رواية عشق ابيض واسود الفصل التاسع عشر 19 الجزء الثالث بقلم عائشة الكيلاني

رواية عشق ابيض واسود الفصل التاسع عشر 19 الجزء الثالث بقلم عائشة الكيلاني

ليل بصت له باحتقار لف وشه ليها حطت شنطت الفلوس على الارض فتحت الشنطة طالعت رزمت الفلوس و رميتها في وشه قالت باحتقار:- يارب نكون خلصنا 

راضي نزل على الارض و بقا بيعد الفلوس الى رمتها و يتاكد انهم مش مزورين و قعد يعد الفلوس :- لا متقلقيش خلصنا بس اي الجمال دا 

قالها لم وقف و بقا قدامها ليل:- فين الواد 

راضي ببرود:- موجود ثانية واحدة 

راضي دخل و خرج و على ايديه طفل صغير ليل بصت لطفل راضي حطه بين ايديها:- خدي بالك منه دا ابن الغالية 

ليل بصت له من فوق لتحت باحتقار و سخرية :- لا و انتوا مفيش اغلي منكم انا ماشية حسك عينك تتصل بيا ولا تطلب مني فلوس بعد كدا و تنسا الواد دا خاالص مش عايزة اشوف وشك خاالص ساامع 

ليل لفت وشها و خرجت من الشقة نزلت من البيت ركبت تاكسي و روحت الشغالة فتحت الباب بصتلها باستغراب 

حياة:- هو انا سامعة صوت طفل ولا انا متهيالي 

عائشة :- ممم فعلا صوت عالي جدا 

نور شالت راسها من على ايديها:- هو احنا نمنا بجد و بعدين اي الصوت دا 

نور قامت لفت وشها وقفت مكانها بصدمة:- ابن مين دا ا اوعي يكون ابن يونس 

منة:- اهدي بقا 

ليل و هى بتبص لطفل بوجع:- ابن اخويا اخويا البيت وقع عليه هو و قسمت مراته و الى باقي منهم ابنهم الكلام دا حصل من اسابيع اخويا مات و ادفن و انا معرفش .... راضي اخو قسمت اتصل بيا علشان اخد الطفل . الطفل ملوش غيري 

منة اخدت الطفل من ليل الى ايديها كانت بتترعش :- انا بقيت عيلة يا طنط عيلتي راحت 

قالتها و هى بتضرب كف على كف كنت انهارت تماما بقت بتعيط بانهيار في حضن نور الى حضنتها لم حست بوجعها نفس الوجع مع اختلاف القصص و الاحداث ايوة نور من رغم السنين الا انها عمرها ما نسيت امها و ابوها منى الى ماتت قدام عينيها سمر اكن كان مكتوب عليها تشوف كل الى بتحبهم بيموتو قدام عينيها حياة بتمسح دموعها عائشة برضو بتفتكر اخوها الى اتقتل غدر كان احلي حاجة في حياتها شروق و نسمة و البنات نزلو على الصوت 

مليكة بتفرك في عينيها:- اي الصوت دا في اي.. اي دا هى ليل ولدت امتي هو يونس اتجوز تاني ولا انا بحلم ولا اي الى بيحصل 

رحمة:- رايحة انتي يا مليكة 

نسمة كانت بتبص على ليل و دموعها نزلت بوجع و قهرة و هى بتفتكر اهلها الى راحوا من الدنيا و سبوها شروق كمان بقت بتعيط و طبعا نيرة و نورهان بقو بيعيطو حتي مليكة اخدت فرصة و بقت بتعيط معاهم و منة كمان 

اما عند خديجة في صالة الكارتية خديجة كانت بدرب البنات من اطفال لكبار 

خديجة سقفت:- برافو يا شباب كفاية كدا و بكرا نكمل و محدش يتاخر عن المعاد 

الكل مشي خديجة بصت لملك:- تربيتي 

ملك بتاخد نفسها:- انا مش عارفه صدقته ازاى.. عمتي هو ممكن يعمل فيها حاجة 

خديجة بصتلها بهدوء فجأة مسكتها من شعرها:- لو قولتي عمتي تاني هزعلك 

ملك صرخت:- يا مجنونة يا بت المجانين ياااختيي 

خديجة ضربتها:- لمى نفسك يا قليلة الادب و بعدين هيعمل فيها اي اعقلي بلاش جنان اهلك دا 

