رواية جنه والمجهول الفصل الثاني 2 بقلم جمال المصري
بسم الله ولا حول ولا قوه إلا بالله
#جنه_والمجهول
#الحلقه_الثانيه
تحياتي لكل متابعيني واصدقائي
جنه في التاكسي فاقده الوعي والدم مغطي وشها وسامر كمان والناس كلهم حوالين التاكسي مش عارفين يعملوا حاجه من بشاعة المنظر الكل فاكر انهم خلاص ماتوا ٠
وبينما الناس حوالين التاكسي بتيجي الاسعاف والناس بتوسع الطريق والاسعاف استعانت برجال الدفاع المدني اللي حاولوا يفتحوا الابواب بصعوبه العربيه بقيت زي صفيحة سردين٠
الناس منهم اللي بيقول ربنا يرحمهم ومنهم. اللى بيقول ان شاء الله يكونوا عايشين الكل واقف مش عارف هل الاتنين اللي في العربيه عايشين ولا ميتين ٠
وأخيرا فتحوا الابواب بعد ما قصوها بصاروخ بيستخدموه في قطع الحديد اخذوا جنه وسامر علي الاسعاف واول ما بدأوا ينزلوهم عند المستشفي كانوا بداوا يفوقوا سامر بص علي جنه
سامر .. بنتي امانه في رقبتك
جنه .. وهي بتحاول تكتم وجعها ان شاء الله هتقوم بالسلامه
سامر .. بداء ينطق الشهاده بالعافيه اشهد ان لا إله إلا الله واشهد ان محمد رسول الله
جنه .. بتبص عليه وهي مش قادره تتكلم وبتفقد وعيها
سامر .. بعد ما نطق الشهاده فارق الحياه
هاله الممرضه .. بتشوف نبضه الله يرحمه و قفلت عنيه و غطته وقالت بصوت عالى يلا بسرعه خدو المريضه علي العمليات اعملولها الاشعه اللازمه وانا هروح لدكتور جاسم يلا بسرعه
اخدوا جنه وعملوا لها اشعه علي الجسم كله وبداوا يجهزوها للعمليه
هاله .. بتخبط علي الباب وتدخل بسرعه الحقني يا دكتور جاسم في اتنين جم في حادثه السواق مات و المريضه اللي كانت راكبه معاه لسا عايشه بس حالتها صعبه انا خليت الممرضين ياخدوها علي العمليات
جاسم .. قام بسرعه وجري ناحية العمليات ٠
هاله .. بتجري وراه
جاسم .. دخل وبعد ما وصل شاف الاشعه وكان دكتور التخدير خدر المريضه وبداء الدكتور جاسم العمليه
كان عندها كسور في الايد والرجل ونزيف في المخ وعشان هي كانت فى الكرسى اللى وراه ما اتاذتش قوى لكن عمليتها كانت صعبه جدا ٠
عطيه .. بيرن علي عباس بعد ما الرجاله طمنوه ان كل حاجه تمام
عباس .. الو طمني يا عطيه
عطيه .. عيب عليك هو ده اول تعامل بينا ما انت عارف شغلي علي ميه بيضه هستنى الفلوس
عباس .. هي فين دلوقتى
عطيه .. الاسعاف خدتهم
عباس .. تمام اتاكد انها ماتت و هخلي الباشا يحول لك الفلوس
عطيه .. تمام مستني منك تليفون
عباس .. تمام يلا سلام وبينده علي واحد من الرجاله عتريس
عتريس .. ايوه يا زعيم
عباس .. هتطلع علي المستشفي تشوف الصحفيه دي ماتت ولا لسا عايشه
عتريس .. حاضر يا زعيم وبيتحرك علي طول علي المستشفي
احلام ام سامر .. بترن علي سامر
الممرضه .. بترد الو
احلام .. بتبص علي الاسم اسم ابنها امال مين الي بترد دي ايوه مين حضرتك
الممرضه .. انا ممرضه بشتغل في مستشفي .. وفي اتنين جم في حادثه وده تليفون حد منهم
احلام .. الدم وقف في عروقها حادثه طمنيني ابني عامل ايه
الممرضه .. فهمت اني دي ام الشاب اللي مات وحدي الله يا حاجه ابنك الله يرحمه وياريت تيجي عشان تستلمي الجثه
احلام .. جثه لا مستحيل وصرخت صرخه زلزلت الشقه افتكرت ان بنت سامر نايمه و كتمت صوتها و لبست بسرعه وهي مش عارفه هتروح ازاي ولا هتعمل ايه عقلها وقف من الصدمه لحظات ونزلت زي المجنونه وهي مش مصدقه الي حصل
ابنها الي لسه واصل من السفر مات وبتقول انا مالحقتش اشبع منه لا حول ولا قوه إلا بك يا رب العالمين
الممرضه .. بتقول في نفسها ده تليفون الشاب يبقى ده تليفون الانسه اللي في العمليات ارن علي اي حد من اهلها وفتحت التليفون وجابت سجل المكالمات لقت مكالمه باسم ماما رنت عليها
ناديه .. سمعت صوت التليفون بيرن يا مريم شوفي مين علي التليفون
مريم .. حاضر يا ماما و بتمسك التليفون بتلاقي اسم اختها دي جنه يا ماما و بترد عليها الو يا جنه اتاخرتي ليه
الممرضه .. لاحظت ان ده صوت بنت صغيره الو ممكن اكلم حد كبير عندك
مريم .. انتي مين مش ده تليفون جنه اختي
الممرضه .. ايوه انا صحبتها ممكن اكلم مامتك
مريم .. حاضر وتروح و بتدي التليفون لي امها خدي يا ماما دي وحده صاحبة جنه
