رواية جنه والمجهول الفصل الثالث 3 بقلم جمال المصري
بسم الله ولا إله إلا الله
#جنه_والمجهول
#الحلقه_الثالثه
هاله .. احنا خسرنا المريضه يا دكتور
جاسم .. كان في احساس غريب بيربطه بجنه وعكس كل الموجودين في غرفة العمليات كان متاكد انها باذن الله عز وجل هتعيش ومره وحده صوته بيعلى اضبطي الجهاز علي ١٣٠
هاله .. ظبطت الجهاز وهي عارفه ان خلاص جنه فارقت الحياه وكل اللي الدكتور بيعمله ما لوش اي لازمه
جاسم .. ١٥٠
هاله .. خلاص يا دكتور ما فيش فايده
جاسم .. قلت ١٥٠ يلا بسرعه
هاله .. حاضر يا دكتور
جاسم .. بسم الله وجنه بتاخد الصدمه دي ونبض القلب بيرجع تاني
هاله .. بتبص لي جاسم وهي مش مصدقه اللي حصل ازي حصل ده
جاسم .. ربنا موجود وهي لسا ليها عمر جديد يلا نكمل العمليه بسرعه
هاله .. ونعم بالله
الباشا .. بيرن علي عباس
عباس .. معالي الباشا دقايق بس واكدلك خبر موت البنت الصحفيه
الباشا .. موت مين يا غبي الصحفيه عايشه وفي غرفة العمليات كلم الغبي عطيه وقوله ما فيش جنيه واحد هياخده غير لما البنت دي تموت واي غلطه هتدفعوا تمنها كلكم فاهم يا عباس
عباس .. فاهم يا فندم بس عندي سؤال
الباشا .. انجز عايز ايه
عباس .. ليه حضرتك عايز تقتلها مع انها ما وصلتش ليك ولا عمرها هتوصل
الباشا .. مش بقول غبي اللي خلاها دلوقتى وصلت لرجالتي مش صعب عليها توصل لى انا كمان ولا انت عايزني استنى لما الاقي نفسي في السجن عشان اتحرك
عباس .. اسف يا باشا معاك حق وهبلغ عطيه بكلامك
الباشا .. واسحب اي حد من رجالتك من المستشفي مش عايز حد من رجالتك يتورط في العمليه دي
عباس .. حاضر جنابك هكلم عتريس يرجع هنا بسرعه
بيقفل السكه و بيكلم عتريس و بيعرف منه انه لسا داخل المستشفي وبيطلب مني يرجع علي طول وبيرن علي عطيه
عطيه .. طمني كل حاجه تمام
عباس .. تمام ايه يا عطيه شكلك كبرت البنت عايشه في المستشفي والباشا بيقولك مش هتاخد قرش واحد غير لما الصحفيه دي تموت فاهم ولا لا
عطيه .. ازي بعد الحادثه دي ولسا عايشه دي عامله زي القطط بسبع ارواح
عباس .. انا مش عايز كلام كتير انا عايز فعل وبرضه عايزها تظهر كانها موته طبيعيه مش عايزين شوشره
عطيه .. حاضر يا عباس انا هتصرف و بيقفل السكه و يأمر واحد من رجالته يروح المستشفي ويخلص علي الصحفيه والقاتل ببتحرك في طريقه للمستشفي
جاسم .. بياخد نفس عميق الحمد لله اخيرآ خلصنا
هاله .. الحمد لله يا دكتور اول مره اشوفك كده ورغم ان كل حاجه كانت بتقول انها ماتت لكن انت فضلت مكمل كانك عارف حاجه ما فيش حد فينا ولا الاجهزه نفسها كانت عارفاها
جاسم .. احساس جوايا كان بيقولي ان المريضه دي ان شاء الله هتعيش ٠
