وهمية تتردد من مكبرات الصوت.)

✦ أدهم – الصقر:

– "ده تشتيت… ركزوا!"

✦ ليان – الذئب الأسود:

– "اتجاه اليسار! متخلوش الصوت يسيطر."

(يوسف يشغل نظام تشويش، يخلي مكبرات الصوت تفشل.)

✦ يوسف – النمر الأسود:

– "انتهت ألعابك، زين."

(رائد يسد مدخل جانبي، يضرب أي عدو يقترب. كريم ينسق التحركات: "يمين… خطوة… قفز!")

(مريم تتحرك بخفة، تبطل فخ كهربائي قبل ما ينفجر.)

✦ مريم:

– "فخ متحيّد… كملوا!"

(زين يتفاجأ بتنظيم الفريق.)

✦ زين (غاضب):

– "إزاي؟! كل خطوة كنت حسبها!"

(أدهم يتقدم بخطوات ثابتة، يوجه سلاحه على زين.)

✦ أدهم – الصقر:

– "النهاردة مش هتفلت. ده وعد."

---

سجن شديد الحراسة / القاهرة – نفس الوقت

(ماهر – الكينج – ينفذ خطة هروب جريئة. يستغل خلل في الكهرباء ويفتح زنزانته. الحراس يجروا، لكنه يسبقهم.)

✦ ماهر – الكينج:

– "الحرية… أخيراً. واللي جاي… هيخلي الكل يركع."

(يخرج من البوابة الخلفية للسجن. رجاله في انتظاره بعربيات سوداء.)

✦ ماهر:

– "المدينة هتتغير… والليلة دي البداية."

---

مخزن مهجور – اللحظة الحرجة

(الفريق محاصر. زين يضغط زر جديد، فجأة الأرض تهتز وتظهر فجوة عميقة في منتصف المخزن. النيران تحاصرهم.)

✦ ليان – الذئب الأسود:

– "قفزوا! ما تفكروش… اتحركوا!"

(الفريق يقفز بخفة، كل واحد يستخدم قوته الخاصة. أدهم يساعد مريم، يوسف يغطي ليان.)

✦ أدهم – الصقر (بصوت عالي):

– "زين! المعركة دي… نهايتك."

✦ زين (ساخر رغم الغضب):

– "لسه اللعبة ما خلصتش… وأنا لسه عندي أوراق كتير!"

المكان: مقر المخابرات – غرفة التحقيق – ليل

(ليان قاعدة على الكرسي، عينيها مليانة تحدي. يوسف واقف قدامها، ماسك ملف فيه أوراق وصور. هو عارف الحقيقة… بس قرر يخبيها لحد الوقت المناسب).

✦ يوسف (بهدوء غامض):

– "أنتِ أقوى مما كنت متصور… بس في حاجات لسه ناقصاك."

✦ ليان (بنبرة حادة):

– "أنا مش ناقصني حاجة… قولي اللي عندك وخليك واضح."

✦ يوسف (يبتسم بخبث وهو يقفل الملف):

– "الوضوح مش وقته دلوقتي… الحقيقة ساعات بتوجع أكتر من الرصاص."

(ليان تتضايق من طريقته، تقوم واقفة وتبص له بحدة).

✦ ليان:

– "إنت بتلعب معايا حرب أعصاب؟ افتكر… أنا مش أي حد."

✦ يوسف (ينزل عينه لحظة، صوته يلين من غير ما يقصد):

– "عارف… ومش هتتصوري قد إيه."

(لحظة صمت. ليان تحس إنه بيكلمها بطريقة مختلفة، بس ما تاخدش بالها إنه أخوها. يوسف يسيبها ويمشي، وعينيه كلها صراع داخلي).

✦ يوسف (في نفسه وهو ماشي):

– "سامحيني… لسه بدري تعرفي مين أكون."

(ليان خارجة من غرفة التحقيق، خطواتها تقيلة بس عينيها فيها نار التحدي. تلاقي مريم واقفة عند الباب كأنها كانت بتستناها. مريم بتحاول تبان طبيعية، لكن ملامحها متوترة).

✦ ليان (بنبرة حادة):

– "هو فاكرني لعبة عنده؟ يوسف بيتكلم بكلام مبهم، ولا كأنه عايز يدوّخني."

✦ مريم (بتضحك توتر):

– "يمكن دي طريقته… بتحقيقاته دايمًا بيحب يسيب أسرار معلقة."

✦ ليان (تضيق عينيها):

– "أسرار إيه؟ كلامه كان شخصي زيادة… كأنه يعرف عني أكتر من اللازم."

(مريم ترتبك، وتبص في الأرض بسرعة).

