رواية جنه والمجهول الفصل الخامس 5 بقلم جمال المصري
بسم الله ولا إله إلا الله
#جنه_والمجهول
#الحلقه_الخامسه
(اجمل تحيه من القلب لي اجمل اصدقاء ومتابعين)
ناديه .. الحادثه كانت مدبره عشان يخلصوا من جنه
احلام ..سكتت وبصت لي ناديه وقربت منها اهدي يا ناديه لكل اجل كتاب وسامر ابني عمره خلص وده مجرد سبب والي نقدر نعمله دلوقتى اننا ندعيله بالرحمه بلاش الكلام ده يا حبيبتي وربنا يقوم جنه بسلامه
عفاف .. اهدي يا حبيبتي عايزين نطمن علي جنه
ناديه .. تمسح دموعها الحمد لله هي بخير وربنا سترها معاها
عفاف .. هي لسه في العنايه المركزه
ناديه .. ايوه في غرفة العنايه وبتشاور علي الغرفه
عفاف .. هنا امال الشرطه واقفه ليه علي الباب
ناديه .. كان فيه واحد جاي عشان يقتلها والحمد لله دكتور جاسم لحقها في الوقت المناسب
احلام .. ازاي حصل ده وليه عايزين يقتلوها
ناديه .. الاستاذ عادل مدير التحرير بيقول انها كشفت قضية فساد وعشان كده عايزين يخلصوا منها حسبي الله ونعم الوكيل وعشان كده الشرطه فتحت تحقيق و حاطين حارس علي الباب لحد ما يعرفوا مين اللي بيحاول يقتلها
عفاف .. ربنا ينتقم منهم يارب دول ناس ما يعرفوش ربنا
احلام .. بتقرب من ناديه وبطبطب علي ظهرها ما تقلقيش ربنا موجود وقادر ينتقم منهم ويوقف لكم ولاد الحلال
ناديه .. يارب يا احلام يارب انا مش قادره امسك اعصابي من اول ما عرفت اللي حصل وكمان جنه لما عرفت اني سامر مات اتعصبت وفضلت تبكي وتصرخ والدكتور اداها حقنه مسكنه
احلام .. احنا كلنا جنبها وان شاء الله هتعدي الفتره دي وترجع زي الاول واكتر
ناديه .. ان شاء الله
الباشا .. رن علي عباس
عباس .. الو اوامرك معاليك
الباشا .. اوامر ايه انتو ضيعتوا كل حاجه
عباس .. ليه يا باشا حصل ايه
الباشا.. الحمار الي انتو بعتينه اتمسك وضرب نار في المستشفي والشرطه بدور عليه دلوقتى قول للزفت عطيه يتصرف الواد ده لو اتمسك هتروح في داهيه فاهم يا عباس
عباس .. وانت عرفت ازي سعادتك
الباشا .. ليه فاكرني نايم علي وداني زيكم انا ليه في كل مكان راجل واتنين يلا بسرعه كلم الحمار ده بدل ما تطربق علي راسكم
عباس .. حاضر يا باشا وبيقفل وبيرن علي عطيه
عطيه .. الو
عباس .. الراجل بتاعك اتكشف وهو حاليآ في المستشفي والشرطه بدور عليه اتصرف وحاول تهربه عشان ما يتمسكش عشان لو اتمسك هيجيبنا كلنا
عطيه .. ايه الشغلانه المعقربه دي هي البت دي بسبع ارواح ولا نهيتنا هتكون علي ايدها يلا اقفل وانا هحاول اوصله الغبي ده
عباس .. ماشي وربنا يستر
عطيه .. بيرن اكتر من مره التليفون مقفول والعمل ايه يا متولي بسرعه تطلع علي المستشفي وتشوف ايه الوضع هناك وتطمني
متولي .. حاضر يا معلم فرره وتحرك لكن اول ما بيوصل يلاقى الشرطه ماسكه كل المداخل والمخارج وممنوع حد يدخل او يطلع وبيرن علي عطيه ويبلغه
عطيه .. والعمل ايه في اليوم الاسود ده
القاتل . يدخل المشرحه و يدخل جوه تلاجه من ثلاجات الموتى وفعلا الشرطه بتدخل ومش بتلاقي حد وبتطلع عشان ما توقعوش انه يكون نايم جوه الثلاجه واول ما بيطمن انهم بعدو بيطلع من تلاجة الموتى ويطلع التليفون يفتحه ويرن علي عطيه
عطيه .. تليفونه بيرن اول ما بيلاقي اسم القاتل بيرد علي طول انت فين يا غبي
القاتل .. انا في تلاجة الموته ومش عارف اطلع
عطيه ..خليك مكانك لحد ما نلاقي طريقه تطلع من عندك المهم ايه اللي حصل
..القاتل بداء يحكي اللي حصل لي عطيه في الوقت ده الضابط علاء كان معدي جنب المشرحه ويقول للعسكري..