ومسك الورق بتاعها و بيبص فيه عشان يشوف اسمها جاسم ٠٠الله ٠٠ حتي اسمها جميل جنه وبيبصلها الحمد لله يلا بقا يا جنه فوقي وخليكي قويه
هاله .. ان شاء الله يا دكتور هتفوق
جاسم .. يلا خديها علي غرفة العنايه المركزه وانا هتابع الحاله بنفسي
هاله .. تمام يا دكتور
جاسم .. بيطلع من غرفة العمليات
عادل .. بيجري عليه طمني يا دكتور
جاسم .. الحمد لله العمليه نجحت بس هتقعد شويه في غرفة العنايه المركزه
ناديه .. الحمد لله انا امها يا دكتور ممكن اشوفها
جاسم .. معلش استني بس اول ما ننقلها لغرفه عاديه تقدري تشوفيها وتقعدي معاها زي ما تحبي بس دلوقتى هنسيبها ترتاح واول ما تفوق من البنج ونطمن عليها هنقلها غرفه عاديه علي طول ماشي يا امي
ناديه .. شكرآ يا ابني
جاسم .. بعد اذنكم
عادل .. اتفضل يا دكتور وبص لي ناديه معلش يا مدام ناديه المهم اننا اطمنا عليها وهي مسالة وقت مش اكتر
ناديه .. بتقعد معاك حق يا استاذ عادل والحمد لله انها عايشه
احلام .. بتدفن ابنها و بتقعد قدام القبر وهي مش قادره تمسك نفسها من العياط
اعمام ..سامر بيهدوها و بياخدوها وتروح علي البيت و بيقولوا انهم هينزلو البلد عشان ياخدو عزاه هناك وبيطلبو منها تلبس عشان تنزل معاهم
احلام .. مش هينفع اروح و سيب مكه بنته ومش عايزها تعرف حاجه دلوقتى البنت لسا صغيره
عمه .. معاكي حق خلاص احنا هنروح وانتي لو احتاجتي اي حاجه رني عليا ٠
احلام .. شكرا وربنا ما يحرمنى منكم مش عارفه من غيركم كنت هعمل ايه انا مش عندي اخ ولا اخت ٠
عمه.. احنا اخوات واي حاجه تحتاجيها احنا تحت امرك بعد اذنك ٠
احلام .. اتفضلوا وبتروح تخبط علي عفاف بعد ما مسحت دموعها
عفاف .. اول ما فتحت ولقيتها حضنتها البقاء لله
احلام .. ونعم بالله حياتك الباقيه مكه فين
عفاف .. بتلعب مع البنات جوه
احلام .. هتيها يا عفاف والف شكر ليكي
عفاف .. احنا اخوات يا احلام تعالي نقعد سوا بدل ما تقعدي لوحدك وكده كده الاولاد بيلعبو جوه
احلام .. كفايه تعبناكي
عفاف .. والله هزعل منك تعالي احنا اهل ودخلتها جوه وقعدو وهي بتحاول توسيها و بتحكيلها عن الابتلاءات اللى عاشها الانبياء والصالحين وفعلا قدرت تهديها
احلام .. رفعت عينها للسماء الحمد لله يا رب سامحني علي قلة علمي واذا كنت قولت او عملت حاجه زعلتك مني والله كان غصبن عني الحمد لله وإنا لله وإنا إليه راجعون
مكه .. انتي جيتي يا تيته
احلام ..بتمسح دموعها بسرعه ايوه يا حبيبتي
مكه .. طاب يلا زمان بابا جاي
احلام .. لا يا حبيبتي بابا سافر تاني
مكه .. وضح علي وشها الحزن ازاي يا تيته هو قالي مش هيسافر تاني
احلام .. هيعمل ايه هو بيعمل كل ده عشان مين مش عشانك و هيجيبلك لعب كتير
مكه .. ببراءه الاطفال انا عايزاه هو مش عايزه لعب ولا فلوس ولا حاجه
احلام .. معلش يا حبيبتي كلها كام شهر وهيجي بالسلامه يلا بينا