✦ مريم (بتحاول تغير الموضوع):

– "المهم دلوقتي… تركّزي في المهمة الجديدة. عندنا عملية قريبة وهتكوني عنصر أساسي فيها."

(ليان تبص لها بنظرة فيها شك).

✦ ليان:

– "مريم… إنتِ مخبية حاجة؟"

✦ مريم (تبتسم ابتسامة مصطنعة):

– "أنا؟ لأ طبعًا… إنتِ زي أختي."

(ليان تبص لها لحظة، وبعدين تمشي من غير ما ترد. مريم تاخد نفس عميق وهي متوترة، كأنها شايلة سر كبير).

---

المكان: مكتب يوسف – بعد نص ساعة

(يوسف واقف لوحده، ماسك صورة امه و صور للي ليان 

✦ يوسف (بصوت واطي):

– "لسه مش وقته يا ليان… لسه مش وقته تعرفي إنك أختي."

(يدخل عليه ضابط تاني يبلغ إن العملية قربت تبدأ. يوسف يمسح دموعه بسرعة ويرجع لبروده المعتاد).

المكان: قاعة الاجتماعات – مقر المخابرات 

(الفريق كله مجتمع حوالين الطاولة. شاشة كبيرة بتعرض صور وأماكن. يوسف واقف قدامهم، بيشرح الخطة. ليان قاعدة في الصف الأمامي، عينيها مركزة جدًا).

✦ يوسف (بهدوء صارم):

– "هدف العملية: القبض على ماهر الكينج وزين التعلب. المعلومات بتأكد إنهم هيجتمعوا الليلة في مخزن مهجور في أطراف المدينة. العملية خطيرة، ولازم كل خطوة تتنفذ بدقة."

✦ أحد الضباط:

– "المخزن ده متحصن كويس… عندهم سلاح تقيل."

✦ يوسف:

– "عشان كده هنعتمد على عنصر المفاجأة."

(يوسف يرفع عينه ناحية ليان وهو يكمل كلامه).

✦ يوسف:

– "ليان… وجودك أساسي. إنتِ الوحيدة اللي ليهم اتصال سابق بيك. هنستغل ده في التمويه."

✦ ليان (تشد ظهرها بثقة):

– "مفهوم. هخليهم يفتكروا إني وقعت في فخهم… وساعتها نوقعهم إحنا."

(الكل بيتبادل نظرات إعجاب بجرأتها. يوسف قلبه بيتوجع لكنه يخفي ده).

---

المكان: المخزن المهجور – ليل

(الجو مليان ظلام وضباب. ليان داخلة لوحدها، ماسكة سلاحها، ملامحها ثابتة. فجأة يخرج ماهر الكينج ومعاه رجاله. زين التعلب بيضحك بخبث، وناديا واقفة من ورا بتبص بكره).)

✦ ماهر (ساخر):

– "ها… بنت الذئب الأسود. افتكرتِ تقدري تلعبي معانا؟"

✦ ليان (بابتسامة متحدية):

– "أنا ما بلعبش… أنا بقلب الطاولة."

(في اللحظة دي، الإشارة توصل للفريق. يوسف والفريق يقتحموا المكان. تبادل نيران عنيف. ليان تتحرك بخفة وسط الفوضى، وتلحق تضرب زين على وجهه ضربة قوية تخليه يقع على الأرض. الكل يتفاجأ بقوتها).

✦ زين (وهو واقع وبيمسك وشه):

– "المرة دي مش هتطلعي سليمة يا ليان!"

(ماهر بيستغل اللحظة ويضرب ليان ضربة قوية على وشها تخليها تقع، والدم يسيل من خدها. يوسف يشوف المشهد ويتجنن، عيونه تلمع بالغضب).

✦ يوسف (يصرخ بأعلى صوته):

– "إبعد عنهاااا!"

(يندفع بكل قوته ناحية ماهر، ويمسكه بقوة، كأنه مش ضابط بيأدي واجبه بس… كأنه أخ بيحمي أخته من غير ما يقول).

(الرصاص شغال من كل ناحية. الدخان مالي المكان. ليان بتتلقى ضربة قوية من ماهر تخليها تقع، الدم يسيل من خدها. يوسف يشوف المشهد وبيهيج غضب).

✦ يوسف (بصوت قوي):

– "إبعد عنهااا!"

(يندفع بسرعة ويضرب واحد من رجالة ماهر، وبعدين يغطي على ليان لحد ما تساعد نفسها وتقف. الاتنين ظهرهم لبعض وسط النار، بيضربوا بتكتيك عالي. الفريق يحاول يتقدم، لكن رجال ماهر وزين منظمين أكتر).