ملك:- ما هما اهلك انتي كمان اومال لو مخوفتش على توأمي هخاف على مين الى زى يحيى دا ملوش عزيز ولا غالي 

خديجة بعدت ايديها عنها و قالت بتفكير:- تفتكري ممكن ياذيها. بس لا يا ديجة يحيى بيحب منى و اوى كفااية رغي و روحي ردى على التليفون ولا شوفي هتعملي اي 

ملك:- اكيد تيام انتي هتعملي اي دلوقتي 

خديجة:- مفيش هنزل اروح لصحابي بقلي كتير مشوفتهمش 

ملك راحت غيرت هدومها و مسكت الفون كان تيام كان الى بيتصل:- عيب عليكي هو 

خديجة:- طب هروح اغير و رجعلك 

ملك:- اوكي 

خديجة راحت تغير هدومها و ملك ردت على الفون:- الو 

تيام بحب:- وحشتيني اوي يا ملوكة 

ملك ابتسمت بفرح و حب لكن قالت باسلوب نور:- اسمع يا يالا انا عندي شغل و مش فاضيه ليك ولا لكلامك... متكنش بتخوني و بتتصل تامن نفسك 

تيام بعدا الفون عن ودنه لكن رجع حطه تاني:- ملك انتي زعلانه مني في حاجة 

ملك:- و انت تجر تزعلني اصلا 

تيام:- عايز اشوفك 

ملك:- و انا مش فاضية 

تيام بابتسامة:- ا انا تحت مستنيكى خدي وقتك 

ملك:- تحت فين 

تيام بابتسامة و حب:- تحت صالة التدريب بتاعت عمتك خمس دقائق لو منزلتيش هطلع انا 

ملك بابتسامة:- لا انت كدا اتجننت 

تيام:- طب انزلي يا بت العاقلين 

قفلت الفون  نزلت كان واقف و سندت على ازاز العربية و في ايديه بوكيا ورد باللون الاحمر 

تيام ادها البوكيا:- اي القمر دا 

ملك بابتسامة هادية:- مرسي دا من ذوقك 

تيام فتح باب العربية ملك ركبت و هى مسكة نفسها من الضحك تيام ركب مكانه و اتحرك طول بيتكلمو اما في بيت يحيى منى مسحت دموعها و راحت ليحيى فتحت الباب و دخلت قعدت جانبه :- انا مش عارفة اكرهك يا يحيى 

يحيى بعد وشه عن ايديه و بصلها منى كملت كلامها:- معرف عني ذاكرت سمكة لكن أنا لا عارفه انسا و دى اول مرة تحصل مش  عارفة انسا ظلمك ليا و حكمك القاسي لكن معرفتش اكرهك ولا انساك انا مسامحك من كل قلبي 

هزت راسها باطمان و هدوء ممزوجين بدموع يحيى حضنها و قبل راسها قال بحب و ندم:- حقك عليا يا مونى انا محقوقلك في كل حاجة تعمليها فيا بس بلاش تعقبيني ببعدك عني 

منى:- انت قولتلي انى غلطت حياتك انت الى مشيتني مش انا..... انت معطتش ليا فرصة انى ادفع عن نفسي او استوعب إلى حصل يحيى انا الى ادمرت و انا الى ممكن مبقش ام مش انت انت خطبت و هتتجوز 

يحيى بابتسامة مريرة و حب:- انا سبتها اول ما خرجت من المستشفى مقدرتش اكون مع حد غيرك 

منى ابتسمت بعدت عنه و بصتله:- قول والله 

يحيى ابتسم غصب عنه:- والله 

منى و اكنها فقدت الذاكرة:- هو انا كنت بعيط ليه دلوقتي 

يحيى بدهشة و مزح:- اصلا 

اما عند في بيت ياسين و نور 

كلهم في الجنينة منة شايلة الطفل و حياة بتسترجع ذكرياتهم 

نسمة:- استنوا كدا 

شروق:- ايوة بس برضو مقولتيش حضرتك ماما سابت الحنة و راحت فين 

نور:- بعمل مصيبة يا حبيبتي 

مليكة شنقت:- دا بجد متهزريش يا مامي 

نور:- احكي يا عائشة لانكي السبب 

عائشة:- يادى عائشة و سنينها شوفي يا ستي 

فلاش 

نور:- اي رايك 

منة بصدمة:- يخرب بيتك انتي هتنزلي كدا 

نور:- مش بنمثل و انا بمثل ااي 

منة:- واحدة متربتش و مشفتش رباية 

نور اخدت البورقع:- طب بالعواف انا... هروح لوحدي يعني بخاطر بنفسي و فرحتي علشانكم و محدش هيجي معايا ما يلا يا زفتة منك ليهم قبل ما حد يحس 