. فتشت المشرحه يا عسكري
العسكري .. ايوه يا فندم
علاء .. لما بيقرب من الباب وهو ماشي بيسمع صوت بيتكلم جوه بيوقف وبيقرب من الباب وبيفتح الباب مره وحده يلاقي القاتل واقف قدامه بيتكلم في التليفون اثبت مكانك ويسحب المسدس عليه
القاتل .. يرفع ايده والتليفون بيوقع منه علي الارض
عطيه .. الو انت رحت فين
علاء .. بيمسك التليفون ما تقلقش قريب هتكون معاه
عطيه .. بيقفل السكه بسرعه وبيطلع الخط ويكسره وبيطلع خط جديد وبيركبه وبيرن علي عباس
عباس .. عملت ايه سبع ولا ضبع
عطيه .. الواد اتمسك وانا مش عارف هعمل ايه
عباس .. و الواد ده يستحمل ولا هيقر بكل اللي يعرفه
عطيه .. لا ده يموت ولا يقول كلمه ما تقلقش
عباس تختفي هبعتلك العربيات تأخذك علي مكان تستخبى فيه لحد ما اكلمك
عطيه .. خلاص حاضر ابعت العربيات وانا مستني وهتحرك علي طول
عباس .. تمام وقفل ورن علي الباشا
الباشا .. طمني
عباس .. للاسف يا باشا الواد اتمسك وانا هبعت العربيات لي عطيه تاخده علي المخزن يقعد فيه لحد الدنيا ما تهدا
الباشا .. انت اتجننت يا عباس عطيه انتهي ولازم تخلص منه قبل الشرطه ما توصل له فاهم ولا لا بدل ما رقبتك انت اللي هتكون علي حبل المشنقه
عباس ..حاضر يا باشا وبيقفل
علاء .. هتيجي معايا دغري هنكسب وقت هتلف ودور هخليك تكره اليوم اللي اتولدت فيه فاهم
القاتل .. انا ما عملتش اي حاجه يا علاء بيك
علاء .. يبقى انت مش عايز تيجي دغري معايا وانا هعملك محضر مظبوط وابقا قبلني لو عرفت تطلع منه ومش بس كده لا انا هطلع اشاعه انك اعترفت وانت عارف انهم هيوصلولك ويقتلوك
القاتل .. يعني كده كده ميت
علاء .. لو اعترفت هخفف الحكم عنك وكمان هحميك منهم والقرار في ايدك انت
القاتل .. سكت شويه وبص علي علاء حاضر يا علاء بيك انا تحت امرك
علاء .. مين الي بعتك تقتل الصحفيه
القاتل .. المعلم عطيه واللي اعرفه انه بيشتغل لحساب واحد اسمه عباس
علاء .. وليه عايزين يقتلوها
القاتل .. اللي اعرفه ان عباس هو الي طلب كده وكانوا مجهزين عربيتين نقل علي اساس تكون حادثه وما حدش يكشف انها مدبره ولما عرفوا انها عايشه المعلم عطيه طلب مني اني اخلص عليها هو ده كل اللي اعرفه
علاء .. وعطيه ده فين مكانه
القاتل .. عنوانه ..............
