رواية جنه والمجهول الفصل التاسع 9 بقلم جمال المصري
بسم الله ولا حول ولا قوه إلا بالله
#جنه_والمجهول
#الحلقه_التاسعه
عادل .. بيخبط علي الباب
جنه .. بتقوم تفتح اتفضل يا استاذ عادل
عادل .. الوقت متاخر يا بنتي انا بس حبيت اطمن عليكي وديكي جواب الاجازه واي حاجه تحتاجيها انا تحت امرك يا بنتي وخالي بالك من نفسك
جنه .. انا مش عارفه اشكر حضرتك ازي
عادل .. علي ايه يا جنه انتي زي بنتي ولو عندي بنت كنت هتمنى تكون زيك
ناديه .. بتقرب من الباب الاستاذ عادل ينفع كده من علي الباب اتفضل
عادل .. ربنا يحفظك يا مدام ناديه الوقت متاخر وهبقا اجي في النهار ان شاء الله
ناديه .. خلاص يبقى تشرفنا بكره علي العشاء
عادل .. ان شاء الله هحاول
جنه .. انا هستنا حضرتك وكمان دكتور جاسم جاي وياريت تكون موجود
عادل .. اذا كان كده ان شاء الله هكون موجود استاذن دلوقت
ناديه .. اتفضل مع الف سلامه
عادل .. الله يسلمك السلام عليكم
الكل .. وعليكم السلام ورحمة الله وبركاته
ناديه .. ابن حلال الاستاذ عادل ده فضل معايا في المستشفي وما سبنيش لحد ما اطمنا عليكي
جنه .. انا بحس انه زي بابا الله يرحمه حنين وطيب وديمآ بيشجعني
ناديه .. ابوكي الله يرحمه ما كنش فيه راجل زيه يلا يا حبيبتي ادخلي ارتاحي
جنه .. حاضر يا ماما هطمن علي مكه ومريم انهم ناموا وبعد كده هدخل انام تصبحي علي خير
ناديه .. وانتي من اهل الخير يا بنتي
جنه .. بتدخل تطمن علي مكه ومريم وبتلاقي مكه بين الصحيان والنوم وبتبتسم لما بتشوفها بتقرب جنه منها وبتبوسها وتغطيها وبتلاقي مريم نامت وبعد كده بتدخل اوضتها عشان تنام لكن تليفونها بيرن بتمسكه بتلاقي جاسم قلبها بيدق بسرعه وبتفتح عليه علي طول السلام عليكم
جاسم .. وعليكم السلام ورحمة الله وبركاته اسف اني برن في وقت متاخر
جنه .. ولا يهمك مفيش داعي للاسف انا لسا صاحيه ما نمتش
جاسم .. بصراحه معرفتش انام قبل ما اسمع صوتك
جنه .. لا انا مش قد الكلام ده يا دكتور
جاسم .. ده مش كلام يا جنه دي حقيقه من اول ما شوفتك وانتي قلبتي كياني ومش عارف ايه اللي جرالي انا اللي عمري ما صدقت ان فيه حاجه اسمها حب وقعت فيه
جنه .. وقعت فيه ازي
جاسم .. انا بحبك
جنه .. سكتت للحظات وهي حاسه نفسها طايره من السعاده وهي بتسمع الكلمه دي من الانسان اللي قلبها اتفتح له
جاسم .. انا اسف شكلي عدية حدودي
جنه .. لا مين قال كده
جاسم .. امال ساكته ليه
جنه .. عشان انا اسعد انسانه في الدنيا عشان انا كمان بحبك يا جاسم
جاسم .. أنا مش مصدق اللي انا بسمعه الف حمد وشكر ليك يارب انه كرمني بيكي يا اجمل انسانه في الكون
جنه .. انا اللي بحمد ربنا انه رزقني بيك يا جاسم وانا زيك عمري ما اتخيلت اني ممكن احب بس حبيتك ازي مش عارفه الحب شعور جميل اول مره في حياتي اعرفه
جاسم .. اجمل ما فيه اننا احنا الاتنين اول مره نعيشه ونعرفه وهنبداء نستكشفه سوا وطول ما كل حاجه تمام ايه رايك بكره اطلب ايدك