حياة:- يلا 

نور فتحت البلكونة و حطت السلم و بقت بتنزل بهدوء و بعدين منة و البنات حياة حدفت الجزمة و بعدين نزلت هى كمان طبعا نور كانت قفلة الباب بالمفتاح من جوا ركبت العربية و مشيو 

باك 

ليل:- دا بجد يعني حضرتك ركبتي الشحنة مع حرامي 

نور:- مثقف 

مليكة بتسال:- طب بابا لم عرف 

حياة:- محدش كان يعرف غير المرحوم زوجي الى ساعدنا في المهمة 

عائشة:- بجد دى مريضة انا كنت هموت بسببها 

منة:- انا قولتلك بلاش دا سبيها تجنن احسن اهو بعتت ليكي ناس ضربوكي و اجهضت بسببها 

نور:- و اخدنا حقها روحنا اتفاقنا مع حرامية روحنا مخزنة وسط حرامية منة هانم كانت هتتقفش انا لو كنت اتقفشت كان زمان مع امى دلوقتي و اهو ماشية 

حياة:- سرقنا الشحنة و سلمناها لشرطة يعني واحدة بتاعت مخدرات و كمان مريضة و قليلة ادب و ذوق 

رحمة:- و بعدين 

نور:- ولا حاجة خلصت مهمتي و دخلنا من الشباك لا من شاف ولا من دري 

فلاش 

نور واقفة في نص الطريق السواق نزل من العربية بصلها بغضب:- جر اي يا ست انتي واقفة في نص الطريق عايزة تموتي 

نور لفت وشها و شالت البرقوع من على وشها 

السوق رجع لوراء بذهول و اعجاب حطت ايديها في خصرها:- يا نادمة لمؤاخدة يا يا فندي بس اخويا سبني و انا واقفة مستنياه 

السواق:- طب القمر يأمر بحاجة 

نور:- ميامورش عليك ظالم يا فندي بس يعني لو ينفع سجارة 

السواق:- اه طبعا 

السواق فتح علبة السجاير و عطها بابتسامة:- اتفضلي 

نور:- احي*ة طب يا خويا متاخذنيش ينفع تولع السجارة ينوبك ثواب 

السواق:- اوى اوى 

السواق طالع الولعة و لسه هيطلع حد ضربه على دماغه وقع على الأرض نور قربت منه اخدت مفاتيح العربية 

و جريت على العربية و احد العصابة ركب جانبها اتحركت طبعا كانت لبسه فستان بكوم و محترم حطه منديل على راسها و ملاية سوداء على لفها على ايديها 

نور بحادة:- عينيك لا توحشك 

باك 

نور:- بتضحكو على اي 

ليل:- على الاسكندراني بتاع حضرتك بتتكلمي اسكندراني تحفة و جديد لانج 

نور مسك المج و سرحت شوية 

فلاش 

نور قبل يوم الحنة أو بمعنى تاني يوم حنتها هى و طبعا لانها نكدية و مش بتحب الحاجات دي ف رفضت تعمل حنة دخلت البيت الاضواء استغلت 

حياة و عائشة و منة زغرطوو 

نور اتصدمت قفلت النور و ولعته تاني قفلت الباب منة مسكت صينية الحنة و قعدو يلفو حواليها و يغنوا بفرح طبعا جنة و علا كانوا معاهم قعدو يغنوا و يزغرطو و لان سليم مكنش عايز اخته تبقا لوحدها أو تبقا أقل من اى بنت ف اتفق مع صحابها وجهزو كل حاجة الحنة و الحنة و الفرقة و اللبس الى ها تلبسه من رغم ان لبنى كويسة لكن كان حاسس انها مش فرحانة بيها ف اختار اكتر ناس بيحبو نور والى اكيد هيفرحولها كان اصحابها و امهاتهم و زميلهم الى في المصحة كان احلي يوم في حياتها صحيح سليم عطا المفتاح لبنات و اختفا لحد ما الحنة تخلص رقص و زغريط و طبل و اغاني لبنى في الوقت دا كان كل همها جميلة و لان مكنتش راضية عن نور ف كانت ولا اكنها موجودة ف سليم قرر يعمل ليها حنة في البيت لان فعلا شاف ان اكتر ناس يستاهلو ان يشاركو نور فرحتها اصحابها الى حقيقي شاف الفرحة في عيونهم 

