رواية جنه والمجهول الفصل السابع 7 بقلم جمال المصري
بسم الله ولا إله إلا الله والله واكبر
#جنه_والمجهول
#الحلقه_السابعه
الباشا .. عباس انت تدخل من هنا وانا اقابلك من الناحيه التانيه
عباس .. حاضر يا باشا
وكل واحد منهم يتحرك من اتجاه وكل ما يقابلهم واحد من الحرس يقتله لحد ما بيوصلوا باب الفيلا
عباس .. يكسر الباب بالراحه وبيدخل
الباشا .. عباس خليك هنا واستناني
عباس .. ما اجي معاك يا باشا عشان لو حصل حاجه
الباشا .. لا خليك هنا وانا هخلص اللي جاي عشانه ونمشي
عباس .. تمام يا باشا
الباشا .. بيطلع علي السلم بالراحه و يقرب من اوضته و بيفتح الباب بالراحه ويدخل ويطلع منديل من جيبه ويحط عليه مخدر ويقرب من السرير اللي بيكون نايم عليه حماد ومراته و يقرب من مرات حماد ويحط المنديل علي بقها بالراحه واللي بعد دقيقه بتفقد وعيها من المخدر وبيقرب من حماد اصحي يا حماد
حماد .. انت مين وعايز مني ايه
الباشا .. بيقلع القناع
حماد .. بيقول اسمه ..... وبيحاول يفتح الدرج عشان يطلع المسدس
الباشا .. بيمسك ايده ويحط المسدس في دماغه لسا برده فاكر انك هتقدر توقف قصادي يا حماد
حماد .. انت اللي وصلتنا لكده بعنادك وطمعك لما فكرت انك ممكن تلعب من غيري وطلعتني من اخر صفقه
الباشا .. وعشان انا طلعتك من اخر صفقه تصور التسليم وكمان التسجيلات تبعتها للصحفيه جنه
حماد .. دي كانت شدة ودن ليك مش اكتر عشان ترجع لصاحبك واكبر دليل اني ما كشفتش عن شخصيتك قدام الصحفيه جنه كنت مستنيك ترجع و نشتغل مع بعض زي زمان
الباشا .. تعرف ان انتي الوحيد اللي تعرفني علي حقيقتي والظاهر ان دي كانت غلطتي
حماد .. انا غلطت اديني فرصه تانيه
الباشا .. اخرس وقوم قدامي بهدوء
حماد .. علي في يا ......
الباشا .. علي المكتب
حماد .. بيقوم وهو بيبص علي مراته انت عملتلها ايه
الباشا .. ولا حاجه دي مرات صديقي الوحيد شويه كده وهتفوق يلا قدامي
حماد .. بيروح علي المكتب
الباشا .. بينور النور وبيقعد حماد علي المكتب وبيلفت نظره ظرف كبير مكتوب عليه اسم الصحفيه جنه يمسكه و يفتحه ايه ده يا حماد ده انت باعت صوري وكل المعلومات اللي تثبت اني انا زعيم العصابه ده انت شكلك مخطط لكده من زمان
حماد .. لا اسمعني
الباشا .. بيقاطعه لا خلاص كافيه عليك لحد كده وبيوجه المسدس عليه وبيضربه برصاص وبيفتح الخزنه ببصمة صباع حماد وبياخد اي ورق يخصه وكمان بباخد الفلوس عشان الشرطه تفتكر اني القتل بهدف السرقه وبياخد الظرف وبينزل
عباس .. ايه الورق ده يا باشا
الباشا .. اللي بيسال كتير يا عباس عمره بيكون قصير
عباس .. اسف يا باشا
الباشا .. يلا بينا عشان شويه والدنيا هتتقلب
عباس .. يلا بينا يا باشا
الباشا يركب العربيه وطبعا من غير نمر وبيركب جنبه عباس وبيتحرك بسرعه لحد ما بيوصل مكان قريب من المخزن اللي قاعد فيه عباس وبيوقف عشان عباس ينزل وقبل ما بينزل عباس
الباشا.. بيبص لي عباس البنت الصحفيه هتطلع من المستشفي خلال اسبوع بالكتير وعايزك تبعت راجل من رجالتك يخلص عليها
عباس .. حاضر معاليك بس ازي اكيد الشرطه بتحميها
الباشا .. كلامك صح والشرطه مستنيه حد يضربها بطلقه او يدخل الشقه ويموتها اما اللي انت هتعمله عمر الشرطه ما هتتوقعه الراجل بتاعك هيقتلها من مكان بعيد وبقذيفة ار بي جي في الشقه بتاعتها وبكده يبقا خلصنا منها ومن غير ما يتعرف مين اللي عمل كده الواد الي شغال معاك الي بيعرف يتعامل بي الار بي جي اسمه ايه
