رواية جنه والمجهول الفصل السادس 6 بقلم جمال المصري
بسم الله ولا إله إلا الله
#جنه_والمجهول
#الحلقه_السادسه
علاء .. ايه ده يا فندم
المامور.. انت اللي بتسالني يا حضرت الضابط انا اللي عايز اعرف منك ايه وازي قدرت تعمل كده انت عملت مجزره
علاء .. لا يا فندم ده ما حصلش
المامور .. ما محصلش ازي انت ما شوفتش الفيديو بعنيك بتنكر ايه يا علاء انت متحول للتحقيق ولحد التحقيق ما يخلص انت موقوف عن العمل
علاء .. لكن انا بريئ ده كله متفبرك
المامور .. بتمنى كلامك يكون صح والفيديو يطلع متفبرك يلا اتفضل يا حضرت الضابط ومش عايز اشوفك لحد التحقيق ما ينتهي وسلم سلاحك
علاء .. حاضر يا فندم
وبيطلع علاء وبيسلم سلاحه وبيطلع من القسم ودماغه هتتفرتك ازي ده حصل الناس دي شكلها مش سهل خالص وعرفوا يلعبوها صح بس انا مستحيل اسكت و هعرف اوصل لهم واثبت براءتى بس هوصلهم ازي وما فيش اي دليل يوصلني ليهم ويفكر شويه ويقول في نفسه جنه هي الخيط الوحيد اللي هيوصلني ليهم اكيد مش هيسبوها في حالها و هيحاولوا يخلصوا منها بي الف طريقه وكده ممكن اوصل ليهم عن طريقها بس دلوقتى اروح وشوف هعمل ايه بالظبط
احلام .. نستاذن احنا عشان الاولاد زمانهم رجعوا من المدرسه
ناديه .. ماشي يا حبيبتي
عفاف .. الف سلامه عليكي يا جنه
جنه .. الله يسلمك يا خالتو
ناديه .. مش هوصيكي علي مريم يا عفاف
عفاف .. ما تقلقيش دي في عينيه
احلام .. السلام عليكم
الكل .. وعليكم السلام ورحمة الله وبركاته
ناديه .. بتقعد وبتمسك ايد جنه وبتبصلها انا بقول كفايه كده يا بنتي انا ما بقتش حمل اللي بيحصل
جنه .. الحمد لله انا بخير يا ماما
ناديه .. انتي لازم تسيبي الشغلانه دي ونمشي من هنا خالص انا مش هستحمل يحصلك حاجه
جنه .. ماما لو كل واحد خاف وساب المجرم الحقيقي كده كلنا هنتحول لمجرمين لازم نوقف قصادهم وان شاء الله الحق هو اللي هينتصر
ناديه .. البلد مليانه رجاله يوقفه هما وانتي كفايه عليكي لحد كده انا بقيت عايشه في كابوس لما بتطلعي ببقى علي اعصابي مش عارفه هترجعي ولا لا نفسي اطمن عليكي بقا يا جنه
جنه .. اللي كاتبه ربنا عز وجل هو اللي هيكون يا حبيبتي وان شاء الله هقدر اوصل للناس دي ويتقبض عليهم وبكده يبقى خلصنا منهم للابد
ناديه .. انتي طول عمرك دماغك ناشفه زي ابوكي وانا عارفه نفسي مش هاخد منك حق ولا باطل
جنه .. والله انتي ظلماني يا ماما مش عارفه اعمل ايه عشان ارضيكي
ناديه .. تسيبي الشغلانه ده وتريحي قلبي
جنه .. تاني يا ست الحبايب ما انتي عارفه بنتك طول ما حطيت مناخيري في حاجه لازم اوصلها
ناديه .. ضحكت ليه مخلفه كلب بوليسي
جنه .. ايوه كده اخيرآ ضحكتي لما بتضحكي بحس الدنيا كلها بتضحك حواليا
ناديه .. بتقرب منها وبتحضنها ربنا يحفظك يا بنتي وما يحرمنيش منك
جنه .. ولا منك يا اعظم ام في الدنيا
احلام وعفاف بيوصلوا و يلاقوا البنات نازلين من اتوبيس المدرسه
مكه .. تيتا انتي كنتي بره
احلام .. ايوه يا حبيبتي يلا نطلع سوا
عفاف .. يلا يا بنات علي فوق وانتي يا احلام تعالي نتغدا سوا
احلام .. ربنا يخليكي يا عفاف انا عامله الاكل فوق ان شاء الله مره تانيه
عفاف .. ماشي لو احتاجتي اي حاجه رني عليا هكون عندك
احلام .. ربنا ما يحرمني منك يارب يلا بعد اذنك
عفاف .. اتفضلي
احلام .. بتدخل هي و مكة البيت يلا يا مكه غيري لبسك علي ما اجهز الاكل
مكه .. حاضر يا تيتا
احلام .. بتجهز الاكل ويتغدوا سوا وهي بتحاول تاكل قدام مكه لحد ما بتشبع مكه اخدتي واجب يا حبيبتي
مكه .. ايوه
احلام .. خلاص اشيل الاكل واجي اعملوا معاكي
مكه .. انا شاطره وهعمل الواجب لوحدي زي ما بابا كان بيقولي