ناديه .. هاتي الو مين
الممرضه .. انا ممرضه في مستشفي ... و اسفه اني ابلاغ حضرتك اني بنتك عملت حادثه وهي دلوقت في المستشفي
ناديه .. بصت علي مريم وخدت نفس وهي بتحاول تتحكم في نفسها عشان مريم و قربت من مريم خدي بالك من الاكل وانا ثانيه وجايه
مريم .. حاضر يا ماما
ناديه .. بتطلع من المطبخ والدموع بدات تنزل من عينيها طمنيني يا بنتي جنه عامله ايه دلوقت
الممرضه .. والله يا حاجه هي في العمليات دلوقت
ناديه .. انا جايه بسرعه وبتقفل السكه وبتلبس وبتمسح دموعها وبتدخل علي مريم تعالي يا مريم هسيبك عند خالتك واوصل مشوار واجي
مريم .. ليه هو فيه حاجه يا ماما
ناديه .. لا يا حبيبتي ما فيش حاجه بس افتكرت حاجات اختك كانت قالت لى اجيبها ونسيت يلا بينا وطفت النار علي الاكل ونزلوا وراحت للعماره الي فيها شقة اختها وخبطت عليها
عفاف .. فتحت مين ناديه مش عوايدك تيجي في وقت متاخر يا ناديه تعالي اتفضلي
ناديه .. لا مش وقته خلي مريم عندك لحد ما اجي اخدها
عفاف .. ادخلي يا قلب خالتك البنات بيلعبو جوه العبي معاهم
مريم .. حاضر يا خالتو ودخلت جري
عفاف .. شكلك ما يطمنش فيه ايه
ناديه .. جنه عملت حادثه وفي اوضة العمليات
عفاف .. انتي بتقولي ايه
ناديه .. اسكتي مش عايزه مريم تعرف حاجه انتي عارفه هما روحهم في بعض
عفاف .. طاب هلبس واجي معاكي
ناديه .. لا المهم خالي بالك من مريم ولسا ما كملتش كلامها بيت جارت عفاف اتفتح
احلام .. بتقفل الباب وهي بتبكي
عفاف وناديه قربوا منها خير يا احلام مالك
احلام .. وهي بتبكي سامر يا عفاف
عفاف .. ماله
احلام .. مات عمل حادثه ومات
عفاف .. انا لله وإنا إليه راجعون ده عمره يا احلام وربنا يرحمه ويغفرله
ناديه .. شدي حيلك يا احلام بس هو مش مسافر
احلام .. لا جه من شهر واشترى تاكسي وكان بيشتغل عليه
ناديه .. لا حول ولا قوه إلا بالله الله يرحمه شدي حيلك
احلام .. اللهم لا اعتراض وتدى المفتاح لعفاف خالي بالك من مكه نايمه جوه
عفاف .. حاضر يا حبيبتي
ناديه .. يلا يا احلام
احلام .. لا خليكي يا ناديه انا هروح لوحدي و كلمت اعمامه يجو علي المستشفي
ناديه .. انا كده كده رايحه عشان بنتي عملت حادثه كمان وفي العمليات
احلام .. ربنا يشفيها يارب
و بينزلوا سوا وبيروحوا علي المستشفي وناديه تهدي احلام اللي كانت منهاره وتحاول تتحكم في نفسها ووصلوا المستشفي وكان اعمام سامر وصلوا هناك و بدأوا يخلصوا الاجراءات عشان يستلموا الجثه والنيابه جت عشان تحقق في الحادثه وما فيش شهود ولا اي حاجه ووكيل النيابه يسمح أن اهل سامر ياخدو الجثه ويطلب من امن المستشفي اول ما حالة جنه تستقر يبلغوه ويمشي
ناديه .. يلا روحي وحاولي تمسكي نفسك عشان مكه دي لسا صغيره ومش حمل خبر زي ده
احلام .. معاكي حق انا مش عارفه هقولها ازي ربنا يقويني
ناديه .. امين يارب العالمين وبتسيبها وبتروح علي اوضة العمليات وهي بدور علي اي حد يطمنها لكن للاسف ما فيش حد عارف حاجه العمليه مستمره من ٣ ساعات وهي رايحه جايه قدام اوضة العمليات
جاسم .. هاله عايزين دم بسرعه
هاله .. بتطلع جري عشان تجيب دم
ناديه .. لو سمحتي يا بنتي طمنيني بنتي عامله ايه
هاله .. ادعيلها يا حاجه واحنا بنعمل كل اللي نقدر عليه وتكمل في طريقها وتجيب الدم و بتدخل
عادل .. السلام عليكم
ناديه .. وعليكم السلام ورحمة الله وبركاته مين حضرتك
عادل .. انا رئيس التحرير رنيت علي جنه والممرضه بلغتني الخبر ان شاء الله هتبقى بخير
ناديه .. ان شاء الله
الممرضه .. السلام عليكم
الكل .. وعليكم السلام ورحمة الله وبركاته
الممرضه .. حضرتك والدة المريضه
ناديه .. ايوه يا بنتي خير
الممرضه .. ده التليفون وكل الحاجات الي كانت معاها
ناديه .. مسكتها وفضلت تبكي
عادل .. استهدي بالله يا ام جنه
ناديه .. ونعم بالله
جاسم .. علقي الدم بسرعه
هاله .. حاضر وعلقت الدم
جاسم .. النبض ضعيف٠٠٠ النبض وقف خالص !
هاله .. يا دكتور !
جاسم .. جهاز الصدمات الكهربائيه بسرعه !
هاله .. جابته
جاسم .. بداء يعمل صدمات عشان النبض يرجع جرب مره واثنين
هاله .. احنا خسرنا المريضه يا دكتور
إلي اللقاء في الحلقه الثالثه
#عباد_الله_اذكره_الله
