رواية عشق ابيض واسود الفصل الرابع عشر 14 الجزء الثاني بقلم عائشة الكيلاني

رواية عشق ابيض واسود الفصل الرابع عشر 14 الجزء الثاني بقلم عائشة الكيلاني

نور بصت له بصدمة رمشت عينيها و قالت بعلو صوتها:- نعممممم 

ياسين بتمثيل الحزن:- ياسين:- لا حول ولاقوة الا بالله العلي العظيم حظنا وحش الماذون مات 

نور بصت له بإصرار:- خلاص مش مشكله نشوف مأذون غيره 

ياسين قعد على الكرسي بتمثيل الحزن:- للاسف مش هينفع المأذون دا كان غالي على قلبي و كنت حلف ما حد يطلقنا غيرو بس مات يلا ربنا يرحمه 

نور قامت بعصبية وقفت قدامه:- يعني اي يعني انا ادبست يا ياسين هو دا وعدك ليا صحيح هستنا اي منك غير وعود كدابة طب اسمع بقا يا تطلاقني بالذوق و الادب يا اخلغك الى بينا انتهي لحد هنا و كفاية اوى سامع 

ياسين بيشرب العصير ببرود نور اتعصبت اكتر و رمت الفاظة بجنون 

ياسين بصلها بابتسامة باردة:- تعيشي و تكسري يا حبيبتي يعني اعمل اي طيب هو انا الى موته 

نور بعصبية:- طلاقنيي انا مش عايزة اكمل معاك ولا اسمع صوتك صوتك بيعصبني 

ياسين:- ما هو انتي مش فاهمه انا لو طلقتك كدا ولا عملت حاجة ولا اكني طلقتك لازم مأذون و للاسف مات 

نور رجعت شعرها لوراء:- طب هات المفتاح و مشوفش وشك 

ياسين و قام و عمل نفسه بيدور على المفتاح حط ايديه على جبينه ؛- المفتاح مش معايا نهار اسود المفتاح ضاااع 

نور:- يعني اي المفتاح ضاع مش مشكله 

نور راحت تفتح الباب لكن هو مقفول من برا بصت له بصدمة و رمت الفون بتاعها بغضب:- انت مستفززز 

دخلت اوضتها و رزعت الباب 

ياسين ببرود و هو بيطلع نسخة تانية لمفتاح من جيبه:- مالها دى اما خالتو ياسمين دى عليها دماغ مش عند حد 

فلاش 

ياسين راح لياسمين شغلها :- مالك يا ياسين شكلك مش مرياحني ما تتكلم و قولي مالك مش احنا اصحاب 

ياسين :- طبعا يا خالتي انتي امي التانية ، نور مصممة على الطلاق 

ياسمين بهدوء و ابتسامة:- و اي المشكلة روح خدها من شغلها و روحو على البيت على اساس انكم هتطلقو و انت كمل الباقي المأذون هرب اعتزل 

ياسين ؛- ماات المأذون مات بصي انتي تجي ورانا بس من غير ما نور تاخك بالها تقفلي الباب من برا و تاخدي المفتاح 

ياسمين:- نهار اسود 

ياسين:- بعدين ابقا اعمل كالون جديد اطمني انا هظبط كل حاجة بس ساعدني يا خالتي البت بتروح مني 

ياسمين بتفكير و قالت في نفسها:- مع ان توبت و حرمت بس هقول اي يبخت من وفق راسين مم هو هى طيبة جلبي دى اللى مشندلة حالي خليها على الله 

ياسمين بابتسامة و حماس:- هنبدا الخط دلوقتي يلا روح ليها المصحة و ربنا معاك و يجعل كلامك خفيف عليها 

باك 

ياسين حط رجل على رجل و قال بهدوء عكس العصبية و الحزن منها أو بمعنى تاني مش عارف هى بتتعامل معاه ليه بالطريقة دى رغم انها عرفت انه برئ 

فلاش 

الدكتورة بهدوء:- حضرتك انا لازم اقول ليك على حاجة بيم انك جوز المدام نور 

ياسين بصلها بهدوء عكس القلق و الخوف:- مالها نور يا دكتور حصل حاجة ا

الدكتورة بسرعة:- لا هى الحمدلله بخير 

ياسين:- اومال اي انا مش فاهم حاجة 

الدكتورة  اتنهدت بعمق:- انا مش هكذب عليك و كله طبعا بأمر الله ، نور ممكن متخلفش تاني الامل ضعيف جدا 

