رواية عشق ابيض واسود الفصل الثامن 8 الجزء الثاني بقلم عائشة الكيلاني

رواية عشق ابيض واسود الفصل الثامن 8 الجزء الثاني بقلم عائشة الكيلاني

 

نور بصتله بصدمة و دموع:- انت بتقول اي ياسين ياسين انا بحبك طب انا اسفة علشان خاطري 

ياسين:- انتي الى بداتي و دا رد فعل انا مش عايزك والله العظيم ما عايزك 

ياسين مشي نور وقعت على الارض دموعها نزلت :- اااااه 

نهاية التخيل و الان مع المفاجأة ترر ترر 😂

نور حررت نفسها منه و حضنته قالت بابتسامة:- بتغير عليا يا يسو 

ياسين زي ما هو واقف بثبات مندهش من حركتها :- انا لا بغير ولا زفت انتي مش متجوزة فيفي علشان تخرجي و ترجعي البيت بالليل و بلبس دا و من غير اذن انا مش اطرش في الزفة علشان تعملي الى على كيفك بحبك جايز لكن هتتعوجي اديكي بالجزمة 

نور رمشت عينيها بصدمة و بعدت عنه اتصدمت لم لقيته متعصب و بيتكلم معاها بالطريقة دى بعدت عنه بصتله بابتسامة و همسة حب :- انا اسفة 

قبلت خده و رجعت حضنته :- انا اسفة مش هتكرر تاني خلاص بقا يا بيبي 

ياسين مندهش من كلامها مسكها من شعرها تاني:- بت انتي 

نور بصت لياسين بذهول:- في اي تاني 

ياسين بصلها بهدوء و ابتسامة و هو بيرجع شعرها لوراء:- حبيبي انا نسيت اقولك انى مش بجي بالدلع الماسخ دا التلزيق دا  لانى مش بحبه و مش بيجي معايا 

نور بصت له بخجل و بعدين بصت لى الارض من رغم كدا على وشها ابتسامة ياسين رفع وشها بصباعه:- بصيلي 

نور بصت له كان في صمت لكن نظرات العيون قالت كل حاجة ياسين مسك ايديها الاتنين لكن فجأة اترسم على وشه الحادة و ساب ايديها:- اي دا البيت مش نضيف ليه اي التراب دا قعد في بيتي ولا في زريبة 

نور بصت له بصدمة:- ياسين انت بتتحول 

ياسين بصرامة:- اي بتحول دى ما تنقي كلامك هو علشان عايز بيتي يبقا نضيف و منظم ابقا بتحول 

نور:- بتعلي صوتك عليا انا يا حبيبي 

ياسين:- حبك برص و ايوة بعلي صوتى عليكي خمس دقائق العشاء يكون جاهز 

نور بابتسامة:- دى لعبتي 

نور لسه هتروح لمطبخ وقفت على صوته:- طازه 

نور لفت وشها له:- بس انا مبعرفش اطبخ و الشغالة مجتش النهاردة 

ياسين حط ايديه في جيبه بابتسامة باردة:- والله دى مش مشكلتي الاكل يبقا جاهز تطبخيه ايدك ربع ساعة و الاكل يكون جاهز و لو طعمه طالع وحش هاكلهوك يا نور عيني 

نور بابتسامة:- من العين قبل العين دى 

نور دخلت المطبخ سندت ايديها على الروخامة بغيظ:- و بعدين بقا انا مش بعرف اطبخ اعمل اي اه سلام لو نفذت الى في خيالي 

مسكت الفون بتاعها و اتصلت بى ابتهال 

نور بصوت واطي:- تيته الحقيني الله يسترك انا زي بنتك 

ابتهال بصت على الرقم:- بسم الله الرحمن الرحيم مالك يا بت و موطية صوتك ليه 

نور:- تيته انا مبعرفش اطبخ ولا ليا في الكلام دا و ابو لهب اقصد ياسين عايز الا اي ياكل من ايدي و ممنوع اطلب دليفري ولا حتي ياكل اكل بايت و انا مش بعرف اطبخ و مش عارفه اعمل اي 