جنه .. بسرعه كده
جاسم .. انا بحب كل حاجه تكون واضحه قولتي ايه
جنه .. موافقه طبعا
جاسم .. خلاص هسيبك تنامي دلوقتى وان شاء الله نتقابل في ميعادنا
جنه .. هستناك
جاسم .. يلا مع الف سلامه
جنه .. سلام وبتقفل التليفون وبتحطه علي قلبها وبتحضنه جامد وهي في قمة سعادتها
علاء .. مستخبي وموجه المسدس علي عباس ومستني الباشا ينزل من العربيه
عباس .. واقف قدام العربيه
بيطفي النور فجاءه بيظهر انها عربية بوكس وبينزل الضابط بهاء من البوكس وبيقبض علي عباس وده طبعا بعد ما جاله بلاغ من رقم مجهول بيبلغ ان الشخص الي حاول يقتل الصحفيه هيكون موجود مع شريكه هناك والمكان ده من ضمن المنطقه المسئول عنها بهاء
علاء .. بيتحرك
بهاء .. بيسمع صوت حركه انت في حد معاك
عباس .. اه الضابط زميلكم هو اللى خاطفني وجابني هنا
علاء .. بيجري
بهاء .. اوقف مكانك يا علاء وبيجري وراه
علاء .. بيجري بسرعه وهو بيحاول يستخبى من بهاء عشان يهرب
بهاء .. بيجري وراه ومعاه اتنين من القوه وباقي القوه بيتحفظوا علي عباس
علاء .. كان فيه طريق سريع وكانت في عربيه مستنياه ركب فيها والعربيه مشيت علي طول
بهاء .. كده انت وقعت نفسك في مصيبه انت مش قدها يا علاء يلا نرجع وبيرجعوا بسرعه علي مكان البوكس
بيكون العساكر ماسكين عباس ومستنين بهاء بيك يرجع
بهاء .. يلا ركبوه البوكس
وهو بيركب البوكس بتجيله طلقه من قناصه في نصف دماغ عباس
بهاء .. الكل ياخد ساتر وبيشوف عربيه بتتحرك من بعيد وبيضرب عليها نار لكن بتكون بعيده ومش بيعرف يصيبها وفي الوقت ده بيكون فيه سكت قطار بين العربيه وبين بهاء والقطار بيعدي وبتنجح العربيه في الهروب وبيقرب من عباس عشان يشوفه لسا عايش ولا مات
عباس .. الباشا مش هيسيب حد عايش ولا حتي الضابط علاء
بهاء .. بعد ما خلاص وقع في ايدنا يتقتل
العسكري .. هنعمل ايه يا فندم
بهاء .. ولا حاجه هنرجع القسم وسلموا الجثه للمشرحه ونعمل محضر بي كل اللي حصل بس ما تجبش سيرت الضابط علاء كفايه اللي هو فيه واكيد الباشا الي عباس قال عليه هيطارده
العسكري .. تمام يا فندم
علاء .. الحمد لله اني قولت لحضرتك تستناني علي اول الطريق كنت حاسس اني في لعبه هتحصل
المأمور .. الحمد لله انك قدرت تهرب مش لازم حد يعرف انك لسا في الشرطه الكل لازم يفضل فاكر انك موقوف عن العمل وبكده شغلك هيكون اسهل والباشا هيعمل كل حاجه عشان يوصلك وخصوصاً بعد الي حصل النهارده
علاء .. اطمن يا فندم مهما حصل هنوصل للباشا ده التليفون الي عليه الفيديو الحقيقي لقتل عطيه ورجالته
المامور .. انا عمري ما شكيت فيك يا علاء بس كان لازم نعمل كده عشان نعرف ننفذ الخطه ونوصل للشبح الي اسمه الباشا
علاء .. ان شاء الله هنوصله وبسرعه انا متاكد دلوقت ان هو اللي عايز يوصلي وكده أنا وجنه بقينا هدفه