باك 

حط ايديه على شعره و قال لنفسه بحزن:- ليه كل ما نقرب تحصل حاجة تبعدنا عن بعض يا نور المشكلة في مين فينا انا ولا انتي ولا الظروف يا تري لو عرفت هيبقي رد فعلها اي لا انا مش هقولها حاجة ولا اكني سمعت حاجة كله مكتوب هيحصل اي اكتر من الى حصل بقيت بين نارين نار امي و الى عملته و حبي ليها و نار نور و تصرفاتها الى مش مفهومة معظم الوقت و بين انى مقدرش اعيش من غيرها حاسس اني تايه بحاول احافظ عليهم على اد ما اقدر بس تعبت انا حاسس ان قلبي هيقف ازاى امي تعمل كدا و ليه طب نور اذيتها في اي لسانها طويل و بحالات بس مشوفتش احن منها ولا في براءتها يارب يارب ادني الصبر الى يخليني استحمل كل دا من غير ما انفجر يارب انا تعبت صعبان عليا امي بس مش قادر أوجها مش عارف اقف قدامها و عتابها ولا عارف اوسيها 

فاق من شروده اتجه لاوضة نور فتح الباب و دخل و قفل الباب نور قفلت الاب توب بغضب و ملل:- يا نعم انت ازاي تدخل من غير ما تخبط انت اي قلت الذوق الى فيك دى 

ياسين بصلها بحادة ممزوجة بهدوء:- توطي صوتك و انتي بتتكلمي معايا ثانياً دا بيتي و دى اوضتي ادخلها وقت مانا عايز ثالثا و الاهم انكي مراتي 

نور قامت لبست الجاكيت بهدوء و اتجهت لباب لسه هتفتحه ياسين مسك ذراعها:- و لم بكون بتكلم توقفي و تسمعني رابعا و الاهم مفيش خروج من هنا تمام 

نور بصت له بصدمة قالت بعصبية و زعيق:- اانت اتجننت انت فاكر نفسك اي طلاقنيي و اطلع برا حياتي 

ياسين:- نوررر 

نور :- نورر نورر عايز اي مني بص يا ابن الناس احنا مش نفعين لبعض وجودي في حياتك خسرك كتير و منهم امك الى مش عايزني معاك و معاها حق انا واحدة مريضة نفسيا عصبية معقدة اكبر منك و دا كارثة و مش هخلف تاني 

دموعها نزلت بوجع غصب عنها :- قول عايز تكمل ليه فيا اي اصلا علشان اكون معاك انا حتي ان يكون عندك ابن مستحيل يكون مني الدكتورة قالت ليا كل حاجة انا مريضة نفسيا و دا من زمان كنت سالت مرة ليه قررت اكون دكتورة نفسية مع ان مش حبة المهنة 

تنهدت بهدوء و حزن :- انا قررت اكون دكتورة نفسية لم شوفت حالة ابويا حالة ابويا الى كنت بموت مليون مرة لم كان بيتعب و انا مش قادرة اعمل حاجة بيتكلم مع نفسه اكن امي معاه و شايفه بينسي ابويا عاش مع مرض مزمن و لم رفض يتعالج الموضوع كبر و طبعا بيم ان شبه امي ف كان دائما بينادي عليا باسمها بقيت هنا علشان شوفت دموع امي الى كلها رجاءا في الاول كنت بكره ابويا لكن صعب عليا صعب عليا لدرجة لا عارفه اعتابه ولا عارفه افيدو ابويا بيموت قدامي و مش عارفه اعمل حاجة الدكاترة نفسهم معرفوش يعملوا حاجة بقيت هنا علشان كل حاجة لا يا ياسين انا شوفت كتير شوفت امي و هى بتطرد من بيتها بطريقه مهيينة شوفت صاحبتي و هى بتموت قدام عيني شوفت دموع امي الى كانت بتقولي اكبري بسرعة و مضيعيش تعبي اكبري علشان تاخدي حقي و تعيشي الى معشتوش شوفت حالاتتت بيعلم بيها الا ربنا و كله يتعلق بكلمة واحدة بس الراجل الراجل يكسر و يطرد و يفضح و يذذل و ينتقم و يشوه قااسم الى غدر بجميلة الى اتحدد اهلها علشانه معتز الى ذل جنة و بهدلها و اخر ما تم كان هيبيعها و مش بس كدا شوه سمعتها عمي عماد الى طلق مراته و ساب عيالو لدنيا تذل فيهم كل الى في دماغه يتجوز مين و امتي عاصي الى مقضيها و في الاخر زعلان ان ابنه اتحبس  انتوااا زبالة اوى يا ياسين 