ابتهال:- ممم صحصحي معايا و ركزي كويس اومال هو اتحول ازاى 

نور:- يا تيته هطلاق ابوس ايدك قولي 

ابتهال:- نبدا بقا و نقول بسم الله 

ابتهال بدات تقول لنور و تعلمها و هى معاها على التلفون و نور ماشية معاها خطوة بخطوة اتلسعت كذا مرة لكن مهمهاش و بعدين شكرتها و قفلت معاها أما في شقة عماد 

عماد نزل لمستواها:- هاا اتربتي ولا لسه يا شوشو 

شهد بصت له بكره:- بكرهك يا عماد عمري ما حبيتك انت اقل ما يقول عليه زبالة 

عماد ضربها كف و خرج :- من النهاردة تخدمي مراتي و عيالي دا امر مش طلب فاهمة 

شهد دموعها نزلت بوجع 

عماد:- الا قوليلي يا شهد هى امي ماتت ازاي 

شهد بصدق لاول مرة:- يعني اي ماتت ازاي موتت ربنا والله العظيم ما عملت حاجة ليها 

عماد بص ليها ببرود :- ممم ماشي ماشي يا شهد 

عماد و خرج و طبعا قفل الباب بالمفتاح أما في شقة نورا 

لبنى طبطبت على ايديها:- الحمدلله يا نورا الحمدلله انها عايشة و بعقلها لحد دلوقتي 

نورا دموعها نزلت:- دى مش بنتي يا لبني مش بنتي البت اكنها غريبه عننا اكنن اغراب عنها تصح تصرخ و تنام راقت شوية بس لا بتاكل ولا بتشرب خست النص 

لبنى بتحاول تمسك دموعها:- يا نورا ما الموضوع مش سهل عليها انتوا بتقول ضرب و صدمات في طبيعي يحصل كدا 

نورا بصت لبنى بوجع و ندم:- معقول يكون دا ذنب منى ربنا بياخد حقها مني في بنتي 

لبنى:- انتي بتقولي اي يا نورا 

نورا دموعها نزلت بوجع:- انا و منى كونا اكتر من الاخوات و انتي شاهدة على دا 

لبنى بصت ليها باه نورا كملت منى لم شكت في شهد انها حرقت شقتك و قصدها تموتك اتعصبت و قعدت تهددها ، تاني يوم حماتي و انا و كل البيت اتهمنها في سرقة حاجاتنا الدهب و كدا 

لبنى وشها اتغير من الصدمة مش عارفه تتكلم تقول اي 

نورا:- سمر كان معاها نسخة من مفتاح شقة شاهين استغلت انه في الشغل و منى نايمة جانب العيال فتحت الباب و دخلت اوضتهم من غير ما تحس و حطت الحاجات في الدولاب و بعدين على العصر او بعد العصر كل واحدة قالت فين دهبي انهارنا أو بمعنى تاني بنمثل و بعدين طالعن شقتها كان شاهين في البيت و صاحي سمر دخلت و لقيته 

لبنى:- و بعدين 

نورا:- و بعدين منى و سمر شدو مع بعض ف شاهين ضرب منى و جرها من شعرها برا البيت ، بهدومها 

نورا غمضت عيونها بألم :- كانت بتترجاني ادافع عنها و اقول الحقيقة بس خوفت مانتي عارفه ان سمر الى يقف في طريقها بتعمل فيه اي بنتي اتخدت بى ذنبي بنتي راحت مني شوية تهلوس شوية تصرخ بنتي ادمرت بسببي بالله عليكي قولي لنور تسامحني ابوس ايدك قوليلها تسامحني ا انا السبب ا انا كنت صاحبة الفكرة دى 

لبنى سحبت ايديها بسرعة و قامت فتحت الباب و مشيت ركبت العربية و السائق اتحرك سندت راسها على الازاز و دموعها نزلت بوجع و قهرة صحيح مش بتحب منى يعني علاقتهم ببعض مكنتش احسن حاجة لكن كانت كويسة افتكرت كلام نور و هى بتحكي ليها و الى شافته لبنى مدختش على كلامها لانها كانت طفلة لكن ياريتها ما راحت لنورا ولا عرفت الحقيقة المريرة الى تكسر اى حد غمضت عيونها بألم بعد وقت 

