رواية جنه والمجهول الفصل العاشر 10 بقلم جمال المصري
بسم الله ولا إله إلا الله
#جنه_والمجهول
#الحلقه_العاشره
(( انا سعيد جدآ بوجودي مع اجمل اصدقاء ومتابعين ))
جنه .. بتبص لي مكه ومريم اشربوا يا حبايبي
مكه .. حاضر يا جنه اهو وبتشرب كبايتها
مريم .. وانا كمان اهو وبتشرب كوبيتها
جنه .. شطار ايوه كده عشان تكبروا بسرعه وتبقوا اقوياء
عفاف .. مريم فين ريموت التلفزيون يا حبيبتي
جنه .. في اوضتي هجيبه وهي ماشيه بتتكعبل وبيتكب نص كباية العصير منها
جاسم .. انتي كويس يا جنه
جنه .. الحمد لله كنت هاقع وربنا سترها هجيب حاجه انظف العصير وبتدخل المطبخ وبتسيب نص كباية العصير علي الرخامه في المطبح وبتجيب الفوطه وتمسح العصير من علي الارض
ناديه .. عنك انتي يا حبيبتي
جنه .. تسلمي يا ماما خلاص انا كده كده خلصت هغسل ايدي واشرب باقي العصير بقى
ناديه .. ماشي يا حبيبتي الف هنا
جنه .. بتدخل المطبخ بتلاقي القطه كبت كبايه العصير وبتلحسها ابتسمت انا شكلي ما ليش نصيب فيها ولسا بتلف عشان ترجع تقعد معاهم لقيت القطه وقعت من علي الرخامة ميته صرخت بصوت عالى
الكل قام يجري علي المطبخ
ناديه .. في ايه يا جنه بتصرخي ليه
جنه .. بتشاور علي القطه
جاسم .. قرب من القطه ولقي رغاوي بيضه طالعه من بقها وبص علي الرخامه لقي العصير مكبوب وجسم القطه غرقان من العصير
عادل .. اهدي يا بنتي عادي يعني القطه شكلها ماتت
جاسم .. لا يا استاذ عادل القطه اتسممت العصير اللي كانت هتشربه جنه كان مسموم
عادل .. مش مدام احلام هى اللي عملت العصير
ناديه .. احلام وبتبص حواليها ما لقيتهاش هي راحت فين حتي مكه مش موجوده
جاسم .. اكيد هربت لما لقيت انها هتتكشف
عادل .. انا هطلب الشرطه ورن علي النجده الشرطه ربع ساعه وهتكون هنا
جنه .. انا دماغي هتنفجر ليه طنط احلام تعمل كده انا عملتلها ايه
جاسم .. واضح ان احلام بتحملك موت ابنها وعايزه تنتقم منك
عفاف .. معقول احلام الطيبه يطلع منها ده كله انا مش مصدقه
عادل .. اللي تحسبه موسي يطلع فرعون وفي ناس كتير عايشه بوشوش ملايكه بس جواها شياطين
جاسم .. كلامك صح يا استاذ عادل تعالي اقعدي يا جنه لحد ما تيجي الشرطه
مكه .. في ايه يا تيته ليه مشينا بسرعه كنت عايزه اشوف جنه مالها
احلام .. احنا هنروح البلد عند بيت جدك
مكه .. ليه حصل حاجه
احلام .. لا يا حبيبتي رايحين نحضر فرح هناك يلا بسرعه هاتي هدومك وبتجهز شنطتها عشان تهرب
الشرطه بتيجي وبتاخد عينه من العصير والقطه واقول الموجودين وبيتحركوا علي عنوان احلام اللي بتكون طالعه من الباب
الضابط .. انت بواب العماره
البواب .. ايوه يا فندم خير
الضابط مدام احلام .... فوق
البواب .. مدام احلام اهي اللى لسا طالعه قدامك
الضابط .. بيجري ناحيتها وقبل ما تركب التاكسي بيقبض عليها وبياخدها هي ومكه معاها علي القسم
والكل بيتنقل علي هناك وبيدخل الضابط ومعاه احلام ومكه
مكه .. بتجري علي جنه