✦ زين (بيضحك من بعيد):

– "دي مش معركة… دي مجرد تسلية."

✦ ليان (بصوت متحدي وهي بتصوب عليه):

– "هتشوف التسلية دي هتخلص إزاي!"

(تطلق النار، بس زين يختفي بسرعة ورا الحاجز. فجأة، ماهر يرمي قنبلة دخان. المكان يتغطى بالظلام والدخان. الأصوات تختلط: خطوات، طلقات، صرخات. يوسف يمسك بذراع ليان عشان يمنعها من التوغل وسط الدخان).

✦ يوسف (بحدة):

– "ارجعي ورا! ده فخ."

✦ ليان (بغضب):

– "لأ! مش هسيبهم يهربوا."

(تحاول تتقدم، لكن فجأة تنفجر قنبلة صوتية، الكل يتأثر. لما الدخان يخف، يكتشفوا إن ماهر وزين وناديا هربوا، وسابوا بس علامة تهديد على الحيطة: "دي لسه البداية… يا ذئب أسود").

(ليان تبص للحيطة ودموع الغضب في عينيها. يوسف يلمحها، قلبه بيتوجع لكنه يخبي).

✦ يوسف (بصوت واطي لنفسه):

– "مش هسمح لهم يقربوا منك… أبدًا."

اللواء جمال – قاعة الاستقبال – ليل متأخر

(الفريق كله متجمع حوالين الترابيزة الكبيرة. ملامحهم تعبانة من الاشتباك اللي حصل. ليان قاعدة في أول الكراسي، لسه جرحها ظاهر على خدها. يوسف واقف قدامهم، ساكت، بيقلب في ملف العملية. الجو كله توتر وصمت).

✦ اللواء جمال (بغضب هادي):

– "المهمة فشلت… وده مش مقبول. إيه اللي حصل؟"

(ليان ترفع عينيها، صوتها حاد وغاضب).

✦ ليان:

– "اللي حصل إننا كان عندنا فرصة نقفل عليهم… لكن اتأخرنا. يوسف كان عايز يرجعني ورا بدل ما نكمل."

(الفريق كله يبص ليوسف. يوسف يرد بنبرة ثابتة لكن في قلبه غليان).

✦ يوسف:

– "أنا عملت الصح. القنبلة اللي رموها كانت فخ، ولو دخلنا كنا فقدنا نص الفريق."

✦ ليان (بتضرب إيدها في الترابيزة):

– "النتيجة واحدة! هربوا… وسابوا لنا رسالة إهانة."

(اللواء جمال يرفع إيده يأمرهم بالسكوت).

✦ اللواء جمال (بصرامة):

– "كفاية. العملية ما انتهتش… دي لسه البداية. ماهر الكينج وزين هيغلطوا قريب، وساعتها نصطادهم. دلوقتي… عايز الكل يراجع التقارير ويجهز نفسه للجولة الجاية."

(يوسف يبص لليان بنظرة طويلة، عينيه فيها وجع إنه السبب في غضبها، لكنه ما يتكلمش. ليان تتفادى النظر له، ماسكة جرح خدها كأنها بتحس بخيانة).

✦ مريم (بصوت متوتر وهي تبص لليان):

– "الحمد لله إنك بخير… أهم حاجة إنك عايشة."

(ليان ترد بنبرة باردة):

– "أنا مش عايزة أعيش… أنا عايزة أنهي اللعبة دي."

(الجو يتجمد. الكل ساكت، يوسف يضغط على قبضته بعصبية، يخفي الصراع اللي جواه).

(بعد ما الفريق تفرق من الاجتماع، الهدوء رجع للفيلا. ليان واقفة قدام المرايا، بتنضف جرح خدها بقطنة، ملامحها متوترة وعينيها مش مرتاحة. فجأة الباب يخبط، تفتكر إن مريم، بس لما تفتح تلاقي يوسف واقف).

✦ ليان (ببرود):

– "إيه؟ جاي تقوللي إني غلط؟ ولا تعلّمني إزاي أتنفس برضه؟"

✦ يوسف (يدخل بخطوات هادية، صوته ثابت):

– "جاي أقولك إنك لو كنتِ اندفعتي زيادة… كنتي مش واقفة هنا دلوقتي."

✦ ليان (بتضحك بسخرية وهي تبص له في المرايا):

– "وإنت شايف إن ده يرضيك؟ إنهم يهربوا ويضحكوا علينا؟"

(يوسف يسكت لحظة، يقرب منها، صوته ينزل أهدى).

✦ يوسف:

– "أنا مش فارق معايا هما… فارق معايا إنك إنتِ تفضلي واقفة."

