رواية جنه والمجهول الفصل الثامن 8 بقلم جمال المصري
بسم الله ولا حول ولا قوه إلا بالله
#جنه_والمجهول
#الحلقه_الثامنه
اتمنا الحلقه تنال اعجابكم اخوكم جمال المصري
علاء .. رح عند العماره اللي فيها شقة جنه ووقف وهو بيفكر و بيقول لنفسه هما اكيد هيقتلوها بس ازاي اكيد عارفين ان الشرطه بتحميها واكيد مش هيغلطوا غلطه زي دي يبقا ما فيش غير انهم يستنوها تطلع ويضربها بقناصه من بعيد وبيبص لقي الشقه قدامها ارض زراعيه وسكت لحظه وقال بصوت مسموع ما هما ممكن يستهدفوها من الارض اللي هناك بقناصه مجرد ما تفتح الشباك بس مش معقول ايه هيفضل يستنى كل ليله عشان يا تطلع في الشباك او لا وبعدين استنى شويه وقال انا اروح اعمل مسح للارض دي وشوف ممكن الشقه تكون مكشوفه من هناك ولا لا وفعلا يلف حوالين العماره وبعد كده يمسك نظاره الرويه الليليه و بيبص علي المنطقه الزراعيه وهو بيتحرك ويوقف لما يلاقي واحد في الارض وبيرجع عليه بالمنظار الليلي و بيتفاجئ لما يلاقيه ماسك ار بي جي وهنا يتحرك بسرعه وهو يجري ناحيته
اما فوزي مش مركز غير علي الشقه وهو بيفكر في الفلوس الي هياخدها مجرد ما يدوس علي الزناد
احلام وعفاف .. بيخبطوا علي الباب
ناديه .. دول اكيد خالتك واحلام جوم هروح افتح الباب
جنه .. ماشي يا ماما وانا هقوم عشان نقعد في الصالون انا زهقت من السرير
ناديه .. ماشي يا حبيبتي وطلعت تفتح الباب
عفاف .. السلام عليكم
ناديه ..وعليكم السلام ورحمه الله وبركاته اتفضلوا
جنه .. بتفتح الشباك
فوزي .. اكيد هي دي ويوجه ناحيتها وبيحط ايده علي الزناد
علاء .. بيسحب المسدس وبيشد الاجزاء وبيضربه طلقه في ايده والتانيه في كتفه
جنه .. صرخة
ناديه .. جريت عليها خير يا جنه مالك
جنه .. سمعت صوت رصاص واتخضيت
عفاف .. تلاقي كوتشى عربيه يا حبيبتي تعالي ورتاحي
احلام .. اهدي يا جنه مفيش حاجه
مريم .. انتي مالك يا جنه وايه الي عمل فيكي كده
جنه .. حاولة تهدا مفيش حاجه يا مريومه وقعت واحنا راجعين من البلد انا وماما
مريم .. يعني انتي كويسه
جنه .. احسن منك يا بنت مين القمر الي معاكي دي
احلام .. دي مكه
جنه .. سكتت للحظه وافتكرة سامر وهو بيوصيها علي مكه تعالي في حضني يا حبيبتي
مكه .. بتقرب
جنه .. تحضنها وبعد كده بتبصلها ايه رايك نبقى اصحاب
مكه .. موافق
جنه .. حبيبت قلبي وبتحضنها تاني
فوزي .. وقع منه الار بي جي علي الارض و بيقول انت مين و بيبص و افتكر الفيديو اللي سجله بص له انت الضابط الي قتلت عطيه ورجالته
علاء .. لا انا الضابط اللي لبستوه القضيه وبسببكم مستقبلي ضاع وعشان كده انت كمان هتموت
فوزي .. ابوس ايدك انا عايز اعيش
علاء .. بيحط المسدس في دماغه
فوزي .. انا هقول علي كل حاجه بس سيبني اعيش
علاء .. مين بعتك عشان تقتل جنه
فوزي .. المعلم عباس
علاء .. ولقيه فين المعلم زفت ده
فوزي ..في مخزن علي طريق ............