احلام .. ابتسمت ابتسامه كلها حزن شاطره يا حبيبتي انا هدخل انام لو احتاجتي حاجه صاحيني
مكه .. حاضر يا تيتا
احلام .. بتدخل الاوضه وبتجيب صورة سامر ومش بتقدر تمنع دموعها اه يا ابني يا حته من قلبي قلبي موجوع انت موت واخدة معاك كل حاجه حلوه وانا نفذت وصيتك ويحاول ما قعدش لوحدي كل الناس مستغربه من اللي بعمله ما حدش يعرف انك قولتلي لو حصلي حاجه حاولي ما تقعديش لوحدك و خصوصا اول اسبوع زي ما تكون كنت حاسس بي اللي هيحصل انا موجوعه ومش قادره اصرخ انا مش قادره اتصور انك خلاص موت ومش هشوفك تاني وبتحضن الصوره والدموع نازله زي الشلال انت كنت السند الوحيد ليا انا مش بعترض علي قضائك يارب بس الفراق صعب وده ابني الوحيد ومش عارفه لو انا موت مكه مصيرها هيكون ايه يارب احفظها انت احن عليها مني ومن ابوها ومن امها ومن الجميع وارحم امها وابوها يارب صبرني علي فراق ابني وقدرني اربيها وعوضها غياب ابوها وامها وبترجع تبكي وهي مش متخيله اني سامر خلاص ما بقاش موجود وبتطلب من ربنا انه يقدرها وتفضل قويه قدام الناس ما تضعفش
مكه .. بتخبط وبتدخل
احلام .. بتخبي الصوره وبتمسح دموعها
مكه .. انتي بتبكي يا تيتا
احلام .. لا يا حبيبتي بس دخلت نموسه في عيني وعيني بتوجعني
مكه .. بتمسك منديل وبتطلع علي السرير و بتحطه علي عين احلام و تحط بقها عليه و بتنفخ كويس كده يا تيتا ولا لسا وجعاكي
احلام .. لا كده كويس اووي يا روحي قلبي انتي
مكه .. بابا كان علي طول بيعملي كده لما عيني تطرف او توجعني
احلام .. بتحضنها جامد وهي بتحاول تمنع دموعها
فوزي .. للمعلم عباس الحق شوف ايه اللي علي التلفزيون
عباس .. في ايه يا فوزي
فوزي .. شوف كده و بيشاور له علي شاشة التليفزيون
عباس .. مش معقول ده الباشا ده دماغه تتقل بالدهب ازي عرف يعمل ده كله وانا بقول هو طلب ليه مني نصور عطيه و رجالته واحنا بنقتلهم وبعد كده نركب كاميرات في المكان فعلا الباشا عرف يلبسها صح للظابط الي كان بينه وبينا خطوه وحده وكده خلاص خلصنا منه للابد
فوزي .. فعلآ ده ظابط رزل اخيرا راح في ستين داهيه ونعرف ناخد راحتنا و حتى اللي هيجي بعده هيكون خايف وممكن يشتغل لحسابنا
عباس .. سيب كل حاجه لوقتها وهات لنا كام قزازة وسكي خلينا نحتفل علي شرف اللي كان ظابط
فوزي .. بس كده من عينيه يا كبير ده النهارده عيد
عباس .. ده مش عيد بس ده عيد الاعياد
فوزي .. انا هجيب كام بنت عشان الحفله تكمل
عباس ..ماشي بس استنضف يا ابو الفوز
فوزي .. من عينيه يا معلمي ساعه بالظبط وهكون هنا
عباس .. وانا مستنيك
فوزي طلع علي شان يجيب الوسكي والبنات وعباس كان في انتظاره
جاسم .. مساء الخير عامله ايه يا هاله
هاله .. الحمد لله يا دكتور انت روحت امتي الصبح
جاسم .. بعدك بساعه كده في عمليات عندنا النهارده
هاله .. لا يا دكتور جاسم اليوم فاضي خالص مفيش غير المتابعات
جاسم .. خلاص انا هروح اطمن علي جنه وشوف لو فيه اي مضاعفات ولا حاجه
هاله .. وانا هعمل قهوه عشان افوق انا ما نمتش من امبارح اعملك معايا
جاسم .. ياريت
هاله .. من عينيه يا دكتور
جاسم .. بيخبط علي الباب
جنه .. ادخل
جاسم .. دخل لقي ناديه نايمه علي الكرسي ووطي صوته السلام عليكم
جنه .. وعليكم السلام ورحمة الله وبركاته
جاسم .. مسك الملف بتاع الحاله وشد كرسي براحه وقعد جنب جنه وبصوت واطي عشان ناديه ما تصحاش الحمد لله كل حاجه تمام
جنه .. بس انا حاسه بالم
جاسم .. ده لازم انتي رجعتي من الموت وكان عندك كسور والحمد لله انتى معانا دلوقتى انتي قلبك وقف في العمليه والحمد لله ربنا قدرنا وعملنا الازم