عباس .. فوزي يا معالي الباشا
الباشا .. تمام العمليه دي لو خلصت انت ليك ١٠٠ الف جنيه وفوزي زيهم بس مش عايز غلط
عباس .. سمع الرقم وتجنن لا يا باشا مفيش غلط الي انت عايزه هيحصل
الباشا .. انزل افتح شنطة العربيه هتلاقي شنطه كبيره الي فيها الار بي جي وكمان ٥٠ الف جنيه مقدم
عباس .. تسلم يا كنج وبينزل بسرعه وبياخد الشنطه وبيمشي علي المخزن واول ما يوصل يدخل علي اوضته ويشيل الشنطه ويدخل علي الاستراحة بيلاقي فوزي والبنات قاعدين مستنينه
فوزي .. حمدالله بسلامه يا كبير اتاخرت ليه
عباس .. شغلانه كده علي السريع المهم خلينا في المزاز اللي انت جيبهم دول جم في وقتهم وبيبص علي وحده منهم وبيشدها من ايدها وبيدخل بيها اوضته
حماد .. بيفوق وبيمسك الجريده وايده كلها دم وبيعمل دائره حول اسم جنه وبيموت والجريده في ايده
غاده .. بتفوق من المخدر وبتبص مش بتلاقي حماد بتنده عليه مش بيرد بتقوم ولما بتلاقي اوضة المكتب مفتوحه والنور منور بتقرب منها وبتفتح الباب وبتصدم لما بتلاقي حماد غرقان في دمه وتصرخ وتقرب منه وهي بتصرخ و بتمسك التليفون وبتتصل بي الشرطه وبتطلع عشان تنده علي البواب واول ما بتطلع بتلاقي الكل مقتولين و بيغمي عليها والشرطه بتيجي و بترفع البصمات والضابط بهاء رئيس المباحث اول ما بياخد باله من الجريده وبيلاقي قضية الفساد واسم جنه عليها بيرن علي علاء صاحبه وبيبلغه ان فيه حادثه في المنطقه المسئول عنها لكن هو حاسس انها ليها علاقه بقضية الفساد وجنه
علاء .. الف شكر يا صاحبي وياريت تبلغني ب اي جديد يحصل عندك عشان احاول اظهر برائتي
بهاء .. انا عارف ومتاكد انك مظلوم وعشان كده هقف معاك لحد الاخر ولو فيه اي حاجه هبلغك وانا كمان كلمت رئيس المباحث اللي مسك مكانك وبلغته وهو قالي انه معين حرس لحماية جنه عشان هي مستهدفه ومن غير هي ما تحس يلا سلام دلوقتي
علاء .. مع الف سلامه وبيقفل وبيقول في نفسه كده ابداء اتحرك وربنا يساعدني اني اوصل للشبكه الاجراميه دي
بهاء .. مرات القتيل فاقت
العسكري .. لا يا فندم نقلنها المستشفي
بهاء .. اول ما تفوق كلمني
العسكري .. حاضر يا فندم
بيعدي اسبوع وجاسم كان اغلبية الوقت اللي بيبقى فيه في المستشفي بيكون قاعد مع جنه لدرجه انهم رفعو الكلفه وبقو كانهم اصدقاء بس كان جواهم شعور تاني خالص شعور بيكبر كل ثانيه وهما الاتنين كانو مبسوطين بالشعور ده
جاسم .. السلام عليكم
الكل .. وعليكم السلام ورحمه الله وبركاته
ناديه .. طمني يا دكتور انا سمعت انك هتكتب خروج لي جنه
جاسم .. انتي كرهتني اوي كده يا طنط
ناديه .. لا والله يا ابني بس مريم كل يوم بتسال خالتها علينا وعفاف بتقلها اننا في البلد وكده وبصرحه انا كمان اشتقتلها ومن اسبوع وانا مش قادره اسيب جنه
جاسم .. خلاص انا هكتبلها خروج النهارده
ناديه .. انا هروح اشوف الحسابات وهرجع علي طول وبتطلع
جاسم .. وانتي كمان مستعجله زي ماما يا جنه
جنه .. بالعكس انا حبيت المستشفي اوي ومش عايزه اطلع
جاسم .. ولا انا عايزك تطل....... ومش بيكمل الكلمه وبيسكت
جنه .. سكت ليه حتي الكلام مش قادر تكمله
جاسم .. انا مش عارف ايه اللي جرالي من اول ما عرفتك وبصرحه مش عايزك تبعدي عني يا جنه
جنه .. ولا انا عايزه ابعد عنك يا جاسم
جاسم .. بجد يعني انتي
جنه .. اه وانت
جاسم .. انا بحب..