باك 

بالليل في اوضة ياسين نور مسكة الالبوم الصور بتاع عيالها و بتتفرج عليه رفعت عينيها:- فزعتوني يخرب عقلكم.. مالكم 

نسمة:- ماما ممكن نتكلم معاكي شوية اذا سمحتي 

نور قفلت الالبوم حطيته على التربيزة بصتلهم:- اي اذا سمحت دا اقعدي منك ليها 

قعدوا هما التلاتة على الكنبة الى جانب الكرسي الى نور قعدة عليه 

شروق بتردد:- انتي ازاى كدا 

نور:- كدا الى هو ازاي 

ليل:- يعني كويسة معانا حنينة علينا عمرك ما حسستينا انكي حماتنا أو ظلتي عيالك علينا زى ما كل الحموات بتعمل ا انا لم اتخنقت مع يونس و لم قال الى في بطني مش ابنه كنت بفتكرك 

نور قطعت كلامها بهدوء:- انى هقف معاه و اكدبك و اصمم انه يطلاقك و انى اطين عشيتكم 

نسمة:- لأن دا سنة الحياة يا ماما الحماة حماة مهما كانت بتحب مرات ابنها مسيرها تتغير 

نور هزت راسها بهدوء بصتلهم بثبات و حنان في نفس الوقت:- اديكي قولتيها يا نسمة .. ماما و الكلمة دى غالية جدا انا صحيح حماتكم لكن انا في الاول و الاخير انا ام ام لازم تقوم بواجبها على أكمل وجه لان زى ما هتسال على بناتي هتسال عليكم صحيح برضو بحبكم لكن مستحيل اسمح لواحدة منكم تكون سبب في كسرت حد من ولادى ولا ها سمح ليكم تكونو اذي لنفسكم .... جاسمين انا كنت بحاول معاها بكل الطرق مع ان محبتهاش بالعكس كل يوم اكرها عن اليوم الى قبله بسبب افعالها احنا مش في حرب علشان نحدد مين يكسب ولا مين يخسر احنا اهل من اول ما انكتب كتابكم و انتوا من اهل البيت و العيلة و الى بتاذي حد أو الى بياذي صدقوني مش بياذي غير نفسه هياخد جزاه لو مش دلوقتي يبقا بعدين في الدنيا أو الاخرة انتوا مش مرتات عيالي انتوا بناتي عايزة تعرفي يا نسمة ليه اصريت ان اعملك حنة 

نور الدموع لمعت في عينيها قالت بابتسامة:- لانى كنت مكانك ممم من كتر ما انا كنت لوحدي نسيت كلمه فرح و يعني عروسة و فرح 

كملت بوجع و كدب:- لكن امى.. اقصد حماتي عملت معايا نفس الى عملته معاكم انا كدا بسبب حماتي حبتني من كل قلبها ولا مرة نمت زعلانه بسببها انا اتعلمت الحنية من حماتي ف قولت لو ربنا رزقني بولد هكبره و لم يتجوز هعمل مراته زى ما حماتي كانت بتعمل معايا 

بصت لى ليل بابتسامة:- اما انتي يا ليل ف انتي بتفكرني بانسانة عزيزة على قلبي حتي في جنانها عفويتها حزنها الفرق بس في الشكل و الاسم كان اسمها منى 

بصت لشروق :- اما انتي بقا يا دكتورة العيلة الى شدني ليكي طبيعتك و هدوك كل واحدة فيكم بتفكرني بنفسي و انا صغيرة كفاية رغي بقا و تعالوا شوفوا الثلاثي المرح و هما صغيرين كانوا مجنني و لحد دلوقتي والله 