السائق:- وصلنا يا هانم ، مدام لبنى انتي كويسة 

لبنى مسحت دموعها بهدوء:- كويسة 

لبنى فتحت الباب و نزلت طالعت على طول لجميلة اتنهدت بارتياح لم شافتها بتصلي و دموعها نازلة قفلت الباب بابتسامة و راحت لاوضتها غيرت هدومها و مسكت فرشة الشعر بتاعتها و بقت بتسرح شعرها بهدوء و سرحان 

فلاش 

لبنى:- طب انتي بتعيطي ليه يا حبيبتي 

نور:- انا مش عايزة يحصلي زى ما حصل لماما ، انا لم اكبر مش هتجوز هقعد مع بابا و سليم لحد ما اموت لكن مش هتجوز 

لبنى بابتسامة:- بس دى سنة الحياة بكرا تحبي و تتجوزي 

نور:- بس انا مش عايزة احب ولا ادي لحد حاجة 

لبنى:- بس دى انانية 

نور بهدوء:- ابقا انانية احسن ما اضحي و يحصلي زى ماما تعرفي يا طنط انا بضحك في وش بابا بالعافية مش هو بس اى واد أو راجل قدامي ببقا نفسي امسكه اقتله اولع فيه 

باك 

لبنى فتحت عيونها على طول مسكت الفون و اتصلت بى ابنها و في بالها ان نور عملت فيه حاجة:- مش بيرد عليا ليه رررد بقا انت كمان 

اما في بيت ياسين 

ياسين مغمض عينيه و نور نايمة في حضنه قام غطها و قبل جبينها اخد الفون من جانبه و خرج:- الو يا امى 

لبنى بقلق و عصبية:- ااانت فين و مش بترد عليا ليه فيك حاجه البت دى عملت فيك حاجة اوع تاكل ولا تشرب حاجة من ايديها لتكون حطلك سم يا حبيبي 

ياسين اتصدم من كلام امه بعد الفون بملل و استغرب:- ايوة سابت جميلة تمسك فيا ربنا يستر 

ياسين بهدوء:- في اي يا ست الكل ما البت كويسة و في حالها انا نفسي اعرف مش بتحبيها ليه اكنها درتك 

لبنى بعصبية و خوف:- ياسين اسمع كلامي من بكرا تجي تاكل عندي تعيش معانا اياك تاكل حاجة من ايديها سااامع ولا تشرب اقولك بلاش تقرب منها سيبها رجعها لاخوها 

ياسين:- حاضر يا امي 

لبنى:- ااه اوع تخليها تجي جانب حاجاتك خصوصا هدومك 

ياسين بيحاول يكون هادي بسبب كلامها 

لبنى قفلت مع ياسين و طبعا ولا اكن امها قالت حاجة قفل الفون و رجع ينام تاني 

تاني يوم الصبح في المصحة 

نور :- ايوة يا جماعه انا بحبه و اوى كمان و مقدرش اشوفه زعلان مني لاى شكل 

حياة و عائشة زغرطو 

نور بصت و حيارة:- بسس 

عمار بذكاء:- خايفة 

نور اتنهدت بابتسامة تحمل كل الوجع:- هتصدقني لو قولتلك انى بضحك و بتكلم مع اخويا بالعافية حتي اعمامى بضحك في وشهم بالعافية 

سندت ايديها:- عارف انى حاسه اني مش طيقك 

عمار بصلها بصدمة:- انا مجتش جانبك 

نور:- فعلا من رغم انك طول السنين دى بتحاول تساعدني في الحالات انا بكره الرجالة لم بشوف راجل ببقا نفسي امسكه اختقه اولع فيه حتى سليم نفس الكلام 