ناديه .. بتدخل الحمد لله يلا عشان تلبسي
جاسم .. بيبص لي جنه ماشي هسيبكم انا وان شاء الله هبقى اجي ازورك يا جنه واطمئن عليكي
جنه .. وانا هستناك
جاسم .. بيطلع وبيروح علي مكتبه وهو مفيش قدامه غير جنه وسارح في دنيا تانيه خالص لحد ما تدخل عليه هاله
هاله .. بتخبط بس مفيش حد بيرد بتدخل بتلاقي جاسم قاعد علي المكتب و سرحان خالص تقرب منه دكتور جاسم يا دكتور و تحط ايديها قدام عينيه نحن هنا يا دكتور
جاسم .. اه هاله هو انتي هنا من امتي
هاله .. الي واخد عقلك يا دكتور انا بنده عليك من بدري وانت ولا هنا
جاسم .. معلش سرحت شويه في حاجه
هاله .. كنت جايه اقولك اني جنه ماشيه
جاسم .. اتنفض مره وحده ووقف وبعد كده قعد
هاله .. مالك قعدت ليه
جاسم .. وهو يحاول يسيطر علي مشاعره لا مفيش حمدالله بسلامتها
هاله .. الله يسلمك يا دكتور هروح انا اشوف شغلي
جاسم .. اتفضلي واول ما بتطلع و بيعرف انها بعدت بيطلع عشان يشوف جنه حتي لو من بعيد وفعلا يلاقيها خلاص تقرب من باب الخروج
جنه .. بتبص حواليها مستنيه تشوف جاسم
ناديه .. مالك يا بنتي بتتلفتي زي الحرميه كده
جنه .. لا يا امي مفيش حاجه اهو انا ماشيه
ناديه .. بتبص الناحيه التانيه وبتبتسم وبتاخد بالها من جاسم يا جنه مش ده الدكتور جاسم
جنه .. بلهفه فين
ناديه .. بتضحك اهو هناك
جاسم .. لاحظ اني ناديه اخدت بالها وعمل نفسه ماشي عادي وقرب منهم ايه خلاص ماشين
جنه .. ايوه يا دكتور والف شكر علي كل اللي عملته معايا
جاسم .. مفيش شكر ده شغلي
ناديه .. ان شاء الله بكره هستنك تتعشأ معانا يا دكتور جاسم ومش عايزه اي اعذار
جاسم .. وانا اقدر يا طنط ان شاء الله هاجي
ناديه .. بعد اذنك
جاسم .. اتفضلي
جنه .. بتمشي وكل شويه تبص لي وره وعينيها تيجي في عنين جاسم اللي واقف مكانه ومش عايز يتحرك
هاله .. بتقرب منه دكتور يا دكتور جاسم وبصوت عالي شويه يا دكتور
جاسم .. ايه مش قولتيلي رايحه تشوفي شغلك
هاله .. بتبتسم انا قولت يمكن تكون محتاج مني حاجه
جاسم .. ارتبك من كلامها زي ما تكون عارفه انه بيحب جنه واخد نفس وبصلها طاب يلا علي شغلنا
ناديه .. بترن علي عفاف
عفاف .. السلام عليكم
ناديه .. وعليكم السلام ورحمة الله وبركاته احنا لسا واصلين البيت هاتي مريم وتعالي
عفاف .. تمام مسافة الطريق وكون عندك
احلام .. ناديه دي
عفاف .. ايوه
احلام .. ادهاني
عفاف .. احلام معاكي
احلام .. حمدالله بسلامة جنه
ناديه .. الله يسلمك يا حبيبتي هستناكي تيجي مع عفاف وتجيبي مكه معاكي
احلام .. مسافة السكه بس انتي عارفه مكه ما تعرفش حاجه عن موضوع ابوها الله يرحمه
ناديه .. عارفه يا حبيبتي ربنا يرحمه ويرحم امواتنا جميعآ
احلام .. امين يارب العالمين يلا سلام وبتقفل
الباشا .. بيرن علي عباس
عباس .. الو
الباشا .. فوزي جاهز
عباس .. ومستني اشاره منك
الباشا .. هما في البيت دلوقتي نفذ علي طول و هبعتلك ال ١٥٠ الف
عباس .. من دلوقتي اقراء الفاتحه علي روحها
الباشا .. بس مش عايز غلطات كفايه الي خسرناه
عباس .. ما تقلقش احنا درسنا المنطقه هناك كويس وفيه حته زراعيه وقصادها شقة جنه وفوزي هيضربها من هناك
الباشا .. تمام انا مستني الخبر الحلو منك
عباس .. يخلص ويرن عليا وانا هبشرك علي طول سلام وبيقفل يا فوزي يلا عشان ناخد الفلوس
فوزي .. كلها ساعه وتسمع خبرها
عباس .. وانا هستنى منك تليفون
فوزي .. بيتحرك وبيروح وسط الزرع وبيفتح الشنطه وبيبداء يطلع الار بي جي ويركب القذيفه
احلام وعفاف .. بيوصلوا وبيخبطوا علي الباب
ناديه .. خالتك جات يا جنه هقوم افتحلها
فوزي .. بيوجه الار بي جي علي الشقه وبيحط ايده علي الزناد
إلي اللقاء في الحلقه الثامنه
#عباد_الله_وحده_الله