قالتها بابتسامة اخدت الالبوم و فتحته و هما بيتفرجو بفرح كل واحدة منهم على اد حزنها على اد ما بتحمد ربها على نور و حنيتها و خوفها عليهم اكنهم بناتها نور يمكن شربت حنية على زوجة الابن من ابتهال لبنى من رغم انها بنت ابتهال بس عكس امها خالص نور مسكت صورة و هنا انفجرت في الضحك 

نور  حطت البوم ولادها و هما صغيرين على التربيزة:- لو شاطرين كل واحدة منكم تطلع جوزها من الصورة دى 

التلاتة بصو لبعض 

شروق:- هروح اصلي العشاء لانه إذن عن اذنكم 

ليل:- ادعينا يا حجة 

نسمة:- هو العشاء إذن لا كله الا الصلاة يلا بينا يا بنات عايزة حاجة يا مامتي 

نور:- اترزعي منك ليها عشاء اي الى هياذن و 

احنا الساعه ١٠ بالليل اقعدو 

نسمة بصت لصورة بتركيز:- سبحان الله مجنون من يومه و غلس غلاسة مشوفتهاش قبل كدا بس هو كان مسك الازازة لمين دا بينشل 

شروق:- ايوة بس هما ليه لابسين زى بعض نفس البس و نفس اللون و الواقفة انا مش عارفه الصراحة برافو عليكي يا نسمة نصحة الف مبروك 

كملت بتركيز:- احساسي بيقولي الهادي دا اسر يييه اقصد سامر بصو غلبان و هادي ملوش في حاجة صح ولا انا جوبت غلط 

ليل بعفوية:- مفيش غيره هو دا يونس متهور و عصبي و اهبل سوري يا مامي 

نور بصت ليها:- ياريت تتكلمي عدل بلاش مامي و الجو دا مرارتي مش مستحملة 

نسمة:- ايوة بس ازاى سامر اسمه الحقيقي اسر و هو معروف بسامر و مليكة و ملك نفس الكلام 

نور:- ياسين و انا قررنا نسمي سامر اسر بس علشان طبعا بيستفزوني معظم الوقت من و هما صغيرين ف بدل ما اشتم اسم عمي ف بقيت انا و ياسين بناديه بالاسم دا مرة في مرة العيلة بقت بتقوله يا سامر اسر دا في البطاقة و شهاده الميلاد و ملك و مليكة نفس الكلام 

برا رحمة قعدة في الصالة اول ما شافت اخواتها الولاد 

قامت:- الحقوو مامي بتفرج مراتاتكم على صوركم و انتوا صغيرين 

نوح جري على اوضة ابوهم و امهم و يونس و سامر وراه رحمة قعدت مكانها:- هى طبية جلبي دى اللى مشندلة حالي 

الولاد راحوا اوضة ابوهم و امهم لكن واقفو مكانهم مصدومين 

يونس بصرخ لدرجة انه وقع:- لا يا امى ابوس ايدك بلاش تعملي فيا كدا 

سامر اخد الصور من شروق 

شروق ضحكت:- انت كنت لابس ميوه عليه صورة باربي و لونه بينج كمان 

يونس و هو بيبص لنوح:- منك لله دائما فضحنا بدماغك 

ليل بصت ليونس:- و يا تري مين الى بتتصور معاك و متبتة فيك اختك تو معقول طنط عندها تسع بنات 

نسمة بصت لنوح كانت مسكة ورقة بتقرا فيها:- اننى اعشجك من كل جلبي و كمان بتكتب غلط يا نوح بتحب بنت الجيران 

نور:- لا ما طلعت روبرت فى الاخر 

شروق بتبص لسامر مسكة نفسها من الضحك:- بس شكلك حلو بلون دا الاستايل يجنن 

ليل:- الصورة دى لازم اوريها لابنى اومال 

سامر:- تعشي و تهزقي فينا يا ست الحبايب 

نور:- ابوكم فين 

سامر:- قعد مع خالي سليم شوية و جايين صح خالى هيتعشا معانا النهاردة 

نور قامت بسرعة و لهفة:- كلل دا و محدش يقولي يلا يا بنات ورايا على المطبخ 

نور خرجت راحت المطبخ مسكت الفون و اتصلت على خديجة 

خديجة في العربية بتغني و تزغرط :- نهار اسود انا اتاخرت.. اكيد نور... الو 

نور بغضب و انفعال:- والله انتي ما عندك دم كللل دا بتعملي اي من امتي بنتاخر كدا يا ديجة ولا هو علشان دلعت العيلة في هتسوقي فيها انتي فين 