عمار بهدوء:- بس ياسين معملش حاجة علشان تعمليه بالطريقة دى 

نور قامت بعصبية:- انا مش عايزة احب ولا اتعلق بيه لانكم رجالة لا تتعاشر ولا تطاق انتوا عبارة عن حيوانات بشرية انتوا في نظري اقل من الحيوانات تصدق انا اصلا بتكلم معاك ليه اطلع برا مكتبي و قول لحيوان الى اسمه سيف ميجيش مش طيقه اشوفه ولا اشوف حد منكم انتوا كلكم عايزين الحرق رجالة عايزة الحرق 

عمار ببرود:- راي و يحترم مدام نور شكرا 

نور بصت لحياة صاحبتها:- لمى جوزك و خدي بالك لانهم تثقي في حمار ولا تثقي في راجل 

نور خرجت من مكتبها بعصبية و راحت غرفة ٢٠٩ و بعدين خرجت تتمشي في الجنينة مربعة ايديها و في عالم تاني:- و بعدين يا نور اخرت الى بتعمليه اي و اخرت خوفك اي الى في سنك معاهم اولاد و عايشين رغم الهموم و الظروف بس مكملين الا انتي عايشه بس بدوري في الماضي ظالمة نفسك و ظالمة ياسين اكتر حد حبك في الدنيا 

دموعها نزلت:- عايزة اي تاني اتجوزتي الى بتحبيه و بيحبك و مستعد يعمل اى حاجة علشانك يبقا ليه النكد بقا خلاص انا قررت مفيش تبني مفيش عصبية على ياسين كل شوية ، بس السن اعمل فيه اي انا اكبر منه باربع سنين ليه اظلمه معايا اومال انا اتجوزته ليه مش علشان بحبه ييييه 

فاقت من سرحانها بصت حواليها بتراقب و رجعت مكتبها اما في الفيلا في اوضة اسر 

اسر:- خير يا روحي بتفكري في اي 

لبنى ساكته اسر فهم الى بتفكر فيه قال و هو قدام المرايا:- اومال اي بقا نور بنتي و الى يجي عليها أو يفكر ياذيها اكله بسناني اكل مش دا كلامك اي الى حصل 

لبنى ببعض الحادة:- اكبر من ياسين هل طبيعي ابني يتجوز واحدة اكبر منه و 

اسر لف وشه ليها حط ايديه على كتفها:- اشحال ان بنتنا كانت و مذل في محنة سهليها يا لبنى علشان لاقي الى يسهلها على بنتنا دين تدان ولا اي لبنى انا بحبك انتى جميلة بلاش حركة في لحظة طيش ترجعنا لى الصفر 

لبنى بصت له بصدمة:- كل دا علشان بنت اخوك 

اسر:- لا علشان وليه زى ما بتقولو تاني حاجة ابنى بيحبها و هى بتحبه و دا كفاية 

لبنى بتسال و غضب:- والله و انت عرفت منين انها بتحبه دى بتحب نفسها بالعافية هتحب ابنك 

اسر قبل راسها:- ارجع القيكي طلعتي الشيطان الى في دماغك و الا كلنا هزعل من بعض مش بسبب نور بسبب تفكيرك 

اسر خرج و سبها لبنى حطت ايديها في خصرها:- ماشي يا اسر بتبعني علشان نور ماشي 

لبنى راحت اتوضت لبست اسدال صلاة و راحت تصلي أما في اوضة جميلة كانت واقفة قدام المرايا بتحط روج مسحت دموعها و مسكت الفون شغلت اغنية و قعدت ترقص و هى بتعيط و هى بتفتكر ايامها مع قاسم خرجاتهم خادعه ليها نظراته وقعت على الارض حطت ايديها على قلبها و بقت بتعيط قامت مسحت دموعها حطت الميك اب و خرجت ركبت العربية و السائق اتحرك بعد وقت في القسم 

قاسم بفرح جميلة 

الظابط:- طب اسيبكم تتكلمو على راحتكم عن اذنكم 

الظابط خرج قاسم اتجه ليها كان هيحضنها لكن بعدت 

قاسم بصلها بمرارة:- خايفة مني يا جميلة 

جميلة بثبات و قوة:- و مين قال خايفة بالعكس انا قرفانة 

قاسم بوجع:- لدرجة دى 

جميلة:- اكتر اكتر انت مدلقتش شاي على ايدي انت كسرتني كسرت ثقتي بنفسي و فيك طب قولي و انت الى كانت مكاني و عملت فيك كدا كنت عملت اي 

