رواية خفايا القلوب الفصل الثامن 8 الجزء الثاني بقلم نور محمد
وبعد ساعتين اتفتح باب الشقه وخرج معتز الاول منها وخلفه ظهر شخص تاني وهنا كانت الصدمه بجد
عمر بصدمه وزهول: ايه ده لا لا مستحيل دي ماما هي بتعمل ايه في المكان ده؟!!..
قاطعه صوت فونه اللي اهتز في جيبه فخرجه عمر بتوهان وفتح المكالمه وفجأه عنيه وسعت بصدمه وزهول كبير هو بيسمع صوت امه حياه في الفون وهي بتقول: الحقني ياعمر في مصيبه حصلت.. فديو اختك انتشر على مواقع التواصل الاجتماعي وطلع الترند.. واختك قافله على نفسها جوه الاوضه ومش بترد وانا مرعوبه عليا الحقني بسرعه
عمر اول ماسمع كلامها ساب المكان وجري بأقصي سرعته على البيت.. روايه خفايا القلوب الجزء الثاني بقلم الكاتبه نور محمد
وبعد دقائق وصل عمر وفتحت حياه له الباب **
حياه بقلق وخوف: عمر اختك جوه الاوضه ليا ساعه بخبط عليها مش بترد عليا.. خايفه تكون عملت حاجه في نفسها شوفها بسرعه
عمر سمعها وجرى على غرفه اخته برعب وخبط عليها وقال: ياسمين افتحي الباب ارجوكي انا اخوكي عمر.. ردي عليا ياقلبي ابوس ايدك
مرت دقيقه ومفيش رد فصرخت حياه برعب: اكسر الباب بسرعه ياعمر قلبي هيقف من الخوف على اختك اكسره بسرعه ياله
عمر بعد عن الباب وفضل يدفع فيه بكل قوته لغايه ماالباب اتكسر معاه وجرى هو وحياه جوه الغرفه وهنا كانت الصدمه
ياسمين واقعه جنب السرير ايدها بنتز*ف بشده فجرت عليها حياه وهي بصرخ برعب وصدمه
حياه بصدمه ورعب: يالهووي.. يالهووي اختك انتـ*ـحرت ياعمر تعال شيلها نلحقها بسرعه قبل ما د*مها يتصفى
عمر كانت الصدمه مأثره عليه في البدايه بس بسرعه فاق وجرى حمل اخته وطلع من البيت زي المجنون
وبعد ساعه في المستشفى **
حياه بدموع وخوف على بنتها: ليه عملتي كده يا ياسمين هان عليكي تحر*قي قلب امك كده دنا همو*ت لو جرى لك حاجه ياضنايا
عمر بخوف وشفقه: اهدي ياماما ابوس ايدك اكيد الدكتور هيلحقها...اختي مش هيجرى لها حاجه انا مستحيل اسمح بكده
حياه بحسره ودموع: منه لله اللي كان السبب في دمار بنتي.. هي زنبها ايه ليه بيحصل فيها كده بدون زنب ومين الكلب اللي نشر الفديو ده.. وليه دلوقتي باذات
عمر سمعها وهنا وسعت عنيه بصدمه وزهول وبعدها وقف بستعجال وهو بيقول: ماما انا لازم اروح اطمن على ايوب فورا الحركه دي اكيد اتعملت علشانه
حياه بصدمه:نعمم هتمشي وتسيبني هنا لوحدي واختك جوه العمليات بين الحياه والموت يابني وعلشان الكلب ده كمان
عمر بقلق وخوف: ياماما صدقيني ايوب مظلوم انا قلبي بيقولي كده وبعدين ياسمين انتي هنا موجوده معاها.. بس ايوب هناك لوحده وممكن حد يعمله حاجه هطمن عليه وهاجي عندك فورا والله
حياه بصتله بضيق وعدم رضي وعمر قرب وباس جبينها بحنان وقال: معلش متزعليش مني بس مقدرش اسيبه لوحده ده اخويا زيه زي ياسمين عندي المهم خلي بالك من نفسك وياسمين تمام
حياه غصب عنها ابتسمت له على طيبه قلبه الكبيره وعمر خرج من المستشفي بسرعه وقلق كبير على ايوب.. الروايه بقلم الكاتبه نور محمد
وعلى الناحيه الاخرى عند معتز **
معتز بخبث: وكده نص الخطه نجحت فاضل النص التاني وده الصعب طبعا علشان لو عمل كده ممكن اعرض حياتي انا للخطر بس لازم اعمل كده؟!
مرزوق بتعجب وعدم فهم: قصدك ايه يامعلم انا مش فاهم حاجه انت ناوي تعمل ايه دلوقتي يعني؟!