خديجة خافت من صوتها:- ا انا في الطريق والله خمس دقائق و هكون في البيت بس داري عليا لحد ما ارجع 

نور:- قصدك ادويكي خمس دقائق لو ملقتكيش قدامي اقسم بالله يا خديجة لطين عيشتك انتى و الزفت التانية الى رجعت لزفت التاني هو محدش قادر عليكم ليه 

خديجة بعدت الفون عنها:- ياربي طب انتحر ولا استخبة اعمل اي 

خديجة حطت الفون على ودنها:- حاضر يا حبيبتي صدقيني انا في الطريق باي باي... انت اماني و عوضي من الايام ولا هنخلص ف دا يوم... الو يا ميسون 

خديجة وقفت العربية بجنون:- اااي بتقولي اي قسم اي طب اهدي و انا عشر دقائق و هكون عندك سلام 

خديجة نفخت بضيقه و اتجهت لقسم بعد شوية كانت وصلت القسم ؛- في اي يا جماعة 

ميس:- معرفش احنا كونا بنسوق فجأة مسكونا 

خديجة باختناق و ضيقة:- ااي الريحة دى نهاركم اسود انتوا شاربييين 

ميرا:- متكبريش الموضوع دا حاجة تفريح مش اكتر 

خديجة:- انتوا معرفة مهببة اعمل اي اتصرف ازاي.. مفيش غير سيف هو ولا بلاش جميلة هتعرف و هتفتن عليا 

العسكري بحادة:- يلا منك ليها 

 ميس بصت لخديجة:- يلا يا ديجة 

خديجة باستغراب و عدم فهم أو غباء:- يلا اي 

ميسون صاحبتها:- اانتي مش محامية اتفضلي دافعي عننا 

خديجة شاورت على نفسها:- انا محامية 

اصحابها:- اااه 

اصحابها دخلوا مكتب الظابط مع العسكري و خديجة وراهم 

خديجة:- مساء الخير معاك خديجة الشاذلي محامية و حضرة مع المتهمين الابرياء 

ادم لف بالكرسي:- عمتيي 

ميسون و ميس و ميرا ضحكو لكن وقفوا مكانهم لم خديجة برقت ليهم بصت لادم و قالت بعصبية:- جتك عما يا اخي اانت اي أعمى البصر مش شايف شكلي دا شكل عمة اانت 

ادم بحادة:- نرجع لموضوعنا الهوانم الى حضرتك هنا علشان تدفعي عنهم دول ممسكين متلبسين 

خديجة رمشت عينيها بصتله:- متلبسين 

ادم هز راسه خديجة بصت لصحابها:- هااا 

اصحابها بصو لبعض و ليها بخجل خديجة بصوت واطي لكن مسموع قالت بين سنانها:- معرفة مهببة زيكم فضحتونيي 

بصت لادم بابتسامة:- بقولك اي الى يسامح كريم و

ادم دب ايديه على المكتب:- العيد خلص و انا مش كريم 

خديجة:- والله هما غلابة و اهبل من الهبل انت مش واثق في كلامي يا ابنى انا شكلي دليل حتي بص معايا اسكرينات تدل على كلامي و انهم ناس محترمين جدا و ... هطلعهم صح 

ادم بابتسامة و برود:- لا يا عسكرري 

العسكري دخل 

ادم:- خدهم على الحبس الأربعة في الحبس 

خديجة:: حتي انا 

ادم:- انتي أولهم خدهم يا ابنى 

خديجة حررت نفسها منه:- ياخد مين يا عمي انت بتقول اي لااا انا لن أسمح بالمهزلة دى هو دا حق الشعب عليكم يا حكومة انا لازم اقبل النائب العام حالا لازم يشوف حل لمهزلة دى الى بيحصل ده تصرف ضد القانون و غير لائق تمام شاربين ياخدو بالجزم انا مالي الاه 