قاسم بص لارض جميلة بابتسامة:- مفيش رد دا كان توقعي 

قاسم بصلها:- جيتي ليه 

جميلة:- جيت اقولك انى مش جميلة الى تعرفها جيت علشان اقولك انى فوقت جيت اشكرك و اقولك شكرا انك فوقتني صحيح الضربة جامدة بس فوقتني اخدت الى عايزو يا قاسم 

قالتها بوجع قاسم عيونه دمعت:- انا 

جميلة:- لا الله يخليك يلاش اسف الكلمة دى مش بتصلح حاجة لا هترجع الى راح ولا هتحل الى جاي انا جاية اقولك انى مش مسامحك لو موت قدامي مستحيل اسامحك والله العظيم ل تتمنى تسمع صوتى مش هتلقيه و رحمه امك لندمك يا قاسم و يانا يانت يا ابن سماح 

جميلة خرجت و قاسم فضل يبص لطيفها دموعه نزلت حاسس بكسرة وجع حسرة بس الندم لا ينفع بشئ اما جميلة ف هى حاسه بقوة فرح صحيح موجوعة بس قررت تتغلب على وجعها و تهزمه و تبدا من تاني بعد وقت أو ساعات في عيادة نور كانت بتقرا كتاب و مركزة جدا 

نور بهدوء:- اتفضل 

سيف مسك بوكيه ورد لونه اسود و ابتسامة باردة دخل قعد حط رجل على رجل:- هلو دكتورا والله ليكي وحشة 

نور نفخت بضيقه قفلت الكتب و حطت ايديها عليه قالت باحتقار:- نزل رجلك يا حيوان و أطفئ الزفت دا انت في عيادة محترمة 

سيف ضحك بسخرية قصده يعصبيها:- لا حلوة دى و انتوا تعرفوا اي عن الاحترام يا ستات عايزين الحرق بجاز وس*خ 

نور قامت بغضب و فتحت الباب زعقت السكرتيرة علشان دخلته:- اتفضل اطلع برا انا توبت عن المهنة 

سيف ببرود:- اقعدي يا دكتورا الكلام اخد و عطا و بعدين العصبية وحشة على الى زيك انتي لسه عروسة و ممكن تتجلطي و اشيل ذنبك 

نور كورت ايديها بعصبية و قعدت:- اتهببت انجز 

سيف ولع سجارة و قال بتسال و فضول سيف:- انتي مستحملة نفسك ازاى 

نور ببرود و ثبات:- احتراام نفسك و اتكلم بادب ياما تقوم و تحل عني جتكم الارف 

سيف قام بغضب و عصبية ؛- انتوا الى هم يا هندسة انتوا الى خاينين و لا تتامنو ا انتوا ازبل ناس انتوا اص النكد و الكدب

نور بصت له بسخرية:- خلصت الاسطوانة ولا لسه 

سيف و مذل مكانه و قال بحزن:- كنت اسعد واحد في الدنيا 

نور بتركيز:- و اي الى حصل ، اي الى وصلك لكدا 

سيف ؛- كنت شاطر في شغلي كنت ظابط الرائد سيف النصر 

نور اتسعت عينيها بدهشة:- ماشاءالله و بعدين 

سيف بوجع:- كنت مبسوط بحياتي قبلت واحدة حبيتها و اتجوزتها 

نور:- فين المشكلة 

سيف بعفوية:- يا حجة جايلك في الكلام اهمدي و اسمعي 

نور:- اتنيلت كمل 

سيف:- كانت شبهك و هدوك 

نور بنفذ صبر ؛- انا هستقيل من  الدنيا و ارتاح من الفاظك دى 

سيف :- عملت حادثة زي ما انتي شايفة كدا اثرت عليا و شغلي الى بحبه راح مني زى ما اى حاجة حبيتها بتروح ، كانت استغلالية 