علاء .. هو الي بيؤمر يعني هو الراس الكبيره
فوزي .. لا الراس الكبيره هو الباشا
علاء .. ومين اللي دبر حكاية التصوير وعملني مجرم
فوزي .. الباشا امر واحنا نفذنا
علاء .. الفيديو الاصلي فين
فوزي .. علي تليفوني
علاء .. حط ايده في جيبه وطلع التليفون واخده مين بقا الباشا ده
فوزي .. ما حدش يعرفه ولا شافه قبل كده كل تعاملنا معاه عن طريق التليفون
علاء .. هسيبك تعيش بس تقول كل المعلومات دي للشرطه
فوزي .. حاضر انا تحت امرك
علاء .. بيديه ظهره ويمشي بعد ما عرف ان العساكر الي مكلفين بالحراسه بعد ما سمعو الرصاصتين بيدوره جاين من فين
فوزي .. بيسحب مسدسه بي ايده السليمه ولسا بيلف عشان يضرب علاء
علاء .. حس بيه وضربه في ايده التانيه
العسكري .. الصوت من هنا وبيجري لحد ما بيوصل يلاقي فوزي مرمي علي الارض والار بي جي والمسدس مرمين جنبه وبيقبض عليه
عفاف .. عامله ايه دلوقتى يا جنه .. الحمد لله يا خالتو احسن من الاول بكتير
احلام .. يارب ديمآ يا بنتي وناويه ترجعي الشغل تاني
جنه .. اكيد طبعآ يا طنط شغلي هو حياتي
ناديه .. اتفضلوا العصير
عفاف .. تسلم ايدك يارب
جنه .. كانت بتلعب مع مكه ومريم وبتقول لهم الغاز وهما يحلوها
ناديه .. احلام بكره ان شاء الله هنتعشى سوا هستناكم واديكي شايفه مكه اتعلقت بي جنه وجنه كمان اتعلقت بيها
احلام .. ايه رايك يا مكه
مكه .. موافقه طبعآ يا تيته هو ينفع ابات هنا
جنه .. اكيد طبعآ وتنامي كمان في اوضي
احلام .. لا عيب جنه تعبانه يا مكه خليها لما ترجعلها صحتها
جنه .. انا بخير يا طنط ياريت تسبيها معايا الليله دي
احلام .. خلاص ماشي زي ما تحبي يا مكه
مكه .. تجري و بتحضنها احلام شكرا يا تيته وبترجع تكمل حل الغاز مع جنه
عفاف .. يلا نستاذن عشان سايبه البنات لوحدهم
ناديه .. وحنا لحقنا نقعد سوا
احلام .. الايام جايه كتير وهنقعد لما نقول بس يلا هسيبك يا مكه لسا عايزه تقعدي
مكه .. ايوه يا تيته
احلام .. ماشي يا حبيبتي في بوسة تيته
مكه .. جريت عليها وبستها
عفاف .. يلا السلام عليكم
الكل .. وعليكم السلام ورحمة الله وبركاته
عادل .. بيرن علي جنه
جنه .. السلامه عليكم
عادل .. وعليكم السلام ورحمة الله وبركاته اخبار الصحفيه الهمامه ايه دلوقت
جنه .. انا بخير وكنت لسا عايزه اكلم حضرتك عشان انزل الشغل وكفايه عليه الاسبوع الي قضيته في المستشفي
عادل .. يا بنتي انتي ايدك مكسوره علي الاقل شهر وانا مضت لك اجازه بشهر و هعدي عليكي دلوقتى عشان اديكي الاجازه واطمن عليكي
جنه .. تنور طبعا يا استاذ عادل البيت بيتك
عادل .. يلا مسافة السكه واكون عندك سلام
علاء .. بيركب تاكسي وبيطلب منه يطلع علي العنوان الي اخده من فوزي و بينزل في مكان قريب من المخزن ويبداء يتسحب بالراحه ويدخل للمخزن شاف اتنين علي الباب قرب منهم بالراحه وجه من الجنب وتسحب لحد ما قرب منهم وضرب اول واحد منهم علي دماغه بي مقبض المسدس و اغمي عليه والتاني ضربه وطلع منديل من جيبه وكتم نفسه لحد ما فقد وعيه ونزله علي الارض بالراحه وفتح الباب ودخل وهو بيدور علي عباس لحد ما وصل لي اخر اوضه وفتح الباب مره وحده
عباس.. كان معاه بنت علي السرير وقبل ما يتحرك
علاء .. حركه وحده وهتموت وقرب منه تعالي يا بت انتي جنبي
البت .. بتقوم وبتقرب منه
علاء .. بيحط المنديل علي بقها وبتفقد وعيها وبيحط.المنديل في جيبه
عباس .. انت وصلت هنا ازي
علاء .. مش مهم المهم عشان تعيش لازم اوصل للباشا
عباس .. يبقا فوزي وقع
علاء .. انت لسا هتتكلم يلا قوم بسرعه
عباس .. بس انا معرفش الباشا
علاء .. عارف بس هترن عليه وتقوله كل حاجه تمام وانك في ورق اثري بيدل علي مقبره عايز تورهالو وهو ما هيصدق صح ولا انا غلطان
عباس .. صح
علاء .. يلا قوم واتصل
عباس .. بيرن
الباشا .. يارب الاخبار تكون حلوه المره دي
عباس .. حلوه اوي وخلصنا من البنت وكمان وصلني ورق بردي عليه طريق مقبره وشكلها كبيره
الباشا .. خلاص قابلني في المكان اللي بنتقابل فيه بعد نص ساعه
عباس .. حاضر يا باشا وقفل
علاء .. يلا قدامي
عباس .. حاضر وبيركب العربيه و يسوق العربيه لحد المكان اللي بيقابل فيه الباشا
علاء .. بينزل من العربيه و بيستخبى بعيد وبيقول لي عباس لو اتحركة اي حركه غلط هقتلك
عباس .. انا تحت امرك بس اعيش وتحميني من الباشا
علاء .. الباشا بتاعك دقايق وهيوقع في ايدي
علاء استخبى وعباس واقف مستني الباشا وفي نور عربيه جاي من بعيد وبتقرب لحد ما بتوقف قدام عباس والباب بيتفتح
إلي اللقاء في الحلقه التاسعه
#عباد_الله_اذكره_الله