مكه .. يلا يا تيته
احلام ..وصلت الباب وبصت علي عفاف كلمتي ناديه
عفاف .. لا قولت بلاش ازعجها اكيد هي هتطمني لما تطمن علي جنه وتليفون عفاف بيرن و بطلع التليفون اهي ناديه بترن السلام عليكم
ناديه .. وعليكم السلام ورحمة الله وبركاته
عفاف .. خير طمنيني يا حبيبتي
ناديه .. الحمد لله طلعت من العمليات والحمد لله بخير
عفاف .. الحمد لله انتي مش محتاجه حاجه لو كده اجيلك
ناديه .. لا شكرا المهم خلي بالك من مريم
عفاف .. ما تقلقيش في عينيه
ناديه .. احلام عامله ايه
عفاف .. الحمد لله واقفه جنبي
ناديه .. ادهاني
عفاف .. حاضر خدي ناديه عايزه تكلمك
احلام .. الو
ناديه .. البقيه في حياتك انا اسفه من الصدمه ما عرفتش اكون معاكي
احلام .. بتبعد عن مكه في حياتك الباقيه وانتي كتر خيرك المهم نطمن علي جنه
ناديه .. هي في غرفة العنايه المركزه ومستنيه تتنقل في غرفه عاديه عشان اشوفها
احلام .. ربنا يطمنك عليها يا حبيبتي
ناديه .. تسلمي يا احلام وربنا يصبرك اول ما اجي من المستشفي هجيلك
احلام .. البيت بيتك مع السلامه
ناديه .. سلام
عادل .. مين اللي ابنها مات دي
ناديه .. ده شاب ابن حلال كان. مسافر وجه اشترى تاكسي واشتغل عليه وعمل حادثه هو كمان
هاله .. معديه بالصدفه ووقفت حضرتك الشاب اللي بتتكلمي عليه هو سواق التاكسي الي كان مع بنتك
ناديه .. اتصدمت غريبه جنه حتي ما تعرفهوش عشان ده علي طول مسافر وعمرها ما شافته
عادل .. ما هو سواق تاكسي اكيد ركبت معاه عادي يعني
ناديه ..معاك حق الله يرحمه كان زينة الشباب
القاتل .. بيدخل المستشفي وبيدخل علي غرفة الاطباء وبيلبس الروب الابيض وبيبداء يتحرك في المستشفي وهو بيدور وبيسال علي الصحفيه بطريقه غير ملفته لحد ما بيعرف انها في العنايه المركزه
عادل .. انا هروح اجيب عصير وحاجه تاكليها انتي من بدري هنا واكيد جعتي
ناديه .. لا الله يخليك شكرا
عادل .. علي ايه جنه دي زي بنتي ربنا يحفظهالك تعالي معايا بدل قعدتنا دي حتي تمشي رجليكى شويه
ناديه .. حاضر وتقوم معاه وبيروحوا الكافتيريا عشان يشربوا العصير و ياكلوا لقمه ٠
القاتل .. بيتحرك ناحية العنايه وطبعا لبسه مش مخلي حد يعترض طريقه لحد ما بيوصل الغرفه وبيفتح الباب وبيدخل وبيقفل الباب وراه ويقرب من جنه وهي بدات تفوق وتفتح عنيها
جنه .. بتبص ناحية القاتل وهي فاكرته الدكتور انا فين يا دكتور وحصل ايه ؟
القاتل .. انتي في الجنه ما تقلقيش شويه وهترتاحي خالص
جنه .. مش فاهمه حاجه و البنج لسا ماثر عليها
القاتل .. يقرب ويطلع حقنه من جيبه ويحط سن الحقنه في المحلول و يفضيها كلها ويطلع الحقنه و يحطها في جيبه دقايق و هترتاحي خالص
إلي اللقاء في الحلقه الرابعه
#عباد_الله_وحده_الله