جنه .. ابتسمت بس اوعى تقول كده يا دكتور لي امي هي مرعوبه لوحدها امال لو عرفت هتعمل ايه
جاسم .. والله معاها حق انسانه جميله زيك ايه اللي يدخلها عش الدبابير برجليها
جنه .. انت كمان يا دكتور هتقول زي ماما
جاسم .. بصراحه ايوه ومامتك كتر خيرها هي ام واكيد بعد اللي حصل لازم هتحاول انها تمنعك
جنه .. ما تقلقش عليا انا عندي هدف وهحققه
جاسم ... وايه بقا هدفك
جنه .. هحارب الفساد لي اخر نقطه في دمي ومش هرجع عن طريقي مهما حصل
جاسم .. ربنا يحفظك ويقدرك وانا بصراحه بعد كلامك ده مش عارف اقول ايه غير ربنا يكتر من امثالك بس واضح انك مش متجوزه ولا مخطوبه
جنه .. لا الجواز مش في دماغي المهم عندي شغلي
جاسم .. علي رايك ده الجواز ده هم وغم وحرق دم
جنه .. هو انت متجوز يا دكتور
جاسم .. لا
جنه .. غريبه امال عرفت من فين انه هم وغم وحرق دم
جاسم ..ابتسم من اصحابي المتزوجين
جنه .. والله كلامهم صح
جاسم .. وانتي عرفتي من فين
جنه .. من صحابي بردوا المتجوزين يعني احنا الاتنين معقدين من الجواز
جاسم .. بس مش لدرجة معقدين
هاله .. بتخبط علي الباب
جاسم .. ادخل
هاله .. لقيتك اتاخرت جبتلك القهوه
جاسم .. تسلم ايدك يارب
جنه .. وانا كمان عايزه قهوه
جاسم .. هي ممنوعه بس هسمح لك بيها
هاله .. اتفضلي قهوتي وانا هعمل غيرها هي مظبوط
جنه .. لا شكرا انا هطلب واحده من البوفيه مش عايزه اتعبك
جاسم .. مش هتلاقي زي قهوة مدام هاله
هاله .. اتفضلي
جنه .. الف شكر ليكي
هاله .. الشكر لله هروح انا اعمل قهوه وستناك يا دكتور عشان نمر علي المرضه
جاسم .. لا ما تعمليش قهوه انتي تروحي تنامى شويه وانا همر علي المرضى ولو احتاجت حاجه هصحيكي
هاله .. بس يا دكتور
جاسم .. بيقاطعها ما فيش بس يلا انتي واضح انك تعبانه وانا هقوم بشغلك يلا
هاله .. الف شكر يا دكتور بعد اذنك
جاسم .. اتفضلي
جنه .. ابتسمت انت طيب اووي يا دكتور
جاسم .. مش اووي يعني المهم ايه بقا القضيه اللي انتي كشفتيها
جنه .. قضية اثار كبيره ومتورط فيها ناس كتير بس للاسف معرفتش اوصل للرأس الكبيره بس اللي بعتلي الصور والاوراق قال في ورقه بعتهالي بعد كده قال انه ايام و هيبعت لي كل المعلومات عن الراس الكبيره واللى معروف باسم الباشا
جاسم .. ومش بعيد يكون الباشا ده هو الي حاول قتلك مرتين
جنه .. اكيد هو مفيش غيره بس لو اعرف هو مين
جاسم .. انتي مش بتخافي
جنه .. الرب واحد والعمر واحد ومفيش حد بيموت قبل معاده
جاسم .. تمام هسيبك انا وهمر علي المرضى ورجعلك
جنه .. وانا مستنياك
الباشا .. بيرن علي عباس
عباس .. الو معاك يا باشا
الباشا .. هبعتلك عنوان تجيني عليه لوحدك عندنا عمليه مش هينفع حد يعملها غيري انا وانت
عباس .. حاضر معاليك وبيقفل وبيرن علي فوزي
فوزي .. ايوه يا سيد المعلمين ادينى في الطريق جاي
عباس .. انا هطلع اروح للباشا تستناني بلاش حركات نداله
فوزي .. عيب يا معلم هنلعب كوتشينه انا والمزاز لحد ما تيجي
عباس .. شاطر يا فوزي وبيقفل وبيتحرك علي العنوان وبيلاقي الباشا مستنيه
الباشا .. هندخل هنا نخلص علي الكلب اللي جوه وناخد ورق مهم يخصني ونطلع
عباس .. حاضر يا باشا بس انا عمري ما شوفت وشك علي طول لابس قناع
الباشا .. وادعي من ربنا انك ما تشوفهوش عشان اللي بيشوف وشي بيموت
عباس .. وعلي ايه يا باشا انا خدامك
الباشا .. ركب كاتم الصوت عايزه يتفاجئ بينا فوق راسه
عباس .. الفيلا كلها حراسه
الباشا .. ايه اول مره ندخل مكان زي كده ولا قلبك ضعف يا عباس
عباس .. لا يا باشا يلا بينا
الباشا .. يلا يا عبس
#حب_داخل_المستشفي
#الانتقام
إلي اللقاء في الحلقه السابعه
#عباد_الله_وحده_الله