نور:- كمل 

سيف ؛- فضلت معايا شهرين و هى لا خلعتني 

نور:- سيف انت فين اهلك اصلا من كل دا 

سيف ببرود:- ماتو حريق بدون سبق إنذار جاه و ماتوا فيه 

نور :- و بعدين 

سيف:- مفيش مبقاش غيري 

نور بعدم فهم و لخبطة:- لا لحظة منين ظابط سابقن و منين من غير اهل معلش خدني على اد عقلي و فهمني براحة 

سيف بنفذ صبر:- يعني مليش خال مليش عم عمي الى رباني 

نور: - اااه طب مش كنت تقول و بعدين كمل حكايتك تقطع القلب 

سيف:- هو متاكدة انك دكتورة انتي شاربة اي اي خفة الدم دى مفيش عيشت مع عمي و فضل معايا خطوة بخطوة لحد ما بقيت الرائد سيف 

نور:- طب مسالتش نفسك هى خلعتك ليه 

سيف بوجع و ابتسامة:- لانى مبقتش الراجل الى بتحلم بيه ولا بقا معايا اللقب دا شهرين و انا معرفش اتفجت لم صحيت في يوم ملقتهاش اخدت كل فلوسي و كل حاجة كل حاجة اتجوزت صاحبي الوطية 

نور بصت:- انت جتلي ليه اشمعنا انا 

سيف:- دكتور عمار قالي لازم تتعالج عند دكتورة معرفش ليه الا اي لم اتعالج عن دكتورة هرجع احب الستات انتوا صنف*** 

نور:- و جيت عند اكتر واحدة بتكرهكم و بتكره خيالكم 

سيف:- من القلب للقلب 

نور:- و بالنسبة القرف الى بتعملوا اي 

سيف:- مش طيقك ف بطفشك بطريقتي 

نور:- ظابط 

جميلة فتحت الباب و دخلت من غير استاذن و هى بتغني :- انا قلبي دق دقة لم شافوا وقعت فيه 

جميلة:- مين دا 

نور ؛- دا مريض 

جميلة بعفوية:- لا حول ولا قوة الا بالله العلي العظيم قلبي عندك يا ابني 

سيف باستغراب:- مين الكأن دى 

جميلة بسخرية:- مريضة 

سيف:- يعني زملة 

جميلة ضحكت:- انت واد مسخرة ما هو دمه خفيف اهو يا نور اومال كنتي بتقولي غريب ليه عسول جدا 

نور فتحت الدرج طالعت علبة برشام هدوء اخدت اتنين من غيظها 

جميلة بصت لعبلة السجاير:- دي سجاير 

سيف:- بيقولو 

جميلة:- الله انا من زمان اوى نفسي اجربها دى باي سادة ولا فراولة 

سيف:- فراولة 

جميلة:- نور انا هجرب 

نور ربطت راسها بالطرحة كانت موجودة عندها و اخدت برشام تاني 

جميلة اخدت سجارة من العلبة:- ممكن ولعة 

سيف:- هو بابا فين من كل دا ولا هتقولي بابا عادي افهم بس 

جميلة:- يا عم فك بيم اننا بقينا اصدقاء و مغدور بينا و مرضا نفسيين هات الولعة 

سيف اخد منها السجارة و قال بصرامة:- اترزعي يا وليه 

جميلة:- انت لحقت تقلب الحقي يا نور 

نور :- شخصيتين 

جميلة قعدت:- الله طب ما دا حلو هو سيف الطيب هيظهر امتي 

نور:- يارب ارحمني برحمتك 

نور قامت ترد على ياسين دخلت البلكونة 

جميلة فتحت شنطتها و طالعت منها لوليتا:- شوفت من رغم انك بخيل و مرضتش تادني سجارة بس معلش تاخد انهي بالتوت ولا بالفراولة 

سيف ضحك:- و عندك بالبرتقال هاتي 

جميلة و سيف قعدو ياكلو الايس كريم او الوليتا و بيرغو في اي موضوع اهبل سيف بيسمع منها اكنه متفجا 