خديجة قربت منه:- ادني ودنك 

ادم نفخ بضيقه و غيظ منها:- افندم 

خديجة جانب ودنه بهمس:-انا اسفة و بعدين يا بيبي يرضيك عمة العيال تتحبس يا عم العيال تو هتقولهم اي سامحوني عمكك حبس معتكم تو عيب في حقنا احنا الاتنين ولا تحبسني و اجيبلك فستق و شوكولاتة و اوديك المزرعه و اروق عليك انا و اصحابي القمرات دول خد بالك واحدة بتلعب بوكس و واحدة بتنط امتار و واحدة بتشيل حديد و انا بلعب كارتية اي رايك 

قالتها لم بعدت عنه:- نتحبس و اعزمك في المزرعة ولا تخرجنا و تبقا عم العيال 

قالتها بغمزة:-  قولت اي 

ادم بصوت عالي:- ما تخدهم يا ابنى 

خديجة بصتله برجاء العسكري خدهم و حطهم كلهم في الحبس 

خديجة باستكشاف:- واو المكان زبالة خالص 

بصت لاصحابها بعصبية:- اتفسحتوو خرجتو شربتوو شربتوو و اتجننتو 

ميرا:- حاسه اني عايزة استفرغ انا دماغي بتاكلني ليه انا دماغي بتلف تلف تلف حاسه اني بزف بزف بزف 

ميس بتشرب سجارة 

ميسون بتحك راسها خديجة ضربت كف على كف و على وشك العياط لا عيطت 

خديجة قعدت و بقت بتعيط:- انا عايزة اروح منكم لله انتوا بتعملوا فيا كدا ليه حرام عليكم 

بس يا بنتي متعملش في نفسك كدا حرام عليكي ياما في الحبس مظليم 

خديجة:- ا انا شتمت و اتخنقت مع الظابط بسببهم ف حبسني انا والله اهبل من انى اقتل نملة 

الست عطيتها منديل:- خدي امسحي دموعك و اجمدي كدا و احكيلي عملتي اي 

خديجة:- كل ما اشوفو اخوفو بالفستق و و المزرعة كنت بتفرج على ورد و شوكولاتة ف عجبتني قولت أما اجرب اعملها في ادم 

قصدك الظابط ادم يا قلبك قدرتي تهدديه يا جبروتك يا شيخة 

خديجة:- ما هو حبسنيي من غير ما اعمل حاجة 

اما في بيت ياسين و نور كان سليم و ياسين جم نور كانت بتحاول تتصل بخديجة لكن مكنتش بترد لان اخدو منها الموبايل 

ياسين:- يعني اي قالت انها جاية 

نور :- معرفش و بعدين لاخر مرة اقولك بلاش تتكلم معايا بالطريقة دى انا ذنبي اي

ياسين بحادة و زعيق:- انكى مهملة ايوة كل الى حصل و بيحصل بسبب اهمالك و استهتارك اختي لو جرلها حاجة هيبقا اخر يوم بينا 

نور اتجمدت مكانها بصدمة لدرجة دى سهل عليه يسيبها 

قالت بوجع:- تمام 

دخلت اوضتهم قفلت الباب و قعدت على السرير سندت ايديها عليه بحزن لكن قررت انها مش هتجي على نفسها تاني 

اما في الجنينة 

سامر قام:- قولت اي قسم اي طب يا آدم انا جاي حالا مع السلامة 

مليكة:- عملت اي 

سامر:- انا لازم امشي دلوقتي 

سليم:- لقيتها 

سامر:- ايوة هى كويسة اطمنوا يا جماعة 

نسمة:- طب انت رايح فين 

سامر:- القسم 

ياسين بحادة:- مكانك انا الى هجيبها يلا يا سليم 

سليم اخد مفاتيح العربية:- يلا 

سليم و ياسين خرجوا من الفيلا ركبوا العربية و اتحركو بعد وقت طويل اخيرا وصلوا الفيلا في اوضة خديجة 

خديجة وقعت على الارض بسبب قوة القلم الى خدته من ياسين حطت ايديها على خدها بصدمة وووو

يتبع 

عشق ابيض واسود 🤍 🖤 

عائشة الكيلاني

رايكم في موقف ياسين من نور و خديجة صح ولا لا و ياسين ليه حق يزعل من نور ولا غلط رايكم في كلام نور و الحلقه و اصحاب نور

    الفصل العشرون الجزء الثالث من هنا 

لمتابعة باقي الرواية زوروا قناتنا على التليجرام من هنا   

تعديل المقال