معتز بتخطيط: هعمل اللي لازم اعمله لان دي فرصتي الوحيده في اني اخلص منه بس ده كمان هيعرضني انا للخطر واكيد شريكي مش هيوافق على الخطوه دي.. بس دي احسن فرصه ليا
مرزوق بصله بغباء وعدم فهم وهنا معتز تهند بقوه وقال: اجمع الرجاله يامرزوق بسرعه عندنا مصلحه لازم نخلصها دلوقتي
مرزوق هز رأسه بطاعه وطلع ينفذ كلامه ومعتز قال بقلق وخوف: اللي هعمله ده ممكن يخليني اخسرها وتخلص عليا كمان بس انا مطر اعمل كده
وبعد وقت في شقه ملك **
كريم بتعب: كفايه بقى ياماما والله ماقادر اكل تاني بطني وجعتني خلاص انا بقيت الحمد لله احسن
ملك بعتاب وحزن: مش هسيبك قبل ماتخلص الاكل ده كله عقاب ليك على عملتك المهببه دي و كمان انا لسه زعلانه منك ومش مسامحاك
كريم قرب منها بدموع وندم: اسف.. والله ماهعمل كده تاني دي كانت لحظه ضعف مني قدام كلام احمد المستفز ليا..بس لو قالي ايه تاني مش هسمع كلامه والله المهم سامحيني
ملك حضنته بحنان وحتواء أم وقالت: طول ماانت شاطر وبتسمع كلام امك اللي بتحبك عمري ماهزعل منك ابدا
كريم ضمها بقوه ودموع وهو ندمان اوي على اللي عمله ده بس فجأه انتفضوا سوى على صوت كسر الباب.. بقلم نور محمد
ودخلوا خمس رجاله شكلهم ضخم ومخيف الغرفه عليهم وشدوا كريم من حضن امه وبدأو يضربوا فيه بعنف قدام ملك اللي كانت بتصرخ فيهم برعب وخوف كبير على ابنها
ملك بخوف ورعب: انتو بتعملوا ايه ابعدوا عن ابني.. هو عمل لكم ايه انا هبلغ الشرطه عنكم سبوه كفايه هيموت في ايديكم
كريم مكنش قادر يدافع عن نفسه لان عددهم كتير عليه وضخام اوي بالنسبة له وبعد ما لقوه فقد الوعي من شده الضرب اللي اخده منهم حملوه معاهم وطلعوا من الشقه وملك جرت خلفهم وهي بتحاول تاخد ابنها منهم بس بدون فايده
ملك بدموع ونهيار: لا سبوه واخدين ابني فين ابوس ايدكم لا كريم ياحبيبي انتو واخدينه فين؟!
كانت بتحاول تتشبث فيهم بكل قوتها بس واحد منهم دفعها بقوه فوقعت على الارض واغمي عليها
وفي نفس الوقت في القسم **
دخل عمر القسم بسرعه علشان يطمن على ايوب وبعد ماطلب يشوفه دخل له ايوب الغرفه وهنا عمر انصدم بشده وجرى عليه بقلق وخوف
عمر بقلق وخوف: ايوب انت كويس مين عمل فيك كده.. قولي مين الحيوان اللي ضربك بالعنف ده؟!
رد ايوب بألم وتعب شديد: ده الظابط والعساكر هنا اللي ضربوني كده علشان اعترف بالجريمه اللي شافوها في الفديو المنتشر ده طبعا.. بس انا رفض اعترف بأي شئ قدامهم
عمر بحزن وشفقه:لا حول والا قوه الا بالله انا مش عارف ليه كل ده بيحصل معانا.. دنا لسه سايب ياسمين في غرفه العمليات بعد ماحاولت تنتـ*ـحر بسبب الفديو ده برضو و
قاطعه ايوب بصدمه ولهفه: انت بتقول ايه ياسمين حاولت تنـ*ـتحر ازاي.. طيب هي بقت كويسه والا ايه طمني المهم عليها حالتها بقت ايه دلوقتي ياعمر؟!
عمر بحزن ودموع: والله لسه معرفش حالتها بقت ايه انا سبتها في المستشفي وهي لسه في غرفه العمليات بعد مالقتها جرحت ايدها وبتـ*ـنزف اوي في غرفتها
ايوب قرب منه بغضب وقلق: وانت ازاي تسبها هناك لوحدها وتاجي ليا انا هنا.. هي حالتها اهم مني انا مستحيل اقدر اعيش لو جرى لها حاجه ياعمر
عمر بدعم وشفقه: متقلقش ان شاء الله هتبقى بخير وماما قاعده معاها هناك هتاخد بالها منها.. بس المهم دلوقتي نلاقي حل للمشكله الكبيره دي بعد ماانتشر الفديو ده اكيد وموقفك بقى صعب اوي حاليا وحتي مش لاقي محامي يستلم الدفاع عنك بعد ماشافوا كلهم الفديو ده هنعمل ايه دلوقتي؟!