علاء .. بص علي العسكري خدو ارميه في الحجز وبسرعه جهز القوه عشان نطلع
العسكري.. حاضر يا فندم
جاسم .. السلام عليكم
احلام وناديه و عفاف .. وعليكم السلام ورحمة الله وبركاته
جاسم .. اتفضلوا جنه زمانها بدات تفوق
ناديه .. ربنا يستر
جاسم .. ما تقلقيش وبيدخلوا
جنه.. بدات فعلآ تفوق وبتفتح عينيها براحه
جاسم .. حمدالله على سلامتك يا جنه
جنه .. بدات تبكي سلامة ايه يا دكتور في واحد ما لهوش ذنب مات بسببي
جاسم .. طاب لو لقيتي طفل في عربيه هتخبطه هتسبيه ولا هتعملي كل الي ربنا يقدرك عليه عشان تنقذيه
جنه .. ايه علاقة ده بده
جاسر .. سامر مات ونحسبهم عند الله شهيد ولا نذكي احد علي الله هو نفسه ولو خيروه كان هيختار يفديكي عشان انا من غير ما اعرفه متاكد انه انسان شهم ومتدين كمان
احلام .. كلامك صحيح يا دكتور ده ما كانش يسيب فرض
جاسم .. بصلها حضرتك تعرفيه
احلام .. بتقرب من جنه انا امه ومسكت ايد جنه ده عمره يا بنتي وما فيش حد بيموت قبل أوانه ولكل اجل كتاب وانتي عارفه يا جنه
جنه .. مش معقول اللي كان معايا في الحادثه ده سامر ابنك يا طنط احلام
احلام .. ايوه يا بنتي وربنا يرحمه ويرحم امواتنا اجمعين فبلاش كلامك ده مش وقته ولا هيغير حاجه
جنه .. انا
جاسم .. يقاطعها خلاص ما فيش كلام تاني انا هنقلك لغرفه عاديه وعايزين راحه تامه عشان ترجعي لشغلك ولا خلاص هتسيبي الصحافه
جنه .. بالعكس انا هرجع عشان اجيب حق سامر وحق ناس كتير راحت ضاحيا للفقر عشان مالهمش حد
جاسم .. يبقا لازم ناخد علاجنا وناكل كويس مفهوم
جنه .. بتمسح دموعها حاضر يا دكتور وبجد مش عارفه اشكرك ازاي
جاسم .. كل اللي عايزه منك انك تاكلي كويس وتاخدي علاجك عشان تمشي من هنا اتفقنا
جنه .. اتفقنا يا دكتور
جاسم .. اسيبكم انا عشان نبطشيتي خلصت ولازم اروح وبكره من النجمه هكون هنا السلام عليكم
الكل .. وعليكم السلام ورحمة الله وبركاته
علاء .. يوصل العنوان و يحاصر المكان ويكسر الباب و يدخل و يفاجئ من اللي شافه لقي كل الرجاله مقتولين وهو والعساكر بيحاولوا يلاقوا حد عايش لكن للاسف الكل مات بياخد نفس عميق وبيرجع لا كده يبقا الموضوع كبير اكتر مما كنت متخيل ازي قدروا يعملوا كده بسرعه دي
العسكر .. هنعمل ايه يا فندم
علاء .. اطلب الاسعاف هنعمل ايه وفتش المكان مع اني متاكد مش هنلاقي حاجه ويلا هنرجع القسم
عباس .. رن علي الباشا
الباشا .. عملت ايه
عباس .. نفذت كل اوامرك و اخذت الرجاله ورحت قتلت عطيه ورجالته وعملت كل اللي انت قولتلي عليه مع اني مش فاهم حاجه
الباشا .. كلها دقايق وهتفهم المهم عايزك تختفي انت ورجالتك
عباس .. حاضر معاليك
علاء ..يرجع القسم
المامور .. واقف و مستنيه ايه اللي انت عملتوا ده يا علاء
علاء .. خير يا فندم عملت ايه
المامور .. تعالى معايا و يدخل المكتب ويشغل التلفزيون اتفرج يا حضرت الضابط
علاء .. وقف مذهول ومش مصدق اللي هو شايفه
إلي اللقاء في الحلقه السادسه
#عباد_الله_اذكره_الله
