رواية جنه والمجهول (كاملة جميع الفصول) بقلم جمال المصري
بسم الله ولا إله إلا الله
#جنه_والمجهول
#الحلقه_الاولي
جنه وهي بطلة قصتنا ٢٥ سنه وتعمل في مجال الصحافه جنه شابه طموحه مجتهده وجميله ولا تخلو حياتها من المشاكل بسبب ظروف شغلها الي دايما بتورطها في مواقف صعبه بس كأنها اتعودت علي كده
وأخيرا قدرت تحقق اكبر ضربة صحفيه و تكشف قضية فساد كبيره لكنها ما تعرفش انها فتحت علي نفسها ابواب جهنم ٠٠ وان الناس دى مش هيسبوها
دخلت الجريده اللي بتشتغل فيها وهي في قمة السعاده والكل بيسقف لها ومدير التحرير بنفسه مستنيها عشان يحتفل بيها كان يوم سعيد جدآ بالنسبه لي جنه وهي حاسه انها اخير بيتكتب اسمها في الصفحه الاولي و بالبنط العريض
عادل رئيس التحرير .. الف مبروك يا جنه انتي عمرك ما خيبتي ظني فيكي انا كنت متاكد انك هتكوني من نجوم الصحافه في مصر الف مليون مبروك يا بنتي
جنه .. الله يبارك في حضرتك وكله بتوجيهاتك ودعمك ليا
بعد ما كل العاملين ما باركوا لي جنه
عادل .. يلا يا جماعه كل واحد علي شغله واتفضلي معايا يا استاذه جنه عايزك
جنه .. حاضر يا فندم
عادل يدخل المكتب بتاعه و يقعد على الكرسى ويطلب من جنه أنها تقعد علي الكرسي وفعلآ بتقعد قدامه وهي الفرحه ظاهره علي وشها لكن وش عادل كان غريب وكان في نبرة صوته خوف بيحاول يخبيه
عادل .. يا جنه ازي وصلتلك المعلومات الي نشرتيها
جنه .. بتبص عليه لقيتهم تحت عقب الباب حد حط الظرف علي الارض وزقه لجوه
عادل .. انا خايف عليكي يا بنتي انتي كده دخلتي عش الدبابير برجليكي القضيه كبيره وفيها رجال اعمال متورطين في عملية التهريب دي واكيد مش هيسبوكي في حالك
جنه .. خليها علي الله يا ريس انا سلمت الورق للنيابه العامه يعني خلاص مش معايا حاجه عشان حد يفكر يهاجمني
عادل .. علي العموم خالي بالك من نفسك
جنه .. ما تقلقش عليا انا بمية راجل بعد اذنك اروح اشوف شغلي
عادل .. لا النهارده اجازه روحى ارتاحى النهارده كفايه ليكي كام يوم مش بتنامي غير نوم متقطع
جنه .. بس يا فندم
عادل .. مش عايز مناقشه وانتي طالعه ليكي مكافاه في الحسابات خديها معاكي
جنه .. شكرا يا ريس بعد اذنك
عادل .. اتفضلي يا بنتي وربنا يحميكي
خرجت جنه من المكتب ورحت الحسابات و خدت المكافاه اشترت لبس لاختها الصغيره و علاج لوالدتها بعد وفاه والدها اصبحت هي المسؤوله عن البيت وما لهاش في الدنيا غير اختها وامها والفلوس جات في وقتها وبعد ما خلصت قالت لنفسها انا هركب تاكسي بدل بهدلة المواصلات وفعلا تشاور لي تاكسي ويوقف لها شاب بيظهر عليه الاحترام
سامر .. اتفضلي يا هانم
جنه .. يسمع من بقك ربنا وابقا هانم
سامر .. ابتسم حضرتك رايحه فيه
جنه .. السيده عايشه
سامر .. حاضر يا ست الهوانم علي فكره انا كمان من السيده عايشه
جنه .. اهلآ يعني طلعنا جيران بس انا عمري ما شوفتك
سامر .. كنت في السعوديه ولسا جاي اشتريت التاكسي ده عشان اقدر اصرف علي امي وبنتي
جنه .. سكتت للحظه ومراتك فين
سامر .. الله يرحمها ماتت وهي بتولد مكه
جنه .. الله يرحمها اسفه لو كنت فكرتك
سامر .. انا عمري ما نسيت هو انتي بتشتغلي
جنه .. ايوه انا صحافيه
سامر .. اه بتوع المشاكل
جنه. .. تشكر يا عم
سامر .. قصدي حياتكم كلها مشاكل
جنه .. والله كلامك صحيح بس انا بحب الصحافه بتجري في دمي اعمل ايه
سامر .. ما تعمليش حاجه وربنا يبعد عنك المشاكل
جنه .. امين يارب العالمين
عباس راجل من رجالة واحد من اللي جنه كشفتهم في قضية تهريب الاثار .. بيرن علي عطيه البت الصحفيه داخله عليكم مش عايزها تفلت منكم
عطيه .. ما تقلقش شوفت التاكسي وكلها دقايق وهتكون في خبر كان
عباس .. بس زي ما اتفقنا عايزها تظهر علي انها حادثه عاديه فاهم
عطيه .. ما تقلقش انا مظبط الدنيا وكل واحد من الرجاله عارف هيعمل ايه
عباس .. تمام هستنا منك تليفون عشان اطمن الباشا
عطيه .. طمنه من دلوقت ده مش اول شغل بينا يا عباس
عباس .. تمام يا عطيه والفلوس هتتحولك بمجرد ما نطمن انها ماتت
عطيه .. تمام يا عباس وتحياتي للباشا الكبير
عباس .. يوصل يا عطيه ومستني تليفونك
عطيه يقفل معاه و بيكلم واحد من رجالته ويطلب منه يطلع بي عربية نقل تقيل قدام التاكسي مره وحده وفعلا بتبدأ الخطه
جنه .. معاك مياه انا هموت من العطش
سامر .. اتفضلي وفاجئه بيلاقي عربية نقل تقيل قطعت السكه مره وحده بيحاول يتفداها لكن ما فيش فايده وبيدوس علي الفرامل بكل قوته
جنه .. حاسب احنا هنموت و تغمض عينيها
سامر .. رغم انه داس علي الفرامل لكن من سرعة التاكسي كان بيزحف لحد ما خبط في العربية النقل التقيل بس الحمد لله هما بخير
جنه .. فتحت عينيها بعد الخبطه وقالت الحمد لله انت بخير
سامر .. كان بيتكلم بالعافيه الحمد لله قدر الله وما شاء فعل
ولسا بيفتحو الباب عشان ينزلوا بيكون في عربيه تانيه جايه وتخبطهم وبتتحول العربيه كانها علبة سردين وجنه وسامر بيفقدو الوعي و عربيتين النقل بيتحركو بسرعه من المكان
جنه .. مغمي عليها والدم بينزف وسامر كمان
الناس اللي ماشيه علي الطريق بتوقف ومش مستحمله المنظر وبيتصلو بالاسعاف وما بيحولوش يحركوا جنه ولا سامر الوضع فظيع
إلي اللقاء في البارت التاني
#عباد_الله_اذكره_الله