قعدت على السرير كانت منهارة ايديها بتترعش و دموعها بتنزل بوجع :- و بعد كل دا بتقول ماالك لا مليش انا كويسة مين فينا الى اتغير انت مع اول خناقة بينا روحتلها صحيح مش في وعيك بس روحتلها انا حاسه انى هوي في حياتك لم تتخانق معايا علشان نسرين ابقا هوي عايزني اعمل اي لم اشوفها قريبة منكك اتكلم اناا محدش خسر ادي ولا حد شاف الى شوفته انا عارفه و حاسه بنظرات الناس ليا شايفها بس محدش عارف القادرة دى بقت هنا ازاى كل الولاد كانوا بيستغربو و اني أوفر و بيئه علشان مدلقتش على حد أو حبيت عمري ما نسيت كلمة امى و ابويا اغلطي بس متكسرنيش بس انا غلطت في حق نفسي حاولت انسا و اعيش بس مش عارفه صويت الستات الى في المصحة لسه في وداني صرخ جنة انهيارها كله محفور جوايا ا انا عارفة انى غلطت في حقك كتير اوى بس انا والله العظيم ما قصدة دا ولا حتي عايزة ابقا الإنسانة دى نكدية قلبها حجر مفتريه ميقدرش عليها الا ربنا مش بعيد يكون الى حصل دا بسبب دعوة حد عليا انا ببعد عنك لان دا في مصلحتك انت تستاهل حد احسن مني 

ياسين اتجه ليها ركع على ركبته مسك ايديها قبلها و قال بين دموعه :- انتي لو تعرفي انا عملت اي علشان تبقي من نصيبي  و ان اعمل اى حاجة علشان تبقي مبسوطة مكنتيش هتفكري تبعدي عني أنا كنت بدعى انكي تكوني ليا وقت الأذان في الصلاة في كل ساجدة كنت بقول يارب اجعلها من نصيبي 

قال بمزح و هو بيمسح دموعها:- لدرجة انكي عنستي و شربتني كنت بستنا يوم الجمعة بفرع الصبر علشان اشوفك كنت بضيق اوى لم كان بيجي عريس ليك بخاف لو توافقي 

ياسين قبل كف ايديها بحب :- و يا ستي بالنسبة العيال الى مش هنرييهم من كتر ما احنا مش عندنا وقت اتبنيني اعتبرني ابنك ولا اقولك احنا نتبني جميلة و ابقي قبليني لو عرفتي تسكتيها من رغيها 

نور ضحكت غصب عنها:- حرام عليك والله جميلة مفيش اهدى منها ولا في زى عقلها 

ياسين:- اشك انها عاقلة 

ياسين قام قعد جانبها بصلها بندم:- انا اسف عارف انى عصبتك و ليكي حق تطربقي الدنيا على دماغ اهلي بس والله العظيم ما كان قصدي اتعصب عليكي انا معرفش هى عملت كدا ازاى قعد بشتغل فجأة لقيتها جانبي 

نور بسخرية:- اه اوى جانبك بزيادة ولا قصدك في حضنك 

ياسين حاوط وشها بايديه:- لازم تعرفي ان مفيش ست في الدنيا تقدر تملي عيني ولا قلبي غيرك 

نور بصت له و ودت وشها الناحية التانية قالت بحادة '- اسفك غير مقبول اتفضل اطلع برا و خد الباب في ايدك 

ياسين قبل راسها و خرج نور بصت لطيفو حطت ايديها على راسها و هى حاسه انها تايهة مش عارفه تصدق ولا تبعد حاسه انها مش طيقة نفسها لم صرحته بمرضها 

اما في عربية سيف 

جميلة مش عارفه تسوق :- ااااااااااااع 

غمضت عيونها بخوف بعد ثواني فتحتهم كان سيف حطت ايديه على ايديها الى بتسوق بيها و وقف العربية بايديه التانية:- انا اسفة 