المامور .. وهو ده اللي احنا عايزينه بالظبط واحنا بنحاول نحمي جنه بكل قوتنا بس ما كناش متخيلين ان الشخص المجنون ده يوصل بيه الفجور انه يضرب شقه سكنيه بي ار بي جي بس دلوقت هنكلف قوه خاصه بحمايتها ولازم نوصل للباشا ده بسرعه قبل ما يقدر يقتل جنه
علاء .. ان شاء الله معاليك هعمل كل اللي ربنا يقدرني عليه عشان اوصله
احلام .. وافقه في المطبخ وماسكه قزازه صغيره في ايدها وبتقول بصوت مسموع بسببك يا جنه خسرت ابني الي ما ليش غيره وبكره هيكون اخر يوم في حياتك زي ما ابني مات انتي كمان هتموتي هحطلك السم ده في العصير اللي هعملهولك بي ايدي وانتقم لي ابني واشفي غاليلي منك ليه ابني يموت مكانك وانتي تفضلي عايشه انا رحتلك المستشفي عشان اشوفك وانتي بتموتي لكن للاسف لسا عايشه وانا مش هرتاح غير لما تموتي واخد بتار ابني الوحيد حبيبي اللي ما لحقتش اشبع منه وبتروح علي اوضتها وبتحط القزازه في شنطتها وبتنام وهي بتفكر في اللي هتعمله بكره
وبيعدي الوقت وبيجي الميعاد والكل بيتجمع عند ناديه وبتكون ناديه واحلام وعفاف جهزه الاكل وبيكون عادل وجاسم قاعدين مع جنه بيتكلموا وجاسم مستني الوقت المناسب عشان يفتح موضوع الجواز من جنه ويطلب ايدها
ناديه .. الاكل جاهز اتفضلوا
جنه .. اتفضل يا استاذ عادل اتفضل يا جاسم
والكل بيتجمع علي السفره وبيبداوا ياكلو
جاسم .. تسلم ايديكم الاكل تحفه
ناديه .. تسلم يا ابني كلك ذؤؤق
عادل .. من زمان وانا ما كلتش اكل بالطعامه دي
ناديه .. الف هنا يا استاذ عادل مطرح ما يسري يمري
جاسم .. طول الوقت عينيه علي جنه
جنه .. مكسوفه وبتحاول تهرب من عيون جاسم وجوها فرحه غريبه مخليها طايره من الفرحه
عادل .. الحمد لله تسلم ايديكم
ناديه .. ايه شبعت بسرعه اكيد الاكل مش عاجبك
عادل .. بالعكس انا اكلت كتير اووي اول مره اكل كده من سنين
جاسم .. فعلآ الاكل جميل جدآ الف شكر علي العزومه الجميله دي
مكه .. ايوه الاكل حلو اوي
جنه .. الف هنا يا قلبي انتي
ناديه .. انتو نورتونا
بتقوم ناديه وعفاف عشان يلموا الاكل لكن احلام بتمنعهم انا اللي هلم الاكل والعصير
عادل .. بصراحه بعد الاكله دي محتاجين شاي
احلام .. بس كده من عينيه وانت يا دكتور جاسم
جاسم .. شاي يا طنط
احلام .. وناديه وعفاف
ناديه .. كلنا شاي يا حبيبتي وجنه والبنات عصير عشان جنه مش بتحب الشاي
احلام .. من عينيه مش هتاخر وبتلم الاكل وبتروح المطبخ تعمل الشاي وبتعمل عصير مانجا للبنات مريم ومكه وبتعمل عصير فروله لي جنه عشان ما تتلخبطش فيه وبتفضي القزازه في كبايه عصير الفروله وبتشيل الصينيه وبتدخل بيها عليهم
جاسم .. بعد اذنكم كنت عايز اتكلم معاكم في موضوع
احلام .. مستعجل ليه يا دكتور اشربوا الشاي وبعد كده اتكلم برحتك لسا قدامنا الليل طويل
والكل بياخد الشاي وبتدي البنات عصير المانجا وبتدي جنه عصير الفروله
جنه .. تسلم ايدك يا طنط
احلام .. علي ايه يا حبيبتي الف هنا اشربي
جنه .. بترفع الكبايه عشان تشربها
إلي اللقاء في الحلقه العاشره
#عباد_الله_اذكره_الله