جنه .. بتنزل علي ركبها وبتحضنها ما تخافيش يا حبيبتي
مكه .. هما عايزين ايه من تيته
جنه .. ولا حاجه يا حبيبتي تيته هتطلع دلوقت
عادل .. ازي بتقولي كده
جنه .. لو سمحت يا استاذ عادل كفايه كلام في الموضوع ده عشان مكه وبتمسك مكه من ايديها وبتدخل للظابط ممكن بعد اذن حضرتك اتكلم مع طنط احلام قبل ما تعمل المحضر
الضابط .. طبعآ هسيبكم ١٠ دقايق
جنه .. ليه يا طنط تعملي كده انا عملتلك ايه انا اعتبرتك زي امي وانتي كنتي بتتقربي مني عشان تسمميني
احلام .. بسببك ابني الوحيد مات قبل ما اشبع منه انتي نحس علينا بسببك مكه اتحرمت من ابوها للابد عايزه تعملي ايه تاني اكتر من كده انتى تستاهلي القتل انا بكرهك عارفه يعني ايه بكرهك موتك هيريح ناس كتير انتي هتكوني نحس علي عائلتك كلها انتي فاكره الشخص اللي عايز يقتلك مش ممكن يقتل امك او اختك وده كله هيكون بسببك
جنه .. ياااااا ده انتي الانتقام عامي عيونك انا مش هرد عليكي بس هعمل حاجه واحده ومش علشانك علشان سامر الله يرحمه وبنته مكه اللي انا بجد مش عارفه هتربيها ازي بكمية الشر اللي جواكي
الضابط .. خلاص يا استاذه جنه نفتح المحضر
جنه .. لا يا حضرة الضابط انا نسيت انا كنت عامله العصير عشان اموت القطه اصلها كانت بتخرب في البيت و المنظر خوفني ولما هديت افتكرت
الضابط .. يبص لي جنه وهو فاهم انها مش بتقول الحقيقه يا عسكري خد الست دي بره عايز اتكلم مع الاستاذه علي انفراد
العسكري .. حاضر يا فندم اطلعي قدامي وبياخدها ويطلع
الضابط .. انا عارف يا انسه جنه انك بتعملي كده عشان تحميها بس اللي غلط لازم يتحاسب
جنه .. حضرتك ابنها مات وانا اللى كنت مقصوده وبنته ملهاش حد غيرها هي والحمد لله ان مفيش حاجه حصلت
الضابط .. برحتك القرار قرارك اتفضلي
جنه .. شكرا وبتطلع
ناديه .. عملتي ايه
جنه .. خلاص مفيش محضر ولا حاجه
ناديه .. ازي دي مجرمه وبتجري ناحية احلام
جنه .. لا يا ماما عشان خاطري مكه دي،امانة سامر
ناديه .. بتمسك اعصابها بالعافيه
الضابط .. طلع تقدري تمشي و الانسه رفضت تعمل محضر وياريت تكوني حاسه انتي كنتي هتعملي ايه واتقي الله
احلام .. بتبص في الارض وهي مش قادره ترفع عينيها بعد ما صرحت جنه بكل الكره اللي جواها وتفاجات ان جنه سامحتها يلا يا مكه
مكه .. لا يا تيته انا عايزه اقعد النهارده كمان مع جنه وبتجري علي جنه
احلام .. مش قادره ترفع عينيها زي ما تكون فاقت وعرفت ان كل اللي عملته غلط ومن غير ما تتكلم بتمشي وبتسيب مكه مع جنه
عادل .. استاذن انا
ناديه .. اسفين يا استاذ عادل تعبناك معانا
عادل .. مفيش تعب ولا حاجه دي جنه زي بنتي السلام عليكم
الكل .. وعليكم السلام ورحمة الله وبركاته
جاسم .. يلا انا هوصلكم وبياخدهم وبيوصلهم بالعربيه لحد البيت
ناديه .. بجد مش عارفه اعتذرلك ازي العزومه اتحولت لمشكله
جاسم .. المهم ان جنه بخير يلا تصبحوا علي خير
الكل .. وانت من اهله
عفاف .. همشي انا عشان البنات عندهم مدرسه الصبح