سيف بهدوء:- الحمدلله جت سليمة 

جميلة:- سيف 

سيف:- انتي كويسة 

جميلة:- انت ازاى حلو اوي و لسانك طويل شعرك عينيك ضحتك الى تجنن انت بجد ولا روبوت 

سيف:- هو انتي متاكدة انكي من بيت صرام 

جميلة:- جدا 

سيف بسخرية:- لا واضح 

جميلة:- انت زى القمر لولا انه عيب كنت خطفتك 

سيف:- ما تحترمي نفسك يا وليه اي دا هو انتي معندكيش اخوات تقبلي على اخوكي انه يتعاكس 

جميلة بابتسامة:- لو حلو زيك معنديش معانا بس نور عندها 

سيف شال ايديه:- انزلي 

جميلة:- ليه وصلنا 

سيف:- لا ياختي انا الى هسوق بعد كدا انتي ملكيش في العربيات 

جميلة:- بس فرفوشة ة جميلة و دمي خفيف هيهي 

سيف:- بس بقااا اي قعد مع رقاصة احترمي نفسك و اني ظابط 

جميلة رفعت صابعة:- سابقن و مخلوععع 

و قعدت تضحك 

سيف:- الحالة اشتغلت و الحالة جت اه 

جميلة:- الشارع الى وراه 

سيف:- كلمة كمان و هكسر صفوف سنانك اتنيلي انزلي 

جميلة نزلت:- اتنيلت اهو يا مغدور 

سيف:- اخرسي يا مغدورة 

سيف ركب الناحية التانية و جميلة جانبه و اتحرك و طبعا شغلت الاغاني تسقف شوية تغني شوية و سيف بياخد في مهدئ شوية 

جميلة:- هووو جلي تاني ليه مش هرحلو مش هقولو مش هحنا اليههه اااه لوووووووووووولي 

سيف عمل ياخد مهدئ و بيدعي ان يفضل هادي 

جميلة:- مبقشششش اناااا لو مرجعتش ليا بقلب تاني هنا لو محلفتش ان الثانية في بعدي سنة مبقششش انااا 

سيف:- يااارب 

جميلة بدموع:- غدر بيا يا سيف افتكرت انه بيحبني طلاقني الواطي كل الرجالة واطيين و ملكمش امان 

سيف وقف العربية و سقف:- اسم الله عليكم يا اهل الامان احنا واطيين و انتوا اي انتوا عايزين الحرق بجاز 

جميلة:- حاااا احنا عايزين يتولع فينا بجاز يا خاينين يا خبث و خباث دا انتوا الكدب كله اما شوفت راجل صادق و محترم كلكم زبالة 

سيف مسح على وشه بغضب:- هو انتي متاكدة ان ابوكي يعرفك كويس انتي بتشتمي و تجمعي يا بنت المجانين 

جميلة:- حاااا انت بتشتم اهلي يا حيوان يا واطي 

سيف:- بسس بقاا اخرسييي عليكي و على قاسم انا عارف حب فيكي اي باللسانك دا ستات هم دا انتوا اص الكدب 

جميلة ربعت ايديها و سندت راسها على الازاز و مكشرة وشها:- اتفقلي فاكرة انى هترجاكي و اقولك تعدمني لو مسماحتنيش 

جميلة ؛- تتفلق دماغك يا بعيد 

سيف:- خلاص بقا تخدي الدواء لان كدا هنزعل من بعض 

جميلة:- ارجوك يا اخ سيف خليك في حالك و ركز في الطريق 

سيف:- اي الاحترام الى نزل عليكي مرة واحدة مش ليق عليكي الصراحة 

جميلة:- لسه مصمم انك متعملش العملية 

سيف:- اه علشان ممشيش تاني الحمدلله كدا 

جميلة بصت له:- انت سلبي اوى يا سيف و بعدين انا سمعت منك و انت بتتكلم مع نور ان نسبة نجاحها عليا يبقا ليه لا 

سيف:- يا جميلة انا مش جاهز لاى خسارة حلو العجاز اهو بتسند عليه بس بمشي مبقتش فارقة كتير 

جميلة :- دا ضعف انت بنادم ضعيف و مسلم عملت حادثة عادي مراتك سبتك كل و فيها اي ليه موقف حياتك علشان واحدة متستاهلكش هى الى خسارنة 