سيف:- لا يا شيخة متهزريش ضافر اي دا الى بيتكسر من المواعين 

جميلة قالت كلمة انجليزي 

سيف:- اتكلمي عدل وحيات ابوكي انا الى فيا مكفيني 

جميلة:- يعني امى معترضة اني اعمل المواعين و انا بغني معرفش ليه عجبك كدا يرضي مين دا و ابويا بيقول مفيش بنات تسافر مع اصحابها يرضيك كدا 

سيف:- اي الظلم دا انا لو مكانك اكون شجاع و اوجهم دى حرية شخصية تسافري مع تامر تسافري مع حسام انتي حره 

جميلة بفرح:- يييس اخيرا لقيت حد فهمني 

سيف:- بحاول 

جميلة:- بفكرا اطلع الجونة الايام دى 

سيف:- ما تحترمي نفسك بقا ليه انا اعرف تفصيل حياتك انا مال اهلي تسافري مع مين اي الصداع دا 

جميلة:- ما تفك بقا طب اي رايك في لون شعري حلو صح 

سيف:- وحش الاحمر احلي يا سلام لو احمر فاتح 

جميلة:- معاك حق ابقا اجربه 

سيف:- يلهوي يخرب بيت دا رغي ستات انتي متجوزة 

جميلة:- كنت و اطلاقت 

سيف:- ما لازم بعد الكلام الى يوديك وراء الشمس دا 

جميلة:- و انت 

سيف:- كنت و اتخلعت 

جميلة ضربت كفها على كفه:- بصرر احنا زى بعض مجانين و مطلقين الله احنا هنبقا اصحاب بقولك يا واد يا سيف اي رايك في لون المناكير اللون دا احلي ولا الاغمق منه احلي 

سيف:- الاسود 

جميلة طالعت المناكير من شنطتها و بدات تحطه و بتغني برضو كان لونه احمر 

جميلة:- معلش يا سيف ممكن تحطلي المناكير لان كدا ممكن ابهدل نفسي الاهتمام ميطلبش على فكرة 

سيف اتسعت عينيه :- اهتمام اي انا لسه عارفك دلوقتي يا بت المجانين اجيت عندك خال اهبل 

جميلة شهقت بصدمة و رفعت صابعة في وشه سيف نزل صابعة:- صباعك دا هكسرو لم ملمتيش لسانك قعدو يتكلموا و ينقشو في بعض و كل دا نور بترغي في التلفون 

اما في شقة عماد الى فيها شهد 

شهد قعدة على الارض ضمة رجليها بدموع:- اي يا شهد اي فضلتي تخربي في حيات الناس لحد مبقاش ليكي حياة دفنتي نفسك بالحياة كل شوية ضرب و إهانة و ذل بس خلاص انا تعبت انا كبرت و مبقتش قادرة استحمل اكتر من كدا و بعدين انا ليا مين اعيش علشانه قاسم هو مش ابني و من رغم كدا عمروا ما اعتبرني امه دائما مركز في الانتقام المزيف قصة مزيفة قولتها ليه علشان ينتقم من اسر علشان يجبلي حقي يكسرو زى ما كسرني ورفضني زمان علشان واحدة متستاهلش ، ا انا مكنتش عايزة صورة سماح تتشوه قدام ابنها هو دا كان قصدى والله ما قصدى اذي حد هو انا بيحصلي كدا ليه اي الوحش الى عملته علشان اتعذب كل دة بس خلاص انا هرتاح من الدنيا كلها 

شهد قامت دخلت المطبخ مسكت الجاز خرجت بيه دلقته على نفسها و الشقة و رمته في الارض دخلت المطبخ جابت الكبريت و ولعته و رمته على الارض النار مسكت في المكان ووووووو

يتبع 

الحلقه 8

 

رايكم في نور و ياسين و هل لبنى هتتغير ولا هى خايفة على ابنها مش اكتر رايكم في سيف و جميله 

عشق ابيض واسود 🤍 🖤 

عائشة الكيلاني 

       الفصل التاسع الجزء الثاني من هنا 

لمتابعة باقي الرواية زوروا قناتنا على التليجرام من هنا   

تعديل المقال