ناديه .. ماشي يا حبيبتي
مكه .. بتدخل الاوضه مع مكه ومريم عشان يناموا وبتاخد مكه في حضنها لحد ما بتنام وبعد كده بتطلع تروح علي اوضتها وبتفكر في كلام احلام والخوف بيدخل قلبها علي مريم وامها معقول يحصل لهم حاجه بسببي انا
جاسم .. تليفونه بيرن بيفتح الو
علاء .. السلام عليكم
جاسم .. وعليكم السلام ورحمه الله وبركاته
علاء .. معاك الضابط علاء
جاسم .. اهلا بحضرتك
علاء .. ممكن اقابلك عشر دقايق بس الموضوع بخصوص جنه
جاسم .. اكيد طبعا تحب اجيلك فين
علاء .. انت فين دلوقت
جاسم .. في شقتي
علاء .. خلاص هجيلك الشقه لو ينفع
جاسم .. طبعآ اتفضل انا في انتظارك
الباشا .. بيرن علي عتريس
عتريس .. الو يا باشا
الباشا .. عايزك تختفي الايام دي خالص
عتريس .. انا كنت عايز اخلصك من البنت دي زي ما خلصتك من عباس يا باشا
الباشا .. لا البنت دي موتها هيكون علي ايدي بس انت نفذ اللي قولتلك عليه
عتريس .. حاضر معاليك
علاء .. بيضرب الجرس
جاسم .. بيقوم يفتح اتفضل يا علاء بيه
علاء .. تسلم يا دكتور
جاسم .. اتفضل ارتاح تشرب ايه
علاء .. لا ما تتعبش نفسك انا عايزك في كلمتين وهمشي
جاسم .. قعد قصاده اتفضل انا سامعك
علاء .. حكي لي جاسم كل حاجه حصلت وكمان انهم كانو هيضربو شقة جنه بي الار بي جي
جاسم .. اتخض ووقف معقول توصل لكده
علاء .. واكتر من كده وعشان كده انا محتاجك تساعدني لانى عرفت من مصادري الخاصه انك بقيت صديق لي جنه وانا عايزك تكون معاها خطوه بخطوه واي حاجه تحصل تقولهالي عشان نعرف نحميها
جاسم .. اذا كان ده في مصلحتها انا موافق
علاء .. يبقى اتفقنا وان شاء الله سوا هنقدر نكشف الباشا زعيم المافيا
جاسم .. ان شاء الله وحضرتك اكيد انت كمان هدف ليه قاعد فين دلوقت
علاء .. كل يوم في حته لحد ما امسكه
جاسم .. خلاص كده كده انا عايش لوحدي خليك هنا الليله دي وانا بصراحه اللي حصل النهارده خلاني جوعت هقوم اعمل لقمه نتعشى سوا ايه رايك
علاء .. ماشي وانا هقوم معاك وبيدخلوا المطبخ وبيعملوا عشاء وبياكلوا سوا وجاسم بياكل عشان علاء
وبتعدي ايام ومفيش اي حركه من الباشا وبتخلص الاجازه وبترجع جنه الجريده وبيكون عندها شغل كتير وبتتاخر وبيرن عليها جاسم
جنه .. السلام عليكم
جاسم .. وعليكم السلام ورحمة الله وبركاته ايه فينك برن عليكي من بدري مش بتردي
جنه .. في الجريده مطحونه الكل مشي و مفيش غيري
جاسم .. خلاص انا خلصت شغل وهاجي اخدك
جنه .. ماشي هستناك
جاسم .. مسافة السكه سلام وبيقفل
جنه .. بتفضل شغاله وفاجئه الكهربه بتقطع ايه ده هو ده وقته وبتشغل كشاف التليفون
الباشا .. بيكون هو اللي قطع الكهربه وبيدخل يتسحب واول ما بيفتح الباب
جنه .. بتمسك التليفون وبتلاقي راجل لابس قناع داخل عليها بتصرخ وبتحاول تهرب منه لكن الباب اتقفل وبيقرب منها وبيخنقها بكل قوته وهي بتحاول تدافع عن نفسها بكل قوتها
إلي اللقاء في الحلقه الحاديه عشر
#عباد_الله_اذكره_الله