سيف:- طب انتي ليه عاملة في نفسك كدا و علشان مين 

جميلة :- قاسم اخد مني كتير حياتي شكلي روحي كل حاجة انا مش زعلانه عليه انا مقهورة على نفسي عارف لم تكون طاير فوق السحاب و الدنيا جميلة فجأة تقع على جدور رقبتك هو. انا كدا شمعني و وعدني بحاجات و في الاخر رمني في بحر غدره 

مسحت دموعها و كملت بابتسامة :- بس الحمدلله ان تخلصت منه عاصفة و مشيت لحالها 

سيف:- انتي لسه بتحبي قاسم 

جميلة:- هتفرق في اي 

سيف:- لا تفرق لم تكوني زعلانه على نفسك حاجة و لم تكوني زعلانه على الى بتحبيه حاجة تانية خالص 

جميلة:- هتصدقني لو قولتلك انى مفيش حاجة في قلبي تجاه قاسم غير الكره و بس قاسم دا ابشع حاجة حصلتلي كنت بزعل من دادي لم كان بيقول دا مش شبهك بلاش قاسم بس طالع معاه حق خلني اخسر نفسي حتي نور مكنتش هسامح نفسي لو كان جرلها حاجة أو ماتت بعد الشر انا قتلت اختي اختي كانت هتموت على ايدي بسبب قاسم كنت في صدمة ما يعلم بيها الا ربنا 

سيف:- لا ليكي حق تكره الرجالة بس صوابعك مش زى بعضها بالدليل ابوكي واخوكي و اهلك ناس محترمين و بعدين محدش فينا كامل الكمال لله وحده 

جميلة:- ونعم بالله ، سيف بجد فكر و مين عارف مش يمكن ترجع زى الاول و احسن و بعدين يا سيدي شغلك ممكن يرجع اكيد في حاجة احلي من شغلك و ممكن تعمل حلم تاني لو عندك إرادة و سعي 

سيف:- الحلم راح و حياتي و الى كان كان 

جميلة مسكت ايديه:- ليه الشتائم دا طب فكر في كلامي يا سيف اانت كدا بضيع فرصة عمرك بجد حرام عليك الى بتعملوا في نفسك فكر علشان خاطري يا سيف 

سيف:- حاضر يا جميلة هحاول افكر ، وصلنا 

جميلة:- بالسرعة دى 

سيف:- تصدقي محستش بالطريقة انتي الى يقعد معاكي ميحسش بالوقت 

جميلة بابتسامة:- و انت كمان 

سيف:- خدي بالك من نفسك و ياريت متجيش عندي تاني لاني راجل عايش لوحدي و انا اموت ولا تضري 

جميلة بصت له باستغراب من كلامه و نزلت:- على اتصال باي باي 

جميلة فتحت البوابة و دخلت الفيلا سيف كان نزل من العربية فضل واقف لحد ما اختفت و بعدين ركب عربيته و مشي 

اما في المعمل بتاع جنة 

جنة:- سليم انت كويس نور كويسة 

سليم:- كويس جدا عمري ما كنت كويس اد النهاردة 

جنة باستغراب:- السبب 

سليم:- انتي يا جنة ليكي من اسمك نصيب جنة و انتي جنة فعلا 

جنة ابتسمت بمرارة:- شكرا اي سبب الزيارة اللطيفة دى 

سليم :- انا بحبك يا جنة بحبك اوى و للاسف اكتشفت دا متاخر 

جنة بتسمع كلام سليم بهدوء لكن جوه بتصرخ من الوجع ياااه بيحبها و بيقولها بعد اي بعد ما ادمرت نفسيا و جسدي*ة بعد ما كل حاجة حلوة فيها ماتت 

سليم بصلها باستغراب:- جنة انتي معايا 

جنة فاقت من سرحانها:- اه معاك 

سليم:- انا عايز اتجوزك يا جنة يعني بعد العدة نتجوز على طول و

جنة بصت في عيونه:- و انا مش عايزك 

ووووووو

يتبع 

رايكم في موقف جنة يا تري قاسية ولا معاها حق و رايكم في نور طبعا سيف و جميلة كوميديا الحلقه هل سيف هيخف ولا لا والله سمر و سماح و هنا كانوا عاملين جو لرواية وحشوني اوى 😂

شاركوني رايكم 

عشق ابيض واسود 🤍 🖤

    الفصل الخامس عشر الجزء الثاني من هنا 

لمتابعة باقي الرواية زوروا قناتنا على التليجرام من هنا     

تعديل المقال