رد ايوب بتأكيد وحزن: عندك حق القضيه دلوقتي بقت اصعب وكل الادله بقت ضددي كمان..وانا لو وصلت للمحكمه هناك مستحيل حد هيصدق كلامي.. وهتسجن ظلم اكيد
عمر بحزن: طيب والعمل هنسكت كده ياايوب بعد اللي حصل ده مش هنلاقي حل والا ايه؟!!
ايوب بتفكير: مفيش غير حل واحد بس.. انا لازم اهرب قبل وصولي للمحكمه.. حاليا هروبي هيبقى في صالحي لغايه ما لاقي دليل قوي على معتز يقدر ينقذني من التهمه دي
عمر بموافقه: وانا معاك كمان دي فعلا الطريقه الوحيده وانا هساعدك في الهروب ده.. انت وقت ترحيلك من هنا للمحكمه انا هجيب رجاله تعمل مشكله مع بعض على نفس الطريق ده.. ولما العساكر ينزلوا يفضوا الخناقه دي انت تلاقي طريقه تهرب منهم قبل وصولك وانا هبقى قريب منكم علشان اهرب بيك من المكان.. ايه رأيك في الخطه دي
ايوب بموافقه وقناعه: دي خطه خطيره وانا موافق عليها ووثق فيك انك هتكون قدها وتساعدني انت أملي الوحيد دلوقتي ياعمر
عمر ابتسم له بثقه وحب ولسه هيرد عليه لقى فونه بيرن ففتح بسرعه وقلق
عمر بقلق وتوتر: الوو ايوه انتي كويسه في حاجه حصلت معاكي والا ايه؟!
ملك بنهيار ودموع: الحقني ياعمر بسرعه كريم اخدوه مني.. كريم في خطر كبير تعال عندي بسرعه
انتفض عمر من مكانه برعب وقال: حاضر اهدي وانا مسافه السكه بس وهكون عندك
قفل معاها فقال ايوب: مالك ياعمر فيه حاجه حصلت.. ياسمين كويسه؟!
عمر بتوتر وخوف: مفيش دي ملك حصلت معاها مشكله ولازم اروح اشوفها فورا معلش هرجع لك تاني
ايوب بتفهم: ماشي بس خلي بالك من نفسك
عمر بقلق وتوتر: حاضر حاضر عن ازنك
رحل عمر من المكان بسرعه وقلبه بيدق بعنف من شده خوفه وقلقه على كريم الروايه بقلم الكاتبه نور محمد
وبعد دقايق وصل عمر قدام شقه ملك **
رن الجرس ففتحت له ملك بدموع وحضنه بقوه وهي بتترعش بشده
ملك بدموع وخوف رهيب على ابنها: ضربوه لغايه مااغمى عليه قدامي وبعدها اخدوه مني ياعمر. حاولت اوقفهم مقدرتش كانوا كتير.. وانا مرعوبه على كريم ارجوك رجعه ليا قلبي هيقف من القلق عليه
عمر ضمها بحنان وحتواء علشان تهدى شويه: طيب اهدي وانا هرجعه لحضنك والله.. بس بلاش تعملي في نفسك كده علشان خاطري
ملك بدموع وشهقه: كريم روحي لو جرى له حاجه هموت بعده علطول ياعمر مقدرش اتخيل حياتي بدونه ابدا والله
عمر فضل يطبط عليها بكل حنان وشفقه ومره دقيقه بس ورن فونه برقم غريب ففتح عمر بتعجب وستغراب وفجأه سمع صوت كريم وهو بيصرخ
كريم بصراخ ووجع: عمر.. عمر الحقني دول ضربوني كتير اوي و عاوزين يموتوني ارجوك تعال خدني منهم و
سكت لما شخص تاني شد منه الفون وكمل: ابن مراتك بقى تحت ايدي لو عاوزه يرجع لامه حته وحده لازم تنفذ كلامي.. وتقـ*ـتل ايوب وانت بتهربه قبل وصوله للمحكمه
عمر سمعه وعينه وسعت بصدمه وزهول كبير وقال: اييه انت مين.. وعرفت ازاي اني ناوي اهرب ايوب قبل وصوله للمحكمه دنا لسه قايله الخطه دي من دقايق بس؟!
رد عليه الشخص الغريب وقال:*******
عمر سمعه وفجأه وقع منه الفون على الارض من شده الصدمه الكبيره اللي اصابته وووو
يتبع... بقلم نور محمد
#البارت_الثامن
#خفايا_القلوب2