(ليان تبص له بسرعة، تتفاجئ من طريقته. قلبها يدق لحظة، لكنها تخفي ده).

✦ ليان:

– "أنا مش محتاجة حد يحميني."

✦ يوسف (عينيه تلمع لحظة بصراع داخلي):

– "عارف… بس ساعات… حتى الذئب محتاج حد يحميه من نفسه."

(ليان تسكت، كلامه يهزها. لكنه يلف ويمشي من غير ما يسيب فرصة للنقاش. تفضل واقفة تبص في المرايا، ملامحها بين غضب وحيرة).

---

المكان: غرفة اللواء جمال – نفس الليلة

(اللواء قاعد على مكتبه، قدامه صور ماهر الكينج وزين. ملامحه جدية. يدخل ضابط صغير بسرعة).

✦ الضابط:

– "سيدي… وصلتنا معلومة مؤكدة: في صفقة سلاح كبيرة هتتم خلال ٤٨ ساعة… بقيادة ماهر وزين."

(اللواء يرفع عينه، يبتسم ابتسامة باردة).

✦ اللواء جمال:

– "الفرصة اللي مستنيينها."

فيلا اللواء جمال – قاعة الاجتماعات – صباح اليوم التالي

(الفريق كله متجمع: أدهم قاعد بصلابة وعيونه مركزة، سيلم متوتر بس بيحاول يبان ثابت، كريم قاعد وبيفكر بهدوء، مريم ماسكة أوراق قدامها وبتكتب ملاحظات، يوسف واقف قدام الشاشة الكبيرة، وليان قاعدة قدامه، عينيها متحدية).

✦ يوسف (بهدوء وهو يشرح):

– "معلوماتنا بتأكد إن ماهر وزين هيقودوا صفقة سلاح في خلال ٤٨ ساعة. دي فرصتنا نرجع اعتبارنا بعد اللي حصل في المخزن."

✦ أدهم (بصرامة):

– "العملية دي محتاجة خطة محكمة… مش ارتجال."

✦ سيلم (متحمس شوية):

– "أنا أقدر أكون عنصر استطلاع، أسبقهم للمكان وأجهز أرضية للفريق."

✦ كريم (يهز راسه):

– "وده خطر… لو اتكشف هيتصفى قبل ما نلحقه. لازم نشتغل بعقل."

✦ ليان (تنظر ليوسف مباشرة):

– "أنا هقود الاقتحام. أنا عارفاهم كويس… ودي فرصتي أخلص اللي بدأته."

(الجميع يسكت لحظة. يوسف ينظر لها، عينيه فيها صراع داخلي. مريم تلاحظ التوتر بينهما).

✦ يوسف (يحاول يخفي انفعاله):

– "القائد هو اللي بيحدد مين هيقود، مش إنتِ يا ليان. ومش هنكرر نفس الخطأ."

✦ ليان (بحدة):

– "الخطأ إنك ما بتثقش فيا!"

(أدهم يتدخل بسرعة قبل ما الجدال يتصاعد).

✦ أدهم:

– "كفاية. إحنا فريق واحد، والعدو قدامنا مش بينا."

✦ كريم (بهدوء حكيم):

– "الأولوية نعرف تفاصيل الصفقة: المكان، التوقيت، ونقطة الضعف. بعدين نوزع الأدوار."

✦ مريم (تتحدث لأول مرة):

– "وصلتني معلومة من مصدر سري… الصفقة هتكون في الميناء القديم. بس في حاجة غريبة… الاسم اللي بيقود التفاوض مش ماهر الكينج… حد اسمه صفاء."

(ليان ترفع راسها بدهشة، الاسم غريب عليها. يوسف يبص لمريم بنظرة حادة كأنه مستغرب إزاي وصلت للمعلومة).

✦ ليان (بصوت منخفض):

– "صفاء؟ أول مرة أسمع الاسم ده…"

(يوسف يسكت، ملامحه تتبدل كأنه يعرف أكتر مما يقول. أدهم يلاحظ ده، لكنه ما يعلّقش).

✦ اللواء جمال (يدخل فجأة بصرامة):

– "العملية دي ما فيهاش مجال للفشل. الفريق كله في الصفقة… وكل واحد هيتحاسب على تحركاته. مفهوم؟"

(الكل يرد في صوت واحد: "مفهوم يا فندم." الجو يتوتر أكتر، الكل حاسس إن اللعبة بقت أخطر).

   #فتاه_الذئب_الاسود 

#بقلم_بسمله_فتحي 

#الحلقه_10

             الفصل الحادي عشر من هنا 

لمتابعة باقي الرواية زوروا قناتنا على التليجرام من هنا   

تعديل المقال